Breaking News 1

पूर्णपुष्टि, ७ भदौ । त्रियुगा नगरपालिका वडा नं १० बोक्से खसि बजारको पार्किङ व्यवस्थापन तत्काल गरिने भएको छ । प्रत्येक बुधबार संञ्चालन हुँदै आएको खसी बजारको पार्किङ व्यवस्थापनलाई सहजीकरण गरिने भएको हो । बुधबारका दिन लाग्ने खसि बजारको हटिया पार्किङले अस्तव्यस्त हुने गरेको छ । हटियाको दिन मुख्य सडकमै अटो, सिटी र बाईकले सडक अबरुद्ध गर्दा सवारी आवत जावतमै ठुलो समस्या पर्दै आएका थिए । बुद्धिजिवी तथा सचेतना टोल विकास समितिका अध्यक्ष समेत रहेका पर्शराज राईले उक्त अस्तव्यस्त अवस्था प्रति जानकारी गराउँदै यसको तत्काल समधानमा पहल कदमी चाल्नु परेको बताउनुभयो । शनिवार वडाअध्यक्ष किरण पाण्डेको उपस्थितिमा खसी बजार व्यवस्थापन समितिका अध्यक्ष डिल्ली श्रेष्ठ, सचिव ज्ञानेन्द्र मगर, बुद्धिजिवी तथा टोल विकास समितिका अध्यक्षहरु सहित आसपासका व्यवसायीहरुलाई उपस्थिति गराएर बृहत छलफल गरिएको थियो । छलफलमा वडा...

पूर्णपुष्टि, ६ भदौ । उदयपुरमा नयाँ प्रहरी प्रमुख राजन चापागाई आएका छन् । उनि नयाँ प्रहरी प्रमुखका रुपमा उदयपुर आएका हुन् । चापागाईँ यस भन्दा अघि यसै जिल्लाका डिएसपीको रुपमा कार्यरत थिए । उनि एक बर्ष उदयपुर बसेर सरुवा भएका थिए । निवर्तमान प्रहरी प्रमुख हरिहरनाथ योगिको काठमाण्डौँ स्थित नक्सालमा सरुवा भए सँगै चापागाईँ उदयपुर प्रहरी प्रमुखको रुपमा भित्रिएका थिए । एसपी योगिकै डिएसपीको रुपमा जिल्लामा काम गरेका चापागाईँ एसपी बनेर जिल्ला भित्रिएका हुन । चापागार्इँले शुक्रबार मात्र पत्रकारहरु सँग दोस्रो पटक प्रहरी प्रमुखका रुपमा भेटघाट गरेका थिए । उनले पहिले पनि आफु जिल्लाको बारेमा जानकार रहेको भन्दै काम गर्न सहज हुने बताए । जनताको सुरक्षामा उदयपुर प्रमुखका नाताले हदैसम्म जिम्मेवारी बन्ने चपागाईको भनाई छ ।...

पूर्णपुष्टि, ६ भदौ । त्रियुगा नेशनल एकेडेमी गाईघाटका विद्यार्थीहरुले रक्तदान गरेको छ । “रक्तदान महाअभियान तपाईको रगत जिवनको वरदान ” भन्ने नाराका साथ ब्रह्राकुमारी राजयोग सेवा केन्द्र गाईघाटले आयोजना गरेको रक्तदान अभियानमा विद्यार्थीहरुले रगत प्रदान गरेको हो । शुक्रबार राधाकृष्ण मन्दीर मुनि रहेका सेवा केन्द्रकै भवनमा करिब १० भन्दा बढी विद्यार्थीहरुले रक्तदान कार्यक्रममा सहभागी जनाएको हो । स्वास्थ्य सँगै सम्बन्धित बिषयहरुमै अध्यानरत विद्यार्थीहरुले रगतको महत्वलाई ध्यानमा राखी रक्तदान गरेको थियो । त्रियुगा नेशनल एकेडेमीले बिषेशगरी स्वास्थ्य सँग सम्बन्धित प्राविधिक शिक्षा अध्यापन गराउँदै आएको छ । जस अन्तर्गत ३ बर्षे ल्याव टेक्निसियन, ३ बर्षे ए.एच.ए (कविराज), १८ महिने पशु चिकित्सा विज्ञान भेटेरीनरी र बाली बिज्ञान कृषि १८ महिने गरी ४ ओटा कोर्षहरु संञ्चालन गरिरहेको छ । विश्व बन्धुत्व दिवस तथा रा...

पूर्णपुष्टि, भदौ ४ । उदयपुरको सदरमुकाम गाईघाटमा विश्वबन्धुत्व दिवसको अवसरमा रक्तदान महाअभियान हुने भएको छ । राजयोगिनी दादी प्रकाशमणीज्युको १८ औँ पूण्य स्मृतिमा शुक्रबार ब्रह्राकुमारी राजयोग सेवा केन्द्र गाईघाटको सभाहलमा रक्तदान महाअभियान हुन लागेको हो । “तपाईको रगत, जीवनको वरदान यसले जीवन बचाउन सक्छ, आशा जगाउन सक्छ र अन्जानलाई पनि एकजुट बनाउन सक्छ” भन्ने नारा सहित महाअभियान हुन लागेको हो । मुटुसरी रगत पनि शरीरको अङ्ग थोपा थोपा रगतमा छ, जिन्दगीको रङ्ग भन्ने मुल नाराका साथ बिहान १० बजेदेखी ३ बजेसम्म रत्तदान महाअभियान संचालन हुनेछ । रत्तदान गर्नका लागी अनलाईन मार्फत दर्ता समेत गर्न सकिने छ ।...

पूर्णपुष्टि, ४ भदौ । उदयपुरको चौदण्डीगढी नगरपालिकामा भएको उत्खनन बारे छानबिन समितिले अबैध ठहर गरेको छ । नगरको साउन २९ गते बसेको कार्यपालिकाको बैठकले वडा नम्बर–९ का अध्यक्ष तथा नगर प्रवक्ता प्रकाश राउत संयोजकत्वमा गठित समितिले उक्त उत्खनन अबैध रहेको ठहर गरेको छ । वडा नम्बर–४ का अध्यक्ष लुङ्गाराज राई र इन्जिनियर सन्तोष राई समेतको तिन सदस्यीय छानविन समितिले प्रतिवेदन सार्वजानिक गर्दै उक्त उत्खनन कार्यलाई अबैध ठहर गरेको हो । छानविन समितिले अवैध रुपमा माटो चोरी निकासी गरिएको जग्गा कित्ता नं। ८० को १५ कट्ठा ४.५ धुर र बाँकी कित्ता नं. २४८, २४९ र १९७ का केही क्षेत्रफलबाट १९ हजार ८ सय ९० दशमलव ६७५ घनमिटर अवैध रुपमा उत्खनन भएको प्रतिवेदन सार्वजानिक गरेको छ । प्रतिवेदन सार्वजनिक गर्दै समितिले उक्त परिणामको अवैध माटो चोरी निकासी भएको ठहर सहित उक्त परिणामको माटो चोरी निकासी गर्ने सितारम कन्ट्रक...

पूर्णपुष्टि, भदौ ३ । उदयपुरमा १९ औँ राष्ट्रिय सूचना दिवसको अवसरमा सरकारी कार्यालयका सूचना अधिकारीहरूबीच सूचनाको हक कार्यान्वयन सम्बन्धमा छलफल तथा अन्तरक्रिया कार्यक्रम सम्पन्न भएको छ । मंगलबार "सूचनाको हाम्रो अधिकार, सुशासन र विकासको आधार" भन्ने मुख्य नाराका साथ आयोजना गरिएको कार्यक्रमको संयोजन जिल्ला हुलाक कार्यालयले गरेको थियो भने समन्वयन जिल्ला प्रशासन कार्यालयले गरेको थियो । कार्यक्रममा दुई वटा महत्वपूर्ण कार्यपत्र प्रस्तुत गरिएको थियो । पहिलो कार्यपत्र "सूचनाको हक, कानुनी व्यवस्था र सूचना अधिकारीको भूमिका" विषयमा सहायक प्रमुख जिल्ला अधिकारी विक्रम प्रसाद पाण्डेयले प्रस्तुत गर्नुभएको थियो । दोस्रो कार्यपत्र "हुलाक सेवाको परिचय र सूचनाको हक कार्यान्वयनमा जिल्ला हुलाक कार्यालयको भूमिका" विषयमा हुलाक अधिकृत ललिता देवी खनालले प्रस्तुत गर्नुभएकी थिइन् । कार्यक्रमको अध्यक्षता प्रमुख जिल्ल...

पूर्णपुष्टि, भदौ २ । दक्षिण कोरियामा कार्यरत उदयपुरका एक युवाको मृत्यु भएको छ । चौदण्डीगढी नगरपालिका–५ बेल्हाका ३२ वर्षीय कमल चौधरीको आज कोरियामा निधन भएको परिवारजनले जानकारी दिएका छन् । एक वर्षअघि इपिएस परीक्षा उत्तीर्ण गरेर रोजगारीका लागि दक्षिण कोरिया गएका चौधरी विगत डेढ महिनादेखि कोरियाको बुसानस्थित अस्पतालमा कोमा अवस्थामा उपचाररत थिए । कोरियामा रहेका उनका सालो पुरुषोत्तम चौधरीका अनुसार उपचारका क्रममा उनको मृत्यु भएको हो । कमल चौधरी कसरी र किन अचेत भए भन्नेबारे उनका परिवारजनलाई स्पष्ट जानकारी छैन । तर, बेहोस हुनुभन्दा एक महिनाअघि नै उनले काम गर्दै आएको कम्पनी छाडेका थिए । त्यसपछि नयाँ कामको खोजीमा कुनै शेल्टरमा बसिरहेको बेला यो दुर्घटना भएको बुझिएको छ । अचेत अवस्थामा फेला परेका उनलाई प्रहरीले एम्बुलेन्सबाट अस्पताल पुर्याएको थियो । उपचारको क्रममा उनको टाउकोमा रगत जमेको देखिएको थियो ।...

पूर्णपुष्टि, भदौ २ । उदयपुरको चौदण्डीगढी नगरपालिका–९ भिमास्थित भेदी त्रियुगा नदी किनारमा माछा मार्न गएका एक पूरुष हिजोदेखी बेपत्ता भएका छन् । आईतबार दिउँसो १ बजे बल्छी खेल्न गएका चौदण्डी–६ सातधारेका ४५ बर्षीय दिलबहादर राई बेपत्ता भएको प्रहरीले जनाएको छ । इलाका प्रहरी कार्यालय बेल्टारका अनुसार बेपत्ता भएका राईको नदी किनारमा बल्छि, साइकलको चाबी र केहीँ नगद पैसा फेला परेको छ भने अहिलेसम्म मान्छे भने फेला परेको छैन । बेपत्ता भएको राईको खोजी कार्य तीव रुपमा भईरहेको प्रहरीले जनाएको छ ।  ...

पूर्णपुष्टि, भदौ १ । उदयपुरको बेलका नगरपालिकाले लेबुचे हिमाल र आईल्याण्ड पिकको सफल आरोहण गरेका एक युवकलाई सम्मान गरेको छ । बेलका–७ का जलन राईले ६ हजार १ सय १९ मिटर लेबुचे र ६ हजार १ सय ८९ मिटरको पिक सफलतापूर्वक आरोहण गरेपछि उनलाई नगरपालिकाकी उप–प्रमुख जिरा राईले एक कार्यक्रमबीच शुक्रबार सम्मान गरेको हो । उप–प्रमुख राईले उनको साहसिक कदमको उच्च मुल्यांकन गर्दै नगरपालिकाले विशेष सम्मान गरेको बताईन् । आरोही राईको सफल आरोहणले केवल बेलका नगरपालिका मात्र नभई सम्पूर्ण उदयपुरको शिर उच्च भएको उनले बताईन् । उप–प्रमुख राईले सम्मान गर्दै आगामी दिनमा चोमोलुङ्माको पनि सफल आरोहण गर्ने प्रेरणा मिलोस् भन्दै शुभकामना व्यक्त गरेकी छन् । आरोही राई समाज सेवामा पनि उत्तिकै सक्रिय छन् । उनले विगतमा विपन्न परिवारका तथा जेहेन्दार विद्यार्थीलाई शैक्षिक सामग्री सहयोग गर्दै आएका छन् ।...

पूर्णपुष्टि, २९ साउन । त्रियुगा नगरपालिका वडा नं २ मोतियाहीको एक फर्मबाट सुँगुर चोरी गरी बेच्ने र किन्ने दुवैलाई जिल्ला प्रहरी कार्यालय उदयपुरले पक्राउ गरेको छ । मोतियाही स्थित खेम राज श्रेष्ठको नाममा रहेको उग्रतारा कृषि पशु फार्म बाट सँगुर चोरी गर्ने सोही स्थानका ५२ बर्षिय बौवा खड्का (लकाई) लाई प्रहरीले पक्राउ गरेको छ भने चोरी गरीएको सुँगुर किन्ने सोही वडा मिलन चोकका अन्दाजी २८ बर्षिय अमित चौधरीलाई पनि प्रहरीले पक्राउ गरेको छ । उक्त फार्ममा त्रियुगा नगरपालिका वडा नं ३ का ४१ बर्षिय पुरन मगरले बिगत ३ बर्ष देखी बँगुर पालन गर्दै आएका थिए । मगरका अनुसार उक्त फार्मबाट आफ्नो २७ ओटा सुँगर हराएको छ । पटक पटक कहिले ४, कहिले ३ पटक र अन्य समय पटक पटक सुँगुर चोरी भएको मगरले जनाए । सुँगुर हराउन थालेपछि मगरले प्रहरीमा पनि निवेदन दिएका थिए । तर पक्ता लाग्न सकेन । पछि गाउँलेहरुले तिम्रो सँगुर बोके...