Author: पूर्णपुष्टि

पूर्णपुष्टि, ७ पुष । समाजमा लागू औषध दुब्र्यसन र त्यसको नियन्त्रणलाई मध्येनजर गर्दै जिल्ला प्रहरी कार्यालय उदयपुरले विभिन्न सचेतना मुलक कार्यक्रमगर्दै आएको छ । प्रहरीले पछिल्लो छ महिनामा टोल विकास,आमासमुह, युवा समुह, विद्यालयहरुमा ७१ वटा सचेतनामुलक कार्यक्रमहरु गरेको छ । यसै क्रममाआज“ लागु औषध मुक्त समाज निर्माणमा विद्यार्थीहरुको भुमिका”विषयक बक्तृत्वकला प्रतियोगिता गरेको छ । जिल्लाप्रहरी कार्यालयको आयोजना तथा त्रियुगा नगरपालिकाको सहयोगबाट जिल्ला समन्वय समितिको हलमा भएको प्रतियोगितामा क्यानभास सेकेन्डरी बोर्डिङ स्कुलकी जेनिषा कार्की प्रथम, राष्ट्रिय मावि बगाहाका नम्रता दाहाल द्वितिय र बालमन्दिर मा.वि. बोक्सेकी मनिषा चौधरी तृतिय भइन् । उदयपुरमा पछिल्लो छ महिनामा लागुऔषध सम्बन्धी ३५ मुद्दामा ६१ जन ापक्राउ गरी कारवाही चलाइएको प्रहरीले जनाएको छ ।...

पूर्णपुष्टि, ७ पुष । उदयपुरको सदरमुकाम गाईघाटलाई सुरक्षित गर्न बैँकहरुले १४ थान सिसि क्यामेरा प्रदान गरेको छ । उदयपुर स्थित विभिन्न बैंकहरुले शान्ति सुरक्षामा टेवा पुर्याउन सिसि टिभि क्यामेरा १४ स्थानका लागि आईतबार प्रमुख जिल्ला अधिकारी हरिप्रसाद घिमिरेलाई हस्तान्तर गरेका छन् । जिल्ला प्रहरी कार्यालय उदयपुर र त्रियुगा नगरपालिकाको समन्वयमा राष्ट्रिय बाणिज्य बैंक, कृषि विकास बैंक, सिद्धार्थ, सानिमा, ग्लोबल आइएमइ र लक्ष्मी बैंकले संयुक्त रुपमा प्रदान गरेको हो । तीनलाख ८३ हजार रकम बराबरको सामान प्रदान गरेको हो । सदरमुकाम गाईघाट क्षेत्रमा पहिले जडान गरेका सिसि क्यामेराहरु विग्रेकाले शान्ति, सुरक्षातथा अपराध अनुसन्धानमा टेवा पुर्याउन बैंकहरुले सहयोग गरेका हुन् ।  ...

पूर्णपुष्टि, पुष ६ । नेपाल प्रिमियर लिग (एनपिएल) को पहिलो संस्करणको उपाधि जनकपुर बोल्ट्सले जितिको छ । कीर्तिपुरस्थित टीयू अन्तर्राष्ट्रिय क्रिकेट मैदानमा आज भएको फाईनल खेलमा सुदुरपश्चिम रोयल्सले दिएको १ सय ८५ रनको लक्ष्य पछ्याएको जनकपुरले १९.२ औभरमा ५ विकेट गुमाउँदै पुरा गरेको हो । सुदूरपश्चिमविरुद्ध लिग चरण र क्वालिफायर वानमा व्यहोरेको हारको बदला फाइनलमा लिँदै जनकपुर च्याम्पियन बनेको हो । जनकपुरलाई च्याम्पियन बनाउन मिलान्थाले फाइनलमा उत्कृष्ट ब्याटिङ गरे । उनले ४९ बल खेल्दै ९ चौका र ४ छक्काको मदतमा सर्वाधिक ८७ रन बनाएका हुन् । पहिलो विकेटका लागि मिलान्था र कप्तान आसिफ शेखले ७३ रनको साझेदारी गरेका थिए । आसिफले सात ओभरको अन्तिम बलमा आउट हुनुअघि १९ बलमा ४ चौका र २ छक्का प्रहार गर्दै ३३ रन बनाए । यस्तै हर्शक थाकरले अविजित ३० रन जोडे । थाकरले २४ बल खेल्दै २ छक्का प्रहार गरे । वान डाउनमा ...

पूर्णपुष्टि, पुष ६ ।  उदयपुरको चौदण्ढिगढी नगरपालिकाले नगरभित्र सञ्चालित संस्थागत विद्यालयहरूलाई शिक्षक नियुक्ति, तलब भुक्तानी र छात्रवृत्ति सम्बन्धी पूर्व सहमति कार्यान्वयन नगरे कारबाही गर्ने चेतावनी दिएको छ । नगरपालिकाले शुक्रबार पत्रकार सम्मेलन गरी नगरका २१ वटा संस्थागत विद्यालयहरूले शिक्षकलाई नियुक्ति पत्र दिने, तलब भत्ता बैंक मार्फत भुक्तानी गर्ने र १० प्रतिशत छात्रवृत्ति दिने सम्बन्धी पटक-पटकको सहमति पालना नगरेको जनाएको छ । नगर प्रवक्ता प्रकाश राउतका अनुसार विद्यालयहरूले शिक्षा ऐनमा भएको व्यवस्था र नगरपालिकासँग गरेको सहमति कार्यान्वयन नगरेकाले कारबाहीको दायरामा ल्याइने भएको हो । प्रमुख प्रशासकीय अधिकृत जितबहादुर श्रेष्ठले धेरै विद्यालयहरूले सरकारले तोकेको न्यूनतम पारिश्रमिक १७ हजार ३ सय रुपैयाँ नदिएको र शिक्षकहरू ठगिएको मौखिक उजुरी आएको बताए । शिक्षा शाखा प्रमुख रामेश्वर कुँवरका अन...

पूर्णपुष्टि, ६ पुष । काठमाण्डौँ माहानगरपालिकाकी उपमेयर सुनिता ढंगोल आज गाईघाट आउने भएकी छिन् । उनि प्रदेश स्तरीय तेस्रो खाना परिकार महोत्सव संञ्चालनका आयोजक झिँगु नेवा पुँचको निम्तोमा गाईघाट आउने भएकी हुन् । महोत्सवको पाँचौ दिन शनिवार लाखे प्रतियोगिता पनि हुँदैछ । ढंगोल सोही प्रतियोगिताको प्रमुख अथितिको रुपमा गाईघाट आउनेछिन् । महोत्सवले प्रत्येक दिन आदिवासी जनजातिहरुको कला सांस्कृतिको प्रतियोगिता गराउँदै आएको छ । जसमा राईहरुको साकेला, चौधरीको थारु नाच, नेवारको लाखे नाच लगायत अन्य समुदायहरुका नाच प्रतियोगिता गराईएको छ ।...

पूर्णपुष्टि, पुष ६ । चालु आर्थिक वर्ष २०८१/८२ को पहिलो पाँच महिनामा अर्थतन्त्रका सबै सूचकहरू निराशाजनक देखिएका छन् । सरकारले राजश्व संकलन, पुँजीगत खर्च र विकास निर्माणमा राखेको लक्ष्य पूरा गर्न नसकेको हो । महालेखा नियन्त्रक कार्यालयका अनुसार पाँच महिनामा १४ खर्ब १९ अर्बको लक्ष्यमा जम्मा ३ खर्ब ९९ अर्ब राजश्व संकलन भएको छ । यो लक्ष्यको २८ प्रतिशत मात्र हो। त्यस्तै ३ खर्ब ५२ अर्बको पुँजीगत बजेटमा मात्र ४० अर्ब ८० करोड (११.५८ प्रतिशत) खर्च भएको छ । व्यापार घाटा पनि चिन्ताजनक छ । भन्सार विभागका अनुसार साउन-कार्तिक अवधिमा मात्रै ४ खर्ब ६० अर्ब ७१ करोड व्यापार घाटा भएको छ । आयात-निर्यात अनुपात ३.८७ प्रतिशतले घटेको छ । यद्यपि विदेशी मुद्रा सञ्चिति भने २२ खर्ब ५५ अर्ब पुगेको छ । निजी क्षेत्रको लगानी पनि निकै कम छ । बैंकहरूमा ६ खर्बभन्दा बढी रकम तरलताको रूपमा थन्किएको छ । नेपाल उद्योग परिसंघका अ...

पूर्णपुष्टि, ४ पुष । नेपाल टेलिकमले क्रिस मसको अवसरमा ५ हजार सम्मको पुरस्कार दिने सूचनाबारे टेलिकमले भ्रमको सूचना रहेको जनाएको छ । टेलिकमको कुनै पनि अफर र पुरस्कार नरहेको भन्दै सामाजिक संञ्जालमा फैलिएको कुरा सबै भ्रम रहेको जनाए । आउँदै गरेको क्रिसमस तथा अंग्रेजी नयाँ वर्षको अवसर पारेर रु। ५ हजार सम्मको नगद तथा उपहारको व्यवस्था गरेकोु भन्दै गरिएको प्रचार झुटो भएको नेपाल टेलिकमको भनाई छ । नेपाल टेलिकमको आधिकारिक लोगो समेत प्रयोग गरी विभिन्न फेसबुक ग्रुप र म्यासेन्जर लगायतका सामाजिक सञ्जालमार्फत गलत सूचना प्रवाह भइरहेको पाइएकोले यसप्रति सचेत रहन टेलिकमले सबैमा हार्दिक अनुरोध गरेको हो । ‘कम्पनीको आधिकारिक ब्लु टिकसहितको फेसबुक र एक्सलगायतका सामाजिक सञ्जालमा भएका सूचना तथा कम्पनीको आधिकारिक वेबसाइटलाई मात्र आधार मानेर कम्पनीका सेवा बारेमा अद्यावधिक हुन सम्पूर्ण ग्राहकवर्गमा अनुरोध छ,’ प्रवक...

पूर्णपुष्टि, पुष ४ । जग्गा तथा सम्पत्ति खोजबिन आयोगले त्रिभुवन विश्वविद्यालयको कीर्तिपुरस्थित १०८ रोपनी जग्गा अनधिकृत रूपमा प्रयोग गरिरहेको ल्याब स्कुललाई जग्गा फिर्ता गर्न र भाडा तिर्न सिफारिस गरेको छ । विद्यालयले २४ वर्षदेखि उक्त जग्गा प्रयोग गर्दै आएको छ । कांग्रेस कोषाध्यक्ष उमेश श्रेष्ठ र पूर्वशिक्षामन्त्री कृष्णगोपाल श्रेष्ठ लगायतको समूहले गुठीअन्तर्गत सञ्चालन गरेको यो विद्यालयलाई शिक्षा मन्त्रालयले २०५७ सालमा १५ वर्षका लागि जग्गा दिएको थियो । तर सम्झौता अवधि सकिएपछि पनि त्रिविले पटक(पटक जग्गा खाली गर्न भन्दा विद्यालयले अटेरी गर्दै आएको पाइएको छ । आयोगका अनुसार विद्यालयले जग्गाधनीको मन्जुरीबिना कब्जा गरेर व्यापार(व्यवसाय सञ्चालन गरेको र त्रिविको जग्गा हत्याउन जालसाजीसमेत गरेको प्रमाण फेला परेको छ । यस प्रकरणमा आयोगले सार्वजनिक सम्पत्तिको दुरुपयोग गर्ने दुवै पक्षमाथि अख्तियार दु...

पूर्णपुष्टि, पुष ४ । झापाका तीन स्थानीय तहमा कृषि ज्ञान केन्द्रले शून्य खनजोत प्रविधिबाट मकैखेती गर्न थालेको छ । कृषि अनुसन्धान निर्देशनालय तरहराको प्राविधिक सहयोगमा बिर्तामोड नगरपालिका, कचनकवल र बाह्रदशी गाउँपालिकामा १०÷१० कट्ठा क्षेत्रफलमा यो प्रविधि प्रयोग गरिएको छ । कृषि ज्ञान केन्द्रका प्रमुख सागर विष्टका अनुसार यो प्रविधिले धान काटेको खेतमा खनजोत नगरी एकै पटक मकैको बीउ र मल हाल्न सकिन्छ । यसले उत्पादन लागत घटाउनुका साथै माटोको गुणस्तर सुधार गर्ने बताइएको छ । गत वर्ष जिल्लामा ४४ हजार हेक्टरमा मकैखेती गरिएको र प्रतिहेक्टर सात टन उत्पादकत्व रहेको जनाइएको छ ।...

पूर्णपुष्टि, पुष ४ । चितवन राष्ट्रिय निकुञ्जले चालु आर्थिक वर्षको पहिलो पाँच महिनामा ७२ हजार भन्दा बढी पर्यटक भ्रमणबाट १० करोड ६७ लाख भन्दा बढी राजस्व संकलन गरेको छ । निकुञ्जका सूचना अधिकारी एवं संरक्षण अधिकृत अविनाश थापामगरका अनुसार भ्रमण गर्ने पर्यटकहरूमध्ये ३३ हजार विदेशी, ३२ हजार नेपाली र करिब ६ हजार सार्क मुलुकका नागरिक रहेका छन् । यसैबीच, निकुञ्जले घडियाल प्रजनन केन्द्र कसरामा हुर्काएका ४१ घडियाललाई राप्ती नदीमा छाडेको छ । साथै, निकुञ्जको पश्चिम क्षेत्र नवलपुरमा रहेका गैँडाहरूलाई नारायणी नदीको बाढीले बगाएर भारततर्फ लैजानसक्ने जोखिम भएकाले पूर्वी क्षेत्रमा स्थानान्तरण गर्ने तयारी भइरहेको छ । गैँडा स्थानान्तरणको पूर्वतयारीका लागि राष्ट्रिय निकुञ्ज तथा वन्यजन्तु संरक्षण विभाग, स्थानीय जनप्रतिनिधि र सरोकारवालाबीच छलफल भएको छ ।...