Month: ४ वर्ष अगाडि

काठमााडौं, असार १२ गते । भारतसँग सीमा जोडिएका महोत्तरीका ग्रामीण गल्छिडा हुँदै नेपालबाट भारततर्फ मदिरा तस्करी गर्नेहरूको जालो फैलिँदै गएको छ । जिल्लाको सुदूरपूर्वी मटिहानी नगरपालिकाबाट सुदूरपश्चिमको सोनमा गाउँपालिकासम्मका सीमावर्ती क्षेत्रका दर्जनौँ चोरबाटो हुँदै मदिरा तस्करीमा वृद्धि भएको हो । महोत्तरीको भारतीय सीमासँग जोडिएको करिब ३९ किलोमिटरभित्र क्रमशः मटिहानी, जलेश्वर, एकडारा, मनराशिशवा, सम्सी र सोनमासमेत छ स्थानीय तह पर्दछन् । सीमा क्षेत्रका कतिपय ठाउँमा दुवैतर्फ जोडिएर रहेका झुरुमुट्ट बस्ती र ग्रामीण गल्छिडा (चोरबाटा, सडक नभएको मान्छेमात्र हिँड्न सक्ने गोरेटो बाटो) हुँदै मदिरा भारततर्फ लाने गरेका पाइएको हो । यही असार महिनाका हालसम्मको अवधिमै पाँच ठाउँबाट प्रहरीले भारततर्फ लाँदै गरेका मदिरा नियन्त्रणमा लिएको छ । यो कारोबारमा बढी भारतीय नै समातिएका छन् । यसरी नियन्त्रणमा लिइएका मदिरा...

काठमाण्डौँ, अषार ११ पर्यटकको तथ्याङ्क सङ्कलन गर्न खोटाङको त्रिधार्मिकस्थल हलेसीमा मेसिन ९उपकरण० जडान गरिएको छ । हिन्दू, बौद्ध र किराँत धर्मालम्बीको सङ्गमस्थल हलेसी भित्रिने धार्मिक पर्यटकको तथ्याङ्क सङ्कलन गर्न माछापुच्छ्रे बैंकको सहयोगमा मानिस गणक मेसिन जडान गरिएको हो । केही दिनअघि जडान गरिएको उक्त मेसिनको हलेसी तुवाचुङ नगरपालिकाका प्रमुख विमला राईले आज उद्घाटन गर्नुभएको छ । उपप्रमुख रमेशकुमार राउत, माछापुच्छ्रे बैंकका प्रमुख कार्यकारी अधिकृत सन्तोष कोइराला, नगर प्रवक्ता एवं वडा नं ७ का वडाध्यक्ष कमल गिरीलगायतको उपस्थितिमा प्रमुख राईले गणक मेसिनको औपचारिकरूपमा उद्घाटन गर्नुभयो । हलेसी आउने पर्यटकको गणना गर्नका लागि मन्दिरको गेट ९प्रवेशद्वार०मा मेसिन जडान गरिएको हलेसी सूचना केन्द्रका प्रमुख सयन्द्र राईले जानकारी दिनुभयो । गणक मेसिनमा सङ्कलन भएको पर्यटकको तथ्याङ्क मासिक तथा वार्षिक...

पूर्णपुष्टि, अषार ११ जिल्ला अस्पताल उदयपुरको आयोजनामा भएको दुईदिने हिर्निया तथा हाईड्रोशिलको शिविर सम्पन्न भएको छ । हिजै अषार १० गतेदेखी शुरु भएको शिविरमा ६ जनाको हार्निया र ६ जनाको हाईड्रोशिल बिरामीको अप्रेशन गरिएको छ । डा. रविन्द्र तामाङ (कसन्टेन्ट सर्जन) को नेतृत्वमा भएको निशुल्क शिविरमा एनेस्थेसेयोलोजिष्ट डा. कौशल तामाङ, एमडिजिपि डा. अमरेन्द्र कुमार महत्तो, नर्सिङ्ग इन्चार्ज छवित्रा राई, नर्स निर्मला पाण्डे र रत्न कुमारी राई लगायतको टिम अप्रेशनमा सरिक भएको थियो । उक्त शिविरको कार्यक्रम संयोजक सुरेश कुमार पाण्डे रहेका थिए । अस्पतालले आफ्नो नियमित कार्यक्रम अन्तर्गत शिविर चलाएको निमित्त सुपरिडेन्टेट डा. मुकेश कुमार झा ले बताएका छन । जिल्लमै जटिल प्रकृतिको हर्निया तथा हाईड्रोशिलको अप्रेशन निशुल्क गर्न पाएको भन्दै सेवाग्राहीले खुशी व्यक्त गरेका छन ।...

काठमाण्डौँ, अषार ११ यहाँस्थित एक नाइटक्लबमा अन्धाधुन्ध गोली चल्दा दुई जनाको मृत्यु भएको छ भने कैयौँ घाइते भएका छन् । आज बिहान भएको उक्त घटनाका एकजना सन्दिग्धलाई हिरासतमा लिइएको नर्वेली अधिकारीहरूले बताएका छन् । नाइटक्लबमा धेरै गोली चलाइएको र धेरैजना गम्भीर घाइते भएका प्रहरीलाई उद्धृत गर्दै स्थानीय सञ्चारमाध्यमले जनाएका छन् । आक्रमणको कारण स्पष्ट भइनसकेको तथा घटनाको छानबिन भइरहेको प्रहरी अधिकारीहरूले बताएका छन् । बन्दुक हिंसाबाट अति प्रभावित संयुक्त राज्य अमेरिकाले त्यसलाई रोक्न सिनेटबाट बन्दुक नियन्त्रणसम्बन्धी कानुन पारित गरेको भोलिपल्ट नर्वेमा उक्त घटना भएको हो । पछिल्लो समय अमेरिकामा बन्दुक हिंसा बढेपछि सिनेटले नयाँ कानुन पारित गरेको हो । टेक्सासको उभल्देस्थित एक प्राथमिक विद्यालयमा १९ जना बालबालिका र दुई जना शिक्षक बन्दुको हिंसामा मारिएको ठ्याक्कै एक महिना पछि शुक्रबार १३ अर्...

काठमाण्डौँ, असार ११ थुनामा रहेका एक कैदीको मृत्यु भएको छ । जबरजस्ती करणी र ज्यान मार्ने अभियोगमा पुर्पक्षका लागि थुनमा रहेका पाँचपोखरी थाङ्पाल गाउँपालिका–५ का ४९ वर्षीय मइते गोलेको मृत्यु भएको हो । आज बिहान रिङ्गटा लागेर ढलेका गोलेलाई उपचारका लागि चौतारा अस्पताल लगिएको केही समयमै मृत्यु भएको जिल्ला प्रहरी कार्यालयका प्रमुख रामेश्वप्रसाद चौधरीले जानकारी दिनुभयो । गत कात्तिक महिनामा प्रहरीले गोलेलाई पक्राउ गरी थुनामा राखेको थियो । मृतकको आफन्त आइपुगेपछि शवपरीक्षण गरिने अस्पतालले जनाएको छ । (रासस)...

पूर्णपुष्टि, अषार ११ जिल्लाको रौतामाई गाउँपालिकाको गाउसभाको अधिवेशन आजबाट शुरु भएको छ । उक्त अधिवेशनमा गा.पा. अध्यक्ष विरेन्द्र मगरले गाउँपालिकाको नीति तथा कार्यक्रम प्रस्तुत गर्नेछन । गाउँसभामा गाउँपालिका अध्यक्ष, उपाध्यक्ष, वडाध्यक्ष, वडा सदस्यसहित कार्यपालिका सदस्य समेतको सहभागिता हुन्छ । नेपालको संविधान अनुशार स्थानीय तहले अषार १५ भित्र नीति तथा कार्यक्रम पास गरिसक्नुपर्छ ।...

काठमाण्डौँ, असार ११ शनिबार देशभर सामान्यदेखि पूर्ण बदली रही धेरै स्थानमा मेघ गर्जन÷चट्याङसहित हल्कादेखि मध्यम वर्षा हुने सम्भावाना छ । जल तथा मौसम विज्ञान विभागका अनुसार हाल प्रदेश नं १, मधेस प्रदेश, बागमती, गण्डकी, लुम्बिनी र कर्णाली प्रदेशमा मनसुनी वायुको सामान्य प्रभाव छ भने सूदुरपश्चिममा स्थानीय वायु र पश्चिमी वायुको सामान्य प्रभाव छ । उक्त प्रणालीको प्रभावले प्रदेश नं १, बागमती, गण्डकी र लुम्बिनी प्रदेशका धेरै स्थानमा र बाँकी प्रदेशका केही स्थानमा मेघ गर्जन÷चट्याङसहित हल्कादेखि मध्यम वर्षाको सम्भावना छ । प्रदेश नं १ को एक–दुई स्थानमा भारी वर्षाको सम्भावना छ । रातको समयमा पनि सोही मौसमी प्रणाली कायम रहनेछ । आइतबार सामान्यदेखि पूर्ण बदली रही देशभरका पहाडी भू–भागका धेरै स्थानमा र बाँकी भू–भागका थोरै स्थानमा मेघ गर्जन÷चट्याङसहित हल्कादेखि मध्यम वर्षाको सम्भावना छ । गण्डकी र कर...

काठमाण्डौँ, असार ११ जिल्ला प्रहरी कार्यालय, बाराले हत्याको आरोपमा एक नाबालकसहित १२ जनालाई पक्राउ गरेको छ । पक्राउ पर्नेमध्ये ११ जनालाई वीरगञ्ज कारागार पठाइएको छ भने एक नाबालकलाई बाल सुधारगृह, भक्तपुर पठाइएको जिल्ला प्रहरी कार्यालय बाराले जनाएको छ । बाराको जीतपुरसिमरा उपमहानगरपालिका–६ नगौलका राकेशभक्त पौडेललाई कुटपिट गरी हत्या गरेको आरोपमा प्रहरीले उनीहरुलाई पक्राउ गरेको हो । पक्राउ पर्नेमा बाराको जीतपुरसिमरा उपमहानगरपालिका–६ नगौलका ५० वर्षीय चित्रबहादुर क्षेत्री, ५० वर्षीया दुर्गा खत्री, ५० वर्षीय सन्ते बछार, २६ वर्षीय सन्दीप थापा, २४ वर्षीय सुमन लामा र २६ वर्षीय सुदीप घिमिरे छन । यसैगरी पक्राउ पर्ने अन्यमा जीतपुरसिमरा–२ फूलबारी टोलका ४२ वर्षीय खगेन्द्र रिजाल, सम्झौता टोलका ३५ वर्षीय उद्धव अधिकारी, जीतपुरसिमरा–३ बजनी बलुवा टोलका ४८ वर्षीय बलरामप्रसाद चिमरिया, जीतपुरसिमरा–६ रामव...

काठमाण्डौँ, असार ११ तेह्रथुमको लालीगुराँस नगरपालिकामा गए राति ट्र्याक्टर दुर्घटना हँुदा एक जनाको मृत्यु भएको छ भने दुईजना गम्भीर घाइते भएका छन् । लालीगुराँस नगरपालिकाको लसुनेबाट वसन्तुरतर्फ जाँदै गरेको प्रदेश १–०२–००३ त नम्बरको ट्र्याक्टर वसन्तपुर बजार छेउ जिरोप्वाइन्टमा दुर्घटना हुँदा ट्र्याक्टरमा सवार लालीगुराँस–७ सुङनामकी ४६ वर्षीया पवित्राकुमारी मगरको मृत्यु भएको हो । दुर्घटनामा सोही स्थानका ट्र्याक्टर चालक २२ वर्षीय जयन्तकुमार लिम्बू र ट्र्याक्टरमा सवार २२ वर्षीय ललितकुमार मगर घाइते भएका जिल्ला ट्राफिक प्रहरी कार्यालय प्रहरी सहायक निरीक्षक भुवन विकले जानकारी दिनुभयो । गम्भीर घाइते दुवैलाई वसन्तपुरस्थित प्राथमिक स्वास्थ्य केन्द्रमा उपचार सम्भव नभएपछि विपी कोइराला स्वास्थ्य विज्ञान प्रतिष्ठान धरान पठाइएको विकले बताउनुभयो । राति बाक्लो हुस्सु लागेका कारण चालकले सडक देख्न नसक्दा दु...

पूर्णपुष्टि, असार ११ आदिवासी जनजाती चलचित्र महासंघ प्रदेश नं १ को अध्यक्षमा ज्योतिराज राई चयन हुनु भएको छ । बिहिबार माहासंघको केन्द्रीय कार्यालयले विराटनगरमा आयोजना गरेको देशव्यापी अभिमुखीकरण कार्यक्रम अन्तरर्गत राईको अध्यक्षतामा कार्यसमिति गठन गरेको छ । राई चलचित्र क्षेत्रको अनुभवी निर्माता समेत हुन् । उनले थुप्रै चलचित्र तथा टेली चलचित्र निर्माण गरिसकेका छन् । उनि चलचित्र विकास बोर्डको आदिवासी मातृभाषी चलचित्र प्रवर्धन समितिको संयोजक समेत हुन् । विभिन्न सामाजिक कार्यहरुमा समेत सक्रिय राई निर्माता संघमा समेत सक्रिय रहेका छन् । समितिमा राईको अध्यक्षता सहित उपाध्यक्षमा दिप नारायण राजवंशी, भुपेन्द्र तुम्वाहाम्फे लिम्वु, ध्रुव चौधरी, माहासचिवमा सुमन तामाङ, सचिव राजु तामाङ, सुरेन्द्र राज भुजेल र कोषाध्यक्षमा पेशल कुमार सुनुवार रहेको छ । प्रदेश नं १ चलचित्र माहासंघमा हाल ९ आदिवासी जनजातिहर...