Month: २ वर्ष अगाडि

पूर्णपुष्टि, पुष १४ । उदयपुरको उदयपुरगढी गाउँपालिका–७ अधेँरी झर्ना नजिकै शनिबार मिनिट्रक दुर्घटना हुँदा एक जनाको मृत्यु भएको छ । मत्यु हुनेमा सह–चालक इटहरी उप–महानगरपालिका–२ बस्ने २४ बर्षीय सुदिप राई रहेको जिल्ला प्रहरी कार्यालय उदयपुरले जनाएको छ । जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार बिहान ११:५० बजेको समयमा काठमाण्डौँबाट सुनसरी तर्फ जादैँ गरेको बागमती प्रदेश ०१–००६ ख ५७४९ नम्बरको ट्रक आफै अनियन्त्रित हुँदा सह–चालक राईको घटना स्थलमै मृत्यु भएको हो । दुर्घटनाग्रस्त ट्रक र चालक सोहि ठाउँ बस्ने विज्ञान तामाङलाई नियन्त्रणमा लिईसकेको डिएसपी चापागाईले जनाए । मृतक राईको जिल्ला अस्पताल उदयपुरमा पोष्टमार्टम भईरहेको प्रहरीले जनाएको छ ।...

पूर्णपुष्टि, १३ पुष । त्रियुगाकै नमुना टोल विकास संस्थाको रुपमा परिचित बोक्से स्थित सचेतना टोल विकास संस्थाले आफ्नै भवनबाट काम सुरु गरेको छ । शनिवार संस्थाको पाँचौ साधारण सभा सँगै संस्थाको नवनिर्मित भवनको उद्घाटन गरिएको छ । त्रियुगा नगर उपप्रमुख महेश्वरी राईले साधारण सभा तथा भवनको उद्घाटन गरिन् । त्रियुगाको १६ ओटा वडामा झण्डै ३ सय ओटा टोल विकास संस्था रहेका छन् । यस मध्ये उत्कृष्ट ५ मा पर्न सफल सचेतना टोल विकासले कार्य प्रगतिमा फड्को मारेको छ । साढे ६ लाख हाराहरीमा निर्माण भएको उक्त टोल विकास संस्थाको स्टोर रुम सहितको एक तले भवन व्यवस्थित रुपमा निर्माण गरिएको संस्थाका अध्यक्ष पर्शराज राईले जनाए । राईका अनुसार आर्थिक स्रोत साधनको अभावकै बिच ३ लाख ९० हजारमा जग्गा खरिद गर्दै तत्काल भवन निर्माणको कामलाई अघि सारिएको थियो । उनले उक्त भवनका लागि श्रमदानको ठुलो योगदान रहेको राईले जनाए । १३५ ज...

पूर्णपुष्टि, पुष १३ । सुनसरीको धरान उपमहानगरपालिका–४ बाट ३७ किलोग्राम गाँजासहित दुई जनालाई प्रहरीले पक्राउ गरेको छ । पक्राउ पर्नेमा उदयपुर बेलका नगरपालिका–९ का २३ वर्षीय तिर्थ दर्जी र बराहक्षेत्र नगरपालिका–१ का ४० वर्षीय कृष्ण बिसुङ्खे रहेको कोशी प्रदेश प्रहरी कार्यालय बिराटनगरले जनाएको छ । शुक्रबार दिउँसो विशेष सूचनाको आधारमा इलाका प्रहरी कार्यालय धरानबाट प्रहरी नायब उपरीक्षक प्रकाश जवेगुको कमाण्डमा खटिएको प्रहरी टोलीले धनकुटाबाट धरान तर्फ आउँदै गरेको ग.२ च ८११७ नम्बरको कारको डिकीमा लुकाइछिपाई राखिएको गाँजा बरामद गरेको हो । प्रहरी नायब उपरीक्षक प्रकाश जवेगुको कमाण्डमा खटिएको टोलीले चालक दर्जी र बिसुङ्खेलाई नियन्त्रणमा लिएको हो । प्रहरीले पक्राउ परेका दुवै जनामाथि थप अनुसन्धान गरिरहेको जनाएको छ ।...

पूर्णपुष्टि, पुष १३ । उदयपुरको चौदण्डीगढी नगरपालिका १० इकराहाकी १३ वर्षिया काजल दनुवार ७ कक्षामा पढ्छिन् । उनी पढ्ने श्री लौवागडी माध्यामिक विद्यालय एकघण्टा बढि टाढा छ । बुवाको गतअसारमा स्वर्गरोहण भयो । घरको आर्थिक अवस्था अतिनाजुक छ । आमाले साइकल किनिदिने अवस्था छैन । यहि अवस्था बुझेर उदयपुर साइक्लिङ संघले आज उनलाई पढाइका लागि साइकल उपलब्ध गराएको छ ।उनी जस्तै विद्यालय टाढा भएका १५ जना बालबालिकालाई साइकल वितरण गरिएको छ । नेपालका साइक्लिङ अभियानता तथा राइडर तेन्जिङ गुरुङ र अमेरिकन नागरिक रेविका आनको पहल प्रयास तथा उदयपुर साइक्लिङ संघको संयोजनमा १५ जना बालबालिकालाई साइकल वितरण गरिएको हो । हिमाली क्षेत्रमा साइक्लिङ गर्दै गाउँ–बस्तीमा पुग्ने गुरुङले ग्रामिण क्षेत्रका बालबालिकाको शिक्षा र खेलकुद मार्फत स्वास्थ्यमा सहयोग पुर्याउन रेडपन्डा प्रोजेक्ट सञ्चालन गरेका छन् । सोही अन्तर्गत उदयपुरमा सा...

पूर्णपुष्टि, पुष १३ । मोरङको बिरानटनगर महानगरपालिका–१६ स्थित दुर्गा मन्दिर परिसरमा शुक्रबार समुदाय प्रहरी साझेदारी कार्यक्रम अन्तर्गत २ सय जनालाई न्यानो कपडा बितरण गरिएको छ । सामुदायिक प्रहरी सेवा केन्द्र रानीको आयोजना तथा इलाका प्रहरी कार्यालय रानीको सहकार्यमा बिराटनगर महानगरपालिका १२,१३,१४,१५,१६ र १७ नम्वर वडामा वसोवास गर्ने अल्पसंख्यक, जेष्ठ नागरिक, फरक क्षमता भएका र एकल महिलालाई कम्बल वितरण गरिएको हो । कोशी प्रदेश प्रहरी कार्यालय विराटनगरका प्रमुख प्रहरी नायव महानिरीक्षक राजन अधिकारीको प्रमुख आतिथ्यतामा न्यानो कपडा कम्बल बितरण गरिएको हो । प्रदेश प्रहरी प्रमुख अधिकारीले हामी विभिन्न जातजाति, भाषा, धर्म र संस्कृतिको भएता पनि समाजमा भावनात्मक रुपमा सबै समान रहेको बताए । उनले एकले अर्कोलाई सकेको सहयोग गर्नु र प्रेमको भाव राख्नु मानव जातिको परम धर्म र कर्तव्य रहेको उल्लेख गरे । समाज व...

पूर्णपुष्टि, पुष १२ । उदयपुरको कटारी नगरपालिकामा घाइते बन्यजन्तुको उद्धार तथा उपचारको लागि बन्यजन्तु उद्धार, उपचार तथा पुनःस्थापना केन्द्र स्थापना गरिएको छ । डिभिजन वन कार्यालय कटारीको स्वीकृतिमा नगरपालिकाको वडा नम्बर ५ स्थित सिसाघारी सिमसार तथा पर्यटन क्षेत्रमा केन्द्र स्थापना गरिएको हो । पर्यटन क्षेत्र व्यवस्थापन समितिका संयोजक दिलबहादुर अधिकारीका अनुसार सोलुखुम्बु, ओखलढुंगा, खोटाङ र उदयपुरमा घाइते अवस्थामा फेला परेका बन्यजन्तुको उद्धारका लागि केन्द्रको स्थापना गरिएको हो । हालसम्म केन्द्रमा २ वटा नीलगाई र ४ वटा मृग घाइते अवस्थामा ल्याएर उपचार गरिएको र उपचारपछि सोही सिमसारमा राखिएको उनले जानकारी दिए । केही घाइते बन्यजन्तुलाई भने बचाउन नसकिएको उनको भनाइ छ । डिभिजन वन अधिकृत अनिरुद्र साहले हाल भेटेरिनरी चिकित्सकबाट घाइते बन्यजन्तुको उपचार गराउँदै आएको र भविष्यमा काठमाडौंस्थित चिडिय...

पूर्णपुष्टि, पुष १२ । उदयपुरको त्रियुगा नगरपालिका–१४ साउनेस्थित नयाँबजार खेल मैदानमा बिहिबारबाट वार्षिक खेलकुद सप्ताह सुरु भएको छ । ‘चरित्र निमार्ण, स्वास्थ्य जिवन र आपसी सदभाव’ को लागी खेलकुद भन्ने मुल नारका साथ श्री माध्यामिक विद्यालय साउनेको आयोजना तथा वडाको समन्वयमा वार्षीक खेलकुद सप्ताह गरिएको हो । आयोजक माविका प्रधानाध्यापक जानुका ठकुरीका अनुसार प्रतियोगितामा विभिन्न १४ विधाका खेलहरू दैनिक सञ्चालन हुनेछन् । उद्घाटन कार्यक्रममा बोल्दै वडाध्यक्ष हिमराज मगरले वार्षिक खेलकुद सप्ताहमार्फत विद्यालयमा अतिरिक्त क्षमताको समेत विकासमा टेवा पुग्ने बताए । शिक्षा र स्वास्थ्य तथा बालबालिकाको क्षेत्रमा वडा कार्यालयले गर्ने सहयोग जारी राख्ने प्रतिबद्धता समेत जनाए ।  पुष १४ गते सम्म संचालन हुने यस प्रतियोगितामा सहभागीहरूले शिल्ड, मेडल र प्रमाणपत्र प्राप्त गर्ने आयोजकले जनाएको छ ।...

पूर्णपुष्टि, पुष १२ । त्रियुगा नगरपालिका वडा नं. १० बोक्सेको आयोजना र वडा युवा समूहको सहयोगमा शुक्रबार एक वृहत सरसफाई अभियान सम्पन्न भएको छ । त्रियुगा नगरपालिकाको प्याराग्लाइडिङ स्थल रातेमाटे डाँडादेखि सेल्फी डाँडा, गणेश मन्दिर हुँदै वरुवाखोलासम्मको क्षेत्रमा सरसफाई गरिएको हो । वडा अध्यक्ष किरण पाण्डेका अनुसार सार्वजनिक वन जंगलमा फालिएको विभिन्न किसिमका फोहोरहरू सफा गर्दै अबको आउने दिनमा प्रत्येक गाउँ, टोल, बस्ती र व्यक्ति–व्यक्तिमा सरसफाई अभियान लैजाने उद्देश्यका साथ अभियान सञ्चालन गरिएको हो । उनले यस सरसफाई अभियानले स्थानीय पर्यटकीय क्षेत्रको सौन्दर्यकरण बढ्नुका साथै वातावरण संरक्षणप्रति स्थानीय जनताको चेतना अभिवृद्धि हुने बताए । साथै यस्ता सामूहिक प्रयासले समुदायमा सरसफाईप्रति जागरूकता बढाउन मद्दत पुग्ने उनले बताए । सरसफाईको क्रममा संकलन गरिएका विभिन्न किसिमका फोहोरहरु जलाएर नष्ट ...

पूर्णपुष्टि, पुष ११ । उदयपुरको त्रियुगा नगरपालिका वडा नम्बर ११ स्थित पिपल चोकमा १३२ औं माओ जयन्ति मनाईएको छ । बिहिबार माओवादी मजदुर पार्टी र नेपाल कम्युनिष्ट पार्टी १५ सेप्टेम्बर (१५४९) को संयुक्त आयोजनामा १३२ औं माओ जयन्ति मनाईएको हो । कार्यक्रममा माओवादी मजदुर पार्टीका महासचिव हिमाल सिंह राई मुख्य वक्ताका रूपमा उपस्थित थिए । त्यसैगरी केन्द्रीय ब्युरो सदस्यहरू जगत थापा र मेघ दनुवार पनि कार्यक्रममा सहभागी भएका थिए । कार्यक्रममा बोल्दै महासचिव राईले माओले संसारका अर्ध उपनिवेशिक देशहरूका लागि प्रतिपादन गरेको नयाँ जनवादी क्रान्तिको सिद्धान्त नेपालको सन्दर्भमा अझै सान्दर्भिक रहेको बताए । उनले नेपालको अर्ध उत्पादन व्यवस्थाका लागि नयाँ जनवादी क्रान्ति नै उपयुक्त रहेको र आजको चीन माओको योगदानको उदाहरण भएको बताए ।...

पूर्णपुष्टि, पुष ११ । त्रियुगा नगरपालिकामा तेस्रो अन्तर माध्यमिक विद्यालय मेयर रनिङ शिल्ड तथा राष्ट्रपति रनिङ शिल्ड छनौट प्रतियोगिता आज देखि सुरु भएको छ । त्रियुगा नगरपालिका वडा नम्बर ५ देउरीस्थित जनता माध्यमिक विद्यालयको खेलकुद मैदानमा आयोजित प्रतियोगिताको पहिलो दिन तीन विधाका खेलहरू सम्पन्न भएका छन् । पहिलो दिन १५ किलोमिटर दौड, कबड्डी र भलिबल खेल सञ्चालन गरिएको थियो। पुरुषतर्फको १५ किलोमिटर दौडमा जनता माध्यमिक विद्यालय श्रीपुरका सोनम परियार प्रथम भएका छन् । जनता माध्यमिक विद्यालय दमौटीका अगम बहादुर वानिया दोस्रो र जनज्योति माध्यमिक विद्यालय चुहाडका बसन्त दनुवार तेस्रो भएका छन् । महिलातर्फको १५ किलोमिटर दौडमा प्याराडाइज अंग्रेजी बोर्डिङका चिना राईले प्रथम स्थान हासिल गरेकी छन् । बालमन्दिर माध्यमिक विद्यालयकी पवित्रा कटुवाल दोस्रो र त्रियुगा माध्यमिक विद्यालयकी यमुना परियार तेस्रो भएकी ...