संसार

पूर्णपुष्टि, फागुन १६ । टेस्लाका मुख्य कार्यकारी अधिकारी एलन मस्क पुनः एक पटक विश्वका सर्वाधिक धनी व्यक्तिको शीर्ष स्थानमा परेका छन् । ब्लुमबर्ग बिलियनेर इन्डेक्सको तथ्याकं अनुसार दोस्रो स्थानमा झरेका एलन मस्क पुन शिर्ष स्थानमा पुगेका हुन् । मस्कको सम्पत्तिमा २४ घण्टाभित्र ६.९८ अर्ब डलर वृद्धि भएको छ भने कुल सम्पत्ती १८७ अर्ब डलर पुगेको छ । हालसम्म शीर्ष स्थानमा बसेका फ्रान्सका अर्बपति बर्नार्ड अर्नाल्ट १८५ अर्ब डलरको कूल सम्पत्ति सहित दोस्रो स्थानमा झरेका छन् । पछिल्ला केही दिनदेखि मस्कको सम्पत्ति वृद्धि भइरहेको थियो, त्यसैले उनी पुनः शीर्ष स्थानमा पुग्ने सम्भावना प्रबल बन्दै गइरहेको थियो । मस्कले विश्वको सबैभन्दा धनी व्यक्ति र ईतिहासमा धेरै घाटा व्यहोर्ने व्यक्तिको रेकर्ड राखेका छन् । गत वर्षको अन्त्यमा मस्क २०० बिलियन डलरको सम्पत्ति गुमाउने पहिलो व्यक्ति बनेका थिए । उनको कुल सम्पत...

पूर्णपुष्टि, फागुन १२ गते । आज रुस–युक्रेन युद्धको १ बर्ष पुरा भएको छ । यस युद्धको वार्षिकीत्सवको पूर्वसन्ध्यामा संयुक्त राष्ट्र संघको महासभामा युक्रेनमाथि गर्दै आएको आक्रमण रुसले रोक्नुपर्ने प्रस्ताव बहुमतले पारित भएको छ । उक्त प्रस्तावको पक्षमा नेपालसहित १४१ देशले मत खसालेको थियो भने प्रस्तावको विपक्षमा रुस, बेलारुस, उत्तर कोरिया, सिरिया, माली, इरिट्रिया र निकारागुआको मत थियो । त्यस्तै तटस्थ बस्नेमा चीन, भारत, इरान, दक्षिण अफ्रिका लगायतका ३२ देश रहेका छन् । सो महासभामा रुसले युक्रेनमाथि गर्दै आएको आक्रमणको भत्सर्ना भएको छ भने बिनाशर्त युद्ध रोक्ने, युक्रेनमा भएका रुसी सेना फिर्ता गर्नुपर्ने र सक्दो चाँडो शान्ति कायम गर्नुपर्ने प्रस्ताव अत्यधिक मतले पारित भएको छ । रुसले युक्रेनका चारवटा क्षेत्रलाई आफूमा गाभेको घोषणा गरेपछि बढेको तनाव युद्धमा परिणत भएको थियो । २०२२ को फेब्रुअरी २४...

पूर्णपुष्टि, माघ २६ गते । गैरआवासीय नेपाली संघका अनुसार टर्कीको भूकम्प प्रभावित क्षेत्रमा रहेका २ जना नेपाली महिल अझै सम्पर्क विहिन रहेका छन् । भुकम्प प्रभावित क्षेत्रमा ३३ जना नेपाली रहेको पुष्टि भएको टर्की समेत हेर्ने पाकिस्तान स्थित नेपाली दुतावासले जनाएको छ । ३१ जना नेपाली नागरिक दूतावासको सम्पर्कमा आईसकेका छन् भने २ जना सम्पर्कमा नआएको टर्कीमा रहेका गैरआवासीय नेपाली संघका महासचिव विनोद पौडेलले बताए । महासचिव पौडेलका अनुसार सम्पर्कमा आएका एक जना नेपाली समान्य घाइते छन् । सञ्चार सम्पर्क टुटेका कारण भूकम्पग्रस्त सबैठाउँमा सम्पर्क हुन नसकेको पौडेलको भनाई छ । उनीहरु त्यहाँ घरेलु कामदारको रुपमा काम गर्दै आएका थिए । भूकम्प गएको टर्कीको गाजियान्टेपमा कति नेपाली छन भन्ने यकिन तथ्यांक छैन । भूकम्पग्रस्त क्षेत्रमा नेपाली विद्यार्थी र घरेलु कामदार रहेकाछन् । कतिपय घरेलु कामदार गैरकानूनी र...

पूर्णपुष्टि, माघ २६ गते । कतारमा विश्व विजेता बनेका लियोनेल मेस्सीले टर्की र सिरियाको भुकम्प पीडित परिवारका लागि ३.५ मिलियन युरो सहयोग गर्ने भएका छन् । अर्जेन्टिनाले आफ्नो फाउन्डेसनमार्फत सहायता पठाउन निर्देशन दिएको टर्कीका सञ्चारमाध्यम भक्स न्युजले जनाएको छ । लियो मेस्सी फाउन्डेसन एउटा पारिवारिक फाउन्डेसन हो । यस फाउन्डेसनले विश्वभरका बालबालिकाको स्वास्थ्य र शिक्षाको ख्याल राख्छ । लियोका जेठा भाइ म्याटियासले युनिसेफ सँगको साझेदारीमा सहयोगका गतिविधिहरू आयोजना गर्छन्। युनिसेफसँगको सहकार्यमा सो रकम टर्की र सिरियाका भुकम्प पीडितका लागि सहयोग गर्ने अन्तर्राष्ट्रिय सञ्चारमाध्यमले जनाएका छन । टर्की र सिरियामा गएको बिनाशकारी भुकम्पले ठुलो मानविय तथा भौतिक क्षती गरेको छ । विश्व स्वास्थ्य संगठनले सो भुकम्पमा परी २० हजार जनाको ज्यान गएको प्रक्षेपण गरेको छ । संसारभर देखि नै टर्की र सिरियाका भ...

पूर्णपुष्टि, माघ २५ गते । टर्कीमा गएको विनाशकारी भुकम्पपिडितका लागि नेपाल सरकारले राहत तथा पुनर्स्थापनाका लागि मेडिकल टिमसहित अत्यावश्यक सामाग्री पठाउने भएको छ । टर्कीमा सोमबार गएको दुई शक्तिशाली भुकम्पले ठुलो मानविय तथा भौतिक क्षति भएको छ । बुधबार दिउँसो राष्ट्रिय विपद् जोखिम न्यूनिकरण तथा व्यवस्थापन राष्ट्रिय परिषद्‌को बैठकले सो निर्णय लिएको हो । उक्त बैठक प्रधानमन्त्री तथा मन्त्रिपरिषदको कार्यालयमा बसेको प्रधानमन्त्री पुष्पकमल दाहालको सचिवालयले जनाएको छ । प्रधानमन्त्री दाहालले बैठकमा टर्की नेपालको असल मित्रराष्ट्र भएकाले सहयोग गर्नुपुर्ने बताए । दाहालले भने हिजो हामीलाई अप्ठ्यारो पर्दा टर्की सरकारले सहयोग गरेको थियो । टर्की सरकारको दु:खमा हामिले सहयोग गर्नु पर्ने भन्दै छिटोभन्दा छिटो टोली र प्राविधिक सामान पठाएर सहयोग गर्नुपर्ने दाहालले भने । बैठकमा उपप्रधान तथा अर्थमन्त्री विष्णु ...

पूर्णपुष्टि, माघ २५ गते । टर्कीमा गएको विनाशकारी भुकम्पले त्याहाको भौगोलिक अवस्थिति नै परिवर्तन गरिदिएको छ । भुकम्पको कारण टर्की अवस्थित रहेको टेक्टोनिक प्लेट १० फिट पर सरेको भूगर्भविदले जनाएको छ । त्यसैले टर्कीको भौगोलिक अवस्थिति नै साढे ३ मिटर सरेको छ । टर्कीमा सोमबार ७.८ र ७.५ रेक्टर स्केलको भूकम्प गएको थियो । भूकम्पको झट्काले गर्दा टर्किमा ठूलो मानवीय तथा भौतिक क्षति भएको छ । टर्किमा गएको पहिलो ७.८ म्याग्निच्युडको भुकम्पको उद्गम जमिनभन्दा १८ मिटर गहिराइमा थियो । त्यस्तै ९ घण्टापछि गएको ७.५ म्याग्निच्युडको झट्का १० किलोमिटर गहिराइमा उत्पन्न भएको थियो । वैज्ञानिकहरुका अनुसार भूकम्पका कारण एनाटोलियन प्लेट र अरेबियन प्लेटबीचको १४० मिटर लामो फल्टलाइनमा चिरा परेको छ । टर्कीको भौगर्भिक अवस्थिति उच्च भूकम्पीय जोखिमयुक्त क्षेत्रमा छ । यो मुलुक एनाटोलियन प्लेट, अरेबियन प्लेट र युरेसियन प्...

पूर्णपुष्टि, माघ १९ गते ।  बेलायतका नागरिक सरकार बिरुद्ध सडकमा उत्रिएका छन् । करिब ५ लाख भन्दा बढि नागरिक सडकमा उत्रिएको अन्तर्राष्ट्रिय समाचार संस्थाहरूले जनाएका छन् । बेलायतका प्रधानमन्त्री ऋषि सुनक नेतृत्वको सरकारविरुद्ध बुधबार नागरिकहरु सडकमा उत्रिएका छन् । अधिकांश शिक्षक, निजामती कर्मचारी र रेल चालकहरू सहभागी रहेका छन् । उनिहरुको तलब वृद्धि प्रमुख माग रहेको साथै मुद्रास्फिति नियन्त्रण गर्न पनि सरकारसँग माग गरेका छन् । प्रदर्शनमा करिब ३ लाख शिक्षक मात्र सहभागी रहेको अलजजिराले जनाएको छ । कोरोना र त्यसपछि युक्रेन युद्धका कारण बढेको मुद्रास्फितिका जीवनशैली मुस्किल बनेको बताएका छन् । आन्दोलनमा सहभागी शिक्षकहरूले दैनिक १० घण्टा काम गरेता पनि पास्ता खाएर दिन काट्नु परेको उनिहरुको भनाई छ । हड्तालअघि प्रधानमन्त्री कार्यालयले अराजकता निम्तने गरी प्रदर्शन नगर्न चेतावनी दिएता पनि प्रदर्श...

पूर्णपुष्टि, माघ १६ गते । अष्ट्रलियामा वृद्धालाई कुटपिट गरेको अभियोगमा नेपाली नर्स पक्राउ परकी छन् । पक्राउ पर्नेमा अस्मिता पाण्डे रहेकी छन् । उनि इपिङ शहरको एउटा वृद्धवृद्धाको हेरचाह गर्ने केन्द्रमा नर्सिङ सहायकका रुपमा कार्यरत रहेकी थिईन् । आफ्नै सहकर्मिले ९५ वर्षकी डिमेन्सिया भएकी वृद्धमाथि कुटपिट गरेको उजुरी दिएपछी उनलाई केहि दिनअघि पक्राउ गरिएको नाइन न्युजले जनाएको छ । पीडित वृद्धाकी छोरीले राम्रो हेरचाह हुन्छ भन्ने आशामा छाडिएका अभिभावकमाथि दुर्व्यवहार भएको सुन्नु निक्कै दुखदायी भएको बताइन् । पक्राउ परेकी पाण्डेलाई मार्चमा सजाय सुनाइने छ ।...

पूर्णपुष्टि, साउन ३० गते । चर्चमा आगो लाग्दा १५ जना बालबालिकासहित ४१ जनाको इजिप्टमा ज्यान गएको छ । राजधानीको उत्तर पश्चिमस्थित इम्बाबामा रहेको अबु सिफाइन चर्चमा लागेको आगलागीको कारण भने खुलिनसकेको भए पनि विद्युत सर्ट भएर आगो लागेको हुनसक्ने प्रहरीको प्रारम्भिक अनुमान छ । उद्धारमा खटिएका चार प्रहरीसहित १६ जना घाइते भएका छन् । आगलागी नियन्त्रण गर्न सम्भाव्य सबै कदम चालिएको राष्ट्रपति अबदेल फताह अल सिसीले बताएका छन् ।...

पूर्णपुष्टि, साउन ३० गते । सुनचाँदीको मूल्यमा आज गिरावट भएको छ । सुन तोलामा ४ सय रुपैयाँले र चाँदीको मूल्यमा तोलाको १५ रुपैयाले गिरावट आएको नेपाल सुनचाँदी व्यवसायी महासंघले जनाएको छ । सोमबार छापावाल सुनको मूल्य तोलामा ९७ हजार ४ सय र तेजावी सुनको मूल्य ९६ हजार ९ सय रुपैयाँ तोकिएको छ । आइतबर छापावाल सुनको प्रतितोला मूल्य ९७ हजार ८ सय र तेजावी सुन ९७ हजार ३ सय रुपैयाँमा कारोबार भएको थियो । इता, चाँदीको मूल्य तोलामा १ हजार २ सय ३५ रुपैयाँ कायम भएको छ । आइतबर चाँदीको मूल्य एक हजार २ सय ५० रुपैयाँमा चाँदीको खरिद बिक्री भएको थियो ।...