शिक्षा

पूर्णपुष्टि, पुष ११ । त्रियुगा नगरपालिकामा तेस्रो अन्तर माध्यमिक विद्यालय मेयर रनिङ शिल्ड तथा राष्ट्रपति रनिङ शिल्ड छनौट प्रतियोगिता आज देखि सुरु भएको छ । त्रियुगा नगरपालिका वडा नम्बर ५ देउरीस्थित जनता माध्यमिक विद्यालयको खेलकुद मैदानमा आयोजित प्रतियोगिताको पहिलो दिन तीन विधाका खेलहरू सम्पन्न भएका छन् । पहिलो दिन १५ किलोमिटर दौड, कबड्डी र भलिबल खेल सञ्चालन गरिएको थियो। पुरुषतर्फको १५ किलोमिटर दौडमा जनता माध्यमिक विद्यालय श्रीपुरका सोनम परियार प्रथम भएका छन् । जनता माध्यमिक विद्यालय दमौटीका अगम बहादुर वानिया दोस्रो र जनज्योति माध्यमिक विद्यालय चुहाडका बसन्त दनुवार तेस्रो भएका छन् । महिलातर्फको १५ किलोमिटर दौडमा प्याराडाइज अंग्रेजी बोर्डिङका चिना राईले प्रथम स्थान हासिल गरेकी छन् । बालमन्दिर माध्यमिक विद्यालयकी पवित्रा कटुवाल दोस्रो र त्रियुगा माध्यमिक विद्यालयकी यमुना परियार तेस्रो भएकी ...

पूर्णपुष्टि, पुष १० । उदयपुरको पहाडी क्षेत्रमा शैक्षिक संकट बढ्दै गएको छ । जिल्लामा ३३३ आधारभूत र ११५ माध्यमिक विद्यालय रहेका छन्, जसमध्ये ९ वटा मात्र अपाङ्गतामैत्री विद्यालय छन् । यस वर्ष ताप्ली गाउँपालिका र त्रियुगा नगरपालिकाले स्थानीय पाठ्यक्रम लागू गरेका छन् । स्थानीय पाठ्यक्रममा धार्मिकस्थल, कला, संस्कृति, कृषिलगायत आठ विषयवस्तु समावेश छन् । अनौपचारिक क्षेत्र सेवा केन्द्र (इन्सेक) को तथ्याङ्कका अनुसार जिल्लाका पहाडी क्षेत्रका विद्यालयहरूमा स्वच्छ खानेपानी, बालमैत्री शौचालय, विज्ञान प्रयोगशाला र पुस्तकालय जस्ता आधारभूत सुविधाको अभाव देखिएको छ । विद्यार्थीहरू १–२ घण्टा हिँडेर विद्यालय पुग्नुपर्ने बाध्यता छ । यसका कारण विद्यार्थी बीचैमा पढाई छाड्ने समस्या गम्भीर बन्दै गएको छ । रौतामाई, ताप्ली, लिम्चुङबुङ्ग, उदयपुरगढी गाउँपालिका र कटारी, बेलका तथा चौदण्डीगढी नगरपालिकाका पहाडी क्षेत्...

पूर्णपुष्टि, पुष ६ ।  उदयपुरको चौदण्ढिगढी नगरपालिकाले नगरभित्र सञ्चालित संस्थागत विद्यालयहरूलाई शिक्षक नियुक्ति, तलब भुक्तानी र छात्रवृत्ति सम्बन्धी पूर्व सहमति कार्यान्वयन नगरे कारबाही गर्ने चेतावनी दिएको छ । नगरपालिकाले शुक्रबार पत्रकार सम्मेलन गरी नगरका २१ वटा संस्थागत विद्यालयहरूले शिक्षकलाई नियुक्ति पत्र दिने, तलब भत्ता बैंक मार्फत भुक्तानी गर्ने र १० प्रतिशत छात्रवृत्ति दिने सम्बन्धी पटक-पटकको सहमति पालना नगरेको जनाएको छ । नगर प्रवक्ता प्रकाश राउतका अनुसार विद्यालयहरूले शिक्षा ऐनमा भएको व्यवस्था र नगरपालिकासँग गरेको सहमति कार्यान्वयन नगरेकाले कारबाहीको दायरामा ल्याइने भएको हो । प्रमुख प्रशासकीय अधिकृत जितबहादुर श्रेष्ठले धेरै विद्यालयहरूले सरकारले तोकेको न्यूनतम पारिश्रमिक १७ हजार ३ सय रुपैयाँ नदिएको र शिक्षकहरू ठगिएको मौखिक उजुरी आएको बताए । शिक्षा शाखा प्रमुख रामेश्वर कुँवरका अन...

पूर्णपुष्टि, १४ मंसिर । उदयपुर जिल्लाको कटारी–४ मा अवस्थित एभरेस्ट कलेजले यसै शैक्षिक सत्रदेखि बिबिए ९ब्याचलर अफ बिजनेस एडमिनिस्ट्रेशन० कक्षा सञ्चालन गर्न थालेको छ। बिहीबार कोशी प्रदेशका पूर्वमन्त्री तथा प्रदेश सभा सदस्य राम कुमार खत्रीको प्रमुख आतिथ्यतामा एक विशेष कार्यक्रमका बीच कलेजको औपचारिक उद्घाटन गरिएको हो। कार्यक्रममा प्रमुख अतिथि राम कुमार खत्रीले बिबिए कक्षा सञ्चालनसँगै यस क्षेत्रका विद्यार्थीलाई ठूला शहरमा धाउनु पर्ने बाध्यता अन्त्य भएको उल्लेख गर्दै व्यवस्थापन विषयमा दक्ष जनशक्ति उत्पादनको बाटो खुलेको बताउनुभयो। उहाँले यस कार्यक्रमले स्थानीय मात्र नभई छिमेकी जिल्लाका विद्यार्थीहरूलाई समेत उच्च शिक्षामा सहज पहुँच प्रदान गर्ने विश्वास व्यक्त गर्नुभयो। कटारी नगरपालिकाकी उपप्रमुख गीता खड्काले बिबिए कार्यक्रमले कटारी क्षेत्रको शैक्षिक प्रगतिमा महत्वपूर्ण उपलब्धि थपेको बताउँदै...

पूर्णपुष्टि, ८ मंसिर । मुर्कुची नमुना माविका बिपन्न विद्यार्थीहरुलाई शैक्षिक पोसाक वितरण गरिएको छ । उदयपुरको रौतामाई गाउँपालिका ७ स्थित नमुना माध्यमिक विद्यालय मुर्कुचीमा अध्ययनरत बिपन्न ३६ विद्यार्थीलाई शैक्षिक पोसाक बितरण गरिएको हो । उक्त पोसाक पूर्व विद्यार्थी समाज उदयपुरको समन्वयमा शुक्रबार ‘प्रकृति प्रेमी समाज उदयपुर’ले १२ छात्रा र २४ छात्रलाई प्रदान गरेका थिए । उनीहरुको आवश्यकता अनुसार पोसाक सर्ट, पाईन्ट, ट्रयाकसुट र जुत्ता बितरण गरिएको आयोजक प्रकृति प्रेमी समाजका अध्यक्ष दिनेशकुमार श्रेष्ठले बताए । बालबालिकालाई पोसाक वितरण गर्दै प्रमुख अतिथी शिक्षा विकास तथा समन्वय इकाईका प्रमुख शसीकुमार यादवले शैक्षिक अवस्था सुधार गर्न आमनागरिकको समान दायित्व रहने बताए । उनले भने, ‘बिद्यालयबाट मात्र शैक्षिक सुधार सम्भव नभएकाले, नागरिक तवरबाट हुने यस्ता कार्यक्रमले बालबालिकाको शैक्षिक गुणस्तर...

पूर्णपुष्टि, १ असोज । त्रियुगा नगरपालिका वडा नं १६ ले आर्थिक वर्ष २०८१र०८२ को वडागत कार्यक्रम अन्तर्गत विभिन्न शैक्षिक र सांस्कृतिक गतिविधिहरू सफलतापूर्वक सम्पन्न गरेको छ । ५० हजार रुपैयाँको बजेटमा वडा भित्रका विद्यालयहरूमा अतिरिक्त कार्यक्रमहरू संचालन गरिएको थियो । कार्यक्रममा हाजिरी जवाफ, वक्तृत्वकला, हस्तलेखन र म्युजिकल चेयर प्रतियोगिताहरू समावेश थिए । हाजिरी जवाफमा मावि भोर्ले प्रथम, मावि चिलाउने द्वितीय र मावि भोर्ले तृतीय भए । वक्तृत्वकला प्रतियोगितामा सावित्रा राई मावि चिलाउने प्रथम, करुणा राई मावि भोर्ले द्वितीय र सम्झना बिक चिलाउनें तृतीय, भए । यस प्रतियोगितामा कक्षा ६ देखि १० सम्मका २१ जना विद्यार्थीहरूले भाग लिएका थिए । हस्तलेखन प्रतियोगितामा कमला मगर मावि भोर्ले प्रथम, बिमिसा तामाङ द्वितीय र प्रतिमा मगर मावि भोर्ले तृतीय भए। यसमा कक्षा १ देखि ५ सम्मका विद्यार्थीहरूले भाग...

पूर्णपुष्टि, भदौ २० । उदयपुरमा १७ औं राष्ट्रिय पुस्तकालय दिवस र २१ औं संघम सामुदायिक पुस्तकालयको साधारण सभा भव्यताका साथ मनाइने भएको छ। भदौ २२ गते (शनिबार) त्रियुगा नगरपालिका–११ स्थित संघम सामुदायिक पुस्तकालयमा आयोजना हुने कार्यक्रममा (काठमाण्डौँ स्कुल अफ ल) का कार्यकारी निर्देशक प्रा.डा. युवराज संग्रौला प्रमुख अतिथिको रूपमा सहभागी हुने जनाइएको छ। कार्यक्रममा ‘निरन्तर शिक्षाका लागि पुस्तकालय’ विषयमा वृहत बहस हुनेछ। साथै संगित लगायतका नृत्य प्रस्तुति, वक्तृत्वकला, निबन्ध तथा कविता वाचन जस्ता सांस्कृतिक कार्यक्रमहरू पनि समावेश गरिएको छ। यस अवसरमा पुस्तकालय प्रेमी तथा जिल्ला प्रहरी कार्यालयका पूर्व प्रमुख एसपी रमेश थापालाई विशेष सम्मान गरिने कार्यक्रम रहेको छ।  ...

पूर्णपुष्टि, भदौ १० ।  त्रियुगा जनता बहुमुखी क्याम्पस मोडिगडाको ३७ औं वार्षिकोत्सव तथा क्याम्पस दिवस सम्पन्न भएको छ। सोमबार कोशी प्रदेशका उपसभामुख सिर्जना दनुवारको प्रमुख आतिथ्यमा क्याम्पसको सभाहलमा कार्यक्रम आयोजना गरिएको थियो। कार्यक्रममा पूर्व क्याम्पस प्रमुख रमेश चन्द्र रोक्का र पूर्व संचालक समितिका अध्यक्ष विरेन्द्र कुमार बस्नेत लगायतलाई सम्मान गरिएको थियो। साथै विभिन्न संकायका उत्कृष्ट विद्यार्थीहरूलाई पुरस्कृत गरिएको छ। सम्मानित विद्यार्थीहरूमा: मानविकी तथा सामाजिक शास्त्र संकाय: बालकुमारी जोशी (प्रथम) शिक्षा शास्त्र: करिष्मा मकाजु (प्रथम) व्यवस्थापन संकाय: सन्ध्या कार्की (प्रथम) बिआईसिटिई संकाय: अमरदिप रेग्मी (प्रथम) कक्षा १२ मा गत वर्ष प्रथम स्थान हासिल गरेका शिवराम राई र यस वर्ष प्रथम स्थान हासिल गरेका उदयानन्द पौडेललाई पनि सम्मान गरिएको थियो।कार्यक्रममा छात्...

पूर्णपुष्टि, साउन २९ ।  कैलाली जिल्लाका केही सामुदायिक विद्यालयहरूले कक्षा १ देखि ३ सम्म पूर्ण रूपमा निरन्तर मूल्याङ्कन प्रणाली लागू गरेका छन्। यस प्रणाली अन्तर्गत अब यी कक्षाहरूमा परम्परागत प्रश्नपत्र र परीक्षाको सट्टा निरन्तर मूल्याङ्कनका आधारमा विद्यार्थीको मूल्याङ्कन गरिनेछ। टीकापुर नगरपालिका, जोशीपुर गाउँपालिका, जानकी गाउँपालिका र लम्कीचुहा नगरपालिकाले यस शैक्षिक वर्षदेखि यो प्रणाली कडाइका साथ लागू गरेका छन्। शिक्षा अधिकारीहरूका अनुसार साना बालबालिकाको क्षमताको मूल्याङ्कन छोटो समयको परीक्षाले मात्र गर्न नसकिने भएकाले यो प्रणाली अपनाइएको हो। टीकापुर नगरपालिकाका शिक्षा अधिकृत नरेश अवस्थीका अनुसार, "अब हामीले ३ कक्षासम्म प्रश्नपत्र बनाउने, परीक्षा लिने काम गर्दैनौँ। निरन्तर मूल्याङ्कनका आधारमा उहाँहरूको नतिजा आउनेछ।" जोशीपुर गाउँपालिकाका शिक्षा अधिकृत सङ्ग्रामसिंह धामीले भने, "शैक्षिक ...

पूर्णपुष्टि, साउन २३ ।  राष्ट्रिय परीक्षा बोर्डले हालै सार्वजनिक गरेको कक्षा १२ को नतिजामा सुदूरपश्चिम प्रदेश सबैभन्दा कमजोर देखिएको छ। यस प्रदेशबाट परीक्षा दिएका विद्यार्थीमध्ये ६०.५७ प्रतिशत विद्यार्थीको नतिजा 'नन ग्रेडेड' (एनजी) आएको छ। सुदूरपश्चिम प्रदेशबाट ३५,६२८ विद्यार्थीले परीक्षा दिएकोमा केवल १४,०४६ जना मात्र उत्तीर्ण भएका छन्। यस प्रदेशबाट उच्च जीपीए (३.६ देखि ४.०) प्राप्त गर्ने विद्यार्थीको संख्या जम्मा १२१ रहेको छ। सुदूरपश्चिमपछि कर्णाली प्रदेश दोस्रो कमजोर देखिएको छ, जहाँ ५९.२४ प्रतिशत विद्यार्थी फेल भएका छन्। त्यसपछि क्रमशः कोशी, मधेस, लुम्बिनी, गण्डकी र बागमती प्रदेश रहेका छन्। यो समस्याको कारण बारे पूर्व सचिव डा. लवदेव अवस्थीले राज्यको ध्यान नपुगेको, शिक्षकको कमी, विकट भूगोल र गरिबी जस्ता कारणहरू औंल्याएका छन्। उनले शिक्षक र विद्यार्थीबीचको सम्बन्धलाई सुधार गर्नुपर्ने आवश...