Month: १ हप्ता अगाडि

घरेलु मैदानमा समर्थकको उत्साहजनक साथ पाएको गाइघाट एफसीले पहिलो हाफमा लिएको अग्रता जोगाउन नसक्दा प्रथम त्रियुगा अन्तर्राष्ट्रिय आमन्त्रण गोल्डकपबाट बाहिरिएको छ । आजदेखि उदयपुरको थरुहट रंगशालामा सुरु भएको प्रतियोगिताको उद्घाटन खेलमा सहलेस एफसीले गाइघाट एफसीलाई २–१ गोल अन्तरले पराजित गर्दै विजयी सुरुवात गरेको हो । प्रतिस्पर्धात्मक खेलको पहिलो हाफको इन्जुरी समयमा गाइघाट एफसीका जर्सी नम्बर ९ का खेलाडी अर्जुन रानामगरले गोल गर्दै घरेलु टोलीलाई १–० को अग्रता दिलाएका थिए । पेनाल्टी क्षेत्रभित्र प्राप्त पासलाई सदुपयोग गर्दै रानाले गोल गरेका थिए । पहिलो हाफमा अग्रता बनाएको गाइघाटले दोस्रो हाफमा भने त्यसलाई कायम राख्न सकेन । खेलको ७१औँ मिनेटमा सहलेस एफसीका जर्सी नम्बर १७ का विज्ञान खड्काले हेडरमार्फत गोल गर्दै खेललाई १–१ को बराबरीमा पुर्‍याए । बराबरी गोल गरेको केही समयपछि नै सहलेसका जर्सी नम्बर १३...

बिरशबाबु शाही / पूर्णपुष्टि १४ कात्तिक २०८३, उदयपुर । गाइघाट फुटबल क्लबको आयोजनामा प्रथम त्रियुगा अन्तर्राष्ट्रिय आमन्त्रण गोल्डकप फुटबल प्रतियोगिता उदयपुरको थारुहट रंगशालामा सञ्चालन हुने भएको छ। प्रतियोगिता कात्तिक १४ देखि २१ गतेसम्म सञ्चालन हुनेछ। प्रतियोगिताको ट्रफी आज गाइघाटस्थित मुख्य चोकमा सार्वजनिक गरिएको छ। त्रियुगा नगरपालिकाका नगरप्रमुख वसन्तकुमार बस्नेत र उपप्रमुख महेश्वरी राईले संयुक्त रूपमा ट्रफी सार्वजनिक गरेका हुन्। सो अवसरमा नगरप्रमुख बस्नेत र उपप्रमुख राईले खेलकुदमा युवाको सहभागिता बढाउँदै स्वस्थ र अनुशासित समाज निर्माण गर्न स्थानीय सरकारले खेलकुद क्षेत्रमा लगानी गरिरहेको बताए। गाइघाट फुटबल क्लबका अध्यक्ष रञ्जन कार्कीका अनुसार प्रतियोगिताको विजेता टोलीले नगद ५ लाख रुपैयाँ र उपविजेता टोलीले ३ लाख रुपैयाँ पुरस्कार प्राप्त गर्नेछन्। गाइघाटको पहिचान झल्काउने स्मारक ...

असोज १३,२०८३ । गाइघाट मुक्तिनाथ पीठाधीश्वर स्वामी कमलनयनाचार्यको सत्सङ्कल्पमा आयोजित राष्ट्रव्यापी मेची–महाकाली गजेन्द्रमोक्ष नारायण मुक्तिनाथ रथयात्रा आज उदयपुरको सदरमुकाम गाईघाट आइपुगेको छ । नवलपरासीस्थित श्री गजेन्द्रमोक्ष दिव्यधाममा आगामी मंसिर १ गतेदेखि आयोजना हुने विराट महायज्ञ २०८३ को सन्देश प्रवाह गर्ने उद्देश्यले रथयात्रा सञ्चालन गरिएको आयोजकले जनाएको छ । आगामी मंसिर २९ गतेसम्म सञ्चालन हुने विराट महायज्ञमा २५ फिट अग्लो सिद्धिस्तम्भ (मौलो) स्थापना, अष्टाचल तथा धर्मानुरागीहरूबाट श्रीराम मन्त्रद्वारा अभिमन्त्रित चामल सङ्कलन गरी हवन गरिने कार्यक्रम रहेको छ । त्यसैगरी चार वेद, १८ पुराणलगायत वैदिक शास्त्रहरूको पारायण, हवन, कथाप्रवचन, गौपूजन, दैनिक १०८ कन्यापूजन, बटुकपूजन तथा पाँच करोड दीप प्रज्वलनसहित वैदिक सनातन धर्म महासम्मेलन आयोजना गरिने आयोजकले जानकारी दिएको छ । रथया...

पूर्णपुष्टि, गाईघाट÷कार्तिक २ गते । गाईघाट बजारमा हिरोले आफ्नै सोरुम ल्याएको छ । चाँडपर्व लक्षित गर्दै बाराहा अटो मोवाईल्सले गाईघाटमा घटस्थापनाको दिन हिरोको सोरुम स्थापना गरेको हो । हिरो कम्पनीको आकर्षक मोटरसाईकल र स्कुटरहरुको अफर सहित सोरुम स्थापना गरिएको छ । ग्राहकहरुलाई आकार्षक पार्ने नयाँ फिचर सहितको मोटरसाईकलले सोरुम सजिएको छ । हिरोको सोरुम गाईघाटमै स्थापना भएपछि उक्त कम्पनीको मोटरसाईकल प्रयोग गर्नेे ग्राहकहरु खुसी भएका छन् । सोरुम स्थापना सँगै यसको पाटपुर्जा र मर्मतका लागि बाहिर बाट सामान ल्याउनु पर्ने र बाहिर मर्मत गर्न लैजानु पर्ने झन्जट हटेको छ । विगतमा यसको मर्मत र पाटपुर्जाको लागि लाहान, इटरी, धरान जस्ता शहरहरु धाउनु पर्ने बाध्यता थियो । सोरुमले हरेक मोटरसाईकल तथा स्कुटरको खरिदमा स्क््रयाच कुपन मार्फत ६ हजार देखी २ लाख सम्म क्यास जित्ने मौका साथै गुणस्तरीय हेलमेट फ्रिमा प्रदान ...

एसियाली देशका सञ्चारमाध्यमबीच सम्बन्ध विस्तार र सहकार्यमा जोड असोज ३०, २०८३ । इन्चोन, दक्षिण कोरिया दक्षिण कोरियाको इन्चोन सहरमा एसियाली देशका सञ्चारमाध्यमबीच सम्बन्ध विस्तार, सहकार्य प्रवर्द्धन तथा ज्ञान र अनुभव आदानप्रदान गर्ने उद्देश्यले ‘इन्चोन अन्तर्राष्ट्रिय मिडिया सम्मेलन २०२६’ सम्पन्न भएको छ । इन्चोन ग्लोबल क्याम्पस फाउन्डेसन र मिडिया क्योङ्गिनको आयोजनामा बुधबारदेखि सुरु भएको सम्मेलन तीन दिनसम्म सञ्चालन भएको हो । सम्मेलनमा विभिन्न देशका सञ्चारमाध्यमका प्रतिनिधि, पत्रकार तथा सञ्चार क्षेत्रका सरोकारवाला सहभागी भए । बदलिँदो प्रविधि, तीव्र गतिमा विकसित भइरहेको सञ्चार क्षेत्र र विश्वव्यापी चुनौतीका बीच एसियाली सञ्चारमाध्यमबीच सहकार्यको आवश्यकता बढ्दै गएको सन्दर्भमा सम्मेलन आयोजना गरिएको हो । आयोजकका अनुसार सम्मेलनले साझा अनुभव, अभ्यास र सम्भावनालाई एउटै मञ्चमा ल्याउँदै क्षेत्र...

पूर्णपुष्टि, बेलका असोज २८ । उदयपुर स्थित बेलका नगरपालिकामा जंगली हात्ति मरेको अवस्थामा फेला परेको छ । नगरपालिकाको वडा नं १ धान खेतमा मंगलबार जंगली हात्ति मरेको अवस्थामा फेला परेको डिभिजन वन कार्यालय उदयपुरका प्रमुख गजेन्द्र श्रेष्ठले जानकारी गराउनुभयो । ‘सानो दारे’ नामको हात्ती कोशीटप्पु वन्यजन्तु आरक्षबाट करिब एक किलोमिटर टाढा मृत भेटिएको श्रेष्ठको भनाई छ । श्रेष्ठका अनुसार करिब २०–२५ वर्षे जंगली भाले हात्ती मंगलबार मृत अवस्थामा फेला परेको हो । प्रारम्भिक अनुमानमा हात्तीको मृत्यु प्राकृतिक कारणले भएको हुनसक्ने देखिएको छ, र कोशीटप्पु वन्यजन्तु आरक्षले आज पोस्टमार्टम गर्नेछ ।...

पूर्णपुष्टि, गाईघाट/२७ गते । गाईघाटमा मंगलबार साँझ करेन्ट लागेर एक पुरुषको मृत्यु भएको छ । जिल्ला प्रहरी कार्यालय उदयपुरका अनुसार त्रियुगा नगरपालिका वडा नं ११ ज्योति टोल पुरानो ११ नं वडा कार्यालय स्थित ६५ बर्षिय बद्री नारायण चौधरीको करेनट लागेर मृत्यु भएको हो । पुजा गर्ने क्रममा लाईन जोड्दै गर्दा एक्कासी करेन्ट लागेर घाईते भएको चौधरीको अस्पताल पुराएपछि डाक्टरले मृत्यु घोषणा गरेको हो । चौधरीको शव जिल्ला अस्पताल उदयपुरमा राखिएको छ । प्रहरीले घटनाबारे थप अनुसन्धान गरिरहेको छ भने मुचुल्का उठाने काम गरिरहेको छ ।...

बिरशबाबु शाही /पूर्णपुष्टि २१ असोज, २०८३ । उदयपुर गाईघाट । त्रियुगा नगरपालिकालाई बालमैत्री नगर घोषणा गर्ने तयारीस्वरूप सञ्चालन गरिएको दुईदिने क्षमता विकास तथा कार्यशाला गोष्ठी बुधबार सम्पन्न भएको छ । त्रियुगा नगरपालिकाको सभा हलमा आयोजित कार्यशालामा नगरपालिकाका १६ वटै वडाका वडा सचिव, बालमैत्री फोकल पर्सन तथा बालमैत्री अभियानकर्ताहरूको सहभागिता रहेको थियो । कार्यशालाको सहजीकरण सामाजिक विकास शाखा प्रमुख राजकुमार खड्काले गरेका थिए भने राम बस्नेतले प्रशिक्षण दिएका थिए । कार्यशालामा बालमैत्री स्थानीय शासनका न्यूनतम सेवा प्रवाह तथा संस्थागत सूचक पूरा गर्न आवश्यक प्रक्रिया, जिम्मेवारी र कार्ययोजनाबारे छलफल गरिएको बालमैत्री फोकल पर्सन भीमा राईले बताइन् । प्रशिक्षक बस्नेतका अनुसार त्रियुगा नगरपालिकालाई बालमैत्री नगर घोषणा गर्न न्यूनतम सेवा प्रवाहतर्फ ३६ र संस्थागततर्फ १५ गरी कुल ५१ वटा सूचक प...