Month: ४ वर्ष अगाडि

पूर्णपुष्टि, भदौ ८ आफ्नै श्रीमतीको हत्या गरी फरार रहेका श्रीमान ४ बर्ष पछी पक्राउ परेको छ । पक्राउ पर्नेमा सुनसरीको ईनरुवा नगरपालिका–४ को ३५ बर्षीय बिनोद कुमार खत्वे रहेका छन् ।२०७४ साल जेष्ठ ४ गते राती २३ बर्षीय श्रिमतीको हत्या गरी घटनास्थलबाट नै फरार रहेका थिए । जिल्ला प्रहरी कार्यालय सुनसरीबाट खटिएको प्रहरी टोलीले गत सोमबार साँझ खत्वेलाई पक्राउ गरेको हो । पक्राउ परेका खत्वेको सम्बन्धमा प्रहरीले थप अनुसन्धान गरिरहेको छ ।...

पूर्णपुष्टि, भदौ ८ गते । नेपाल प्रवेश गरेर महिलालाई जबरजस्ती करणी गर्न खोजेको आरोपमा प्रहरीले मोरङको जहदाबाट एक जना भारतीय नागरिकलाई मंगलबार साँझ पक्राउ गरेको छ । घरभित्र छिरेर जहदा गाउँपालिका–५ की २५ वर्षीया महिलालाई करणी गर्न खोजेको आरोपमा भारत अररिया घर भएका २३ वर्षीय मोहमद हजमलाई पक्राउ गरिएको जिल्ला प्रहरी कार्यालय मोरङले जनाएको छ । उनका अनुसार महिला घरमा कोही पनि नभएको र एक्लै भएको मौकामा घरभित्रै पसेर हजमले बलात्कारको प्रयास गरेको प्रारम्भिक अनुसन्धानबाट खुलेको छ । आफूमाथि बलात्कार प्रयास भएपछि महिलाले होहल्ला गरेकी थिइन् । परिवारले घटनाका बारेमा जानकारी दिएपछि पक्राउ गरेर घटनाको अनुसन्धान सुरु गरिएको प्रहरीले जनाएको छ । प्रहरीले हजमविरुद्ध जबरजस्ती करणी उद्योगको मुद्दा चलाउने तयारी गरेको छ ।...

पूर्णपुष्टि, भदौ ८ गते । धरानको बीपी कोइराला स्वास्थ्य विज्ञान प्रतिष्ठानमा आवश्यक उपकरणसहित ३० वटा आईसीयु बेड थपिएको छ । स्वास्थ्य तथा जनसंख्या मन्त्रालयको १८ करोड आर्थिक सहयोगमा प्रतिष्ठानले ३० आइसीयू बेड खरिद गरि जडान गरेको हो । प्रतिष्ठानमा दैनिक ३ हजार बढी बिरामी उपचारका लागि आउने गरेका छन् । प्रतिष्ठानमा आईसीयू बेड अभावका कारण बिरामीले सास्ती भोग्दै आएका छन् । प्रतिष्ठानमा ३० बेड आईसीयू थपिएपछि बिरामीको उपचारमा सहज हुने भएको छ । प्रतिष्ठानमा आउने बिरामीहरुले दैनिक आईसीयू बेड नपाएका कारण महंगो शुल्क तिरेर विराटनगर, विर्तामोड र काठमाडौंका महंगा अस्पताल गएर उपचार गराउन बाध्य भएका थिए । सरकारले प्रतिष्ठानमा ३० बेड साईसीयू थप गरेपछि बिरामीको उपचारमा धेरै जहज हुने प्रतिष्ठानको आकस्मिक विभाग प्रमुख डा. ज्ञानेन्द्र मल्लले बताए । अति सिकिस्त भएर आउने बिरामीलाई आईसीयू बेड नभएका कारण अन्य अ...

पूर्णपुष्टि, भदौ ८ झापामा १७ वर्षीय किशोरीलाई बलात्कार गरेको अभियोगमा एकजना पक्राउ परेको छ । पक्राउ पर्नेमा बुद्धशान्ति गाउँपालिका–१ बस्ने ३२ वर्षीय उज्वल खुलाल रहेका छन् ।खुलालले किशोरीलाई २०७८ माघ १० गते राती बुद्धशान्ति गाउँपालिका–१ पुलचोकस्थित होटल र पुनः इलाम हर्कटेस्थित होटलमा लगि बलात्कार गरेको प्रहरीले जनाएको छ । इलाका प्रहरी कार्यालय धुलाबारीबाट खटिएको प्रहरीले उनलाई मंगलबार पक्राउ गरेको हो । घटनाका सम्बन्धमा प्रहरीले आवश्यक थप अनुसन्धान गरिरहेको छ ।...

पूर्णपुष्टि, भदौ ८ गते । पौडी खेल्ने क्रममा बेपत्ता भएका शिक्षकको शव आज फेला परेको छ । काठमाडौँको मध्यनेपाल नगरपालिकास्थित माडी नदीमा मंगलबार दिउँसो पौडी खेल्ने क्रममा बेपत्ता भएका पोखरा महानगरपालिका–३२ बस्ने ४५ वर्षीय बाबुराम अधिकारीको शव आज बिहान पेला परेको हो । मध्यनेपाल बहरेको मालिका आधारभूत विद्यालयमा शिक्षण पेसा गर्दै आएका अधिकारी तनहुँको व्यास नगरपालिका–१० बैरेनीस्थित धारापानीमा मृत अवस्थामा भेटिएको जिल्ला प्रहरी कार्यालय लमजुङका प्रहरी निरीक्षक (इन्सपेक्टर) जगदीश रेग्मीले बताए । प्रहरी निरीक्षक रेग्मीका अनुसार उक्त शवको तनहुँ प्रहरीले मुचुल्का उठाउने र दमौली अस्पतालमै शव परीक्षण गरी आफन्तलाई बुझाइएको छ ।...

पूर्णपुष्टि, भदौ ८ गते । एउटै गाउँका एक सय भन्दा बढी मानिस तिजको दर खाएर बिरामी परेका छन् । गोरखा नगरपालिका–७ मान्द्रेढुङ्गाका महिला तथा पुरुष तीजको भोज खाएपछि बिरामी परेका हुन् । वडाध्यक्ष विष्णु श्रेष्ठका अनुसार भोज खाएका अधिकांश बिरामी परेका छन् । “कृष्ण जन्माष्टमीका दिन स्थानीय महिला तथा पुरुष मिलेर तीजको दर खाएका थिए । सोही साँझदेखि नै भोज खाएका सबै बिरामी परेका हुन्”, उनले भने, “बिरामी परेको थाहा पाएपछि स्वास्थ्यकर्मी लगेर उपचार सुरु गरिएको छ ।” स्वास्थ्यकर्मीको टोलीले ४० जनाभन्दा बढीको स्वास्थ्य जाँच गराएको श्रेष्ठले बताए । बिरामीको घरघरमा स्वास्थ्यकर्मीको टोली पठाएर आवश्यक औषधोपचार गरिएको उनले बताए । बिरामी परेकाहरू अहिले विस्तारै निको हुँदै गएका छन् । केहीलाई अझै घरमै स्लाइन पानी दिएर राखिएको अहेव भूमिका श्रेष्ठले जानकारी दिए । बिरामीमा शनिबार साँझदेखि नै पेट दुख्ने, वान्ता हुन...

पूर्णपुष्टि, भदौ ८ गते । लागुऔषध कारोबारमा संग्लग्न एक जना भारतीय नागरिकसहित झापाबाट प्रहरीले तीन जनालाई पक्राउ गरेको छ । विशेस सूचनाको आधारमा ईलाका प्रहरी कार्यालय काकडभिट्टाबाट खटिएको प्रहरी टोलीले उनीहरु तीनै जनालाई पक्राउ गरेको हो । हल्दिवारी गाउँपालिका–४ का ३५ वर्षीय जेमिल महमदलाई सोमबार राती जलथलबाट लागुऔषध ब्राउनसुगर सहित पक्राउ गरेको हो भने महमदको बयानको आधारमा बिर्तामोड नगरपालिका–५ का २५ वर्षीय अर्जुन राजवंशी र भारत किसनगञ्जका २८ वर्षीय जम्सेद आलमालाई मंगलबार बिहान पक्राउ गरेको हो । पक्राउ परेका उनीहरुको साथबाट प्रहरीले ७ ग्राम ९२० मिलिग्राम लागुऔषध ब्राउनसुगर र नगद ७९ हजार बरामद गरेको छ । लागुऔषध र नगदसहित पक्राउ परेका उनीहरुको सम्बन्धमा प्रहरी थप अनुसन्धान गरिरहेको छ ।...

पूर्णपुष्टि, भदौ ८ गते । विराटगरमा दुई पक्षबीच ग्याङ फाइट हुँदा १० जना घाइते भएका छन् । मंगलबार साँझ विराटनगर महानगरपालिका–१२ मल्हन्वा टोलमा गोपाल राजवंशी र राजकुमार कामतको समूहबीच झडप भएको प्रहरीले जनाएको छ । सो झडपमा परि घाइते भएका १० मध्ये १ जनाको अवस्था गम्भीर रहेको छ । पुरानो रिसिइबीका कारण दोहोरो झडप हुँदा राजकुमार गम्भीर घाइते भएका हुन् । उनको न्युरो अस्पतालमा उपचार भइरहेको प्रहरीले बताएको छ । अन्यको कोसी अस्पतालमा उपचार भइरहेको छ । कुटाकुट हुँदा अजय राजवंशी, सञ्जीव राजवंशी, मन्जित राजवंशी, गणेश राजवंशी र धनपथ राजवंशी घाइते भएका हुन् । उनीहरू राजवंशीको समूहका हुन् । कामततर्फका राजकुमारसहित दिनेश कामत, राजु कामत, सञ्जय कामत र काली कामत घाइते भएको प्रहरीले जनाएको छ । जिल्ला प्रहरी कार्यालय मोरङका प्रवक्ता डिएसपी दीपक श्रेष्ठले घटनाको अनुसन्धान भइरहेको बताए ।...

पूर्णपुष्टि, भदौ ७ उदयपुरको बेलका नगरपालिका देउराली स्थीत मदन भण्डारी राजमार्गको छेउमा बम फेला परेको छ । बम कस्ले र किन राख्यो भन्ने खुलेको छैन । आज विप्लव समुहले नेपाल बन्द घोषणा गरेको छ । बम राखिएको स्थललाई प्रहरीले घेरेर राखेको छ । सेतो काटुनमा बम राखिएको छ ।

पूर्णपुष्टि, भदौ ७ गते । लागुऔषध तस्करी गर्ने तस्करले नयाँ नयाँ प्रकृतिको तरीका अपनाएर कारोबार गर्न थालेका छन् । लागूऔषध नियन्त्रण ब्यूरो कोटेश्वरले हालै गरेको एउटा कारबाहीमा मोटरसाइकलको तेलको ट्याङ्कीमा लुकाएर वीरगञ्जदेखि काठमाडौंसम्म लागूऔषध ल्याउने गरेको भेटिएको हो । ब्यूरोका एसपी योगेन्द्र खड्काका अनुसार काठमाडौं महानगरपालिका–३० कालोपुलबाट पक्राउ परेका सिभिल इञ्जिनियर ध्रुव लिम्बुमाथि अनुसन्धान गर्ने क्रममा उनको होस्टलमा बस्ने अर्का व्यक्तिले लागूऔषध ल्याउने गरेको भेटिएको थियो । विन्दवासिनी गाउँपालिका–४ घर भएका जमुना साह तेली नामक ती व्यक्तिले रक्सौल नाकाबाट औषधिजन्य लागूऔषध खरिद गरेर आफूले प्रयोग गर्ने ना ४३ प ६६९३ नम्बरको मोटरसाइकलको तेलको ट्यांकीमा लुकाएर ल्याएको खुलेको हो ।...