Month: ५ वर्ष अगाडि

पूर्णपुष्टि, कार्तिक २५ मोरङको बुढीगंगा गाउँपालिका–५ हात्तीमुडाका एक बालकको शव फेला परेको छ । उपेन्द्र रायका १४ वर्षीय छोरा निश्चल रायको शव बुधबार बिहान घरदेखि पूर्वपट्टिको सिंघीया खोलामा मृत अवस्थामा फेला परेको हो । निश्चल कात्तिक २२ गतेदेखि हराएका थिए । तीन दिनदेखि हराएका निश्चलको शव घरदेखि करिब एक किलोमिटर पूर्वमा रहेको सिंघीया खोला छेउमा फेला परेको मोरङ प्रहरीले जनाएको छ । बालकको शव कपडा खोलेको अवस्थामा फेला परेको प्रहरीको भनाइ रहेको छ । घट्नाबारे अनुसन्धान थालिएको मोरङ प्रहरीले जनाएको छ । घटना रहस्यमय रहेको भन्दै मृतकका परिवारले हत्या गरेर छोराको शव फालेको भन्दै घटनाको अनुसन्धानका लागि माग गरेका छन् । छोरा हराएको लिखत उजुरी प्रहरी कार्यालयमा समयमै दिँदा पनि प्रहरीले गम्भीर रूपमा खोजी नगरेको परिवारको आरोप छ ।...

पूर्णपुष्टि, कार्तिक २५ पूर्व–पश्चिम राजमार्गअन्तर्गत सप्तरीको कञ्चनरुप नगरपालिकास्थित बरमझियामा आज बिहान भएको सवारी दुर्घटनामा दुई जनाको ज्यान गएको छ । पूर्वबाट पश्चिमतर्फ जाँदै गरेको ग १ ख ९६४२ नम्बरको बसले विपरीत दिशाबाट आउँदै गरेको बीआर ३६ आर ८१७३ नम्बरको भारतीय मोटरसाइकललाई ठक्कर दिँदा त्यसमा सवार भारतको विहार राज्यअन्तर्गत सुपौल जिल्ला बलुवा–३ बस्ने राजकुमार तिवारीको भएको हो । ठक्करबाट सख्त घाइते उनलाई उपचारका लागि विराराटनगरतर्फ लाग्ने क्रममा बाटोमै ज्यान गएको प्रहरीले जनाएको छ । त्यस्तै मोटरसाइकलमा सवार अर्का नाम थर वतन खुल्न नसकेको अन्दाजी ३०÷३१ वर्षका पुरुषको पनि राजविराजस्थित गजेन्द्र नारायण सिंह अस्पतालमा उपचारका क्रममा ज्यान गएको जिल्ला प्रहरी कार्यालय सप्तरीले जनाएको छ । यस्तै पैदलयात्रीलाई समेत ठक्कर दिँदा पैदलयात्री सप्तरी कञ्चनरुप नगरपालिका–१ बरमझिया बस्ने १९ वर्षका रोह...