उदयपुरमा दुई स्वतन्त्रसहित २१ उम्मेदवारको जमानत जफत
२६ फागुन , २०८२ । उदयपुर
गत फागुन २१ गतेको प्रतिनिधिसभा सदस्य निर्वाचनका लागि उम्मेदवारी दर्ता गराई चुनाव लडेका उदयपुरका २१ जना उम्मेदवारहरुको जमानतजफत भएको छ ।
मुख्य निर्वाचन अधिकृत मुकेश उपाध्ययका अनुसार उदयपुरको दुई निर्वाचन क्षेत्रमा कुल ३१ जनाले उम्मेदवारी दर्ता गराएका छन् । जसमा दुई स्वतन्त्रसहित २१ जनाले खसेको कुलमतमध्ये सदरमतको १० प्रतिशत मत ल्याउन नसक्दा उनीहरुको समानत जफत भएको हो । जमानत भन्नाले उम्मेदवारी दर्ता गराउँदा निर्वाचन अधिकृतको कार्यालयमा बुझाउनुपर्ने निश्चित शुल्क हो । उम्मेदवारहरुले जनही १० हजारका दरले जमानत बुझाएका थिए ।
एक स्वतन्त्रसहित कुल १८ जनाले उम्मेदवारी दर्ता गराएको उदयपुर–१ मा १३ जना र एक स्वतन्त्रसहित कुल १३ जनाले उम्मेदवारी दर्ता गराएको उदयपुर–२ मा ८ जना जमानत जफतमा परेका छन् ।
दुबै निर्वाचन क्षेत्र राष्ट्रिय स्वतन्त्र पार्टीले जित हात पारेको उदयपुरमा ...
