Month: ६ वर्ष अगाडि

पूर्णपुष्टि, जेठ २१ गते ।  इङ्ग्ल्याण्डले वेस्ट इण्डिजसँग खेल्ने ३ खेलको टेस्ट सिरिजको मिति टुङ्गो लागेको छ । आगामी जुलाई ८ देखि बन्द रङ्गशालामा खेल्ने गरी इङ्ग्ल्याण्डले वेस्ट इण्डिजसँगको तालिका टुङ्गो लगाएको हो । यो सिरिजसँगै कोरोना भाइरसको कारण गएको मार्च १३ तारिखदेखि बन्द भएका अन्तर्राष्ट्रिय क्रिकेट सुरु हुनेछन् । पहिलो टेस्ट ८ देखि १२ जुलाईसम्म ह्याम्पसायरमा हुनेछ, दोस्रो टेस्ट १६ देखि २० जुलाईसम्म ओल्ड ट्राफोड र तेस्रो २४ देखि २८ जुलाईसम्म ओल्ड ट्राफोडमा नै हुनेछ ।...

पूर्णपुष्टि, जेठ २१ गते । रुपन्देहीको सीमा नाका भैरहवाको बेलहियाबाट मङ्गलबार अभिनेत्री मनीषा कोइराला नेपाल प्रवेश गरेकी छिन् । परिवारका सदस्यसहित बेलहिया नाकाबाट स्वदेश प्रवेश गरेपछि उनी काठमाण्डौ प्रस्थान गर्ने जनाईएको छ । उनीसँगै निजी गाडीमा परिवारका सदस्यसमेत रहेको बताइएको छ । भारतीय भूमिबाट नेपाल प्रवेश गर्नु पहिले सीमामा स्वास्थ्यकर्मीले अभिनेत्री कोइराला र उनका परिवारको स्वास्थ्य परीक्षण गरेको थियो । अभिनेत्री कोईराला जिल्ला प्रशासन रुपन्देहीले जनाएको छ । नेपाल भारत सीमा विवाद चलेका बेला नेपाली राष्ट्रियताका पक्षमा सामाजिक सञ्जालमा दिएको अभिव्यक्तिले नेपालमा कोइरालाको प्रशंसा भइरहेको छ । कोइरालाले भारत र नेपाली चलचित्रमा दशकौँदेखि अभिनय गर्दै आएकी छिन् ।...

पूर्णपुष्टि, जेठ २१ गते । अरब सागरबाट उत्पन्न भएको निसर्ग नामको चक्रवातको प्रभावले नेपालमा बिहीबारदेखि ठूलो वर्षा हुने पूर्वानुमान महाशाखाले जनाएको छ । चक्रवातको प्रभाव आज दिउँसोबाटै नेपालमा देखिने र भोलिदेखी तीन दिनसम्म ठूलो वर्षा हुने सम्भावना रहेको महाशाखाले जनाएको छ । दक्षिण–पूर्वी अरब सागरमा रहेको न्यून चापीय क्षेत्र उत्तरतर्फ सरिरहेको र यसको अप्रत्यक्ष प्रभावले नेपालमा पनि वर्षा र हिमपात हुन सक्ने सम्भावना रहेको महाशाखाले जनाएको छ । नेपालमा भोलि मध्यम खालको वर्षा हुने र शुक्रबार र शनिबार ठूलो पानी पर्ने महाशाखाले जनाएको छ । मनसुन भारतको केरला प्रवेश गरिसकेकोले जेठ मसान्तअघि नै नेपालमा मनसुन सुरु भइसक्ने जनाएको छ । आज कर्णाली र सुदूरपश्चिमबाहेकका प्रदेशमा सामान्य पानी पर्ने सम्भावना रहेको महाशाखाले जनाएको छ । अहिले सुदूरपश्चिम प्रदेश र प्रदेश १ को पहाडी भूभागमा सामान्य ...

पूर्णपुष्टि, जेठ २१ गते । आगामी जेठ २५ गते भित्र कर तिर्न सरकारले म्याद तोकेकोमा नेपाल चेम्बर अफ् कमर्सले आपत्ति जनाएको छ । कोरोना भाइरसको प्रकोपको कारण ७१ दिनदेखि देश लकडाउनमा रहेकोले समग्र आर्थिक एवम् व्यावसायिक कारोबार ठप्प रहेकोे अवस्थामा सरकारले जेठ २५ गतेभित्र कर बुझाउन म्याद तोकेकोमा ध्यानाकर्षण भएको चेम्बरले जनाएको छ । तरलताको अभावले कर्मचारी र मजदुरको पारिश्रमिक लगायत अन्य बैंकको ब्याज, किस्ता तथा अन्य विविध खर्चहरुसमेत धान्न नसकेको पनि चेम्बरले जनाएको छ । चेम्बरले स्वास्थ सुरक्षाको प्रत्याभूतिको साथ लकडाउनको अवधिमा अविलम्ब आर्थिक क्रियाकलाप चलायमान बनाउन व्यवसायिक वातावरण सिर्जना गर्न पनि अनुरोध गरेको छ । विद्यमान सूचना खारेज गरी व्यवसायीको माग अनुसार नयाँ सूचना जारी गर्न चेम्बरको अनुरोध छ ।...

पूर्णपुष्टि, जेठ २० गते ।  प्रदेश सरकारले सञ्चार माध्यमलाई दिएको कोरोना सचेतना सन्देशको गत प्रचार भएको भन्दै नेपाल पत्रकार महासंघसहित पत्रकार संगठनहरुले आपत्ती जनाएको छ । प्रदेश सरकारले स्वरोजगारमूलक सञ्चार माध्यमलाई कोरोना महामारीबाट उत्पन्न संकटको अवस्थामा सन्देशमुलक सूचना दिई सहयोग गरेको विषयलाई लिएर भ्रम छरिएको भन्दै महासंघ र संगठनहरुले मंगरबार विज्ञप्ति जारी गर्दै आपत्ती जनाइएको हो । प्रदेश सरकारले कोरोना जन सुरक्षा कोषको कार्यबिधि अनुसार कोरोना विरुद्ध सचेतना फैलाउने सन्देश महासंघमार्फत प्रदेशका सञ्चार माध्यमलाई उपलब्ध गराएको नेपाल पत्रकार महासंघ १ नं प्रदेश समितिले जनाएको छ । महासंघका अध्यक्ष बिक्रम लुईटेल र महासचिब विवेक गौतमद्वारा जारी विज्ञप्तिमा अहिलेसम्म १ सय १६ सञ्चार माध्यमले सो रकम प्राप्त गरेको र अन्य प्रक्रियामा रहेको स्पष्ट पार्दै तोकिएको मापदण्ड अनुसार पारदर्शी ...

पूर्णपुष्टि, जेठ २० गते ।  अत्यावश्यक वस्तुका पसल दैनिक तीन घण्टा खुल्न पाउने भएको छ । खाद्य वस्तु, तरकारी तथा दैनिक उपभोगका अत्यावश्यक किराना पसल विहान ११ बजेदेखि दिउँसो २ बजेसम्म खुल्ने भएको हो । जिल्ला प्रशासन कार्यालय उदयपुरले मंगलबार सुचना प्रकाशन गर्दै लामो समयदेखिको लकडाउनले पारेको समस्यालाई दैनिक जिवन यापनमा सहज बनाउने उद्देश्यले अत्यावश्यक वस्तुको पसल दैनिक तीन घण्टा खेल्ने सुचान जारी गरेको छ ।...

पूणर्पुष्टि, जेष्ठ, २० नेपालमा आज कोरोना संक्रमणबाट ४५ जना निको भएका छन् । उनिहरु निको भएर घर फर्कि सकेका छन् । आजको ४५ जना सहित नेपालमा कोरोनाबा मुक्त हुनेको संख्या २६६ पुगेको स्वास्थ्य तथा जनसंख्या मन्त्रालयले जनाएको छ । हाल सम्म प्रदेश १ बाट ४८, प्रदेश २ बाट १०४, बागमतीबाट ३०, गण्डकीबाट ३, प्रदेश ५ बाट ७४ र सुदूरपश्चिमबाट ७ जना निको भई घर फर्किएका छन् अहिलेसम्म कोरोना निको भएर डिस्चार्ज हुनेमा २ सय १२ जना पुरुष र ५४ जना महिला रहेका छन् ।...

पूर्णपुष्टि, जेठ २० गते ।  नेपालमा थप ४५ जना कोरोना संक्रमित उपचारपछि निको भएका छन् । मकवानपुर १, गुल्मी १, स्पन्देही १६, कपिलबस्तु ९, सुनसरी १, झापा १७ जना निको भएर डिस्चार्ज भएको स्वास्थ्य तथा जनसंख्या मन्त्रालयले जनाएको छ । यो सँगै नेपालमा उपचारपछि निको हुनेको संख्या २ सय ६६ पुगेको छ । पछिल्लो सयममा भारतबाट आउनेको संख्या बढेसँगै संक्रमितको संख्या तिब्र रुपले बढ्दै गएको छ । आज एकै दिन २ सय ८८ जना नयाँ संक्रमित थपिएर नेपालमा संक्रमितको संख्या २ हजार ९९ पुगेको छ भने ८ जनाको मृत्यु भईसकेको मन्त्रालयले जनाएको छ ।...

 पूणर्पुष्टि, जेष्ठ, २० कोरोनो भाईरसका कारण लामो समय सम्मको लकडाउनका कारण व्यपार व्यवसाय चौपट भएको भन्दै देशभरका व्यवसायीहरुले व्यवसायलाई सहज गर्नु पर्ने माग राख्न थालेको छ । यहि शिलशिलामा काठमाण्डौ स्थित जोरपाटीको व्यवसायीहरुले मंगलबार प्रदर्शन समेत गरेका छन् ।  कोरोना भाइरस नियन्त्रणका लागि सरकारले नेपालमा लकडाउनको घोषणा गरेको ७१ दिन भइसकेको छ । यो अवधिसम्म आइपुग्दा लकडाउनले जिउन समेत मुस्किल हुन थालेको भन्दै लकडाउन खुकुलो पार्न जनस्तरबाट माग हुँदै आएको छ । सरकारले भने लकडाउनलाई ३२ जेठसम्म बढाउने निणर्य गरिसकेको छ । यद्यपि, सरकारले निणर्यलाई थप व्याख्या गरेर केही स्थानमा लकडाउन खुकुलो बनाउन सकिने बारे छलफल गरिरहेको छ । व्यवारीहरुले गरेको प्रदर्शनमा प्रहरीले हस्तक्षेप गरेको छ । उनिहरुलाई प्रहरीले भिँडभाँड भएको भन्दै प्रदर्शनबाट खेदेका थिए ।...