शिक्षा

पूर्णपुष्टि, साउन १६ । उदयपुरको कटारी नगरपालिकाले एसईईको ग्रेडवृद्धि परीक्षाका लागि निःशुल्क तयारी कक्षाको व्यवस्था गरेको भए पनि एक विद्यालयले विद्यार्थीहरूबाट अतिरिक्त शुल्क लिएको खुलासा भएको छ। कटारी नगरपालिकाले असार २३ मा सूचना जारी गरी सात विद्यालयमा निःशुल्क तयारी कक्षाको व्यवस्था गरेको थियो। नगरपालिकाले गणित, अंग्रेजी र विज्ञान विषयका शिक्षकहरूलाई पारिश्रमिक दिने गरी अतिरिक्त कक्षाको व्यवस्था गरेको थियो। तर, कटारी नगरपालिका वडा नम्बर १० स्थित जनता कालिका मावि सोरुङ्गले विद्यार्थीहरूबाट थप रकम लिएको पाइएको छ। वडाध्यक्ष क्षेत्रबहादुर खड्काले शिक्षकहरुले अतिरिक्त रकम लिएको सुन्नमा आएकाले यस विषयमा छलफल गरिने बताएका छन् । विद्यालयका प्रधानाध्यापक शंकर कुमार श्रेष्ठले रकम लिएको स्वीकार गर्दै उक्त रकम थप अतिरिक्त कक्षा पढाएवापत अभिभावक र विद्यार्थीहरूसँगको छलफलबाट लिएको बताएका छन् । ...

पूर्णपुष्टि, साउन १३ । राष्ट्रिय परीक्षा बोर्डले एसईईको नतिजामा गम्भीर लापरबाही गरेको पाइएको छ। पुनर्योगका लागि आवेदन दिएका ५ प्रतिशतभन्दा बढी विद्यार्थीको नतिजा फरक परेको छ। केही विद्यार्थीको हकमा त ९१ अंक प्राप्त गरेकोमा १९ मात्र दिइएको जस्ता चरम त्रुटिहरू फेला परेका छन्। परीक्षा नियन्त्रण कार्यालय कक्षा १० का अनुसार गत असारमा प्रकाशित नतिजामा चित्त नबुझेर १८,६०० विद्यार्थीले पुनर्योगका लागि आवेदन दिएका थिए। तीमध्ये साढे ११ हजार विद्यार्थीको पुनर्योग गर्दा ६२१ जनाको नतिजा परिवर्तन भएको छ। परीक्षा बोर्डका अध्यक्ष महाश्रम शर्माले भने, ‘प्राप्तांक कम्प्युटरमा चढाउँदा ७१ ल्याएका विद्यार्थीलाई १७, ६९ ल्याएकालाई ०९ दिएको जस्ता त्रुटि देखिएका छन्।’ उनका अनुसार यस्ता त्रुटिहरू उत्तरपुस्तिका परीक्षणपछि नम्बर जोड्दा उत्तरपुस्तिकाभित्रबाट बाहिर कभरमा नम्बर लेख्दा, मार्कस्लिप र कम्प्युटरमा चढा...

पूर्णपुष्टि, साउन ११ । कक्षा १२ को नतिजा साउन तेस्रो हप्ताभित्र सार्वजनिक हुने भएको छ। राष्ट्रिय परीक्षा बोर्डले नतिजा प्रकाशनको अन्तिम तयारी गरिरहेको जनाएको छ। बोर्डका परीक्षा नियन्त्रक कृष्णप्रसाद शर्माले नतिजाको म्याचिङ र प्रोसेसिङको काम भइरहेको र तोकिएको समयमै नतिजा सार्वजनिक गरिने बताएका छन्। गत वैशाखमा सम्पन्न भएको यस परीक्षामा चार लाख ९६ हजार विद्यार्थी सहभागी भएका थिए। यसमध्ये नियमिततर्फ तीन लाख ९० हजार र ग्रेडवृद्धितर्फ एक लाख ६ हजार परीक्षार्थी रहेका छन्। परीक्षा देशभरका एक हजार ५२५ केन्द्रहरूमा सञ्चालन भएको थियो भने जापानमा समेत एक परीक्षा केन्द्र रहेको थियो। कोभिड–१९ महामारीपछि पहिलो पटक नियमित समयमा सम्पन्न भएको यस परीक्षाको नतिजा लाखौं विद्यार्थीहरूको भविष्यसँग जोडिएको छ। नतिजा प्रकाशनसँगै उच्च शिक्षाका लागि भर्ना प्रक्रिया सुरु हुने भएकोले विद्यार्थी, अभिभावक र शैक्षिक...

पूर्णपुष्टि, असार २१ । बागलुङको जैमिनी नगरपालिकामा रहेको ताराज्योति प्राथमिक विद्यालयमा विद्यार्थीको संख्या गम्भीर रूपमा घटेको छ। हाल यस विद्यालयमा जम्मा दुई जना विद्यार्थी मात्र अध्ययनरत छन्। विद्यालयका प्रधानाध्यापक गोविन्द अधिकारीका अनुसार, स्थानीयवासीहरू सुविधाको खोजीमा अन्यत्र बसाइँ सरेपछि विद्यार्थीको संख्या घट्दै गएको हो। विगत तीन वर्षमा विद्यार्थी संख्या ११ बाट घटेर दुईमा सीमित भएको छ। विद्यालयमा तीन जना कर्मचारी कार्यरत छन्, तर विद्यार्थी संख्या घट्दै जाँदा विद्यालयको अस्तित्व नै खतरामा परेको छ। एक दशक अगाडि विद्यार्थीको चाप हुँदा भुइँमै बस्नुपर्ने अवस्था थियो, तर अहिले भौतिक रूपमा सम्पन्न हुँदा विद्यार्थी संख्या न्यून छ। जैमिनी नगरपालिकाका उपप्रमुख हरिहर शर्माले कम विद्यार्थी भएका विद्यालयहरूलाई समायोजन गर्ने नीति रहेको बताएका छन्। नगरपालिकाले विद्यालय समायोजनसम्बन्धी कार्य...

पूर्णपुष्टि, असार १९ ।  सिन्धुलीको दुधौली नगरपालिकाका सामुदायिक विद्यालयहरूको एसईई २०८० को नतिजा चिन्ताजनक रहेको छ । २१ सामुदायिक विद्यालयका १,००२ परीक्षार्थीमध्ये केवल ३० जना (२.९९) प्रतिशत मात्र उत्तीर्ण भएका छन् । १० विद्यालयको नतिजा शून्य रहेको छ। तुलनात्मक रूपमा, नगरपालिकाका ४ संस्थागत विद्यालयका ११५ विद्यार्थीमध्ये ८२ जना उत्तीर्ण भएका छन् । अभिभावकहरूले सामुदायिक विद्यालयमा बढ्दो राजनीतिकरणलाई शैक्षिक गुणस्तर खस्किनुको कारण मानेका छन्। यस नतिजाले स्थानीय शिक्षा प्रणालीमा तत्काल सुधारको आवश्यकता देखाएको छ।...

पूर्णपुष्टि, असार १८ । शिक्षा, विज्ञान तथा प्रविधि मन्त्रालयले मंगलबार विद्यार्थीहरूका लागि ‘करिअर काउन्सिलिङ’ वेबसाइट सार्वजनिक गरेको छ। यो वेबसाइटले विद्यार्थीहरूलाई उनीहरूको रुचि र क्षमता अनुसार पेशा तथा व्यवसाय छनोटमा मार्गदर्शन गर्ने लक्ष्य राखेको छ। वेबसाइटमा निम्न सुविधाहरू उपलब्ध छन् : १. पेशागत जानकारी २. छात्रवृत्ति सम्बन्धी सूचना ३. करियर असेसमेन्ट टुल ४. सफल व्यक्तित्वहरूका कथाहरू ५. पेशागत विशेषज्ञहरूसँगको पोडकास्ट शिक्षामन्त्री सुमना श्रेष्ठले यो पहलले विद्यार्थीहरूलाई उनीहरूको भविष्यको करियर निर्माणमा सहयोग पुर्‍याउने विश्वास व्यक्त गरिन्।...

पूर्णपुष्टि, असार १८ । त्रियुगा नगरपालिकाले आफ्नो क्षेत्रभित्रका सामुदायिक विद्यालयमा कार्यरत शिक्षक(शिक्षिकाहरूलाई अन्य शैक्षिक संस्थाहरूमा काम गर्न रोक लगाएको छ। नगर प्रमुख बसन्त कुमार बस्नेतद्वारा जारी गरिएको पत्रमा सामुदायिक विद्यालयका शिक्षकहरूले आफू कार्यरत विद्यालय बाहेक अन्य कुनै पनि क्याम्पस, इन्स्टिच्युट वा निजी विद्यालयहरूमा ९ं२ समेत० कुनै पनि समयमा अध्यापन लगायत अन्य काममा संलग्न हुन नपाउने उल्लेख गरिएको छ। यो निर्णय शिक्षा ऐन २०२८ को दफा १६ च को उपदफा ९१० र शिक्षा, विज्ञान तथा प्रविधि मन्त्रालयको निर्देशनको आधारमा गरिएको बताइएको छ। पत्रमा उल्लेख भए अनुसार, यो निर्णय उल्लंघन गरेको पाइएमा सम्बन्धित शैक्षिक संस्था र शिक्षकहरू दुवैलाई कडा कारबाही गरिने चेतावनी दिइएको छ। नगरपालिकाले सबै सम्बन्धित शैक्षिक संस्थाहरूलाई यो निर्णय तत्काल कार्यान्वयन गर्न र यदि कुनै सामुदायिक विद्याल...

पूर्णपुष्टि, असार १३ । राष्ट्रिय परीक्षा बोर्ड परीक्षा नियन्त्रण कार्यालय कक्षा १० ले माध्यामिक शिक्षा परीक्षा (एसईई) को नतिजा सार्वजनिक गरेको छ । कार्यालयले सार्वजनिक गरेको नतिजा अनुसार परीक्षामा सहभागी भएका कुल विद्यार्थीमध्ये ४७.८६ प्रतिशत मात्रै उत्तीर्ण भएका छन् । १ सय ८६ परिक्षार्थीले ल्याए ४ जिपिए् ल्याएका छन् । प्रत्येक विषयमा सैद्धान्तिक (लिखित) तर्फ न्यूनतम ३५ प्रतिशत अंक नल्याए विद्यार्थी ननग्रेडिङ हुने व्यवस्थाअनुसार पहिलो पटक एसईईको नतिजा सार्वजनिक गरिएको हो । परीक्षामा सहभागी भएका ४ लाख ६४ हजार ७८५ जना विद्यार्थी मध्ये २ लाख ४२ हजार ९२ जना विद्यार्थीले मात्रै कक्षा ११ मा पढ्न पाउने भएका हुन् । अर्थात् परीक्षामा सहभागी भएकामध्ये ५२.१४ प्रतिशत परीक्षार्थीले ननग्रेड (एनजी) ल्याएका छन् । बोर्डले यस वर्ष लेटर ग्रेडिङ निर्देशिका, २०७८ अनुसार नतिजा सार्वजनिक गरेको छ, जसमा सैद्...

पूर्णपुष्टि, असार १० । त्रियुगा नगर शिक्षाले नगरसभामा अनुमाेदनका लागि अघि सारेकाे निर्णयमाथि असहमती जनाईएकाे छ । शिक्षक दरबन्दी मिलान तथा विद्यालय घटुवा सम्बन्धी निर्णय नगर शिक्षाले अनुमाेदनका लागि अघि सारेकाेमा असहमती जनाईएकाे हाे । उपमेयर महेश्वरी राई, वडाध्यक्षहरु वडा नं. ८ का राजकुमार राउत, वडा नं. २ का घमानसिंह खत्री, वडा नं. १६ का मानबहादुर राई, वडा नं. ७ का अम्बरबहादुर दनुवार, वडा नं. ६ का याेगेन्द्रबहादुर दाहाल, वडा नं. १४ का हिमराज मगर, वडा नं. १० का किरण पाण्डे, वडा नं. १५ का गणेशप्रशाद तिम्सिनाले नगरसभा सुरुअघि असहमती जनाएका छन् । त्यस्तै कार्यपालिका सदस्यहरु विमल राई, गिता उप्रेती, रेनुका श्रेष्ठ, कुन्ति परियार, रेख मगर, सुनिता गजमेयर रछ डिल्लीसेर राईलेसमेत अुहमती जनाएका छन् । उपमेयर राईकाे अध्यक्षतामा बैंठक नै बसी १६ जनाले असहमतीपत्रमा हस्ताक्षर गरि मेयर र प्रमुख प्रशासकीय अ...

सुनिल राई (उदयपुर) पूर्णपुष्टि, ८ असार उदयपुरका राजनितिक दलहरुले त्रियुगा नगरपालिकाले शिक्षा क्षेत्रमा लापर्वाही र विद्यार्थीहरुको पठनपाठनमा प्रभावित बनाएर बेतिथी निम्ताएको भन्दै बिरोध गरेका छन् । जिल्लाको ६ ओटा राजनितिक दल नेपाली कांग्रेस, नेकपा एमाले, नेकमा माओवादी, राप्रपा, जनता समाजवादी पार्टी र नेकपा एकिकृत समाजवादी पार्टीले संयुक्त बिज्ञाप्ती जारी गर्दै त्रियुगा नगरपालिकामा ठाडो निर्देशनबाट मापदण्ड विपिरिद पूर्वाग्राहि हिसावले विद्यालयको घटुवा र जथाभावी शिक्षक सरुवा गरेको भन्दै बिरोध गरेको हो । हालै त्रियुगा नगरपालिकाले नगरभित्रका बिभिन्न सामुदायिक विद्यालयहरुलाई शैक्षिकसत्र सुरुवात भई तिन महिना व्यतित भैसकेको अवस्थामा बालवालिकाहरुले आफ्नो घर पायक पर्ने ठाउँमा अध्यान गरिरहेको अवस्थामा मापदण्ड निर्माण नगरी हचुवा तथा पूर्वाग्राहि ढंगले विद्यालयहरुको तह घटुवा र दरबन्दी मिलानको ना...