समाचार

पूर्णपुष्टि, असोज ९ । चौदण्डीगढी नगरपालिकाको बेल्टारस्थित आधारभूत नगर अस्पतालले सार्वजनिक बिदाको दिनमा समेत सेवा दिने भएको छ। पूर्णपुष्टि, असोज ९ । अस्पताल व्यवस्थापक मोहन सुबेदीले मंगलबार एक सूचना जारी गर्दै दशैं, तिहार र शनिबार बाहेक अन्य सार्वजनिक बिदामा पनि अस्पताल खुला रहने जानकारी दिए। अस्पतालको सेवा समय बिहान ७ बजेदेखि साँझ ५ बजेसम्म तोकिएको छ। नगर प्रमुख कालुमान लामाले स्वास्थ्य क्षेत्रमा सुधार ल्याउन अस्पताल व्यवस्थापकको जिम्मेवारी अनुभवी व्यक्ति मोहन सुबेदीलाई दिएको बताए। उनले अस्पतालले जनताको अपेक्षा भन्दा पनि फरक र गुणस्तरीय सेवा प्रदान गर्ने विश्वास व्यक्त गरे। साथै, अस्पतालले आफ्नै फार्मेसी सञ्चालन गरेपछि बिमाको औषधीमा समस्या नआएको समेत जानकारी दिए।                         &n...

पूर्णपुष्टि, ७ असोज । मंगलबार दिउँसो १२ : ४० बजेतिर उदयपुर जिल्लाको बेलका नगरपालिका वडा नं। ८ स्थित सेतीखोलामा एक मलामी बोकेको बस दुर्घटना हुँदा २९ जना घाईते भएको छ। चतराबाट रामपुरतर्फ मलामी बोकेर फर्किंदै गरेको प्रदेश १(०२(००१ ख ८२५३ नम्बरको बस मदन भण्डारी राजमार्गमा अनियन्त्रित भई सडकबाट करिब २० मिटर तल खस्दा २९ जना घाईते भएको हो । घाइतेहरूमध्ये १७ जनाको बेलका नगर अस्पतालमा र १२ जनाको धरान घोपा अस्पतालमा उपचार भइरहेको छ। घाइतेहरूमध्ये ४ जनाको अवस्था गम्भीर रहेको छ, जसमा २ पुरुष र २ महिला छन् । बाँकी २५ जनाको अवस्था सामान्य रहेको छ, जसमा १५ पुरुष र १० महिला छन्। बसका चालक ३५ वर्षीय शम्भु साह ९जिल्ला सुनसरी, बराहक्षेत्र नगरपालिका(१, भण्डारीटार निवासी० लाई इलाका प्रहरी कार्यालय रामपुरठोक्सिलाले नियन्त्रणमा लिएको छ। दुर्घटनाग्रस्त बस घटनास्थलमै रहेको र सडक अवरोध नभएको जनाइएको छ। प्र...

पूर्णपुष्टि, असोज ७ । काठमाडौंको माछापोखरीस्थित फ्लोरिडा डान्सबारका सञ्चालकसहित तीन जनालाई ग्राहकमाथि लुटपाट गरेको आरोपमा प्रहरीले पक्राउ गरेको छ। काठमाडौं उपत्यका अपराध अनुसन्धान कार्यालयको टोलीले डान्सबार सञ्चालक काभ्रेको पाँचखालका ३२ वर्षीय शरद तामाङ, काभ्रेकै नमोबुद्धका २१ वर्षीय कृष्ण तामाङ र २६ वर्षीय अजय तामाङलाई पक्राउ गरेको हो। अपराध अनुसन्धान कार्यालयका एसपी तथा प्रवक्ता काजीकुमार आचार्यका अनुसार, सञ्चालक शरद तामाङकै योजनामा डान्सबारमा आएका ग्राहकहरूमाथि लुटपाट भएको थियो। यो समूहले डान्सबारका ग्राहकहरूसँग अनुचित रकम लिने, नदिए कुटपिट र लुटपाटसम्म गर्ने गरेको पाइएको छ। यस घटनाबारे ४ असोजमा प्रहरीमा निवेदन परेपछि अनुसन्धान थालिएको थियो। पक्राउ परेका तीनै जनालाई थप कारबाहीका लागि जिल्ला प्रहरी परिसर भद्रकाली पठाइएको छ। प्रहरीले यस प्रकरणमा थप अनुसन्धान जारी राखे...

पूर्णपुष्टि, असोज ७ ।  गोर्खा मिडिया नेटवर्क प्रालिका पूर्व सञ्चालक एवं नेपाल प्रहरीका पूर्वनायब महानिरीक्षक (डीआईजी) छविलाल जोशी सहकारीको रकम ठगी आरोपमा पक्राउ परेका छन्। काठमाडौं उपत्यका अपराध अनुसन्धान कार्यालयको टोलीले जोशीलाई आइतबार अपराह्न शंखमूलबाट नियन्त्रणमा लिएर कास्की लगेको छ। जोशीलाई पोखराको सूर्यदर्शन सहकारीको बचत अपचलन प्रकरणको अनुसन्धानका लागि पक्राउ गरिएको कास्की प्रहरी प्रमुख एसपी मोहन थापाले जानकारी दिए। उनलाई सोमबार जिल्ला अदालतमा उपस्थित गराएर अनुसन्धानका लागि म्याद लिने तयारी छ। गोर्खा मिडियाका अध्यक्ष गितेन्द्रबाबु (जीबी) राई, प्रबन्ध निर्देशक रवि लामिछाने र सञ्चालक जोशीको हस्ताक्षर चल्ने खातामा विभिन्न सहकारीबाट ६५ करोड ५४ लाख रुपैयाँ ल्याएर खर्च गरिएको थियो। संसदीय विशेष समितिले यी चारै जनामाथि ठगी, किर्ते, संगठित अपराध र सम्पत्ति शुद्धीकरणका दफा आकर्षित हुने निष्...

पूर्णपुष्टि, असोज ७ । मनसुनको न्यून चापीय रेखा सरदर स्थानको दक्षिणतिर रहेको र देशभर मनसुनी वायुको प्रभाव कायम रहेको मौसम पूर्वानुमान महाशाखाले जनाएको छ। सोमबार देशको पहाडी भू–भागमा आंशिकदेखि साधारण बदली रहने र अन्य क्षेत्रमा आंशिक बदलीदेखि मौसम मुख्यतया सफा रहने अनुमान गरिएको छ। पहाडी क्षेत्रका केही स्थान र अन्य भू–भागका एक–दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ। विशेषगरी आज राति कोशी, मधेस र बागमती प्रदेशका एक–दुई स्थानमा भारी वर्षाको सम्भावना रहेको महाशाखाले जनाएको छ। यी क्षेत्रमा गेग्रान बहाव, बाढी, पहिरो तथा भू(क्षयको जोखिम हुनसक्ने भएकाले सतर्कता अपनाउन अनुरोध गरिएको छ। मंगलबार पनि देशभर आंशिकदेखि साधारण बदली रहने र सबै प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ। कोशी, मधेस, बागमती र लुम्बिनी प्रदेश...

पूर्णपुष्टि, असोज ७ ।  मेडिकल व्यवसायी दुर्गा प्रसाईंको पक्राउपछि उनका समर्थकहरूले झापामा तीन वटा भारतीय नम्बर प्लेटका ट्रकमा आगजनी गरेका छन्। आइतबार बी एन्ड सी अस्पतालका सञ्चालक प्रसाईंलाई प्रहरीले पक्राउ गरेपछि यो घटना भएको हो। कोशी प्रदेश प्रहरी प्रवक्ता भीमबहादुर दाहालका अनुसार, आगजनीका घटनाहरू आइतबार राति र सोमबार बिहान छुट्टाछुट्टै स्थानमा भएका थिए। पहिलो घटना आइतबार राति कन्काइ नगरपालिका-८ स्थित बिरिङ खोलाको पुलमा यूपी-५७ एटी-४४९३ नम्बरको मालबाहक ट्रकमा भएको थियो। त्यसपछि सोमबार बिहान बिर्तामोड नगरपालिका-६ मा डब्लूबी-७३-ई-३०५७ नम्बरको खाली ट्रकमा आगो लगाइएको थियो। अन्तिम घटना झापाको धाइजनमा डब्लूबी-७३-ई-३०५६ नम्बरको भारतीय ट्रकमा भएको थियो। प्रसाईंका समर्थकहरूले सोमबार झापामा चक्काजामको घोषणा गरे पनि सवारी आवागमनको अवस्था सामान्य रहेको प्रहरीले जनाएको छ। प्रहरीले आगजनीमा संलग्न व्...

पूर्णपुष्टि, असोज ६ । मेडिकल व्यवसायी दुर्गा प्रसाईं पक्राउ परेका छन्। विद्युतीय कारोबार ऐन अन्तर्गत पक्राउ पूर्जी जारी भएपछि आईतबार प्रहरीले भक्तपुरबाट प्रसाईंलाई नियन्त्रणमा लिएको हो। साइबर ब्यूरोका डीआईजी नवीन्द अर्यालका अनुसार, साइबर ब्यूरोबाट खटिएको टोली र भक्तपुर प्रहरीको संयुक्त प्रयासमा प्रसाईंलाई पक्राउ गरिएको हो। प्रहरी टोली मध्यपुर थिमी नगरपालिका–६ कमेरोटारस्थित प्रसाईंको घरमा पुगेको थियो। घरको गेट नखोलेपछि प्रहरीले कम्पाउण्ड नाघेर भित्र प्रवेश गरी प्रसाईंलाई नियन्त्रणमा लिएको बताइएको छ। नेपाल प्रहरीको साइबर ब्यूरोमा उनीविरुद्ध जाहेरी परेपछि जिल्ला अदालत काठमाडौंले प्रसाईंलाई पक्राउ गरेर अनुसन्धान गर्न प्रहरीलाई अनुमति दिएको थियो।...

पूर्णपुष्टि, असोज ६ ।  कांग्रेस र एमालेको सत्ता समीकरणले नेपालको राजनीतिक परिदृश्यमा नयाँ मोड ल्याएको छ। यस परिवर्तनसँगै, प्रतिपक्षमा रहेका नेकपा माओवादी केन्द्र र राष्ट्रिय स्वतन्त्र पार्टी (रास्वपा) बीच नजिकिने संकेत देखिएको छ। माओवादी केन्द्रको हालै सम्पन्न स्थायी समिति बैठकले विचार मिल्ने दलहरूसँग सहकार्य गर्ने निर्णय गरेको छ। यसैगरी, रास्वपाले पनि मुद्दा मिल्ने दलसँग सहकार्य गर्ने बताएको छ। दुवै दलले सरकारलाई खबरदारी गर्ने विषयमा संसद्मा एकजुट हुनुपर्ने आवश्यकता औंल्याएका छन्। संसद्मा तेस्रो र चौथो स्थानमा रहेका यी दलहरूले एमाले अध्यक्ष केपी शर्मा ओली नेतृत्वको सरकारविरुद्ध अघोषित मोर्चा खडा गरेका छन्। उपसभामुख इन्दिरा रानामगरको पदीय आचरणको मुद्दामा यी दुई दल एकसाथ उभिएका थिए। माओवादी उपमहासचिव शक्ति बस्नेतका अनुसार भ्रष्टाचारविरुद्ध, सुशासन र जनताका सरोकारका विषयमा रास्वपासँग सहका...

पूर्णपुष्टि, असोज ६ । संसदको राज्य व्यवस्था तथा सुशासन समितिले भ्रष्टाचार निवारण ऐन २०५९ लाई संशोधन गर्न ल्याइएको विधेयकमा नीतिगत भ्रष्टाचार र निजी क्षेत्रको विषयमा सहमति जुटाउने प्रयास गरिरहेको छ। समितिका सभापति रामहरि खतिवडाका अनुसार यी विषयहरूमा सहमति निकट पुगिसकेको छ। नीतिगत भ्रष्टाचारको परिभाषा र क्षेत्र निर्धारण गर्ने विषयमा गहन छलफल भइरहेको छ। खतिवडाले अधिकारीहरूले आफ्नो अधिकारक्षेत्रको कामलाई माथिल्लो तहमा पुर्‍याउने प्रवृत्तिलाई नीतिगत भ्रष्टाचारको रूपमा व्याख्या गर्न सकिने बताए। निजी क्षेत्रलाई अख्तियारको क्षेत्राधिकारबाट हटाउने विषयमा पनि समितिमा छलफल भइरहेको छ। यसअघि प्रस्तावित विधेयकमा निजी बैंक, मेडिकल कलेज र अस्पताललाई अख्तियारको दायरामा ल्याउने प्रस्ताव गरिएको थियो। तर निजी क्षेत्रको विरोधपछि यसलाई हटाउन लागिएको छ। समितिले बेनामी उजुरीको व्यवस्थामा पनि संशोधन गर्न लागेको ...

पूर्णपुष्टि, असोज ६ । मोरङको पथरीशनिश्चरेमा ससुराको हत्या गरी फरार भएका ज्वाइँलाई प्रहरीले पक्राउ गरेको छ। पथरीशनिश्चरे नगरपालिका-७ स्थित मायालु चोकका ६० वर्षीय चन्द्रबहादुर तामाङको हत्या गरेको आरोपमा उनका २७ वर्षीय ज्वाइँ रविन राईलाई धनकुटाको मूलघाटबाट आज बिहान प्रहरीले नियन्त्रणमा लिएको हो। शनिबार बिहान चन्द्रबहादुर तामाङको शव उनकै घरको प्यासेजमा रगताम्मे अवस्थामा फेला परेको थियो। मृतकको टाउको र चिउँडोलगायत शरीरका विभिन्न भागमा धारिलो हतियारले प्रहार गरेका चोटहरु देखिएको र घटनास्थल नजिकै रगत लतपतिएको खुर्पा फेला परेको प्रहरीले जनाएको छ। इलाका प्रहरी कार्यालय पथरीका डीएसपी मोहनविक्रम दाहालका अनुसार पक्राउ परेका रविन र मृतक चन्द्रबहादुर ज्वाइँ-ससुरा नाताका हुन्। दुवै जना शुक्रबार राति घरमै मदिरा सेवन गरेर बसेको र त्यसपछि उत्पन्न विवाद हत्यामा परिणत भएको हुनसक्ने प्रहरीको प्रारम्भिक अनुमा...