Month: ५ वर्ष अगाडि

पूर्णपुष्टि,वैशाख ९ एक वर्षभित्र १ हजार ३ सय ३३ घरेलु हिंसा र २ सय ३२ महिला हिंसाका उजुरी राष्ट्रिय महिला आयोगमा दर्ता भएका छन् । यौनजन्य हिंसामात्र होइन मानसिक, आर्थिक, शारीरिक हिंसाका उजुरी बढेका तथा चरित्रहत्या, साइबर अपराध, सम्बन्धविच्छेद, बहुविवाह, ज्यान मार्ने उद्योग, हत्या र कुटपिटविरुद्धका उजुरी पनि उल्लेख्यरूपमा बढेका आयोगले जनाएको छ । आयोगमा बालविवाहदेखि ‘साइबर’ अपराधका उजुरीहरु पनि बढेका छन् । जन्मदर्ता, विवाहदर्ता, नागरिकताको प्रमाणत्र प्राप्तिका निम्ति सिफारिश नपाएका, सम्पत्ति हस्तान्तरणका लागि आवश्यक कागजात नपाएका महिलाका उजुरी पनि आयोगमा प्रशस्तै दर्ता भएको आयोगले जनाएको छ । साथी, बाल अधिकार संरक्षणमा क्रियाशील संस्था (सिविन), कानूनी सहयोग तथा परामर्श केन्द्र (ल्याक), मानव सेवा आश्रम तथा स्थानीय निकायसँगको साझेदारीमा समस्या समाधानमा लागेको आयोगले जनाएको छ । पीडितलाई...

वैशाख ९  प्रदेश नं. १ का मुख्यमन्त्री शेरधन राईलाई अपशब्द प्रयोग गरी गालीगलौज गरेको आरोपमा  बालिका खड्का पक्राउ परेकी छन् । खड्कालाई पक्राउ गरेर प्रहरी वृत्त, सिंहदरबारको हिरासतमा राखिएको प्रहरीले जनाएको छ । सार्वजनिक ठाउँमा अभद्र व्यवहार गरेपछि पक्राउ गरेको प्रहरीले जनाएको छ । मुद्दा चलाउने वा छाड्ने टुंगो लागिनसकेको प्रहरीले जनाएको छ । बिहीबार थापाथलीस्थित एमाले मुख्यालयको उद्घाटन कार्यक्रममा खड्काले मुख्यमन्त्री राईविरुद्ध गालीगलौज गरेकी थिइन् ।...

बैशाख ९  नेपालमा अहिलेसम्म करिब २ खर्व बराबरको वैदेशिक लगानी भित्रिएको एक तथ्याङ्कले देखाएको छ । नेपाल राष्ट्र बैंकले सार्वजनिक गरेको तथ्याङ्क अनुसार नेपालमा ५३ देशहरुको एक खर्ब ८२ अर्ब ९२ करोड रुपैयाँ वैदेशिक लगानी रहेको देखिएको छ । नेपालमा वैदेशिक लगानीमार्फत सञ्चालनमा रहेका एक सय ५३ वटा कम्पनीको अध्ययन गरेर तथ्याङ्क सार्वजनिक गरिएको राष्ट्र बैंकले जनाएको छ । सबैभन्दा धेरै भारतबाट ५६ अर्ब ५ करोड रुपैयाँ, चीनबाट २७ अर्ब ५६ करोड, सेन्ट किष्ट्स एण्ड नेभिसबाट २४ अर्ब ९४ करोड, आयरल्याण्डबाट ११ अर्ब ५९ करोड र सिङ्गापुरबाट ८ अर्ब ७३ करोड रुपैयाँ प्रत्यक्ष वैदेशिक लगानी नेपालमा आएको बैंकले जनाएको छ । नेपालमा आएको प्रत्यक्ष वैदेशिक लगानीमध्ये ५१.१ प्रतिशत सेवा क्षेत्रमा र ४८.८ प्रतिशत औद्योगिक क्षेत्रमा रहेको छ । २७.४ प्रतिशत बैंक तथा वित्तीय संस्था र बीमा कम्पनीहरूमा, औद्योगिक क्ष...

पूर्णपुष्टि,वैशाख ९ झापा बिर्तामोडका स्वर्गिय टुंग बहादुर बस्नेतको नाममा रहेको जग्गा ठगी गर्ने उदेश्यले नक्कली टुंग बहादुर बस्नेत खडा गरी उनको नाममा रहेको जग्गा ठगी गर्ने १० जनालाई पक्राउ गरि आज सार्वजनिक गरिएको छ । पक्राउ पर्नेमा झापा बाह्रदशी–३ का ३९ वर्षीय मंगल सिंह राजवंशी, झापा भद्रपुर–७ का ५२ वर्षीय नवीन कोइराला, झापा बाह्रदशी–५ का ५० वर्षीय लिलाधर राजवंशी, झापा गौरीगंज–१ का ३७ वर्षीय बलराम विश्वकर्मा, झापा शिबसताक्षी–८ का ४२ वर्षीय भुपदेव कटुवाल रहेका छन् । त्यसैगरी झापा अर्जुनधारा–५ का ५३ वर्षीय लेखनाथ खनाल, झापा बिर्तामोड–४ का ३४ वर्षीय गोविन्द वान्तवा, बिर्तामोड–१० का ७१ वर्षीय देवी प्रसाद पाण्डे, बिर्तामोड–४ की ३३ वर्षीया रञ्जु राई र मोरङ उर्लाबारी–४ का ४८ वर्षीय राजन विश्वकर्मालाई आज सार्वजनिक गरिएको हो ।  उक्त समुहले झापा बिर्तामोड–१ स्थित अदुवा पुलबाट १०० मिटर पश्चिममा पुर्...

वैशाख ९  मोरङको विराटनगरमा वस्थित कोशी अस्पताल कोभिड १९ उपचार केन्द्रमा उपचाररत एक जना कोरोना सङ्क्रमितको मृत्यु भएको छ । बिहीबार करिब साढे ११ बजे मोरङको कटहरी गाउँपालिका–४ घर भएका ४५ वर्षीय पुरुषको मृत्यु भएको हो । मृतक पुरुषमा तीन दिन अघि संक्रमण पुष्टि भएको थियो । उपचारका क्रममा बिहीबार साढे ११ बजे मृत्यु भएको अस्पतालले जनाएको छ । कोरोना पुष्टि भएपछि ति पुरुषलाई वैशाख ६ गते भर्ना गरिएको थियो । ज्वरो, खोकी र श्वासप्रश्वासको समस्या देखिएका पुरुषमा दिर्घरोगको समस्या थिएन । अस्पतालमा अहिले २३ जना कोरोना सङ्क्रमित उपचाररत छन् । योसँगै प्रदेश १ मा पछिल्लो २४ घण्टामा कोरोना सङ्क्रमणका कारण मृत्यु हुनेको संख्या तीन पुगेको छ । बुधबार वीपी कोइराला स्वास्थ्य विज्ञान प्रतिष्ठान धरानमा दुई जनाको मृत्यु भएको थियो । वीपी कोइराला स्वास्थ्य विज्ञान प्रतिष्ठानमा बुधबार राति धरान उपमहानगरपा...

वैशाख ९  मोरङमा भरुवा बन्दुक पड्किदा एक जनाको मृत्यु भएको छ । शिकार खेल्न गएका केराबारी गाउँपालिका–३ का ३२ वर्षीय हस्त राईको भरुवा बन्दुक पड्किएर मृत्यु भएको हो । शिकार खेल्न साथीहरुसँग जंगल गएका राईको आफैंले बोकेको भरुवा बन्दूक पड्किएर छर्राले लागेर मृत्यु भएको प्रहरीले जनाएको छ । गजेन्द्र राई र रुविन लिम्बूसँग उनी बुधबार राति शिकार खेल्न केराबारी–३ कै बाघदले जंगलमा गएको थियो ।  गजेन्द्र र रुविन आफैंले इलाका प्रहरी कार्यालय केराबारीमा आएर घटनाका बारेमा प्रहरीलाई जानकारी दिएको प्रहरीले जनाएको छ । दुवै जनालाई नियन्त्रणमा लिएर घटनाका विषयमा अनुसन्धान थालेको प्रहरीले जनाएको छ ।...

बैशाख ९  कोरोना भाईरसको जोखिम बढेकाले ओमानले भारत, पाकिस्तान र बङ्गलादेशबाट आउने यात्रुलाई प्रतिबन्ध लगाएको छ । ओमनले कोरोना भाइरसको जोखिम बढेकाले भारत, पाकिस्तान र बङ्गलादेशबाट आउने यात्रुलाई रोक लगाएको अन्तराष्ट्रिय संचारमाध्यमले जनाएका छन् । प्रतिबन्ध आउँदो शनिवारदेखि लागू हुनेछ । त्यस्तै २४ घण्टामा भारत, पाकिस्तान र बङ्गलादेशमा ट्रान्जिट परेका यात्रुलाई पनि यो प्रतिबन्ध लागू हुनेछ । तर ओमानका नागरिक, राजनितिक व्यक्ति तथा स्वास्थ्य कार्यकर्तालाई भने यो प्रतिबन्ध लागू हुने छैन । तर उनीहरूको स्वास्थ्य जाँच भने अनिवार्य हुनेछ । भारत, पाकिस्तान र बङ्गलादेशमा कोरोनाको नयाँ ’भेरिएन्ट’ फैलिएको भन्दै ओमानले त्यहाँबाट आउने  यात्रुलाई रोक लगाएको हो । भारतमा गत २४ घण्टामा तीन लाखभन्दा धेरैलाई कोरोना भाइरसको सङ्क्रमण पुष्टि भएको छ । यो विश्वमै अहिलेसम्म सबैभन्दा धेरै हो ।...

पुर्णपुष्टि, बैशाख–९  मोरङ कानेपोखरी–२ दलेलीमा बस्ने ४३ बर्षीया सुकवती राजवंशीको चट्याङमा परी मृत्यु भएको छ । आज बिहान साढँे ८ बजे पानी परिरहेको बेला गाईगोरु सार्ने क्रममा चट्याङमा परी गम्भिर घाईते भएकी थिईन् । घाईते राजवंशीको उपचारको लागी उर्लाबारी स्थित मदनभण्डारी अस्पतालमा पु¥याउन साथ मृत्यु भएको ईलाका प्रहरी कार्यालय उर्लाबारीले जनाएको छ ।...

झापा, बैशाख ९  झापामा ट्रकको ठक्करबाट एक जनाको मृत्यु भएको छ । भद्रपुर नगरपालिका–९ चन्द्रगढी सामुदायिक बन कार्यालय अगाडी सडक खण्डमा ट्रकको ठक्करबाट सिटी सफारी यात्रीको मृत्यु भएको हो । ट्रकको ठक्करबाट स्थानीय ७५ बर्षीया गायत्री देवी प्याकुरेल मृत्यु भएको प्रहरीले जनाएको छ । आज बिहान साढे ९ बजे भद्रपुरबाट चारआलि तर्फ जादै गरेको मे१क २६७ नम्बरको ट्रकले बिपरित दिशाबाट आउदै गरेको मे१ह ६४५८ नम्बरको सिटी सफारीलाई ठक्कर दिँदा सिटी सफारीमा सवार प्याकुरेलको घटनास्थलमै मृत्यु भएको जिल्ला प्रहरी कार्यालय झापाले जनाएको छ । ट्रक, सिटी, सिटी चालक नियन्त्रणमा रहेको छ भने ट्रक चालक फरार रहेकोले खोजतलास भईरहेको प्रहरीले जनाएको छ ।...

ईलाम, बैशाख ९  ईलामको एक चिया उद्योगमा आगलागी हुदा १० लाख बराबरको क्षती भएको छ । सुर्योदय नगरपालिका–९ गैरिगाउमा रहेको ग्रामिण चिया उद्योग प्रा.लि.मा आज बिहान साढे ५ बजे आगोलागी हुँदा स्टोरमा रहेको अन्दाजी ४५ बोरा चिया जलि नष्ट हुँदा १० लाख बराबरको क्षेती भएको प्रहरीले जनाएको छ । फ्याक्ट्रीका कामदारहरुले फ्याक्ट्री नजिकै चिया पकाउने क्रममा ग्यास लिग भई आगोलागी भएको थियो । उक्त आगो प्रहरी र स्थानियको सहयोमा बिहान ६ बजे पुर्णरुपमा नियन्त्रणमा आएको प्रहरीले जनाएको छ । आगोलागीबाट मानबिय क्षेती नभएको जिल्ला प्रहरी कार्यालय ईलामले जनाएको छ ।...