नयाँ प्रधानसेनापति सिग्देलले सेनाको कमाण्ड आजदेखी सम्हाल्दै
पूर्णपुष्टि, भाद्र २४ । नेपाली सेनाको ४५ औं प्रधानसेनापतिको रूपमा अशोकराज सिग्देलले आज औपचारिक रूपमा कार्यभार सम्हाल्दैछन्। राष्ट्रपति एवम् नेपाली सेनाका परमाधिपति रामचन्द्र पौडेलले बिहान १० बजे सिग्देललाई दर्ज्यानी चिह्न प्रदान गर्ने कार्यक्रम रहेको छ। त्यसपछि सिग्देलले जंगी अड्डामा आएर आफ्नो कार्यभार सम्हाल्नेछन्।
सिग्देलको नियुक्ति १२ भदौमा भएको थियो, जुन २४ भदौदेखि लागू हुने गरी गरिएको थियो। उनले निवर्तमान प्रधानसेनापति प्रभुराम शर्माको स्थान लिएका हुन्, जो २४ साउनदेखि बिदामा बसेका थिए।
३७ वर्षको सैनिक अनुभव बोकेका सिग्देल भैरहवाका स्थायी बासिन्दा हुन्। उनले रणनीतिक अध्ययनमा त्रिभुवन विश्वविद्यालय र चीनको राष्ट्रिय डिफेन्स युनिभर्सिटीबाट स्नातकोत्तर गरेका छन्। उनको अनुभवमा जंगी अड्डाको युद्धकार्य विभाग र व्यवस्था, नीति तथा योजना महानिर्देशनालयको नेतृत्व, प्रधानसेनापतिको सैनिक सचिव, ...
