Author: पूर्णपुष्टि

पूर्णपुष्टि/उदयपुर, पुस ८ । गत पुस २ गते पाँचथरको फिदिम नगरपालिका –११ नांगिनमा रुखमा झुण्डिएर मृत अवस्थामा फेला परेको २४ वर्षिय पारस सुजी (दर्जी)को मृत्युलाई परिवार, आफन्त र छिमेकीहरुले संकास्पद रुपमा लिएका छन् । घटना प्रकृतिको आधारमा उनको मृत्युलाई शंकास्पदरुपमा लिएको मृतकका दाजु चन्द्रबहादुर दर्जीले बताउनुभयो । उनका अनुसार झुण्डिएको अवस्थामा फेला परेका पारसको आत्महत्या नभइ हत्याको आशंका गरिएको छ । घटनाअघि उनको प्रेमिकासंग विवाद, हातपात भएको थियो भने झुण्डिन प्रयोग भएको रुख, सल, भेष्ट च्यातिएको अवस्था र घटनास्थल वरपर लडिबढी गरेको अवस्था देखिएकाले उनको हत्या भइ झुण्ड्याएको हुनसक्ने आशंका भएको हो । १ गते राती नै उनको हत्या भई झण्ड्याएको हुनसक्ने आशंका उनीहरुको छ । उनी स्थानीय एक महिला एलिसा आङ्बोसंग प्रेम सम्बन्धमा रहेको बताइएको छ । उनीसंग बेलुका विवाद र झगडा परेको गाउँलेहरुले देखेका थिए...

पूर्णपुष्टि/सप्तरी, पुष ८ गते । सप्तरी स्थित शिसुवारीका युवाहरुले विद्यार्थीहरुलाई न्यायो कपडा सहयोग गरेको छ । शनिवार सप्तरी जिल्लाको शुरुङगा नगरपालिका २ राष्ट्रिय आधारभूत विद्यालयका विद्यार्थीहरुलाई न्यानो कपडा वितरण गरिएको हो । शेखर कार्कीको नेतृत्वमा करिब २८ जना स्थानीय युवाहरुले विद्यार्थीलाई न्यानो कपडाको लागि आर्थिक सहयोग गरेका थिए । देश विदेशमा रहेका स्थानीय युवाहरुले जाडोमा विद्यार्थीहरुलाई चिसोबाट जोगाउन कपडा वितरण गरिएको थियो । न्यानो कपडाले विद्यार्थीहरुलाई चिसोबाट बचाउनुका साथै विद्यालय जान हौसाला समेत प्रदान गरेको शेखर कार्कीको भनाई छ । कपडाको लागि युवाहरुबाट १ लाख ३३ हजार ७ सय ७२ रुपयाँ जम्मा भएको थियो । उक्त रकमले ६७ जना विद्यार्थीहरुलाई न्यानो कपडा प्रदान गरिएको कार्कीको भनाई छ । कपडा वितरण सुरुङा नगपालिकाकी प्रमुख गिता कुमारी चौधरीको प्रमुख उपस्थितिमा भएको थियो । कपडा ...

उदयपुर, पुस ७ उदयपुरको त्रियुगा नगरपालिकाको १६ औं नगरसभा आज सम्पन्न भयो । सभाले आर्थिक वर्ष २०८२/०८३ को नीति तथा कार्यक्रमको समिक्षा तथा संसोधन गरेको छ । मेयर बसन्त बस्नेतले कार्यकालको साढे तीनवर्षमा कार्य सम्पादन र सुशासनको क्षेत्रमा दुरगामी कामहरु गरेको र नयाँ कामहरुको थालनी गरिएको बताउनुभयो । चालु आ.ब. मा १ अर्ब, ९७ करोड, १९ लाख ६५ हजार विनियोजन भएकोमा हालसम्म ४३ कोड ९२ लाख १ हजार आम्दानी भएको र जसमा आन्तरिक स्रोततर्फ ३ करोड ४० लाख ६५ हजार रहेको जनाउनुभयो । खर्चतर्फ ३५ करोड १० लाख ६४ हजार भएको जनाउनुभयो । नयाँ पालिका भवनबाट कार्यसम्पादन थालिएको, विश्व बैंकको सहयोगमा सञ्चालित शहरी शासकीय तथा पूर्वाधार विकास कार्यक्रम अन्तर्गतको निर्माणाधिक सडक अन्तिम चरणमा पुगेको, नगरदेखि वडासम्मको कार्य सम्पादन सन्तोषजनक रहेको बताउनुभयो । उपमेयर महेश्वरी राईले नगरपालिकाले मेलमिलापलाई प्राथमिकता दि...

पूर्णपुष्टि/उदयपुर, पुस ७ । उदयपुरकाे त्रियुगा नगरपालिकाका वडा सदस्यहरुले नगरपालिकाकाे नयाँ भवनकाे शिलामा आफुहरुकाे पनि नाम लेख्न माग राखेका छन् । आजकाे १६ ओैं नगरसभा सुरु हुन अघि सदस्यहरुले यस्ताे माग राखेका हुन् । शिलामा मेयर, उपमेयर, वडाध्यक्ष र कार्यपालिका सदस्यसमेतकाे नाम हुँदा वडा सदस्यहरुकाे नाम नहुनुमा आपत्ति जनाएका छन् । आज नगरसभा सदस्यकाे रुपमा उपस्थित उनिहरुले संयुक्त हस्ताक्षरसहित नाम लेख्न माग गरेका छन् । माग पूरा नगरे आगामी १७ ओैं नगरसभामा उपस्थिति नजनाउने चेतावनी दिएका छन् । १६ वडाका ५८ जना सदस्यहरुले संयुक्तरुपमा मागपत्र बुझाएकाे २ नं. वडासदस्य अर्जुन पाेखरेलले बताउनुभयाे ।...

पूर्णपुष्टि, उदयपुर, पुष ६ गते । रौतामाई धार्मिक संस्थाको अध्यक्षमा युवा नेतृत्व शुक्रराज राई चयन भएको छ । शनिवार राईको नेतृत्वमा १३ सदस्यीय कार्यसमिति चयन गरिएको हो । । उपाध्यक्षमा नेत्र बहादुर मगर, कोषाध्यक्षमा धन कुमारी राउत, सचिवमा साईमन राई, सहसचिवमा पुष्पराज गुरागाई चयन भएको छ भने, सदस्यहरुमा सुरेश अधिकारी, अनिल चाम्लीङ, कृष्ण कुमारी राई, कल्पना आचार्य, कौशल कार्की, दिपिन्द्र वस्नेत, गोविन्द्र प्रसाद आचार्य रहेका छन् । रौतापोखरीको संरक्षण तथा पर्यटकीय वातावरणमा सुधार गर्ने उदेश्य सहित उक्त समितिचयन भएको अध्यक्ष शुक्रराज राईको भनाई छ । राईले बिगत देखीनै रौता पोखरीको गलत कामको बिषयमा बाराम्वार कुरा उठाउँदै आएका थिए । उदयरकै धार्मिक तथा प्रमुख पर्यटकीय स्थलको रुपमा रहेको रौता पोखरीको नाममा बनेको बिभिन्न संस्थाहरुले कमाई खाने भाँडोको रुपमा लिएको राईको भनाई छ । अब यसलाई पार्दर्शी र बिवाद...

उदयपुर, पुस ५ । आप्mनै कान्छो भाइ धर्मराज राईको हत्या गरी फरार भएका उदयपुरको त्रियुगा नगरपालिका–२ हाटखोलाचौकका ४२ वर्षिय युवराज राईलाई प्रहरीले त्रिनपा –४ बगाहाबाट पक्राउ गरेको छ । दिनभर लुकेर बेपत्ता उनी भोकले खानेकुरा खोज्दै पसल आउने क्रममा सुरक्षा तैनाथ प्रहरीले पक्राउ गरेको जिल्ला प्रहरी प्रमुख एसपी राजन चापागाइले बताउनुभयो । दिनभर खोजतलासमा रहेको प्रहरीले फरार आरोपित ब्यक्तिको हुलियासहित कतै देखिए खबर गर्न स्थानीयलाई सुचित गरेको थियो । त्यसै सन्दर्भमा पसल आएको खबर स्थानीयबाट पाए लगत्तै सुरक्षा तैनाथमा खटिएको प्रहरीले पक्राउ गरेको थियो । दिनभर लुकेर बेपत्ता रहेका उनी बेलुकापख मानिसको आँखा छल्ने प्रयास गर्दै पसलमा खानेकुरा खोज्न आएको बेला पक्राउ गर्न सफल भएको प्रहरी नायव उपरिक्षक केदारमान दोङले बताउनुभयो । पक्राउ पछि जिल्ला प्रहरी कार्यालयको हिरासतमा राखि कारवाही थालिएको उहाँले बताउनुभ...

पुर्णपुष्टि, बेलका, पुष ५ गते । उदयपुरमा लागुऔषाध ब्राउन सुगर जस्तो देखिने पदार्थ सहित प्रहरीले एक जनालाई पक्राउ गरेको छ । उदयपुरको बेलका नगरपालिका वडा नं। ९ रामपुरबजार स्थित मदन भण्डारी लोकमार्गमा इलाका प्रहरी कार्यालय रामपुर ठोक्सिलाबाट खटिएको प्रहरी टोलीले चेकजाँचको क्रममा १०० मिलिग्राम प्रतिबन्धित लागू औषध ब्राउन सुगर जस्तो देखिने पदार्थ सहित १ जनालाई पक्राउ गरेको हो । बिराटनगरबाट कटारी तर्फ जादै गरेको प्र।१(०२(००२ ख ००६७ नं को बसलाई चेकजाँच गर्ने क्रममा सोही बसका सह(चालक त्रियुगा नगरपालिका वडा नं। ७ कालीखोला बस्ने बर्ष २२ को रेमन मग्रातीले लुकाई छिपाई ल्याउदै गरेको उक्त परिमाणको लागू औषध सहित निजलाई नियन्त्रणमा लिएको हो । पक्राउ परेका रेमन मग्रातीलाई सम्मानित उदयपुर जिल्ला अदालतबाट म्याद थप भई अनुसन्धान भईरहेको छ ।...

पूर्णपुष्टि, रामपुर पुष ५ गे । उदयपुरमा बेवारिसे अवस्थाको गाँजा प्रहरीले बरामद गरेको छ । इलाका प्रहरी कार्यालय रामपुरठोक्सिलाबाट खटिएको प्रहरी टोलीले शनिवार राति बेलका नगरपालिका वडा न।८ डुम्रिबोटे स्थित सप्तकोशी नदी किनारमा ६ वटा बोरामा प्याक गरी २ वटा ट्युवमा लोड गरेको अवस्थामा २०५ के.जी. ६६५ ग्राम प्रतिबन्धित लागू औषध गाँजा बरामद गरेको हो । बरामद गरिएको लागू औषध इलाका प्रहरी कार्यालय रामपुरठोक्सिलामा ल्याई राखिएको साथै उक्त लागू औषध ९गाँजा० ओसार पसारमा संलग्न व्यक्तिहरुको खोजतलास कार्य भइरहेको छ ।...

पूर्णपुष्टि, कटारी, पुष ५ गते । उदयपुर प्रहरीले दुईजना बिभिन्न फरार मुद्धाका प्रतिवादीलाई पक्राउ गरेको छ । शुक्रवार इलाका प्रहरी कार्यालय कटारीबाट खटिएको प्रहरी टोलीले चेक अनादर र सवारी ज्यान अंगभंग सम्बन्धी कसुरका २ जना फरार प्रतिबादीलाई पक्राउ गरी फैसला कार्यान्वयनको लागि सम्मानीत उदयपुर जिल्ला अदालत उदयपुरमा बुझाएको छ । पक्राउ परेका कटारी नगरपालिका वडा नं। ४ बस्ने बर्ष ४६ को राम कुमार दनुवारलाई चेक अनादर मुद्दामा रु। २,०००।( जरिबाना र कटारी नगरपालिका वडा नं। २ कल्याणपुर बस्ने वर्ष ५१ को प्रेम बहादुर बि।क। लाई सवारी ज्यान अंगभंग मुद्दामा रु ५,०००।– जरिबाना तोकिएको थियो ।...

पूर्णपुष्टि/ उदयपुर, पुष ५ गते । उदयपुरको त्रियुगा नगरपालिका वडा नं १ जोगिदहमा आफ्नै दाईले धारिलो हतियार प्रयोग गरी भाईको ह*त्या गरेको छ । गएराती शुक्रबार ४३ बर्षिय दाई युवराज राईले भाई ३० बर्षिय धर्मराज राईलाई धारिलो हतियार प्रयोग गरी ह*त्या गरेको जिल्ला प्रहरी कार्यालय उदयपुरले जनाएको छ । खुकुरी प्रहारबाट गम्भीर घाईते भएका धर्मराजलाई जिल्ला अस्पताल उदयपुर ल्याईएकोमा उपचारकै क्रममा मृत्यु भएको अस्पतालले घोषणा गरेका थिए । ह*त्या गर्ने दाई युवराज भने फरार छन् । उनलाई प्रहरीले खोजतलास गरिरहेको छ । प्रारम्भिक अनुसन्धानको क्रममा दाजुले आमालाई कुटपिट गरेको विषयमा वादविवाद हुँदा आफ्नै दाजुले धारिलो हतियार खुकुरीले शरीरको विभिन्न स्थानमा प्रहार गरी फरार रहेको भन्ने खुलेको छ । परार युवराजलाई कहिकतै देखिएमा तत्काल खबर गर्न प्रहरीले अनुरोध गरेको छ । हत्या गरेर फरार अभियुक्तका कारण स्थानीय...