Author: पूर्णपुष्टि

पूर्णपुष्टि/उदयपुर, कार्तिक २६ बाबुकाे कृयापुत्री बसेका त्रियुगा नगरपालिका -८ रातमाटेका दुई अबाेध दिदिभाईलाई सहयाेग जुट्ने क्रममा त्रिनपा-५ स्थित अन्नपूर्ण बाेर्डिङ स्कुलले सहयाेग गरेकाे छ । स्थानीय सहयाेगी केदार भुजेलका अनुसार बाेर्डिङ्का संस्थापक दम्पत्ती रामजी खड्का र लिला खड्काले चारदिनअघि घरमै पुगेर सहयाेग गरेका हुन् । उनीहरुले नगद एकहजार पाँचसय, चामल २५ केजी, चिनी, पिठाे दुई/दुई केजी, तेल दुईलिटर  र फलफुल दुई केजी राहतकाे रुपमा उपलब्ध गराएका हुन् । अन्तरजातिय दम्पतिका सन्तान उनीहरुकाे नाजुक अबस्थालाई मध्यनजर गर्दै सहयाेग जुटिरहेकाे हाे । आफन्त दाजुभाई काेही नआएपछि गाउँलेहरुकाे सहयाेगमा उनीहरु तीनदिन क्रियापुत्री बसेर चाेखिसकेका छन् ।...

पूर्णपुष्टि/काठमाण्डौँ/कार्तिक २६ गते । प्रचण्ड र माधव कुमार नेपालको नेपाल कम्युनिष्ट पार्टीमा मिसिन लागेको भिम रावललाई पार्टीले छैँटौँ बरियाता दिने भएको छ । नेकपा एमालेबाट निस्कासनमा परेपछि ‘मातृभूमि राष्ट्रिय जागरण अभियान’ सुरु गरेका नेता डा. भीम रावल प्रचण्ड–माधव नेपाल नेतृत्वको नेपाली कम्युनिस्ट पार्टीमा समाहित हुने कार्यक्रम छ । उनी बुधवार काठमाडौंमा आयोजना हुने औपचारिक कार्यक्रममार्फत् नेपाली कम्युनिस्ट पार्टीमा आबद्ध हुन लागेका हुन् । कार्यक्रम दिउँसो दुई बजे राष्ट्रिय सभागृहमा आयोजना गरिएको छ । कार्यक्रमलाई प्रचण्ड, माधव कुमार नेपाल र भीम रावलले सम्बोधन गर्ने तयारी छ । गत साता भृकुटीमण्डपमा आयोजित १० दलको एकता घोषणा समारोहमै रावललाई पनि आबद्ध गराउने तयारी थियो । कार्यक्रमको मञ्चबाटै प्रचण्डले भीम रावल आउन लागेको बताएका थिए । तर रावलबारे ‘थप छलफल’ आवश्यक रहेको भन्दै त्यतिबे...

पूर्णपुष्टि, कटारी कार्तिक २५ गते । उदयपुरको कटारीमा गाँजा सहित तिन जनालाई प्रहरीले पक्राउ गरेको छ । अवैध गाँजा किनबेचमा संलग्न भएको आरोपमा प्रहरीले कटारी नगरपालिका ४ जहडीबाट सोमबार साँझ इलाका प्रहरी कार्यालय कटारीको टोलीले झण्डै १२ किलो गाँजासहित उनीहरुलाई पक्राउ गरेको हो । पक्राउ पर्नेहरुमा कटारी नगरपालिका ४ का २० वर्षीय रञ्जित ठाकुर, कटारी ७ का ३९ वर्षीय अरजित तामाङ र कटारी ८ का ५० वर्षीय बिष्णुबहादुर तामाङलाई पक्रेको हो । जहडीस्थित एक घरमा लागूऔषध किनबेच भईरहेको भन्ने विशेष सूचनाको आधारमा खटेको टोलीले अन्दाजी साँझ ५ः०० बजे छापा मार्दा उनीहरु रङ्गेहात पक्राउ परेको प्रहरीले जनाएको छ । बरामद गाँजा र पक्राउ सबैलाई इलाका प्रहरी कार्यालय कटारीको हिरासतमा राखेर थप अनुसन्धान भईरहेको जिल्ला प्रहरी प्रवक्ता डिएसपी केदारमान दोङले बताएका छन् ।...

पूर्णपुष्टि /काठमाण्डौँ, कार्तिक २५ गते । काठमाडौं महानगरपालिकाका मेयर बालेन शाहले पनि पार्टी खोल्ने भएको छ । आफ्नै सचिवालयका सदस्यमार्फत नयाँ राजनीतिक दल खोल्ने तयारीमा बालेन अघि बढेको स्रोतको दाबी छ । मेयर बालेननिकट एक सदस्यले ‘कुलमान घिसिङबाट पार्टीमा आउनु भनेर पटक–पटक हाम्रा साथीहरूलाई नागरिकतालगायत कागजात माग गरिएको थियो, तर कोही पनि गएनन् ।’ कुलमान घिसिङसँग कुरा नमिलेपछि बालेनको सचिवालय सदस्यको संयोजकत्वमा ुदेश विकास पार्टीु दर्ता गर्ने तयारी भइरहेको छ । बालेनले आगामी संसदीय निर्वाचनमा भाग नलिने तर जेनजी आन्दोलनको समर्थन गर्ने बताइएको छ । ‘उज्यालो नेपाल’ पार्टी खोल्ने तयारी गरेका बेला ऊर्जामन्त्री कुलमान घिसिङसँग कुरा नमिलेपछि मेयर बालेनेको सचिवालयकै एक सदस्यको संयोजकत्वमा पार्टी दर्ता गर्ने तयारी भएको बुझिएको छ । अब बालेनको नेतृत्वमा ‘देश विकास पार्टी’ नामक नयाँ दल दर्ता हुन...

उदयपुर, कार्तिक २४ । उद्योग बचाउ तथा खबरदारी समुहले आज बन्द अबस्थामा रहेको उदयपुर सिमेन्ट उद्योग तत्कालै सञ्चालनको माग गर्दै उद्योगमन्त्री अनिलकुमार सिन्हा र उद्योग सचिव कृष्ण राउतलाई भेटगरी ध्यानाकर्षण गरेको छ । भेटमा मन्त्री सिन्हाले उद्योग सरकारले नै तत्काल सञ्चालन गर्ने ब्यवस्था मिलाउने र निजीकरण विरुद्ध लाग्ने प्रतिबद्धता गरेको समुहका प्रवेश खड्काले बताए । देशको गौरब र उदयपुर जिल्लाको सिंगो पहिचानसंग जोडिएको उद्योग स्वार्थ समूहको चंगुल र भ्रष्ट राजनीतिक नेतृत्वका कारण धिपधिपे अवस्थामा पुगेको छ । उद्योगको बर्तमान अवस्था नबुझी ठूलो आर्थिक दायित्व देखाएर केही नीजि स्वार्थ समुहले अघोषित रुपमा चल्न नसक्ने भ्रमपूर्ण भाष्य खडा गरेर लाभ उठाउने र सरकारी उद्योगलाई बन्द गराएर नीति पोस्ने चलखेल भएको उनीहरुले जनाएका छन् । यस्तो अवस्थालाई स्थानीय युवाहरुको समुहले तत्काल नियमित उद्योग सञ्चालनको ल...

उदयपुर, कार्तिक २४ । उदयपुरकी एक विवाहित महिलाको नामको फेसबुक फेक आइडि बनाइ नकारात्मक हर्कत गर्ने ब्यक्ति पत्ता लागेको छ । बैदेशिक रोजगारको सिलसिलामा मलेसिया रहेका उदयपुरको रौतामाई गाउँपालिका–६ का निश्चल राई रहेको पत्ता लागेको हो । उनी करिब एक बर्षअघि बैदेशिक रोजगारमा गएको बुझिएको छ । पिडित महिलाकी श्रीमान्, दाजुले विभिन्न प्रविधि र उपाय लगाई फेक आइडी बनाउने ब्यक्ति पत्ता लगाएको हो । उनले मलेसिया गएको केही समयपछि ती महिलाको फेक आइडी बनाइ विभिन्न ब्यक्तिहरुलाई जोडेर अश्लिल कुराहरु गर्ने, म्यासेज, फोटो र भिडियो पठाउने गरेका थिए । पिडित महिलाले फेक आइडीका कारण तनाव झेलिरहेकी थिइन् । उनले जिल्ला प्रहरी कार्यालय उदयपुरमा पत्ता लगाई कारवाहीको मागसहित उजुरीसमेत दिएकी थिइन् । नकारात्मक हर्कतका प्रमाणसहित पत्ता लगाए पछि गल्ती भएको भन्दै उनले म्यासेजमार्फत माफी मागिरहेका छन् । सामाजिक सञ...

पूर्णपुष्टि÷गाईघाट, कार्तिक २४ । उदयपुरको त्रियुगा नगरपालिका–८ शाहीखोला पुलस्थित मदनभण्डारी राजमार्ग छेउमा अचेत अवस्थामा फेला परी उपचारको क्रममा मृत्यु भएको पूरुषको पहिचान खुलेको छ । गत कार्तिक १० गते राती साढेँ ७ बजेको समयमा अचेत अवस्थामा फेला परेका पूरुष त्रियुगा नगरपालिका–२ मोतियाही बस्ने अन्दाजी ७५ बर्षीय छेक बहादुर कुमाल भन्ने हर्क बहादुर कुमाल रहेको जिल्ला प्रहरी कार्यालय उदयपुरले जनाएको छ ।जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) केदारमान दोङका अनुसार अचेत अवस्थामा फेला परेका उनलाई तत्काल खटिएको प्रहरी टोलीले उपचारको लागि जिल्ला अस्पताल ल्याईएकोमा उपचारको क्रममा राती ८ बजे चिकित्सकले मृत घोषित गरेको थियो । उनको मृत्यु पश्चात शवलाई जिल्ला अस्पताल उदयपुरको शव गृहमा राखेर उनको पहिचान कार्य र थप अनुसन्धान सुरु गरिएको डिएसपी दोङले बताए । कुमाईको मृत्यु भएको १२ ...

पूर्णपुष्टि÷गाईघाट, कार्तिक २४ । उदयपुरको सदरमुकाम गाईघाटस्थित मदनभण्डारी आखाँ अस्पताल नजिकै गत शुक्रबार नेपाली सेनाको ट्रकको ठक्करबाट गम्भिर घाईते भएका मोटरसाईकल चालकको उपचारको क्रममा मृत्यु भएको छ । जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) केदारमान दोङले ट्रकको ठक्करबाट गम्भिर घाईते भएका झापाको कमल गाउँपालिका–५ बस्ने ३७ बर्षीय गोपाल बहादुर सार्कीको उपचारको क्रममा शनिबार बिहान पौने ६ बजे बिराटनगरस्थित नोवेल हस्पिटलमा मृत्यु भएको जानकारी दिएका छन् । आज शवको पोष्टमार्टम भईसकेको र मृतकको बुबाले शव बुझिसकेको डिएसपी दोङले जनाए । शुक्रबार दिउँसो १२ बजेको समयमा पश्चिमबाट पूर्व तर्फ आउँदै गरेको श्री पशुपती प्रसाद गण बोक्से ब्यारेकको बा १ ग २४४० नम्बरको ट्रकले पूर्वबाट पश्चिम तर्फ जादैँ गरेको को २० प ४२३२ नम्बरको मोटरसाईकललाई ठक्कर दिएको थियो । ट्रकको ठक्करबाट गम्भिर घाई...

पूर्णपुष्टि, कार्तिक २४ । मुख्यमन्त्री नियुक्तिको विवादले तीव्र रूप लिएसँगै मधेश प्रदेश प्रमुख सुमित्रा सुवेदी भण्डारीको कार्यालयमा तोडफोड भएको छ । प्रदेश प्रमुखको राजीनामा माग्दै प्रदर्शनमा उत्रिएका नेपाली कांग्रेस, जनता समाजवादी पार्टी र लोकतान्त्रिक समाजवादी पार्टीका सांसद तथा कार्यकर्ताहरूले कार्यालय अगाडि रहेका बोर्ड र गमलामा क्षति पुर्‍याएका छन् । प्रदर्शनकारीहरू कार्यालय परिसरमा नाराबाजी गरिरहेका छन् । उल्लेखनीय छ कि उपचारका लागि काठमाडौं गएकी प्रदेश प्रमुख भण्डारीले नेकपा एमालेका सरोजकुमार यादवलाई ठूलो दलको आधारमा मुख्यमन्त्री नियुक्त गरेकी थिइन् । उनले यादवलाई बर्दिबासस्थित एक होटलमा शपथ गराएकी थिइन् । यसअघि मुख्यमन्त्री तथा मन्त्रिपरिषद्को कार्यालयमा पनि तोडफोड भइसकेको छ ।...

पूर्णपुष्टि, कार्तिक २४ । भरतपुरमा निर्माणाधीन गौतमबुद्ध अन्तर्राष्ट्रिय क्रिकेट रंगशालामा धुर्मुस सुन्तली फाउण्डेसनले करिब ६० करोड रुपैयाँ बराबरको काम गरेको सरकारी मूल्यांकन रिपोर्टले देखाएको छ । त्रिभुवन विश्वविद्यालय इन्जिनियरिङ कलेजले गरेको प्राविधिक जाँचअनुसार फाउण्डेसनले भ्याटसहित ५९ करोड ९० लाख १ हजार ८ सय ६६ रुपैयाँको काम गरेको पाइएको छ । यो रिपोर्ट भरतपुर महानगरपालिकामा पेश गरिएको छ । सहायक डीन डा. इन्जिनियर सुरज लामिछानेको नेतृत्वमा रहेको मूल्यांकन समितिले यो रिपोर्ट तयार गरेको हो । समितिमा इन्जिनियर नारायणप्रसाद गौतम र इन्जिनियर शिव काफ्ले सदस्य रहेका थिए । सरकारले चालु आर्थिक वर्षको बजेटमार्फत फाउण्डेसनले गरेको कामको ऋण र उधारो तिर्न प्राविधिक मूल्यांकन गर्ने घोषणा गरेको थियो । यही अनुसार गत भदौ १६ गते इन्जिनियरिङ कलेज, महानगरपालिका र फाउण्डेसनबीच त्रिपक्षीय समझदारी भएको थिय...