समाचार

पूर्णपुष्टि, असार १८ । प्रधानमन्त्री पुष्पकमल दाहाल प्रचण्डले एमाले अध्यक्ष केपी शर्मा ओलीलाई सत्ता समीकरणबारे ‘विवेकसम्मत निर्णय’ लिन सुझाव दिएका छन्। प्रधानमन्त्री निवास बालुवाटारमा सोमबार भएको तीन घण्टा लामो छलफलमा प्रचण्डले ओलीलाई सत्ता समीकरण, बजेट, विभिन्न नियुक्ति र भावी सहकार्यबारे ‘विवेकसम्मत निर्णय’ लिन आग्रह गरेका छन् । स्रोतका अनुसार प्रधानमन्त्री प्रचण्डले सरकार सञ्चालनको असन्तुष्टि सम्बोधन गर्न तयार रहेको र संक्रमणकालीन न्यायसम्बन्धी विधेयक पास गरेपछि सत्ता हस्तान्तरण गर्न इच्छुक रहेको बताए । साथै, कांग्रेसको समर्थनमा सरकार बनाउने विकल्पबारे पनि सोच्न ओलीलाई सुझाव दिएका छन्। ओलीले विवेकसम्मत निर्णय लिने जवाफ फर्काएका छन्।    ...

पूर्णपुष्टि, असार १८ । उपप्रधान तथा गृहमन्त्री रवि लामिछाने विरुद्धको रिटमा आज सर्वोच्च अदालतमा सुनुवाई हुँदैछ। अधिवक्ता अनुपम भट्टराईले दायर रिटमा निलम्बन गरी अनुसन्धान गर्नुपर्ने माग राखिएको छ। जेठ १४ गते दायर रिटमा अन्तरिम आदेश जारी गर्ने वा नगर्ने भन्नेबारे सर्वोच्च अदालतमा सुनुवाइ भइरहेको छ। असार ७ गते निवेदकका कानुन व्यवसायीले बहस गरेका थिए भने गृहमन्त्री लामिछानेको तर्फबाट बहस बाँकी रहेपछि सुनुवाइ असार १८ गतेका लागि सारिएको थियो। रिटमा गृहमन्त्री लामिछाने पदमै रहँदा अनुसन्धान प्रक्रियामा अनुचित प्रभाव पार्न सक्ने दाबी गर्दै उनलाई पदबाट निलम्बन गर्न अन्तरिम आदेशको माग गरिएको छ। साथै, महान्यायाधिवक्ता कार्यालयले लामिछानेविरुद्ध मुद्दा दायर नभएको भनेर लेखेको पत्रको कानुनी वैधतामाथि पनि प्रश्न उठाइएको छ।...

पूर्णपुष्टि, असार १७ । उदयपुरको त्रियुगा नगरपालिका वडा नं. १६ शाही खोलामा भूमिहीन दलित, भूमिहीन सुकुम्बासी, र अव्यवस्थित बसोबासीहरूको लागि निस्सा वितरण सम्पन्न भएको छ । साहिखोलाका ८४ जनालाइ निस्सा वितरण गरिएको हो । त्रियुगा नगरपालिकाका मेयर बसन्त बस्नेत, उपमेयर महेश्वरी राई, वडाध्यक्ष मानबहादुर राई लगायतले निस्सा प्रमाण पत्र प्रदान गरेका थिए । निस्सा प्रमाणपत्र पाएपछि स्थानीय खुसी बनेका थिए । नगरपालिकाले विभिन्न वडामा नापीको निस्सा वितरण गर्दै आएको छ । निस्सा वितरणलाई निरन्तरता दिने र जग्गा नापीको काम बाँकी रहेका ठाउँमा पनि नापी गरेर निस्सा वितरण गरिने मेयर बस्नेतले बताए । उनले यो वर्षभित्रमा सबै नाप्ने र निस्सा वितरणको काम सकेर आगामी वर्ष २०८२ मा लालपूर्जा वितरणको लक्ष लिएको बताए । वडाध्यक्ष राईले जग्गा नापीको जनताको मागलाई प्राथमिकतामा राखेर काम गरिएकोले आज निस्सा वितरण गर्न सफल भएको ...

पूर्णपुष्टि, असार १७ । काभ्रेको मण्डन देउपुर नगरपालिका–६ का सिद्धार्थ ढकालले युक्रेनको नियन्त्रणमा रहेको अवस्थाबाट परिवारलाई पत्र पठाएका छन्। रेडक्रसको अन्तर्राष्ट्रिय समिति (आईसीआरसी) को पहलमा किभस्थित रेडक्रस सोसाइटीका अधिकारीहरूले ढकालको सन्देश सहितको पत्र नेपाल रेडक्रस सोसाइटीलाई पठाएका हुन्। ढकालको पारिवारिक स्रोतबाट प्राप्त पत्रमा उनले आफू पूर्ण स्वस्थ रहेको र चाँडै आउने आश्वासन दिएका छन्। उनले पत्रमा लेखेका छन्, ‘म पूर्ण स्वस्थ छु, कुनै चोटपटक छैन। म चाँडै आउँछु। हुनसक्छ युद्ध रोकिएपछि अथवा नेपाल सरकारको सहयोग भयो भने म अझै चाँडै आउन सक्छु।’ उनले ९ अप्रिल २०२४ ९२७ चैत २०८०० मा पत्रमा हस्ताक्षर गरेका छन्। सिद्धार्थ २५ भदौ २०८० मा उच्च शिक्षा अध्ययनका लागि नेपालबाट मस्को उडेका थिए। विचौलियाको सिकार भएपछि उनी रुसी सेनामा भर्ती हुन बाध्य भएका थिए। १३ मंसिर २०८० मा उनले बुबा बिरुला...

पूर्णपुष्टि, असार १७ गते । झापा र सुनसरी जिल्लामा प्रहरीले छुट्टाछुट्टै स्थानबाट ७ जनालाई लागुऔषध सहित पक्राउ गरेको छ। झापाको भद्रपुर नगरपालिका–५ स्थित वडा प्रहरी कार्यालयबाट खटिएको टोलीले भद्रपुर–८ का ३६ बर्षीय सन्तोष राजवंशी र २६ बर्षीय अमर बरैयालाई ५ ग्राम १७ मिलिग्राम ब्राउनसुगर सहित पक्राउ गरेको हो। त्यसैगरी, सुनसरीको धरान–८ मा इलाका प्रहरी कार्यालय धरानबाट खटिएको टोलीले ३६ सुनिल श्रेष्ठ र २३ बर्षीय दीपक विश्वकर्मालाई १ ग्राम ब्राउनसुगर सहित पक्राउ गरेको छ । नरसिंह गाउँपालिका–६ का २४ बर्षीय नाजम अन्सारी र बुढीगंगा मोरङका ३० बर्षीय अजय कुमार देवलाई स्पास्मो २५४ ट्याब्लेट, नगद ३९ हजार र मोटरसाइकल सहित पक्राउ गरिएको छ। धरान–१५ का २७ बर्षीय कबिर तामाङलाई ट्रामाडोल ९०, स्पास्मो ९० ट्याब्लेट र १०० ग्राम गाँजा सहित पक्राउ गरिएको छ। पक्राउ परेकाहरूमाथि थप अनुसन्धान भइरहेको छ।...

पूर्णपुष्टि, असार १७ । उदयपुरको गाईघाट बजार नजिकैको बरुवा खोलामा वर्षायाममा आउने बाढीसँगै बगेर आएका दाउरा र काठ संकलन गर्न स्थानीयहरू जोखिम मोल्न बाध्य भएका छन्। बर्षेनि देखिने यो दृश्यमा बालबालिकादेखि वृद्धवृद्धासम्म बाढीको जोखिम मोलेर दाउरा र काठ निकाल्न तम्सिएका देखिन्छन् । स्थानीयहरूका अनुसार जंगलबाट दाउरा ल्याउन दिनभर लाग्ने भएकाले बाढीले बगाएर ल्याएको दाउरा संकलन गर्नु सजिलो विकल्प बनेको छ ।‘बाढीमा दाउरा निकाल्दा जोखिम त छ, तर घरमा चुलो बाल्न यो नै सजिलो उपाय हो, ‘एक स्थानीय महिलाले भनिन् । यद्यपि, यो प्रक्रिया निकै खतरापूर्ण छ। बाढीको बहावमा बग्न सक्ने र डुब्ने जोखिम उच्च रहन्छ । स्थानीय प्रशासनले बारम्बार सचेत गराउँदा पनि आर्थिक विवशताका कारण स्थानीयहरू यस्तो जोखिम मोल्न बाध्य भएको देखिन्छ। स्थानीय प्रहरी चौकीका एक अधिकारीले भने, ‘हामी सकेसम्म सुरक्षित तरिकाले दाउरा संकलन गर्...

पूर्णपुष्टि, असार १७ । उदयपुर जिल्लाको सदरमुकाम गाईघाट र आसपासको क्षेत्रमा गएरातिदेखि भारी वर्षा भइरहेको छ। आज बिहान केही समय मौसम खुले पनि दिउँसोदेखि पुनः निरन्तर वर्षा भइरहेको स्थानीय बासिन्दाले बताएका छन्। अविरल वर्षाका कारण बरुवा खोला र त्रियुगा नदीमा बाढी आएको छ। बरुवा खोलाको बाढीले आसपासका बस्तीहरू जोखिममा परेका छन्। वर्षाको भेलले बरुवा बसपार्क डुबानमा परेको छ। त्रियुगा नदीको बाढीले खेत कटान गरेको र बालुवाले पुरेको स्थानीय कृषकहरूले बताएका छन्। यस क्षेत्रका किसानहरू बर्षेनी त्रियुगाको बाढीबाट पीडित हुँदै आएका छन्। स्थानीय प्रशासनले बाढी र डुबानको जोखिम रहेका क्षेत्रका बासिन्दालाई सतर्कता अपनाउन अपिल गरेको छ। साथै, आपतकालीन अवस्थाका लागि तयारी अवस्थामा रहन पनि अनुरोध गरिएको छ। मौसम विभागले आगामी केही दिन यस क्षेत्रमा थप वर्षाको सम्भावना रहेको जनाएको छ। स्थानीय प्रशासन र सुरक...

पूर्णपुष्टि, असार १७ । कोशी प्रदेश प्रहरी कार्यालय विराटनगरको प्रादेशिक अनुसन्धान समूह (RIT) ले लागुऔषध मुद्दामा फरार रहेका एक प्रतिवादीलाई पक्राउ गरेको छ। पक्राउ पर्नेमा तेह्रथुम लालिगुराँस नगरपालिका(९ घर भई हाल मोरङको सुन्दरहरैचा नगरपालिका–४ मा बस्दै आएका ४२ वर्षीय अमृत बहादुर भुजेल रहेका छन्। उनी सुनसरी जिल्ला अदालतबाट गत माघ २६ गते जारी भएको पक्राउ अनुमतिपछि फरार रहेका थिए। प्रहरीले भुजेलको साथबाट ३२ ग्राम ७४ मिलिग्राम ब्राउन सुगर, नगद ६७ हजार ६०० रुपैयाँ र एक थान स्कुटर बरामद गरेको जनाएको छ। प्रहरीका अनुसार पक्राउ परेका भुजेलमाथि थप अनुसन्धान र कानुनी कारबाही अगाडि बढाइएको छ।...

पूर्णपुष्टि, असार १७ । कोशी प्रदेश सरकारले कानुन बिना नै नियमावली बनाएको खुलासा भएको छ। पूर्वाञ्चल विश्वविद्यालय कानून संकायको अध्ययनले यो तथ्य सार्वजनिक गरेको हो। प्रदेशका ६० ऐन र २४ नियमावलीको समीक्षामा कानून निर्माण प्रक्रियामा गम्भीर त्रुटिहरू फेला परेका छन्। अध्ययन टोलीले विभिन्न क्षेत्रमा तत्काल नयाँ कानून बनाउन सिफारिस गरेको छ। मुख्यमन्त्री हिक्मतकुमार कार्कीले जनशक्ति र अनुभवको कमीले गल्ती भएको स्वीकारेका छन्। उनले प्रदेश संरचना प्रति पूर्वाग्रह र प्रदेश समन्वय परिषदको अवरोधले काम गर्न कठिनाइ भएको बताए। यो अध्ययनले प्रदेशको कानून निर्माण प्रक्रियालाई सुधार गर्न मद्दत पुग्ने आशा गरिएको छ।...

पूर्णपुष्टि, १६ असार । उदयपुरका ५० जना युवाहरु बैदेशिक रोजगार पठाईदिने बाहानामा ठगिएको छ । उदयपुरको त्रियुगा नगरपालिका वडा नं १ मैनाहाका राज किशोर चौधरीले ५० जना उदयपुरका बिभिन्न स्थानका युवाहरुलाई ठगी गरी फरार भएको हो । उनले प्रत्येक व्यक्तिबाट रु १ लाख ७० हजार सम्म रकम असुली गरी बेपत्ता भएको पिडितहरुले जनाएको छ । चौधरीले उदयपुर बाहेक सप्तरीको ५ जना सित पनि पैसा असुलेको छ । चौधरीले त्रियुगाको र चौदण्डीगढीका बिभिन्न वडाका व्यक्तिहरुलाई ठगी गरी फरार भएको छ । त्यस मध्ये धेरै जसो चौधरीहरु ठगिएका छन् । उदयपुरका ५० र सप्तरिको ५ जना गरी ५५ जना ठगिएका पिडितहरुको भनाई छ । पैसा असुल गरेर बेपत्ता भएको चौधरीले पिडित व्यक्तिहरुको एकएक करोड ८ लाख बेपत्ता पारेको छ । त्यस मध्ये ५५ जनाको ९३ लाख पैसा अझै ठगेर फरार भएको छ । केहि पिडित ब्यक्तिहरुले भने काठमाण्डौँमा पक्रेर चौधरीमाथी आक्रमण गर्न ख...