Breaking News 3

पूर्णपुष्टि, माघ २५ बिहे भोज खान गएका एक जना पुरुषको कठ्याङ्ग्रिएर ज्यान गएको छ । रुकुम पश्चिमका आठबिसकोट नगरपालिका–९ का ५२ वर्षीय बिने बटालाको सोमवार चिसोले कठ्याङ्ग्रिएर ज्यान गएको हो । बटाला वडाकै राडी बजारमा बिहे भोज खान गएका थिए । उनले बिहेमा आउनु अगाडी नै मदिरा सेवन गरेको र बिहेमा आएर फेरी पनि मदिरा सेवन गरेको प्रहरीले जनाएको छ । प्रहरीका अनुसार बटाला बिहे घरकै पछाडी त्रिपालमा एक्लै सुतेका थिए । बिहान उनी मृत फला परेको हो । चिसोकै कारण कठ्याङ्ग्रिएर बटालाको मृत्यु भएको अनुमान भइरहेको जिल्ला प्रहरी कार्यालय रुकुम पश्चिमका डिएसपी ध्रुबकुमारश्रेष्ठले जानकारी बताउनुभयो । बिहान आफन्तले उठाउन खोज्दा बटाला हलचल नगरेपछि आफन्तले प्रहरीलाई खबर गरेका थिए । शव पोष्टमार्टमपछि आफन्तलाई बुझाइएको र पोष्टमार्टमको रिपोर्ट आउन बाँकी रहेको प्रहरीले जनाएको छ ।...

पूर्णपुष्टि, माघ २४ आमालाई कुटपिट गरी हत्या गरेको अभियोगमा सुर्खुेतका एक युवक पक्राउ परेकोे छ । जिल्लाको वीरेन्द्रनगर–२ खोलीगाउँमा आफ्नै ५७ वर्षीय आमा शान्ति थापालाई घाइते बनाइ फरार रहेको अवस्थामा प्रहरीले उनकै छोरा ३० वर्षीय रमेशबहादुर थापालाई बाँकेको कोहलपुरबाट पक्राउ गरेको हो । रमेशले आमालाई शनिवार घर नजिकको खेतमा कुटपिट गरी घाइते बनाएको र आइतवार ज्यान गएको जिल्ला प्रहरी कार्यालय सुर्खेतले जनाएको छ । कुटपिट भएको सूचना लगत्तै जिल्ला प्रहरी कार्यालय सुर्खेतले प्रहरी निरीक्षक कनकबहादुर शाहीका नेतृत्वमा घटनास्थलमा अनुसन्धान टोली परिचालन गरेको थियो । प्रहरीले घटनास्थलमा मुचुल्का र पोष्टमार्टम समेतको प्रारम्भिक अनुसन्धान गरी शव छोरी चम्पा थापाको जिम्मा लगाएको जनाएको छ । नियन्त्रणमा लिइएका रमेशलाई सोमबार सुर्खेत जिल्ला अदालतबाट म्याद थप गरी अनुसन्धान सुरु गरिने जिल्ला प्रहरी कार्यालयले जा...

पूर्णपुष्टि, माघ २४ संखुवासभाको खाँदवारी नगरपालिका­९ आज बिहान भएको ट्रक दुर्घटनामा परी चालकको ज्यान गएको छ । दुर्घटनामा परी ट्रक चालक गोरखाका २४ बर्षीय मिलन मग्रातीको ज्यान गएको हो । बिहान साँढे ६ बजेको समयमा खाँदवारीबाट सभाखोला तर्फ जाँदै गरेको प्रदेश २–०३–००१ ख ४३० नम्बरको ट्रक आफै अनियन्त्रीत भई दुर्घटना हुँदा घाईते भएका चालक मग्रातीको मनकामना हस्पिटल तुम्लिङटारमा उपचारको क्रममा ज्यान गएको जिल्ला प्रहरी कार्यालय संखुवासभालले जनाएको छ । घटना सम्बन्धमा थप अनुसन्धान भईरहेको छ ।...

पूर्णपुष्टि, माघ २३ ब्राउनसुगरसहित दुई जना भारतिय नागरिक झापाबाट पक्राउ परका छन् । जिल्लाको मेचिनगर नगरपालिका–१५ स्थितबाट उनीहरु पक्राउ परेका हुन् । पक्राउ पर्नेमा भारत दार्जिलिङ पञ्चायत बतासे चुनिलाल गाँउका २५ वर्षीय मो.सुल्तान र २७ वर्षीय रन्जित गणेश रहेका छन् । हिजो दिनको ३ बजे प्रहरी चौकी ज्यामिरगढी झापाबाट खटिएको प्रहरी टोलीले उनीहरुलाई लागुऔषध ब्राउन सुगर १५ ग्रामसहित पक्राउ गरिएको हो । पक्राउ परेका दुवैजनालाई ईलाका प्रहरी कार्यालय धुलाबारीले थप अनुसन्धान गरिरहेको छ ।...

पूर्णपुष्टि, माघ २३ झापा दमक नगरपालिका–१ डाँडागाउ एकता टोलका २६ वर्षीय प्रकाश सिटौला लागुऔषधसहित पक्राउ परेको छ । हिजो बेलुका साढे ६ बजे ईलाका प्रहरी कार्यालय दमकबाट खटिएको प्रहरी टोलीले उनको घर कोठाबाट निट्राभेट–७५ ट्याब्लेट र इस्कुफ १०० एमएलको ७ बोतल फेला पारेको थियो । पक्राउ परेका सिटौलालाई ईलाका प्रहरी कार्यालय दमकले थप अनुसन्धान गरिरहेको छ ।...

पूर्णपुष्टि, माघ २१ सुनसरीको धरान उप महानगर पालिका–१४ स्थितबाट लागुऔषध सहित ४ जनालाई प्रहरीले पक्राउ गरेको छ । पक्राउ पर्नेमा धरान–१४ का ३४ बर्षीय रमेश परियार, धारान–१० का ४० बर्षीय राजन शाक्य, हरिनगरा गाउँपालिका–६ का २० बर्षीय खुर्सित अन्सारी र २३ बर्षीय अक्ताक अन्सारी रहेका छन । हिजो बिहान ७ बजे इलाका प्रहरी कार्यालय धरानबाट सादा पोशाकमा खटिएको प्रहरी टोलीले उनिहरुको साथबाट १२१ मिलिग्राम ब्राउनसुगर, ४ बोतल डाईलक्स डिसि र नाईट्रोसन २० ट्यावलेट बरामद गरेको हो । पक्राउ परेका चारै जनाको इलाका प्रहरी कार्यालय धरानबाट थप अनुसन्धान भईरहेको छ ।...

पूर्णपुष्टि, माघ २१ लामो समय देखी राजधानीमा रहेर सक्रिया पत्रकारमा लागेको कमलराज राईको हृदय घातका कारण बिहिबार निधन भएको छ । राईको उपचारको क्रममा नेपाल भारत मैत्री अस्पतालमा निधन भएको नेपाल पत्रकार माहासंघले जनाएको छ । हृदयघातका कारण ४५ वर्षको अल्पायुमै निधन भएको महासंघका महासचिव रोसन पुरीले जनकारी दिए । माघ २० गते बिहीबार दिउँसो हृदयघात भएपछि उपचारका लागि तत्काल मित्रपार्कस्थित नेपाल(भारत मैत्री अस्पताल पुर्‍याइए थियो । पत्रकार राईको उपचारकै क्रममा सोही दिन दिउँसो ४ बजे निधन भएको हो । राई पछिल्लो समय प्रभाव दैनिकमा सम्पादकका रूपमा कार्यरत थिए ।...

पूर्णपुष्टि, माघ २० उदयपुरमा आज (बिहिवार) थप ७ जनामा कोरोना भाइरसको संक्रमण पुष्टि भएको छ । ४ महिला र ३ पुरुष गरी थप ७ जनामा कोरोना संक्रमण पुष्टि भएसँगै जिल्लामा संक्रमितको संख्या ६ सय ७६ जना पुगेको हो । २३ जनाको एन्टिजेन्ट विधिमार्फत परिक्षण गरिएकोमा ७ जनाको रिपोट पोजेटिभ आएको हो । जिल्ला स्वास्थ्य कार्यालय उदयपुका अनुसार थपिएको संक्रमितहरु चौदण्डीगढी र बेलाका नगरपालिकाका रहेको छन् । चौदण्डीमा ४ महिला र २ पुरुष गरी ६ जना साथै बेलकाको १ जना पुरुष संक्रमित भएका हुन् । जिल्लामा कोरोनालाई जितेर ३२ महिला र ५२ जना पुरुष गरी ८४ जना निको भएको स्वास्थ्य कार्यालयको तथ्याङले देखाएको छ ।  ...

पूर्णपुष्टि, माघ २० १२ वर्षीया बालिकालाई जबरजस्ती करणी गरको अभियोगमा मोरङबाट एक पुरुष पक्राउ परेको छ । जिल्लाको सुन्दरहरैँचा नगरपालिका–५ बाँसबारीका ५३ वर्षीय रामदेव चौधरीलाई बुधवार साझा करणी अभियोगमा प्रहरीले पक्राउ गरेको हो । चौधरीले ती बालिकालाई ललाई फकाई घर नजिकैको बाँसघारीमा लगेर करणी गरेको प्रहरीको भनाई छ । चौधरीलाई इलाका प्रहरी कार्यालय बेलबारीको हिरासतमा राखेर थप अनुसन्धान भइरहेको छ । बालिकालाई उपचार र स्वास्थ्य परीक्षणका लागि सुनसरीको धरानस्थित वीपी कोइराला स्वास्थ्य विज्ञान प्रतिष्ठान घोपा पठाइएको जिल्ला प्रहरी कार्याय मोरङका प्रवक्ता डिएसपी दीपक श्रेष्ठले जानकारी दिनुभयो ।...

पूर्णपुष्टि, माघ २० पाँचथरमा चौंरी गोठ जाँदा लेक लागेर एक युवाको ज्यान गएको छ । जिल्लाको फालेलुङ गाउँपालिका–५ को टुनीबोटेका ३१ वर्षीय विशाल मगरको लेक लागेर ज्यान गएको हो । बुधबार राति साढे १२ बजेतिर विशालसहित उनका भाइ विक्रम सोही गाउँपालिकाको आहालेस्थिति चौंरी गोठ गएका थिए । हिउँ परेपछि घर फर्किने क्रममा धुपीडाँडा भन्ने क्षेत्रमा आइपुग्दा विशाललाई लेक लागेपछि हातखुट्टा नचलेको र बिहीबार बिहान ३ बजेतिर प्रहरी चोकी प्राङ्बुङबाट प्रहरी टोली पुग्दा उनी मृत अवस्थामा फेला परेको जिल्ला प्रहरी कार्यालय पाँचथरले जनाएको छ ।...