Breaking News 2

पूर्णपुष्टि, असोज १८ । चाँडबाँडमा बढ्ने सडक दुर्घटनालाई मध्यनजर गर्दै गाईघाटमा सडक दुर्घटना न्यूनीकरण सम्बन्धि कृत्रिम अभ्यास गरिएको छ । शुक्रबार सशस्त्र प्रहरी बल नेपाल नं. ५ हेडक्वाटरको आयोजना र जिल्ला प्रहरी कार्यालय उदयपुरको सहकार्यमा त्रियुगा नगरपालिका–३ स्थित त्रियुगा बसपार्कमा अभ्यास गरिएको हो । अभ्यासमा यात्रुवाहक बस र मोटरसाइकल एकआपसमा ठक्कर खाएको दृश्यको पुनर्निर्माण गरिएको थियो । स्थानीयको सूचनापछि नेपाल प्रहरी, सशस्त्र प्रहरी, ट्राफिक प्रहरी र एम्बुलेन्स घटनास्थलमा पुगेको थियो । दुर्घटनामा घाइते भएकाहरूलाई एम्बुलेन्समार्फत नजिकैको स्वास्थ्य चौकीमा पठाइएको थियो भने मृतकको शव पोस्टमार्टमका लागि जिल्ला अस्पताल पठाईएको थियो । प्रहरीले गरेको सूक्ष्म अनुसन्धानबाट मोटरसाइकल तीव्र गतिमा रहेको खुलेको थियो । कार्यक्रममा बोल्दै प्रमुख जिल्ला अधिकारी हरिप्रसाद घिमिरेले दुर्घटना कुनै ...

उदयपुर, असोज १७ । कोशी प्रदेशका राज्यमन्त्री सृजना राई चढेको गाडीमाथि मंगलबारराती ढुङ्गा प्रहार गर्ने छ जनालाई प्रहरीले पक्राउ गरेको छ । उदयपुरको बेलका नगरपालिका–८ स्थित सिरवानी भन्ने ठाउँमा लुटपाटको प्रयासले ढुङ्गा प्रहार गरेको आशंकामा छ जनालाई हिजो पक्राउ गरिएको प्रहरीले जनाएको छ । स्थानीय आकाश राई, विशाल राई, लोहनसिंह राई, सुदीप राई, थानविन राई र सुरेश राई गाउँमै पक्राउ परेका हुन् । प्रहरीले घटनाबारे अनुसन्धान अगाडि बढाएको छ । भोजपुरको आमचौकमा बाढी प्रभावित क्षेत्रको अनुगमनपछि विराटनगरतर्फ फर्कने क्रममा राती करिब ११ बजे राज्यमन्त्री राई चढेको गाडीमाथी लुटपाटको प्रयाससहित ढुङ्गा प्रहार भएको जिल्ला प्रहरी प्रमुख एसपी हरिहरनाथ योगीले बताउनुभयो । राज्यमन्त्री राईको स्वकीय सचिव अनुहांग राईका अनुसार राज्मन्त्रीसहित ७ जना चढेको प्रदेश १–०४–००१ झ ००३२ नम्बरको गाडी रोकेर लुटपाटको प्रयास भएको...

पूर्णपुष्टि, असोज १७ ।  नेपालीहरुको महान चाड बडादशैं आजदेखि सुरु भएको छ । आश्विन शुक्ल प्रतिपदाका दिन मनाइने घटस्थापनामा घर-घरमा वैदिक विधिपूर्वक कलश, दियो र गणेश स्थापना गरिन्छ । पूजाकोठामा जौको जमरा राखिने यस पर्वमा नवरात्रभर दुर्गा देवीका नौ रूपको पूजा गरिन्छ । असोज २६ गते विजयादशमीका दिन ११:३६ को शुभसाइतमा टीका लगाइनेछ । दशैंलाई असत्यमाथि सत्यको विजयको प्रतीकका रूपमा मनाइने यो पर्व सबै धर्म र जातका लागि समान रहेको धर्मशास्त्रका जानकारहरू बताउँछन् ।...

पूर्णपुष्टि, १६ असोज । दशैँ महोललाई तार्गेट गर्दै चुहाडेमा आदिम संगम सांस्कृतिक कार्यक्रम हुने भएको छ । त्रियुगा नगरपालिका ७ चुहाडे चोकमा आदिम मिडिया ग्रुप तथा संगम समाज नेपालको आयोजनामा बृहत सांस्कृतिक कार्यक्रम हुन लागेको हो । राष्ट्रिय तथा अन्तराष्ट्रिय कलकारहरुको साथमा मंगलबार उक्त कार्यक्रम गर्न लागिएको आयोजकले जनाएको छ । चाँडबाँडलाई लक्षित गर्दै मनोरञ्जनको माहोल बढाउन कार्यक्रमको आयोजना गर्न लागिएको हो । कार्यक्रममा ख्यातिप्राप्त कलकारहरु एलिना चौहान र उमेश राई (फुलन्देको आमा) आउने भएको छ । साथै उदयपुरका गायक विनोद दनुवारको पनि प्रस्तुती रहेको आयोजक संस्थाले जनाए । कार्यक्रममा बिभिन्न खाले जातजातिका नाच गान तथा झाँकी प्रदर्शन हुने भएको छ । यसले कार्यक्रमलाई थप सफल र राम्रो बनाउने आयोजक संस्थाको विश्वास छ । असोज २२ गते कार्यक्रममा सहभागी हुन आयोजक पक्षले आह्वान समेत गरेको छ ।...

पूर्णपुष्टि, असोज १६ । जल तथा मौसम विज्ञान विभागको बाढी पूर्वानुमान महाशाखाले कोशी प्रदेशका ९ जिल्लामा बाढीको मध्यम जोखिम रहेको जनाएको छ । आज बिहान जारी गरिएको सूचना अनुसार ताप्लेजुङ संखुवासभा, पाँचथर, तेह्रथुम, धनकुटा, इलाम, झापा, मोरङ र सुनसरी जिल्लामा आगामी तीन दिनसम्म उच्च सतर्कता अपनाउन आग्रह गरिएको छ । महाशाखाका अनुसार ठूला नदीहरूमा बाढीको खतरा नभए पनि साना नदी तथा खोलाहरूमा आकस्मिक बाढीको जोखिम रहेको छ । कन्काई नदीमा जलसतह उल्लेख्य रूपमा बढ्ने भएकोले नदी किनार क्षेत्रमा विशेष सतर्कता अपनाउन सुझाव दिइएको छ । कोशी लगायत अन्य ठूला नदीहरूको जलसतह भने सामान्य घटबढ हुने र सतर्कता तहभन्दा तलै रहने पूर्वानुमान गरिएको छ । साथै भोजपुर, खोटाङ, सोलुखुम्बु र उदयपुर लगायतका जिल्लाका साना नदीहरूको बहाव बढ्न सक्ने भएकोले यी क्षेत्रमा पनि सतर्कता अपनाउन महाशाखाले सुझाएको छ ।...

पूर्णपुष्टि, असोज १५ ।  बुधबारदेखि कोशी प्रदेशमा दुई दिन लगातार वर्षा हुने सम्भावना रहेको छ । त्रिभुवन विश्वविद्यालयको जल तथा मौसम विभागका सहप्राध्यापक डा. विनोद पोखरेलका अनुसार कोशी प्रदेशमा भारी वर्षाको सम्भावना रहेको छ भने बागमती र गण्डकी प्रदेशमा पनि केही प्रभाव पर्ने देखिन्छ । हावापानी विज्ञ डा. धर्मराज उप्रेतीले काठमाडौं उपत्यकामा मंगलबार अपराह्नदेखि नै वर्षाको प्रभाव देखिन सक्ने बताए । उनका अनुसार अघिल्लो वर्षाले कमजोर बनाएको भूमिमा हल्का वर्षा हुँदा पनि पहिरोको जोखिम रहेकाले विशेष सतर्कता अपनाउनुपर्ने देखिन्छ । जल तथा मौसम विज्ञान विभागको मौसम पूर्वानुमान महाशाखाले मंगलबार बिहान जारी गरेको बुलेटिनमा कोशी, बागमती र गण्डकी प्रदेशका पहाडी भूभागमा मेघगर्जन र चट्याङसहित हल्कादेखि मध्यम वर्षा हुने उल्लेख छ । महाशाखाले यस वर्षाका कारण कृषि, स्वास्थ्य, पर्यटन र यातायात क्षेत्रमा प्रभाव प...

पूर्णपुष्टि, असोज १४ ।  कोशी प्रदेश सरकारले आगामी माघ महिनामा प्रदेशको पहिलो लगानी सम्मेलन आयोजना गर्ने भएको छ । माघ ११, १२ र १३ गते हुने यो सम्मेलनको उद्देश्य प्रदेशमा लगानीको वातावरण सिर्जना गर्नु र औद्योगिक विकासको सन्देश दिनु रहेको छ । प्रदेश सरकारको मन्त्रिपरिषद् बैठकले सम्मेलनको अवधारणा पारित गरी मिति तय गरेको हो । चालू आर्थिक वर्षको बजेटमा यस कार्यक्रमका लागि करिब ३ करोड रुपैयाँ छुट्याइएको छ । प्रदेश लगानी प्राधिकरणले सम्मेलनको समन्वय, सहजीकरण र लगानीका क्षेत्रहरू निर्धारण गर्नेछ । नेपाल, भारत र अन्य देशका लगानीकर्ताहरूलाई सम्मेलनमा आमन्त्रण गरिने योजना रहेको छ । मुख्यमन्त्रीका आर्थिक सल्लाहकार मोहन सुवेदीका अनुसार सार्वजनिक-निजी साझेदारी (पीपीपी) मोडलमा निजी क्षेत्रलाई प्रदेश विकासमा अधिकतम रूपमा संलग्न गराउने लक्ष्य राखिएको छ । सम्मेलनको तयारीका क्रममा प्रदेश सरकारले आवश्यक कानु...

पूर्णपुष्टि, १४ असोज । बेलका नगरपालिका ६ घर भएका १४ बर्षिय सायल राई ४७ दिन देखी जापानिज (इन्सेप्लाईटिस) रोग सँग लडिरहेको छ । बेलका नगरपालिकाको जडाहा स्थित बेलका बोर्डिङ कक्षा ६ मा अध्यानरत सायल यतिवेला रोग सँगको कष्टकर जुधाईमा छ । सायलको उपचारको लागि परिवारले १६ लाख बढी खर्चिसकेको छ । ४७ दिन देखी बिराट टिचिङ हस्पिटलको भेण्डीलेटरमा राखेर उपचार गराईरहेको सायललाई थप उपचार अघि बढाउन आर्थिक समस्या परेको भन्दै परिवारले उपचारमा सघाउन सबैसामु सहयोगको अपिल गरेको छ । जापानिज (इन्सेप्लाईटिस) रोग तथा मतिष्क टिबी रोगले ग्रसित सायलको उपचार सुरुवातदेखीनै भेण्डीलेटरमा राखेर भैरहेको परिवारले जनाए । सायलको काका राज कुमार राईका अनुसार बिरामीको उपचारमा औषधी बाहेक १६ लाख खर्च भैसकेको र थप उपचारको लागि परिवारमा आर्थिक स्रोत नभएकाले सहयोगको अपिल गर्नु परहेको हो । हस्पिटलले बिरामीको रोग प्रतिरोधात्मक क्...

पूर्णपुष्टि, १४ असोज । यहि असोज १७ गतेबाट उदयपुरको बसाहामा आयोजना हुन लागेको १० औँ नारदमुनी थुलुङ स्मृति गोल्डकप आगामी माघ २२ गतेदेखी हुने भएको छ । लगतारको बर्षाका कारण खेलाडी र खेलमा असर पुगेको भन्दै माघ २२ गते लाई सारिएको आयोजकले जनाएको छ । यो बिपत्तिमा खेलाडीहरुलाई मैदान सम्म आउजाउग गर्न असहज हुने भन्दै तत्काललाई खेल स्तगित गरिएको हो । खेलका लागि आयोजकबाट सबैखाले तयारी पुरा भएको भएपनि अचानक आएको बर्षाले असर पारेको थियो ।...