Month: ५ वर्ष अगाडि

बैशाख ९  दाङको कपासेबगियामा यात्रुवाहक बस दुर्घटना हुँदा १० जना घाइते भएका छन् । आज बिहान पोखराबाट तुलसीपुरतर्फ आउँदै गरेको ग १ ख ९६३९ नम्बरको बस घोराही उपमहानगरपालिका–१६ कपासेबगियामा आफै अनियन्त्रित भइ पल्टिँदा १० जना घाइते भएको जिल्ला प्रहरी कार्यालय दाङले जनाएको छ । दुर्घटनामा दुई जना बालक, चार जना महिला र चार जना पुरुष घाइते भएको प्रहरीले जनाएको छ । घाइते हुनेमा घोराही उपमहानगरपालिका–१२ की सपना विक, निर्मल विक, तुलसीपुर उपमहानगरपालिका १८ की शर्मिला घर्ती, सल्यानको त्रिवेणी गाउँपालिका–६ का रामप्रसाद कठायत, हस्ती गिरी र तेजबहादुर गिरी रहेको प्रहरीले जनाएको छ । त्यस्तै त्रिवेणी गाउँपालिका–३ की चेतना रेउले, कपुरकोट नगरपालिका–७ का गणेश बोहरा, सुनसरीको इटहरी नगरपालिका–८ का दलबहादुर विश्वकर्मा र स्याङ्जाको फेदी गाउँपालिका–१ का रामचन्द्र विक दुर्घटनामा घाइते भएको प्रहरीले जनाएको छ ...

पुर्णपुष्टि, बैशाख ९  सुनसरी ईनरुवा नगरपालिका–९ बबियामा बस्ने ४२ बर्षीया सुनिता खत्वेको बिजुलीको पोलले लागेर मृत्यु भएको छ । बुधबार बेलुका पौने ५ बजे  स्काभेटरले नहर सफा गर्ने क्रममा बिजुलीको पोललाई  ठक्कर लाग्दा  बिजुलीको पोल ढली घरमा बसिरहेको खत्वेलाई लाग्दा गम्भिर घाईते भएकी थिईन् ।  उनको जिल्ला अस्पताल इनरुवामा उपचारको क्रममा मृत्यु भएको जिल्ला प्रहरी कार्यालय इनरुवाले जनाएको छ । को १ क ८७६ नम्बरको स्काभेटर प्रहरीको नियन्त्रणमा रहेको छ । चालक फरार रहेकोले खोजितलास भईरहेको प्रहरी उपरीक्षक महेन्द्र कुमार श्रेष्ठले बताउनु भयो ।...

पूर्णपुष्टि,वैशाख ९ बुवाबो हत्या अभियोगमा  सुनसरीमा छोरा पक्राउ परेको छ । बराहक्षेत्र–९ का १७ वर्षीय उमेश पौडेल आफ्नै बुवाको हत्या अभियोगमा पक्राउ परेको हो ।  बैशाख ७ गते उनले घरयासी बाद बिबाद हुँदा घरमा रहेको तपेश भाडाले आफ्नै बुवा ३८ वर्षीय उपेन्द्र पौडेललाई कोखामा हानी घाईते बनाएका थिए । घाईते उपेन्द्रको नोवेल अस्पतालमा उपचारको क्रममा आज बिहान पौने ७ बजे ज्यान गएको जिल्ला प्रहरी कार्यालय सुनसरीले जनाएको छ ।  उनको मृत्यु पश्चात उमेशलाई नियन्त्रणमा लिई थप अनुसन्धान भईरहेको प्रहरीले जनाएको छ ।...

पूर्णपुष्टि, बैशाख ९ नयाँ बर्षलाई लक्षित उदयपुर जेसिजले प्रकाशन गरेको क्यालेण्डर बिहीबार विमोचन गरिएको छ । आफ्ना कार्यक्रमलाईसमेत समेटेर तयार पारिएको क्यालेण्डर जेसिजका पुर्वअध्यक्ष सन्तोष गुप्ता र नेपाल पत्रकार महासंघका अध्यक्ष भरत खड्काले संयुक्तरुपमा विमोचन गरे । अरु भन्दा पृथक रहेको क्यालेण्डर उदयपुरेबासीको हातहातमा पुर्याउने लक्ष्य रहेको जेसिजका अध्यक्ष शर्मिला थापा (सबु)ले बताईन् । उनले भनिन्, ‘हामीले वृहत्तर क्षेत्रलाई समेटेर क्यालेण्डर प्रकाशन गरेका छौ, आशा छ सबैको सल्लाह सुझाब पाउनेछौ र आगामी दिनमा थप परिस्कृत गर्दै जानेछौ । सोही अवसरमा नेपाल पत्रकार महासंघ उदयपुरका भर्खरै निर्वाचित नयाँ कार्यसमितिलाई जेसिजले बधाई तथा सम्मान गरेको छ । गाईघाट स्थित होटल टाउन हलमा एक कार्यक्रमको आयोजना गरी नयाँ नेतृत्वलाई सम्मान गरेको हो । कार्यक्रममा पत्रकार महासंघ अध्यक्षमा दोस्रो कार्...

बैशाख ९  देशका धेरै ठाउँमा अहिले पानी परिरहेको छ । देशका विभिन्न ठाउँमा एकैछिन पानी पर्दै रोकिने र फेरि बादल लागेर पानी पर्ने क्रम चलिरहेको मौसम पूर्वानुमान महाशाखाले जनाएको छ । स्थानीय र पश्चिमी वायुको प्रभावले बिहीवार दिनभर नै मौसम यस्तै रहने महाशाखाले जनाएको छ । अहिले सुदूरपश्चिम, कर्णाली, वाग्मती र गण्डकी प्रदेशमा अलि धेरै पानी परिरहेको छ । अरू प्रदेशमा भने बादल लागिरहेको र केहीबेरमै पानी पर्ने सम्भावना रहेको जनाएको छ । पश्चिमी वायुको प्रभाव विस्तारै पूर्वतिर सरिरहेकोले पश्चिम र मध्य भागमा बेलुकादेखि मौसम सुधार हुँदै जाने देखिए पनि पूर्वी क्षेत्रको मौसम भने आज सुधार हुने सम्भावना कम रहेको जनाएको छ । आज देशका विभिन्न ठाउँमा चट्याङ र हावाहुरीको सम्भावना रहेकाले विशेष सतर्कता अपनाउन महाशाखाले आग्रह गरेको छ । त्यस्तै अहिले गण्डकी प्रदेशसहित पश्चिमी भेगका हिमाली क्षेत्रमा हिमपात...

 पूर्णपुष्टि, बैशाख ८ नेपाली साहित्यलाई विश्वभर जोड्दै नेपाली साहित्यको गरिमालाई उच्च पार्न बृहत रुपमा विश्व नेपाली साहित्य सम्मेलन गरिने भएको छ । जहिल्यै पनि नेपालको लागि जाहाँ पनि नेपालीको लागि भन्ने नाराका साथ अन्तराष्ट्रिय नेपाली समाज (इन्स) को आयोजनामा यहि बैशाख १०, ११ र १२ गते साहित्य सम्बन्धि बिभिन्न गतिविधिका साथ सम्मेलनको आयोजना गरिने भएको हो । नेपालबाट कामको शिलशिलामा बिदेशको बिभिन्न देशमा रहेका नेपाली सर्जकहरुलाई प्रोत्साहन गर्ने र विश्वको कुना कुना सम्म नै नेपाली भाषा साहित्यलाई परिचित गराउने भन्दै पहिलो विश्व नेपाली साहित्य सम्मेलन गर्न लागिएको अन्तराष्ट्रिय नेपाली समाजका अध्यक्ष अर्जुन घिमिरेले जानकारी दिनुभयो । बुधबार सम्मेलनबारे भर्चुअल जुम मिटिङबाट पत्रकार सम्मेलनमा बोल्दै विश्वको बिभिन्न मुलकमा रहेर नेपाली साहित्यलाई बचाउन कलम चलाइरहेका सम्पूर्ण सर्जकहरुलाई सामाज...

वैशाख ८  नेकपा एमालेको माधवकुमार नेपाल समूह राजनीतिक दल सम्बन्धी ऐन विपरीत पदमुक्त गर्न खोजिएको भन्दै सर्वोच्च अदालत गएको छ । एमाले अध्यक्ष एवं संसदीय दलका नेता ओलीले माधवकुमार नेपालसहित २७ प्रतिनिधिसभा सदस्यलाई सांसद पदबाट किन पदमुक्त नगर्ने भनेर मंगलबार स्पष्टीकरण सोधेका थिए । नेपाल समूह ‘राजनीतिक दलसम्बन्धी ऐन विपरित सांसद सदस्यबाट निकाल्न खोजेकाले रोकिपाऊँ’ भन्ने माग गर्दै अदालत गएको जनाएको छ । रिट दर्ता भइसकेको छैन ।  आज दिउँसो ३ बजे अदालत पुगेका थियौं । कर्मचारीले नभ्याउने भनेर दर्ता नगरेको जनाईएको छ ।...

बैशाख ८  नेपालमा थप दुई हजार तीन सय ५१ जनामा कोरोना संक्रमण पुष्टि भएको छ । पछिल्लो २४ घण्टामा नौ हजार ६ सय ४७ जनाको परीक्षण गर्दा दुई हजार तीन सय ५१ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । आठ हजार आठ सय ४४ जनाको पीसीआर परीक्षण गर्दा दुई हजार दुई सय २० जनामा र आठ सय तीन जनाको एन्टिजेन परीक्षण गर्दा एक सय ३१ जना गरी २३ सय ५१ जनामा सङ्क्रमण पुष्टि भएको मन्त्रालयले जनाएको छ । योसँगै नेपालमा कोरोना सङ्क्रमण पुष्टि हुनेको सङ्ख्या दुई लाख ८९ हजार नौ सय १८ पुगेको छ । नेपालमा कोरोनाका सक्रिय सङ्क्रमितको सङ्ख्या १० हजार नाघेको छ । सक्रिय सङ्क्रमितको सङ्ख्या १० हजार पाँच सय ८२ जना पुगेको मन्त्रालयले जनाएको छ ।...

मोरङ, बैशाख ८ मोरङ बिराटनगरबाट लागुऔषधसहित एक जना पक्राउ परेको छ । विराटनगर–५ का २३ बर्षीय श्याम मण्डललाई लागूऔषध नाईट्राभेट चक्की सहित पक्राउ परेको हो । आज दिउसो ३ बजे बिराटनगर–१६ दरैयाबाट उनलाई लागूऔषध नाईट्राभेट २९ चक्की सहित पक्राउ गरेको ईलाका प्रहरी कार्यालय रानीले जनाएको छ ।

वैशाख ८ लोकसेवा आयोग केन्द्रीय कार्यालय, अनामनगरका तत्कालीन शाखा अधिकृत मिमबहादुर शाहीविरुद्ध अख्तियार दरुपयोग अनुसन्धान आयोगले मुद्दा दायर गरेको छ । तत्कालीन शाखा अधिकृत शाहीले छोरीलाई परीक्षामा सफल गराउने नियतले नेपाल वायु सेवा निगमतर्फको सहायक चौथो तहको परीक्षाको उत्तरपुस्तिका सच्याएको अख्तियारले आरोप लगाएको छ । उक्त कार्य भ्रष्टाचार निवारण ऐन, २०५९ को दफा ११ बमोजिमको कसुरजन्य भएको भन्दै अख्तियार दुरुपयोग अनुसन्धान आयोग ऐन, २०४८ को दफा १८ र ३५(१) बमोजिम बुधबार विशेष अदालतमा शाहीविरूद्ध मुद्दा दायर गरेको जनाएको छ ।...