Month: १ वर्ष अगाडि

पूर्णपुष्टि, बैशाख १२ । राजावादी समूहले प्रधानमन्त्री केपी शर्मा ओलीले आइतबार गरेको अभिव्यक्तिलाई आपत्तिजनक र उत्तेजक भन्दै कडा आपत्ति जनाएको छ । संयुक्त जनआन्दोलन समितिका संयोजक नवराज सुवेदीले सोमबार जारी गरेको प्रेस वक्तव्यमा प्रधानमन्त्री ओलीको अभिव्यक्तिलाई गैरजिम्मेवार र संविधान तथा लोकतन्त्रको मर्म विपरीत भएको आरोप लगाएका छन् । आइतबार एक कार्यक्रममा प्रधानमन्त्री ओलीले आफ्ना कार्यकर्तालाई जेठ १५ गते काठमाडौंलाई पार्टीको नियन्त्रणमा लिन निर्देशन दिएका थिए । सुवेदीका अनुसार प्रधानमन्त्रीको जिम्मेवारी शान्ति, संविधानको पालना र जनताको सुरक्षामा केन्द्रित हुनुपर्नेमा उल्टो द्वन्द्व भड्काउने खालको भाषा प्रयोग गर्नु आश्चर्यजनक र आपत्तिजनक छ । उनले प्रधानमन्त्रीको यस्तो अभिव्यक्तिलाई संविधानप्रदत्त अधिकारको दुरुपयोग मानेको बताए । राजावादी समूहले संविधानप्रदत्त अधिकारको प्रयोग गर्दै ...

पूर्णपुष्टि, बैशाख १२ ।  हुम्ला जिल्लाको नाम्खा गाउँपालिका–६ स्थित तिलगाउँमा गएको बाढी पहिरोको अध्ययन गर्न पठाइएको प्राविधिक टोलीले समुद्री सतहदेखि ५ हजार ३ सय ५० मिटर उचाइमा तीन वटा हिमताल पत्ता लगाएको छ । यही जेठ १ गते राति आएको अचानक बाढी र सुख्खा पहिरोका कारण तिलगाउँका १८ घरका ३२ जना परिवार विस्थापित भएका थिए । प्राकृतिक प्रकोपको वास्तविक कारण पत्ता लगाउन पठाइएको प्राविधिक टोलीले हिमताल फुटेर बाढी आएको हुनसक्ने संभावना व्यक्त गरेको छ । यसअघि स्थानीय युवाहरूले यस क्षेत्रमा दुई वटा हिमताल रहेको जानकारी दिएका थिए । तर प्राविधिक अध्ययनपछि तीन वटा हिमताल रहेको पुष्टि भएको छ । अध्ययन टोलीका सदस्य शिवकुमार बास्कोटाले हिमतालहरूको बारेमा थप अध्ययन जारी रहेको जानकारी दिए । अध्ययन कार्यमा तीन वटा सरकारी निकायका विशेषज्ञहरू संलग्न छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका...

पूर्णपुष्टि, बैशाख १२ । भिजिट भिसाको आवरणमा मौलाएको मानव तस्करीको सेटिङमा नपर्दा पछिल्लो साढे तीन वर्षमा २० हजारभन्दा बढी यात्रु त्रिभुवन अन्तर्राष्ट्रिय विमानस्थलबाटै फर्काइएका छन् । यो तथ्य अख्तियार दुरुपयोग अनुसन्धान आयोगको चलिरहेको अनुसन्धानबाट खुलेको हो । चार गृहमन्त्रीको कार्यकालमा २० हजार यात्रु फिर्ता बालकृष्ण खाण, नारायणकाजी श्रेष्ठ, रवि लामिछाने र रमेश लेखकले गृह मन्त्रालयको नेतृत्व सम्हालेका बेला अन्तर्राष्ट्रिय विमानस्थलबाट 'बोर्डिङ पास' लिएर सुरुवाती सुरक्षा जाँच पार गरिसकेका २० हजार ४ सय ९६ जना यात्रु अध्यागमनबाटै फिर्ता गरिएका हुन् । यी यात्रुहरूसँग गन्तव्य मुलुक प्रवेश गर्न आवश्यक सबै कानुनी अनुमति भएको भए पनि उनीहरूलाई 'गिरोहको सेटिङ' मा नपर्दा विमानस्थलबाटै फर्काइएको अनुसन्धानबाट पुष्टि भएको छ । गृह प्रशासनका कर्मचारीसहित ट्राभल एजेन्सी, म्यानपावर कम्पनी, एयरलाइन्स ...

पूर्णपुष्टि, बैशाख १२ ।  नेकपा माओवादी केन्द्रले भिजिट भिसा प्रकरण विवादमा मुछिएका गृहमन्त्री रमेश लेखकलाई राजीनामा दिन सुझाव दिएको छ । सोमबार बसेको माओवादी पदाधिकारी बैठकले प्रश्न उठेकाले गृहमन्त्रीले राजीनामा दिएर मार्ग प्रशस्त गर्न उचित हुने निष्कर्ष निकालेको छ । बैठकपछि माओवादी केन्द्रका प्रवक्ता अग्नि सापकोटाले गृहमन्त्री लेखकको राजीनामाको पक्षमा पार्टीको अवस्थान सार्वजनिक गरे । उनले भने, ‘भिजिट भिसा प्रकरणलाई लिएर गृहमन्त्रीमाथि प्रश्न उठेको छ । यस्तो अवस्थामा उहाँले राजीनामा दिएर मार्ग प्रशस्त गर्नु उचित हुन्छ।’ हालै सार्वजनिक भएको भिजिट भिसा प्रकरणमा केही अधिकारीहरूको संलग्नता रहेको आरोप लागेको थियो । यस प्रकरणमा गृहमन्त्री लेखकको नाम पनि चर्चामा आएको थियो ।  ...

पूर्णपुष्टि, बैशाख १२  । नेपाली कांग्रेसले भिजिट भिसा प्रकरणमा गृहमन्त्री रमेश लेखक संलग्न नभएको औपचारिक निष्कर्ष निकालेको छ । आज बिहान बसेको पदाधिकारी बैठकले मन्त्री लेखक यस अनियमिततामा कुनै पनि हिसाबले संलग्न नभएको ठहर गरेको हो । बैठकपछि कांग्रेस प्रवक्ता डा. प्रकाशशरण महतले पार्टीको स्पष्ट अवस्थान राखे । उनले भने, "जहाँसम्म गृहमन्त्री जीको कुरा छ, उहाँ संलग्न हुनुहुन्न भन्ने कुरामा हामी विश्वस्त छौं । जो संलग्न छन् तिनलाई कारबाही हुनुपर्छ ।" प्रवक्ता महतले गृहमन्त्री लेखकलाई जबरजस्ती यस प्रकरणमा जोडेर अफवाह फैलाइएको आरोप लगाए । उनले यस्ता अफवाहहरूले मन्त्रीको छविमा आँच पुर्याउने प्रयास भएको बताए । हालै सार्वजनिक भएको भिजिट भिसा प्रकरणमा केही अधिकारीहरूको संलग्नता रहेको आरोप लागेको थियो । यस प्रकरणमा गृहमन्त्री लेखकको नाम पनि चर्चामा आएको थियो । कांग्रेसले भिजिट भिसा अनियमिततामा वास्त...

पूर्णपुष्टि, बैशाख १२ । नेकपा माओवादी केन्द्र र गंगानारायण श्रेष्ठ नेतृत्वको नेपाल समाजवादी पार्टी (नेसपा) बीच आज औपचारिक पार्टी एकता हुने भएको छ । ललितपुरको ग्वार्कोस्थित कान्तिपुर ब्यांक्वेटमा बिहान ११:३० बजे आयोजना हुने एकता घोषणा कार्यक्रममा माओवादी केन्द्रका अध्यक्ष पुष्पकमल दाहाल प्रचण्डले मुख्य सम्बोधन गर्नेछन् । नेसपाका पूर्व अध्यक्ष महिन्द्र राय यादव पछि हटेपछि गंगानारायण श्रेष्ठले एकताको प्रक्रियालाई अगाडि बढाएका हुन् । श्रेष्ठले आफ्नो पक्षमा बहुमत नेताहरूको समर्थन रहेको दाबी गरेका छन् । श्रेष्ठका अनुसार २९ जना केन्द्रीय कार्यकारिणी सदस्यमध्ये १७ जना र १६० जना केन्द्रीय समिति सदस्यमध्ये ९९ जनाले उनलाई समर्थन गरेका छन् । यो संख्याले नेसपाको नेतृत्वमा श्रेष्ठको बलियो स्थिति देखाउँछ । गत निर्वाचनमा महिन्द्र राय यादव नेतृत्वको नेसपाका उम्मेदवारहरूले माओवादी केन्द्रको चुनाव चिह्न प...

पूर्णपुष्टि सम्बाददाता, जेठ १२ । उदयपुरको कटारी नगरपालिका ४ बाट जबरजस्ती करणीयको आरोपमा चारजना पक्राउ परेका छन् । करणी आरोपमा २५ वर्षिय सुजन भन्ने राजकुमार तामाङ, २० वर्षिय नविन श्रेष्ठ, त्यतिनै उमेरका जीवन तामाङ र १९ वर्षिय एक किशोर रहेको प्रहरीले जनाएको छ । उनीहरुलाई जेठ १० गते पक्राउ गरेको प्रहरीले उदयपुर जिल्ला अदालतबाट म्याद थप गरी थप अनुसन्धान गरिरहेको जनाएको छ । उनीहरुले एक १४ वर्षिया नावालिकालाई जबरजस्ती सामुहिक करणीको आरोप लागेको छ । नावालिकाको परिवारले इलाका प्रहरी कार्यालय कटारीमा जाहेरी दिएको जनाइएको छ ।...

पूर्णपुष्टि, बैशाख ११ । उदयपुरको त्रियुगा नगरपालिका वडा नं. ४ मा जारी छैठौँ वडा अध्यक्ष कप फुटबल प्रतियोगिताको दोस्रो खेलमा आयोजक बगाहा युवा समुह फुटबल क्लब विजयी भएको छ । आईतबार बगाहाको खेल मैदानमा भएको खेलमा शिव पार्वती फुटबल क्लबको पोष्टमा आयोजक बगाहाले ६ गोल गरेको हो । बगाहाको लागी जर्सी नं. ७ का कप्तान विप्लव कटुवालले ह्याट्रिक गरे । उनले खेलको २९, ४७ र ५८ औँ मिनेटमा ह्याट्रिक पुरा गरे । त्यस्तै खेलको सुरुवाती १५ औँ मिनेटमा जर्सी नं. १० का यलएक्स स्याङ्बोले गोल गर्दै बगाहालाई आग्रता थिए भने २१ औँ मिनेटमा जर्सी नं. १४ का सनम चौधरी र ४८ औँ मिनेटमा जर्सी नं. ९ का रितेश तामाङ्गले १–१ गोल गरे । यस खेलका म्यान अफ द म्याच बगाहा युवा समुहका जर्सी नं. ७ का विप्लव कटुवाल बने । उनले नगद रु. ५ सय सहित फ्लेक्स र मेडल प्राप्त गरे । यस प्रतियोगिताको विजेताले ट्रफी, मेडर र नगद रु. २५ हजार प्...

पूर्णपुष्टि सम्बाददाता, जेठ ११ । गणतन्त्र दिवसको अवसरमा जिल्ला ब्याड्मिन्टन संघ उदयपुरले आगामी १५ र १६ गते गाईघाटमा जिल्ला स्तरीय त्रियुगा मेयरकप खुल्ला ब्याड्मिन्टन प्रतियोगिताको आयोजना गर्ने भएको छ । त्रियुगा नगरपालिकाकाे सहयाेगमा आयोजकले पुरुष डबल्स ए, पुरुष डबल्स बी र महिला खुल्ला प्रतियोगिता गरी तीन इभेन्ट्सको खेल गर्ने भएको अध्यक्ष किसन राईले जानकारी दिनुभयो । १४ गते मध्यन्हसम्ममा नाम दर्ता गराउन भन्दै सुचना जारी गरेको संघले आयोजनाको तयारी थालिसकेको जनाएको छ । गणतन्त्र दिवसको अवसर पारेर आयोजना गरिएको प्रतियोगितामा जिल्लाको सबै पालिकाका खेलाडीलाई सहभागिताका लागि सुचना गरिएको जनाइएको छ । महिलाहरुलाई पनि खेलमा प्रोत्साहन गर्ने उद्देश्यले खुल्ला महिला प्रतियोगितासमेत राखिएको जनाइएको छ ।...

पूर्णपुष्टि सम्बाददाता । जेठ ११ गते । स्थानिय तहमा राजनितिक भागबण्डका आधारमा करारमा नियुक्ति दिइएका कर्मचारी जनप्रतिनिधिकै लागि गलापासो हुने गरेको छ । करारमा नियुक्ति गरिएको कार्यलय सहयोगिहरु नै पहुँचको आडमा शक्तिशाली बन्ने गरेका छन् । यि कर्मचारीहरु कार्यलयका हाकिम वा विभागिय प्रमुखलाई टेर्दैनन् किनकि यिनिहरु जनप्रतिनिधिका दाइने हुने गरेका छन् तर यिनै कर्मचारीले विस्तारै जनप्रतिनिधिलाईसमेत टेर्न छाड्छन् अनि जनप्रतिनिधिलाई नै गलापासो बन्ने गरेका छन् । पछिल्ला उदाहरण हो रामप्रसाद राई गाउँपालिका वडा नं २ धोद्लेखानीका वडा कार्यलयका कार्यलय सहयोगी नरोत्तम तामाङ । नरोत्तम तामाङलाई २०७४ सालको स्थानिय तहको निर्वाचन पछि कार्यलय सहयोगी पदमा गाउँपालिकाले करारमा नियुक्ति गरेको थियो । साइनोले काका पर्ने राजकुमार तामाङ वडाध्यक्ष भएको मौकामा नरोत्तमले कार्यलय सहयोगी पदमा नियुक्ति पाएका थिए । राजनितिक ...