Author: पूर्णपुष्टि

पूर्णपुष्टि, मंसिर २९ । उदयपुरमा वन मुद्धाका एक फरार प्रतिवादीलाई प्रहरीले पक्राउ गरेको छ । पक्राउ पर्नेमा कटारी नगरपालिका–१ खसिबास बस्ने ७० बर्षीय धक्कुसिंह राई रहेका छन् । जिल्ला प्रहरी कार्यालय उदयपुरका अनुसार इलाका प्रहरी कार्यालय कटारीबाट खटिएको प्रहरी टोलीले वन मुद्धामा जिल्ला अदालतको फैसलाले १२ दिन कैद र रु.१ लाख ५३ हजार ६ सय ९२ रुपैँया जरिबाना तोकेको राईलाई शनिबार पक्राउ गरेको हो । पक्राउ परेका राईलाई फैसला कार्यावयनको लागी जिल्ला अदालत उदयपुरमा उपस्थित गराईएको प्रहरीले जनाएको छ ।  ...

पूर्णपुष्टि/उदयपुर, २८ मंसिर उदयपुरको बेलका नगरपालिका –४ स्थित सिसुवाखोलाको पूलमुनी दुईसाता अघि बेवारिसे अबस्थामा फेला परेको महिलाको शवको अझै पहिचान खुल्न सकेको छैन । गत मङ्सिर १३ गते महिलाको लास फेला परेको भन्ने जानकारी पश्चात ईलाका प्रहरी कार्यालय रामपुरठोक्सिलाबाट खटिएको प्रहरीटोलीले पोस्टमार्टमको लागि जिल्ला अस्पतालमा ल्याएको थियो । हालसम्म पहिचान नखुलेपछि पोष्टमार्टम विनै शब अस्पतालको शबगृहमा रहेको जिल्ला प्रहरी कार्यालय उदयपुरका प्रहरी नायव उपरिक्षक केदारमान दोङले बताए । अन्दाजि ५५ वर्षकी महिला कालो वर्ण, कालो लामो कपाल भएकी मधेसी मुलको जस्तो देखिने, अगाडिको दुईवटा दाँत नभएको, उचाई अन्दाजि ४ फिट १० ईन्च भएकी पहेलोमा रातो हरियो पानको बुट्टा भएको मेक्सी र रातो बुट्टेदार चोलो लगाएकी हुलिया रहेको प्रनाउ दोङले बताए । उनी विगतमा मागि खाई हिड्ने भन्ने समेत बुझिएको प्रहरीले जनाएको छ ।...

उदयपुर, मङ्सिर २८ । उदयपुरको बेलका नगरपालिका– ३ का १६ वर्षिय समिर माझीको आफै काम गर्ने ट्याक्टरले किचेर मृत्यु भएको छ । उनलाई गएराती गाउँमै आफै काम गर्ने ट्याक्टरले किचेपछि गम्भिर अवस्थामा धरान स्थित विपी कोइराला स्वास्थ्य विज्ञान प्रतिष्ठानमा उपचारार्थ लगिए पनि अस्पतालले मृत घोषणा गरेको प्रहरीले जनाएको छ । दुर्घटनापछि ट्याक्टर चालक २२ वर्षिय बिसाल पाण्डे फरार रहेकोमा प्रहरीले पक्राउ गरी नियन्त्रणमा लिइसकेको जिल्ला प्रहरी कार्यालय उदयपुरका प्रहरी नायव उपरिक्षक केदारमान दोङले जानकारी दिए । ट्याक्टरसमेत प्रहरीको नियन्त्रणमा रहेको जनाइएको छ । घटनाको थप अनुसन्धान अगाडी बढाई कारवाही सुरु भएको प्रनाउ दोङले जानकारी दिए । फरार चालक पक्राउ गरी कारवाहीको माग गर्दै पिडित परिवार र गाउँलेले आज दिउसो केहीबेर मदनभण्डारी राजमार्ग अन्तर्गत गाईघाट–धरान सडकखण्डको रामपुरबजारमा यातायात बन्द गराएका थिए । प्र...

गाईघाट÷पूणपुष्टि, मंसिर २८ । नेपाली कांग्रेसका केन्द्रिय सदस्य तथा पूर्व परराष्ट्र मन्त्री डा. नारायण खड्काले त्रियुगा नगरपालिका–१ जोगिदहमा अध्ययनरत अतिविपन्न परिवारका विद्यार्थीहरुलाई झोला वितरण गरेका छन् । आईतबार पूर्वमन्त्री तथा संघिय संसद खड्काको विशेष पहलमा हिमालयन लाईफ इन्सुरेन्स लिमिटेड काठमाण्डौँसँगको सहकार्यमा विद्यार्थीहरुलाई झोला वितरण गरिएको त्रिनपा–१ का वडा अध्यक्ष मनोज कुमार चौधरीले जनाकारी दिए । पूर्व मन्त्रि खड्काको उपस्थितिमा श्री आधारभुत विद्यालय जोगिदहका ५७ जना विद्यार्थीलाई झोला वितरण गरिएको हो । त्यस्तै श्री जनज्योति आधारभुत विद्यायल मैनहाका ३४ जना विद्यार्थी, श्री जनता मा.वि. जोगिदहका ४० जना विद्यार्थी र श्री जनाता मा.वि. जोगिदह वालविकासका ३५ जना विद्यार्थी र वैकल्पिक शिक्षा विद्यालय छाडेर घरमा बसेका ३४ जना विद्यार्थी गरी जम्मा २ सय जना विद्यार्थीलाई झोला वितरण ...

उदयपुर/मङ्सिर २८ । जिल्ला ब्याड्मिन्टन संघ उदयपुरका अध्यक्ष किसन राईले चाैदण्डिगढी-४ बसाहामा आयाेजित ब्याडमिन्टन प्रतियाेगितामा जितेकाे नगद पुरस्कार क्लवलाई सहयाेग गर्नु भएकाे छ । नवाै मेयरकप ब्याडमिन्टन प्रतियाेगिता, भेट्रान्स डबल्समा उपाधि जितेका राईले प्राप्त नगद पुरस्कारकाे १० हजार रुपैया क्लवकाे उन्नति प्रगतिका लागि सहयाेग गर्नु भएकाे हाे । उहाँ र खगेन्द्र बलकाे जाेडीले भेट्रान्सतर्फकाे उपाधी जित्नु भएकाे थियाे । उहाँले पुरस्कार प्राप्तगरेसंगै दस हजार क्लवलाई सहयाेग घाेषणा गर्नुभयाे । उहाँले क्लवका अध्यक्ष नारायण तामाङलाई क्लवकाे प्रगतिकाे लागि भन्दै उक्त रकम प्रदान गर्नुभयाे । उहाँकाे सहयाेगलाई क्लवले विशेष सहयाेगकाे रुपमा लिएकाे छ ।...

पूर्णपुष्टि/उदयपुर, मङ्सिर २८ । मोरङको विराटनगर महानगरपालिका –४ का ६८ वर्षिय कनकबहादुर थापा दशदिनदेखि बेपत्ता भएका छन् । घरबाट म‌सिर २ गतेतिर नाताकाेमा जाने भन्दै हिडेका उनी गत मंसिर १८ गते दिउसो उदयपुरको बेलका नगरपालिकाको रामपुर स्थित बेलका रिसोर्ट छेउमा देखा परेको जानकारी परिवारले पाएको छ । देखिएको आधा घण्टा पछिबाट उनको मोवाइल अफ रहेको र मानिस बेपत्ता रहेको परिवारले जनाएको छ । खोजीतलासीमा लागेको परिवारले प्रहरीमा हुलीया दिइसकेको बेपत्ता बृद्धका ज्वाई प्रतिक दवाडीले जानकारी दिए । परिवारले देखा परेको रामपुर आसपासमा ब्यापक खोजि गरिरहेको भएपनि अझै फेला पार्न नसकेको जनाएको छ ।...

पूर्णपुष्टि/उदयपुर, मङ्सिर २८ । चौदण्डीगढी नगरपालिका–४ बसाहामा नवौं मेयरकप ब्याड्मिनटन प्रतियोगिता सम्पन्न भएको छ । प्रतियोगिताको भेट्रान्स (४५‌‍‍+) डबल्समा किसन राई (कालिदास) र खगेन्द्रकुमार बलको जोडीले प्रथम स्थान हाँसिल गरेको छ । राई जिल्ला ब्याड्मिन्टन संघ उदयपुरका अध्यक्ष हुन् । फाइनल खेलमा मणी राई र बबिन्द्र राईको जोडी दोस्रो स्थानमा रह्यो भने देविराज राई र लोकमान श्रेष्ठ तथा प्रेम रायमाझी र युवराज आचार्यको जोडी तृतीय स्थानमा आए । त्यसैगरी पुरुष डबल्स बी डिभिजनमा सौरव राई र आदिव मगरको जोडीले प्रथम स्थान हाँसिल गर्यो । मणी चामलिङ र मिलन राईको जोडीलाई फाइनलमा जितेसंगै प्रथम भएको हो । मणी र मिलनको जोडी दोस्रो स्थानमा रह्यो । तेस्रो स्थानमा काजिमान राई र लोकमान श्रेष्ठको जोडी तथा चुडामणी राई र विपन्चन्द्र राईको सफल भए । त्यसैगरी महिला डबल्सतर्फ शिला राई र निताशा मगरको जोडी प्रथम भयो ।...

पूर्णपुष्टि, राजावास, मंसिर २८ गते । उदयपुरमा संञ्चालन भएको तिन दिने राष्ट्रिय न्वागी (नेमान)ं पर्व दोस्रो दनुवारी खाना परिकार तथा सांस्कृतिक उत्सव २०८२ भव्यताका साथ सम्पन्न भएको छ । मंसिर २५ गतेबाट सुरु भएको उक्त महोत्सव २७ गते औपचारिक कार्यक्रम सहित सम्पन्न भएको हो । महोत्सव सँगै सांस्कृतिक कार्यक्रम पनि भव्य भएको छ । तिन दिने महोत्सवले दनुवार समुदायलाई एक ठाउँमा उभ्याएको र थप एकतामा बाँध्न सफल भएको दनुवार जागरण समाज त्रियुगा नगर समितिका अध्यक्ष तथा महोत्सव मुल आयोजक समितिका समेत अध्यक्ष रहेका भुनराज दनुवारले बताए । दनुवारले पहिले दनुवार समुदायहरुले आआफ्नै तरिकाले मनाउँदै आएको उक्त पर्व पछिल्लो समय एकै स्थानबाट मनाउने र एक बद्ध गराउने काम गरिरहेको अध्यक्ष दनुवारको भनाई छ । यस्ता खाले मेला महोत्सवले दनुवार समुदायलाई थप सचेत बनाउने काम गरेको समेत बताईएको छ । महोत्सवले यस समुदायको परम्परा ...

पूर्णपुष्टि/ उदयपुर/ मंसिर २९ गते । उदयपुरको त्रियुगा नगरपालिका वडा नं ४ बगाहामा आगलागी बाट नष्ट भएको पोल्ट्री फर्म श्रम सिविर मार्फत निर्माण गरिएको छ । शनिवार नेपाल घरेलु तथा साना उद्योग महासंघ कोशी प्रदेश समितिका बरिष्ठ उपाध्यक्ष मधुकर थापाको नेतृत्वमा जिल्ला र नगर समितिको आयोजनामा श्रम सिविर संञ्चालन गरिएको थियो । दियालीको काली पोल्ट्री फर्म गत चैत्र १५ गते फर्म आगलागीमा परेको थियो । करिब १० हजार क्षमता भएको कुखुरा फर्म आगलागी बाट पूर्ण रुपमा ध्वस्त हुँदा करिब २५ लाख बरावर क्षती पुगेको थियो । उद्योगीलाई समस्या पर्दा सहयोग गर्ने हो भने व्यवसायीहरुको मनोवल बढ्ने भन्दै श्रम मार्फत फर्म निर्माण गरिएको उपाध्यक्ष थापाले बताए । श्रममा उपाध्यक्ष थापा सहित जिल्ला कमिटी अध्यक्ष साहिमा किराती, वरिष्ठ उपाध्यक्ष ज्ञानु प्रधान, नगर कमिटी अध्यक्ष रुद्र श्रेष्ठ लगायत ब्यव्क्तिहरुको उपस्थिति रहेको थियो...

गाईघाट÷पूर्णपुष्टि, मंसिर २७ । त्रियुगा नगरपालिका १ नं. वडा कार्यालयले आर्थिक वर्ष २०८२–०८३ को लागि अपाङ्गता लक्षित न्यानो कपडा वितरण गरेको छ । शनिबार जोगिदहस्थित साकेला थानमा वडा कार्यालयले न्यानो कपडा वितरण गरेको हो । त्रिनपा वडा नं १ का वडा अध्यक्ष मनोज कुमार चौधरीले ३४ औँ राष्ट्रिय अपाङ्गता दिवसको अवसरमा ५६ जना वौधिक अपाङ्ग भएका पुरुष, महिला र बालबालिकालाई न्यानो कपडा वितरण गरिएको बताउनुभयो । वडाका सबै १०५ जना अपाङ्गलाई न्यानो कपडा वितरण गर्न लागेतापनि तिमध्ये ५६ जना मात्र उपस्थिति भएकोले हाल ५६ जनालाई मात्र न्यानो कपडा वितरण गरिएको अध्यक्ष चौधरीले बताए । आज न्यानो कपडा लिन छुटेकलाई वडा कार्यालयमा नै वितरण गर्ने अध्यक्ष चौधरीले बताए । न्यानो कपडामा प्रत्येक व्यक्ति एक–एक वटा सिरक (ब्लाङ्केट) वितरण गरिएको अध्यक्ष चौधरीले बताए ।    ...