समाचार

पूर्णपुष्टि, असोज १० ।  नेपाल विद्यार्थी संघ (नेविसंघ) का अध्यक्ष दुजाङ शेर्पाले दलगत भागबन्डा अन्त्य गर्न अखिल क्रान्तिकारीसँग सहकार्य गर्न तयार रहेको बताएका छन् । बिहीबार त्रिभुवन विश्वविद्यालयमा आयोजित क्रान्तिकारीको २३औँ राष्ट्रिय सम्मेलनमा शुभकामना मन्तव्य दिँदै उनले यो कुरा व्यक्त गरेका हुन् । शेर्पाले भने, "जुनसुकै तहमा हुने दलगत भागबन्डा अन्त्य गर्न नेविसंघ अखिल क्रान्तिकारीसँग हातेमालो गर्न तयार छ । विचार र सिद्धान्त फरक भएपनि राष्ट्रियता, लोकतन्त्र, देशको सुरक्षाका लागि हामी एक ठाउँमा छौँ ।" उनले विद्यार्थी आन्दोलनले गुमाएको विश्वास फिर्ता गर्न ठूलो चुनौती रहेको बताउँदै यसतर्फ ध्यान दिनुपर्नेमा जोड दिए । "अहिले विद्यार्थी आन्दोलनले गुमाएको विश्वास फिर्ता गराउन निकै चुनौती रहेको छ," उनले थपे ।...

पूर्णपुष्टि, असोज १० ।  अखिल क्रान्तिकारीका पूर्वअध्यक्ष एवं नेकपा माओवादी केन्द्रका केन्द्रीय सदस्य रञ्जित तामाङले प्रचण्डसँगै विद्यार्थी आन्दोलन अघि बढे मात्र समाजवादको लक्ष्यमा पुग्न सकिने बताएका छन् । अखिल क्रान्तिकारीको २३औँ राष्ट्रिय सम्मेलनको उद्घाटन समारोहमा बोल्दै उनले यो कुरा व्यक्त गरेका हुन् । तामाङले भने, "प्रचण्डको नेतृत्व र विद्यार्थी सँगसँगै अगाडि बढेमात्र हामी समाजवादमा पुग्न सक्छौँ । अहिले सम्पूर्णले उहाँलाई सहयोग र समर्थन गर्नुपर्छ ।" उनले प्रचण्ड नेतृत्वको तत्कालीन सरकारले भ्रष्टाचार नियन्त्रण, सुशासन, सामाजिक न्याय, विश्वविद्यालय सुधार लगायत विषयमा महत्त्वपूर्ण भूमिका खेलेको दाबी गरे । साथै, उनले विद्यार्थीहरूलाई २०८४ सालमा पहिलो पार्टी बनाउने सङ्कल्प लिएर घर फर्किन आग्रह गरे । तामाङले अखिल क्रान्तिकारीलाई "घरको बाघ" नभई "वनको बाघ" भन्ने तथ्यलाई प्रमाणित गर्न यो सम्म...

पूर्णपुष्टि, असोज १० ।  अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) का इन्चार्ज हिमाल शर्माले संगठनको नयाँ नेतृत्व प्रत्यक्ष निर्वाचन प्रणालीद्वारा छनोट गरिने प्रतिबद्धता व्यक्त गरेका छन् । बिहीबार त्रिभुवन विश्वविद्यालयमा आयोजित क्रान्तिकारीको २३औँ राष्ट्रिय सम्मेलनमा शुभकामना दिँदै शर्माले यो कुरा बताएका हुन् । शर्माले भने, "हामीले पहिलोपटक प्रत्यक्ष निर्वाचन प्रणालीद्वारा प्रतिनिधि छनोट गरेर आएका छौँ । संगठनको केन्द्रीय पदाधिकारी र सदस्यहरू पनि प्रत्यक्ष निर्वाचन प्रणालीद्वारा नै छनोट गर्ने प्रतिबद्धता व्यक्त गर्छौं ।" उनले नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड' लाई उद्धृत गर्दै थप भने, "अध्यक्ष प्रचण्डलाई साक्षी राखेर म तपाईँहरूलाई विश्वास दिलाउन चाहन्छु । यसपटक नेतृत्वबाट हस्तक्षेप हुनेछैन । जसले जितेपनि क्रान्तिकारीले जित्ने हो भनेर अध्यक्षल...

पूर्णपुष्टि, असोज १० ।  नेपाल कम्युनिस्ट पार्टी (माओवादी केन्द्र) निकट अखिल नेपाल राष्ट्रिय स्वतन्त्र विद्यार्थी संगठन (क्रान्तिकारी) को २३औँ राष्ट्रिय सम्मेलन आजदेखि काठमाडौँमा सुरु हुँदैछ । क्रान्तिकारीका अध्यक्ष पञ्चा सिंहका अनुसार चारदिनसम्म चल्ने यो सम्मेलनमा नयाँ नेतृत्व चयनका साथै शैक्षिक मुद्दाहरूमा छलफल हुनेछ । सम्मेलनको उद्घाटन पूर्व प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड' ले गर्ने कार्यक्रम रहेको छ । सम्मेलनमा देशभरबाट दुई हजार तीन सय २३ प्रतिनिधि सहभागी हुने जनाइएको छ । यस सम्मेलनले ३३ पदाधिकारीसहित दुई सय ४३ जनाको नयाँ केन्द्रीय कमिटी चयन गर्नेछ । अध्यक्ष सिंहले दिएको जानकारी अनुसार नयाँ नेतृत्वका लागि यही असोज १३ गते मतदान हुनेछ ।        ...

पूर्णपुष्टि, असोज १० । यातायात व्यवस्था कार्यालय इटहरीबाट प्रहरीले नक्कली चिकित्सकसहित १७ जना बिचौलियालाई पक्राउ गरेको छ । बुधबार दिउँसो कार्यालय परिसरबाट यी व्यक्तिहरूलाई नियन्त्रणमा लिइएको हो । जिल्ला प्रशासन कार्यालय सुनसरीले जारी गरेको प्रेस विज्ञप्तिअनुसार कार्यालयहरूको स्थलगत अनुगमनका क्रममा आफूलाई डाक्टर भनी चिनाउने एक व्यक्तिसहित १७ जना बिचौलियालाई पक्राउ गरिएको हो । सहायक प्रमुख जिल्ला अधिकारी वेदराज फुयाँलले दिएको जानकारीअनुसार पक्राउ परेकाहरूमाथि कानुनी कारबाहीको प्रक्रिया अघि बढाइएको छ । हाल पक्राउ परेका व्यक्तिहरूलाई इलाका प्रहरी कार्यालय इटहरीमा राखिएको छ ।                      ...

पूर्णपुष्टि, असोज १० । नेकपा एमाले उदयपुरले बिहीबार नयाँ कार्यविभाजन सार्वजनिक गरेको छ । पार्टीका जिल्ला अध्यक्ष भागवत राउतले हस्ताक्षर गरेर जारी गरेको कार्यविभाजनमा रिक्त जिल्ला कमिटी सदस्यदेखि विभिन्न विभागसम्म गठन गरेर नेताहरूलाई जिम्मेवारी प्रदान गरिएको छ । नयाँ कार्यविभाजन अनुसार २१ जनालाई जिल्ला कमिटी सदस्यमा मनोनित गरिएको छ । जिल्ला कमिटी सचिवालयमा पाँच जना पदाधिकारी सहित ३२ सदस्यीय कमिटी निर्माण गरिएको छ । साथै, १२१ सदस्यीय सल्लाहकार समिति र ८१ सदस्यीय जेष्ठ कम्युनिष्ट मञ्च पनि गठन गरिएको छ । पार्टीले विभिन्न २७ वटा विभागहरू गठन गरेको छ, जसमा पार्टी स्कूल, स्थानीय विकास, संगठन, कानून, प्रचार तथा प्रकाशन लगायत विभागहरू रहेका छन् । प्रत्येक विभागमा नेताहरूलाई जिम्मेवारी दिइएको छ । जनसंगठन समन्वय संयन्त्र प्रमुखमा हेम ब. खड्का र सचिवमा भुवन दाहाललाई मनोनित गरिएको छ । पार्टीका २३ वट...

पूर्णपुष्टि, असोज १० । जल तथा मौसम विज्ञान विभागको मौसम पूर्वानुमान महाशाखाले सातै प्रदेशका ५६ जिल्लामा 'रेड अलर्ट' जारी गरेको छ । यो अलर्टले उच्च जोखिमको सम्भावनालाई संकेत गर्दछ । यसअघि असोज ७ गते जारी गरिएको विशेष बुलेटिनमा २७ जिल्लालाई मात्र उच्च जोखिमको सूचीमा राखिएको थियो । महाशाखाका अनुसार १९ जिल्ला मध्यम जोखिममा छन् भने हिमाली दुई जिल्ला मुगु र हुम्ला मात्र न्यून जोखिममा छन् । मौसमविद गोविन्द झाले बंगालको खाडीबाट प्रवाह हुने जलवाष्पयुक्त वायु तथा त्यस क्षेत्रमा बनेको न्यूनचापीय प्रणालीको प्रभावका कारण नेपालमा भारीदेखि धेरै भारीसम्म वर्षा हुने प्रक्षेपण गरेका छन् । असोज १० गते बिहीबारदेखि असोज १३ गते आइतबारसम्म देशभर वर्षाको सम्भावना रहेको छ । विशेषगरी कोशी, मधेश, बागमती, कर्णाली र सुदूरपश्चिम प्रदेशमा भारी वर्षाको सम्भावना छ । केही स्थानहरुमा धेरै भारी वर्षा पनि हुन सक्ने अनुमान ग...

पूर्णपुष्टि, असोज ९ ।  मौसमविद्हरूले नेपालभर मनसुन अवधिकै भीषण वर्षाको सम्भावना औंल्याएका छन् । त्रिभुवन विश्वविद्यालयको जल तथा मौसम विज्ञान केन्द्रीय विभागका सहप्रध्यापक डा. विनोद पोखरेलका अनुसार केही स्थानमा चार सय मिलिमिटरसम्म वर्षा हुने सम्भावना छ । जल तथा मौसम विज्ञान विभागले विशेष बुलेटिन जारी गरी असोज ८ देखि १२ गतेसम्म सबै प्रदेशमा वर्षाको सम्भावना रहेको जनाएको छ । विभागले २७ जिल्लालाई उच्च जोखिमको सूचीमा राखेको छ, जसमा कोशी, गण्डकी, लुम्बिनी, कर्णाली र सुदूरपश्चिम प्रदेशका विभिन्न जिल्लाहरू पर्दछन् । मौसमविद् गोविन्द झाले यो वर्षाले विपदको जोखिम निम्त्याउने सम्भावना भएकाले उच्च सतर्कता आवश्यक रहेको बताएका छन् । उनका अनुसार कृषि, यातायात र पर्यटन क्षेत्र बढी प्रभावित हुनसक्ने देखिन्छ । विभागको पूर्वानुमान अनुसार विहीबारदेखि आइतबारसम्म विभिन्न प्रदेशमा भारी देखि अति भारी वर्षाको सम...

पूर्णपुष्टि, असोज ९ । चाडपर्व नजिकिँदै गर्दा पनि वैदेशिक रोजगारीमा जाने नेपालीको संख्यामा कमी आएको छैन। वैदेशिक रोजगार विभागका अनुसार चालु आर्थिक वर्ष २०८१/८२ को भदौ महिनामा मात्र ५७,४९३ नेपाली विदेशिएका छन्। यसमध्ये ५०,७७० पुरुष र ६,७२३ महिला रहेका छन्। विभागका सूचना अधिकारी गुरुदत्त सुवेदीले दिएको जानकारी अनुसार, सबैभन्दा धेरै नेपाली युएई (१८,६०५), कतार (११,२९१) र साउदी अरेबिया (१०,८३५) गएका छन्। उल्लेखनीय रूपमा, मलेसिया जाने श्रमिकको संख्यामा भने ठूलो गिरावट आएको छ। भदौमा मात्र १,१९३ श्रमिक मलेसिया गएका छन्, जुन गत वर्षको तुलनामा निकै कम हो। युरोपेली देशहरूमा पनि नेपाली श्रमिकको संख्या बढेको देखिन्छ। विभागको तथ्यांक अनुसार, रोमानियामा १,८८८, क्रोएसियामा ७०९, र साइप्रसमा ६१२ नेपाली गएका छन्। विदेश जानेमध्ये १३,१७१ अदक्ष श्रमिक छन् भने ३७,७८३ दक्ष श्रमिक रहेका छन्। अर्धदक्ष ६,१७५ जना वि...