Author: पूर्णपुष्टि

पूर्णपुष्टि, पुष १२ । त्रियुगा नगरपालिका वडा नं. १० बोक्सेको आयोजना र वडा युवा समूहको सहयोगमा शुक्रबार एक वृहत सरसफाई अभियान सम्पन्न भएको छ । त्रियुगा नगरपालिकाको प्याराग्लाइडिङ स्थल रातेमाटे डाँडादेखि सेल्फी डाँडा, गणेश मन्दिर हुँदै वरुवाखोलासम्मको क्षेत्रमा सरसफाई गरिएको हो । वडा अध्यक्ष किरण पाण्डेका अनुसार सार्वजनिक वन जंगलमा फालिएको विभिन्न किसिमका फोहोरहरू सफा गर्दै अबको आउने दिनमा प्रत्येक गाउँ, टोल, बस्ती र व्यक्ति–व्यक्तिमा सरसफाई अभियान लैजाने उद्देश्यका साथ अभियान सञ्चालन गरिएको हो । उनले यस सरसफाई अभियानले स्थानीय पर्यटकीय क्षेत्रको सौन्दर्यकरण बढ्नुका साथै वातावरण संरक्षणप्रति स्थानीय जनताको चेतना अभिवृद्धि हुने बताए । साथै यस्ता सामूहिक प्रयासले समुदायमा सरसफाईप्रति जागरूकता बढाउन मद्दत पुग्ने उनले बताए । सरसफाईको क्रममा संकलन गरिएका विभिन्न किसिमका फोहोरहरु जलाएर नष्ट ...

पूर्णपुष्टि, पुष ११ । उदयपुरको त्रियुगा नगरपालिका वडा नम्बर ११ स्थित पिपल चोकमा १३२ औं माओ जयन्ति मनाईएको छ । बिहिबार माओवादी मजदुर पार्टी र नेपाल कम्युनिष्ट पार्टी १५ सेप्टेम्बर (१५४९) को संयुक्त आयोजनामा १३२ औं माओ जयन्ति मनाईएको हो । कार्यक्रममा माओवादी मजदुर पार्टीका महासचिव हिमाल सिंह राई मुख्य वक्ताका रूपमा उपस्थित थिए । त्यसैगरी केन्द्रीय ब्युरो सदस्यहरू जगत थापा र मेघ दनुवार पनि कार्यक्रममा सहभागी भएका थिए । कार्यक्रममा बोल्दै महासचिव राईले माओले संसारका अर्ध उपनिवेशिक देशहरूका लागि प्रतिपादन गरेको नयाँ जनवादी क्रान्तिको सिद्धान्त नेपालको सन्दर्भमा अझै सान्दर्भिक रहेको बताए । उनले नेपालको अर्ध उत्पादन व्यवस्थाका लागि नयाँ जनवादी क्रान्ति नै उपयुक्त रहेको र आजको चीन माओको योगदानको उदाहरण भएको बताए ।...

पूर्णपुष्टि, पुष ११ । त्रियुगा नगरपालिकामा तेस्रो अन्तर माध्यमिक विद्यालय मेयर रनिङ शिल्ड तथा राष्ट्रपति रनिङ शिल्ड छनौट प्रतियोगिता आज देखि सुरु भएको छ । त्रियुगा नगरपालिका वडा नम्बर ५ देउरीस्थित जनता माध्यमिक विद्यालयको खेलकुद मैदानमा आयोजित प्रतियोगिताको पहिलो दिन तीन विधाका खेलहरू सम्पन्न भएका छन् । पहिलो दिन १५ किलोमिटर दौड, कबड्डी र भलिबल खेल सञ्चालन गरिएको थियो। पुरुषतर्फको १५ किलोमिटर दौडमा जनता माध्यमिक विद्यालय श्रीपुरका सोनम परियार प्रथम भएका छन् । जनता माध्यमिक विद्यालय दमौटीका अगम बहादुर वानिया दोस्रो र जनज्योति माध्यमिक विद्यालय चुहाडका बसन्त दनुवार तेस्रो भएका छन् । महिलातर्फको १५ किलोमिटर दौडमा प्याराडाइज अंग्रेजी बोर्डिङका चिना राईले प्रथम स्थान हासिल गरेकी छन् । बालमन्दिर माध्यमिक विद्यालयकी पवित्रा कटुवाल दोस्रो र त्रियुगा माध्यमिक विद्यालयकी यमुना परियार तेस्रो भएकी ...

पूर्णपुष्टि, पुष ११ । एक वर्षदेखि युक्रेनमा युद्धबन्दी बनाइएका सात नेपालीले सिधै स्वदेश फर्कन अस्वीकार गरेका छन् । परराष्ट्र मन्त्रालयका अनुसार उनीहरूले युक्रेनी अधिकारीसँगको बयानमा पहिले रुस गएर मात्र नेपाल फर्कने इच्छा व्यक्त गरेका हुन् । परराष्ट्र मन्त्रालयका एक अधिकारीका अनुसार युद्धबन्दी नेपालीहरूले सिधै स्वदेश फर्किए रुसी सरकारले दिनुपर्ने सेवा र सुविधाबाट वञ्चित हुने भएकाले रुस हुँदै फर्कन चाहेको बताएका छन् । रुसी सरकारले एक वर्षको सेवा अवधिपछि स्थायी आवासीय अनुमति र राहदानीका लागि आवेदन दिन पाइने सुविधा दिने गरेको छ । हाल युक्रेनी सेनाको नियन्त्रणमा रहेका नेपालीहरूमा बर्दियाका विवेक खत्री, काभ्रेका सिद्धार्थ ढकाल, मोरङका विकास राई, रोल्पाका प्रतीक पुन, मकवानपुरका ईश्वर लामिछाने, चितवनका सुजन सुवेदी र गोरखाका मदन कुमाल छन् । यी सबैलाई युक्रेनको राजधानी किभमा राखिएको छ र युक्रे...

पूर्णपुष्टि, पुष ११ । उदयपुरको त्रियुगा नगरपालिकामा तेस्रो त्रियुगा अन्तर माध्यामिक विद्यालय मेयर रनिङ शिल्ड तथा राष्ट्रपति रनिङ शिल्ड छनौट प्रतियोगिता आज बुधबार देखि सुरु हुने भएको छ । नगर खेलकुद विकास समितको आयोजना तथा नगर शिक्षा शाखाको समन्वय, त्रियुगा नगरपालिकाको आर्थिक सहयोगमा वडा नं. ५ देउरीस्थित जनता मा.वि. को खेलकुद ग्राउण्डमा प्रतियोगिता सुरु हुन लागेको हो । ‘स्वास्थ्यको लागी खेलकुद, राष्ट्रको लागी खेलकुद’ भन्ने मुल नारका साथ संचालन गरिएको यस प्रतियोगितमा ५ विधाका खेलहरु समावेश गरिएको छ, जसमा भलिबल (महिला–पूरुष), कबड्डी (महिला–पूरुष), एथलेटिक्स, तेक्वान्दो र कराते रहेको छ । नगरपालिका भित्रका सामुदायिक र संस्थागत गरी ४२ विद्यालयको सहभागीता रहने रनिङ शिल्ड पुष १४ गतेसम्म संचालन हुनेछ ।...

पूर्णपुष्टि, पुष ११ । कोशी प्रदेश सरकारले उदयपुरको कटारी नगरपालिकामा दुई वटा पक्की पुल निर्माण गर्ने भएको छ । प्रदेश सरकारको भौतिक पूर्वाधार मन्त्रालयको लगानीमा मरुवा खोलामा ११ करोड र तावाखोलामा १७ करोड लागतमा पुल निर्माण हुन लागेको हो । पहिलो पुल कटारी वडा नम्बर ४ को जहडी र तित्रिबोट जोड्ने मरुवाखोलामा निर्माण हुनेछ । दोस्रो पुल कटारी वडा नम्बर ५ को तीनतले र वडा नम्बर ६ को चुहाड जोड्ने तावा खोलामा बन्नेछ । यी दुवै पुलहरू नगरपालिकाको सबैभन्दा पुरानो सडक मार्गमा पर्दछन् । प्रदेश सरकारका पूर्व उद्योग कृषि तथा सहकारी मन्त्री रामकुमार खत्रीका अनुसार लागत स्टिमेट तयार भई वातावरणीय अध्ययन प्रतिवेदनको काम भइरहेको छ । उहाँले यस क्षेत्रको सबैभन्दा समस्याग्रस्त क्षेत्रमा पुल निर्माणको काम थालिएको जानकारी दिनुभयो । कटारी वडा नम्बर ४ का वडाध्यक्ष भूपेन्द्रसिंह तामाङका अनुसार वर्षायाममा विद्यार्थ...

पूर्णपुष्टि, पुष १० । प्रथम वडा अध्यक्ष कप अन्तर विद्यालय स्तरिय फुटबल प्रतियोगिताको उपाधि प्याराडाईज बोर्डिङले जितेको छ । बिहिबार त्रियुगा नगरपालिका १३ स्थित थरुहट रंगशालामा भएको फाईनल खेलमा श्री बाल मन्दिर माध्यामिक विद्यालयलाई ० को विरुद्ध १ गोल गर्दै प्याराडाईज बोर्डिङले उपाधि हात पारेको हो । प्याराडाईजको लागी जर्सि नं. ७ का अभिषेक अधिकारीले गोल गरे । उनले खेलको अतिरिक्त थप २ औं मिनेटको समयमा गोल गर्दै प्याराडाईजलाई उपाधि बिजेता बनाए । उपाधि विजेता प्याराडाईजले नगद रु. ५० हजार सहित ट्रफी, मेडल, प्रमाण पत्र प्राप्त गरे भने उपविजेता बालमन्दिरले नगद रु. २५ हजार सहित ट्रफी, मेडल, प्रमाण पत्र प्राप्त गरेका छन् । यस खेलको म्यान अफ द म्याच बालमन्दिरका जर्सी नं. १ का गोल किपर न्युसन सोनम बने । त्यस्तै बेस्ट कोच प्याराडाईका सोइसन राई, बेस्ट मिडफिल्डर प्याराडाईजका जर्सी नं. ११ का दिपेश श्र...

पूर्णपुष्टि, पुष १० । उदयपुरको पहाडी क्षेत्रमा खानेपानीको गम्भीर समस्या देखिएको छ । जिल्लाको ताप्ली, लिम्चुङबुङ्ग र रौतामाई गाउँपालिकाको पहाडी क्षेत्रका बासिन्दाले पर्याप्त पिउने पानी पाउन सकेका छैनन् । अनौपचारिक सेवा केन्द्र (इन्सेक) को तथ्याङ्क अनुसार स्थानिय खोलानाला, कुवा पँधेराहरुबाट खानेपानी उपभोग गर्दै आएका नागरिकहरुले २०७२ सालको भुकम्पपछि पानीका मुहान सुक्न थालेपछि खानेपानीको समस्या यो बर्षको अन्त्य सम्म झनै जटिल बनेको छ । राष्ट्रिय जनगणना २०७८ अनुसार खानेपानीकै कारण उदयपुरमा १३.९ प्रतिशत बसाइँसराइ भएको छ । स्थानीयले बिहान ५ बजेदेखि नै पानीको जोहो गर्न डेढ घण्टा टाढाको कुवामा जानुपर्ने बाध्यता छ । दैनिक तीन घण्टा खानेपानी संकलनमै बिताउनुपर्ने अवस्थाले विद्यार्थीहरूको पढाइमा समेत असर परेको छ । उर्भर भुमी पानी अभावले मरुभुमिमा परिणत हुन थालेको इन्सेकको तथ्याङ्ले देखाएको छ । ...

पूर्णपुष्टि, पुष १० । उदयपुरको पहाडी क्षेत्रमा शैक्षिक संकट बढ्दै गएको छ । जिल्लामा ३३३ आधारभूत र ११५ माध्यमिक विद्यालय रहेका छन्, जसमध्ये ९ वटा मात्र अपाङ्गतामैत्री विद्यालय छन् । यस वर्ष ताप्ली गाउँपालिका र त्रियुगा नगरपालिकाले स्थानीय पाठ्यक्रम लागू गरेका छन् । स्थानीय पाठ्यक्रममा धार्मिकस्थल, कला, संस्कृति, कृषिलगायत आठ विषयवस्तु समावेश छन् । अनौपचारिक क्षेत्र सेवा केन्द्र (इन्सेक) को तथ्याङ्कका अनुसार जिल्लाका पहाडी क्षेत्रका विद्यालयहरूमा स्वच्छ खानेपानी, बालमैत्री शौचालय, विज्ञान प्रयोगशाला र पुस्तकालय जस्ता आधारभूत सुविधाको अभाव देखिएको छ । विद्यार्थीहरू १–२ घण्टा हिँडेर विद्यालय पुग्नुपर्ने बाध्यता छ । यसका कारण विद्यार्थी बीचैमा पढाई छाड्ने समस्या गम्भीर बन्दै गएको छ । रौतामाई, ताप्ली, लिम्चुङबुङ्ग, उदयपुरगढी गाउँपालिका र कटारी, बेलका तथा चौदण्डीगढी नगरपालिकाका पहाडी क्षेत्...

पूर्णपुष्टि, पुष १० । उदयपुर जिल्ला अस्पतालमा दक्ष जनशक्ति र स्रोतसाधनको अभावका कारण ४ बेडको आईसियु र २ बेडको भेन्टिलेटर प्रयोगविहीन अवस्थामा छन् । यसले गर्दा गम्भीर बिरामीहरू धरान र विराटनगर जान बाध्य छन् । अनौपचारिक क्षेत्र सेवा केन्द्र इन्सेकको तथ्याङ्क अनुसार कोभिड–१९ को समयमा जिल्ला अस्पतालमा प्रदेश सरकारको ७९ लाख लागतमा स्थापना गरिएको अक्सिजन प्लान्ट बिग्रेको २ वर्ष बितिसक्दा पनि मर्मत हुन सकेको छैन । बेलका नगरपालिकाको अक्सिजन प्लान्ट पनि बन्द रहेकोले अस्पतालले लहान र विराटनगरबाट प्रतिसिलिन्डर ७ सय रुपैयाँमा अक्सिजन खरिद गर्नुपरेको इन्सेकले जनाएको छ । भौगोलिक विकटताका कारण यातायात सेवा नियमित नहुँदा स्वास्थ्य सेवामा गम्भीर असर परेको अनौपचारिक क्षेत्र सेवा केन्द्र (इन्सेक) ले जनाएको छ । यसको ताजा उदाहरणको रूपमा रौतामाई गाउँपालिका–६ का ७ वर्षीय एञ्जल मगरको मृत्यु रहेको छ । गत असो...