Month: ५ वर्ष अगाडि

पूर्णपुष्टि, असार २० रेलिङ नभएकोे भ¥याङबाट लडेर भक्तपुरमा एकजना मजदूर महिलाको ज्यान गएको छ । सिन्धुलीको दुधौली घर भएको लीला सदाको भ¥याङबाट लडेर ज्यान गएको हो । लीलाले शनिबार बेलुकाको खाना खाएर सुत्न जाँदा निर्माणाधीन घरको रेलिङ नभएको तेस्रो तलाको भ¥याङबाट लड्दा ज्यान गएको महानगरीय प्रहरी वृत्त ठिमीले जनाएको छ । सदाको शव पोष्टमार्टमका के.एम.सी. अस्पताल दुवाकोट भक्तपुर पठाइएको छ, भने थप अनुसन्धान भइरहेको प्रहरीले जनाएको छ ।  ...

पूर्णपुष्टि, असार २० आज बैतडीमा जिप दुर्घटना हुँदा दुई जनाको ज्यान गएको छ, भने दश जना घाइते भएका छन् । डडेल्धुरातर्फ आउँदै गरेको से १ ज ७३९ नम्बरको जिप सिगास गाउँपालिका–३ मा सडकबाट ५० मिटर तल खसेर दुर्घटना हुँदा ६४ वर्षीय रामसिंह धामी र ४५ वर्षीय मानसिंह साउदको ज्यान गएको हो । सोही दुर्घटनामा सिगास–३ का ४५ वर्षीय जयसिंह धामी, १८ वर्षीय योगेन्द्र धामी, १३ वर्षीय लक्ष्मण धामी, ४० वर्षीय गौमती साउद र २९ वर्षीय करन धामी घाइते भएका हुन् । यस्तै सोही ठाउँका ४५ वर्षीय दलबीर साउद, ४० वर्षीय चक्र धामी, ३८ वर्षीया बासमती धामी, १९ वर्षीय खगेन्द्र साउद, ४४ वर्षीय हरीभान साउद पनि घाइते छन् । घाइते मध्ये चार जनाको अवस्था गम्भीर रहेको जिल्ला प्रहरी कार्यालय बैतडीका प्रहरी नायव उपरीक्षक रमेशबहादुर पालकले बताउनुभयोे ।...

पूर्णपुष्टि, असार २० प्रतिबन्धित औषधीसहित सुनसरीबाट एक युवा पक्राउ परेको छ । धरान–११ नगरकोट कोठा भाडामा बस्ने २० वर्षीय सत्यम दासलाई प्रतिबन्धित औषधीसहित पक्राउ गरिएको हो । हिजो दिउसो साढे १२ बजे विशेष सुचनाको आधारमा ईलाका प्रहरी कार्यालय धरानबाट खटिएको प्रहरी टोलीले दासको कोठामा लुकाइछिपाइ राखेको प्रतिबन्धित औषधी सेटाडोल–५०–३९० क्याप्सुल र स्पास्पाईन–३९० क्याप्सुल फेला पारेको थियो । दासको सप्तरी अग्नीसर कृष्णसरवन–४ घर भई हाल धरानमा कोठा भाडा लिएर बस्दै आएका थिए । पक्राउ परेका दासको थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।...

पूर्णपुष्टि, असार २० ईलाममा माछा मार्ने क्रममा करेन्ट लागेर एकजनाको ज्यान गएको छ । माङसेबुङ गाँउपालिका–५ का ४२ वर्षीय प्रविन राईको करेन्ट लागेर ज्यान गएको हो । हिजो बेलुका साढे ७ बजे राईले माई नगरपालिका–४ स्थित मानिस नबसेको घरबाट  विद्युतको तार जोडी गङटेखोलामा माछा मार्ने क्रममा करेन्ट लाग्दा उनी गम्भीर घाईते भएका थिए । घाइते राईलाई उपचारको लागि लैजादै गर्दा बाटैमा ज्यान गएको प्रहरीले जनाएको छ । घटनास्थलमा जिल्ला प्रहरी कार्यालय ईलामबाट प्रहरी टोली खटि गई थप अनुसन्धान भईरहेको छ ।  ...

पूर्णपुष्टि, असार २० मोरङ वेलबारी नगरपालिका ७ का ४८ बर्षीय सिता घिमिरेलाई उनकै श्रीमान् ५६ बर्षीय अम्बिका घिमिरेले हत्या गरेका छन् । हत्या गर्ने श्रीमानलाई प्रहरीले गुवालीमा लुकेर बसेको अवस्थामा पक्राउ गरेको छ । घटनाको जानकारी पाए लगतै ईलाका प्रहरी कार्यालय बेलबारीबाट खटिएको प्रहरी टोलीले  हत्यामा संलग्न अम्बिका घिमिरेलाई घरबाट २ किलोमिटर दक्षिणमा गुवालीमा लुकी छिपी बसेको अबस्थामा शनिवार बिहान ५ बजे पक्राउ गरेको हो। हिजो बेलुका अम्बिका घिमिरेले मादक पदार्थ सेवन गरी घरमा गएको र श्रीमतीसँग सामान्य वादविवाद भई दुवै जना सुतेको र राती उठी एक्कासी आवेसमा आई काठको मुङ्ग्रोले निधाई रहेकी श्रीमती सिताको वाँया कन्चटमा चाररपाँच पटक प्रहार गरी हत्या गरेको प्रारम्भिक अनुसन्धानबाट खुल्न आएको छ । पक्राउ परेका अम्बिका घिमिरे उपर ज्यान सम्बन्धी कसूरमा थप अनुसन्धान कार्य भई रहेको  छ ।...

पूर्णपुष्टि, असार २० त्रियुगा नगरपालिका वडा नं १३ ले वडा भित्रका अति बिपिन्न १११ जना सुत्केरी महिला, गर्भवती महिला र कुपोषण रोगीलाई तयारी पौष्टिक आहारा स्वास्थय सामाग्री शनिवार वितरण गरेको छ । सुनौलो हजार दिनको अवसरमा महिला, बालबलिका र रोगिरुलाई स्वास्थ्यमा पहुँच पुराउन वडाले तयारी पौष्टिक आहारा सर्वोत्तम पिठो वितरण गरेको हो ।महिला बिषेश वडाको कार्याक्रम अन्तरर्गत वडाको ५० हजार सिलिङ बजेटमा सुत्केरी, गर्भवती र कुपोषण रोगिहरुलाई सर्वोत्तम पिठो र त्रियुगा नगरपालिकाले नगरका गर्भवती महिलाहरुलाई चल्ला वितरण गरेको वडाले जनाएको छ । सर्वोत्तम पिठो वडाको आफ्नै बजेट हो भने, चल्ला नगरको सहयोग र वडाको समन्वयमा गर्भवती महिलाहरुलाई मात्र वितरण गरिएको हो । चल्ला हरेक ४ ओटाको दरले ३५ जना वडाका गर्भवती महिलाहरुलाई बितरण गरिएको छ । १३ नं वडा नगर स्वास्थ्य केन्द्रकी अनमी युगप्रभा लेखीले वडा भित्रका २ ब...

पूर्णपुष्टि, असार २० खोला तर्ने क्रममा उदयपुरमा एक जनाको ज्यान गएको छ । चौदण्डीगढी नगरपालिका ७ बेल्टार स्थित मदन चोकको ६५ बर्षे गुमशेर राईको खोलाले बगाएर ज्यान गएको छ । राईको खोला तर्ने क्रममा द्धावार खोलाले बगाउँदा ज्यान गएको प्रहरीले जानकारी दिएको छ । प्रहरीका अनुसार राईको शव २ सय मिटर तल खोलाले बगाएको अवस्थामा प्रहरी फेला पारेको थियो । खोलाले बगाएर बेपत्ता भएको भन्ने फोन मार्फत जानकारी आए पश्चात इलाका प्रहरी कार्यालय बेल्टार बाट खटिएको प्रहरी टोलीले २ सय मिटर तल लाश फेला पारेको थियो । लाशको कानुनी प्रक्रिया अगाडी बढाएर पोष्ट मार्टमको लागि बेल्टार स्वास्थ्य चौकी उदयपुर पठाएको प्रहरीले जनाएको छ ।    ...

पूर्णपुष्टि, असार २० हाल देशभर सामान्य देखि भारी बर्षा परिरहेको छ । जल तथा मौसम विज्ञान विभाग मौसम पूर्वानुमान महाशाखाका अनुसार अहिले प्रदेश १, २, बागमती, लुम्बिनी र गण्डकी प्रदेशका थोरै स्थान र बाँकी प्रदेशका एक दुई स्थानमा वर्षा भइरहेको छ । देशभर हाल मनसुनी वायुको सक्रिय प्रभाव तथा तराई भू–भाग नजिक मनसुनी न्यून चापीय रेखा रहेकाले देशभर सामान्यदेखि पूर्ण बदली रहनुका साथै अधिकांश स्थानमा हल्कादेखि मध्यम वर्षा भइरहेको छ । माहाशाखाले आगामी तिन दिन सम्मको मौसम पूर्वानुमान बुलेटिन जारी गर्दै दिउँसो प्रदेश १, २, बागमती र गण्डकी प्रदेशका थोरै स्थानका साथै लुम्बिनी, कर्णाली र सुदूरपश्चिम प्रदेशका थोरै स्थानमा हल्कादेखि मध्यम वर्षाको सम्भावना रहेको जनाएको छ । रातिको समयमा पनि यही मौसमी प्रणाली कायम रहनेछ । आइतबार पनि देशभार सामान्यदेखि पूर्ण बदली रही प्रदेश १, २, बागमती र गण्डकी प्रदेश...

पूर्णपुष्टि, असार २० रौताहटमा जंगली हात्ति बस्ती छिरेको छ । हात्ति वस्ती छिरेपछि त्यहाँका स्थानीयहरु त्रसित बनेका छन् । हात्तिले स्थानीयहरुको घर भत्काउनुका साथै अन्नपातमा क्षति पुगाएको छ । गएराति देवाही गोनाही नगरपालिकाको उत्तरी क्षेत्र हुँदै बस्तीमा पसेको एक जंगली हात्ती शिवनगर हुँदै रौतहटको माधवनारायण नगरपालिकाको वडा नं. ५ मिठुअवामा आइपुगेको छ । सो हात्तीले शिवनगरको एक घरमा क्षति पुर्याएको छ भने मिठुअवामा किसानको भकारी फुटाएर धान खाएको छ । अहिले सो हात्ती मिठुअवाको झाँझ पुल नजिकैको आप बगैंचामा रहेको छ । गाउँबस्तीमा जंगली हात्ती हिंडेको देखेपछि स्थानीयले प्रहरीलाई खबर गरेका थिए । हात्ती नियन्त्रणमा लिन वन कार्यालय, नेपाली सेना र चितवन राष्ट्रिय निकुञ्जको टोलीलाई भनिएको प्रमुख जिल्ला अधिकारी इन्द्र देव यादवले बताए । वन कार्यालय र निकुञ्जको टोली रौतहट आउने क्रममा रहेको उनले ब...

पूर्णपुष्टि, असार १८ लगतार बर्षाको कारण सप्तकोशीमा पानीको बाहव बढेको छ । पूर्वी पहाडी भेगमा निरन्तर भइरहेको वर्षाका कारण सप्तकोशी नदीको जलस्तर बढेको हो । कोशीको पछिल्लो मापन अनुसार नदीको बहाबमा निरन्तर वृद्धि भैरहेको छ । कोशी ब्यारेज कन्ट्रोल रुमले दिएको जानकारी अनुसार १ लाख ५५ हजार ९ सय ७५ क्यूसेक प्रतिसेकेण्ड बहाब मापन हुँदा ब्यारेजका २४ वटा ढोका खोलिएका छन् । सुनसरी जिल्ला प्रशासनले सप्तकोशी नदीको जलस्तरमा घटबढको क्रम जारी रहेपनि अहिले सम्म तटिय क्षेत्रमा भने कुनै पनि खतरा नरहेको बताएको छ । प्रशासनले सबै तटबन्ध र स्पर सुरक्षित रहेको र नियमित अनुगमन समेत जारी रहेको बताएको छ । निरन्तर वर्षा भइरहेको हुँदा नदीको बहाब जुनकुनै बेला बढ्न सक्ने भएकोले नदी तटीय क्षेत्रका बासिन्दालाई सर्तक रहन भने सूचित गर्दै आएको सुनसरी प्रशासनले जनाएको छ ।  ...