समाचार

पूर्णपुष्टि, असोज २७ । इजरायलमा हमासको नियन्त्रणमा रहेका नेपाली युवा विपिन जोशी जीवित नरहेको इजरायली सेनाले औपचारिक रूपमा जानकारी दिएको छ । इजरायली सेना आईडीएफका एक अधिकारीले स्थानीय समयअनुसार आज बिहान साढे ७ बजे भिडियो कन्फरेन्समार्फत यो दुःखद समाचार दिएका हुन् । भिडियो कन्फरेन्समा इजरायलका लागि नेपाली राजदूत धनप्रसाद पण्डित, अमेरिकामा रहेकी विपिनकी बहिनी, नेपालमा रहेका दाजु किशोर र इजरायल प्रधानमन्त्री कार्यालयका दुई अधिकारी सहभागी थिए । राजदूत पण्डितले आईडीएफका अधिकारीले स्पष्ट रूपमा विपिन जीवित नरहेको बताएका छन् । कञ्चनपुरका विपिन जोशी अध्ययनका लागि इजरायल गएका थिए । गत वर्ष अक्टोबर ७ मा हमासले किबुत्ज क्षेत्रमा गरेको आक्रमणको क्रममा उनी बन्धक बनाइएका थिए । सोही आक्रमणमा १० जना नेपाली विद्यार्थी मारिएका थिए । सन् २०२३ नोभेम्बर १७ मा विपिन गाजाको अल शिफा अस्पतालमा देखिएका थिए । त्यसपछ...

सुनिल राई, गाईघाट/ पूर्णपुष्टि, असोज २६ । त्रियुगा नगरपालिका-४ बगाहामा जारी तेस्रो स्व. युवराज (कैलास) राई स्मृती फुटबल प्रतियोगिताको दोस्रो खेलमा आदर्श युवा क्लब नेपालटार विजयी भएको छ । आइतबार बगाहाको खेलमैदानमा भएको खेलमा दमौटी फुटबल क्लबलाई ०-१ गोलले हराउँदै आदर्श युवा क्लब नेपालटारले जित हासिल गरेको हो । आदर्श फुटबल क्लब नेपालटारका लागि आशिष राईले दोस्रो हाफको २८ औं मिनेटमा गरेको गोल नै निर्णायक गोल बन्यो । यस खेलको म्यान अफ द म्याच आदर्श युवा क्लबका आशिष राई बने । उनले नगद रु १ हजार सहित मेडल र फ्लेक्स प्राप्त गरे । भोलि हुने तेस्रो खेल आयोजक बगाहा युवा समूह र स्टार फुटबल समूह जोगीदह बीच हुनेछ । बगाहा युवा समूहद्वारा आयोजित यस फुटबल प्रतियोगिताको विजेता टोलीले नगद रु ५० हजारसहित ट्रफी मेडल र प्रमाणपत्र प्राप्त गर्नेछ भने उपविजेताले नगद रु ३० हजार सहित ट्रफी मेडल र प्...

पूर्णपुष्टि, असोज २६ । झापामा प्रहरीले जेनजी आन्दोलनका बेला हतियार लुट्ने र हिरासतबाट फरार व्यक्तिसहित ८ जनालाई लागूऔषधसहित पक्राउ गरेको छ । शनिबार साँझ दमक नगरपालिका–३ वेलडाँगीस्थित भुटानी शरणार्थी शिविरमा प्रहरीले छापा मार्दा खैरो हिरोइनसहित उनीहरूलाई नियन्त्रणमा लिएको हो । दमक नगरपालिका–३ वेलडाँगीस्थित भुटानी शरणार्थी शिविरको सेक्टर ए ३ हट नम्बर ३५३ मा लागुऔषध बिक्री वितरण भइरहेको गोप्य सूचनाका आधारमा छापा मारेको प्रहरीले ७ ग्राम ८०० मिलिग्राम खैरो हिरोइन बरामद गरेको छ । घरको कोठा तलासी गर्दा चस्माको खोलभित्र लुकाइछिपाइ राखिएको अवस्थामा लागूऔषध फेला परेको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्रबहादुर खड्काले जानकारी दिए । प्रहरीले पक्राउ गरेकामध्ये घरधनी दमक–३ वेलडाँगी भुटानी शरणार्थी शिविरका साजन थापा, इलाम चुलाचुली–३ का दिपेश तामाङ र सनम राई, दमक–३ क...

पूर्णपुष्टि, असोज २६ । हमास र इजरायलबिचको युद्धविराम योजनाको पहिलो चरण अन्तर्गत सोमबार बन्धक रिहा गरिने भएको छ । यसै क्रममा गाजामा हमासको नियन्त्रणमा रहेका २२ जना जीवित बन्धकको सूची सार्वजनिक भएको छ जसमा नेपाली नागरिक विपिन जोशीको नाम पनि समावेश भएको अन्तर्राष्ट्रिय सञ्चारमाध्यमहरूले जनाएका छन् । यसअघि विपिनसहित २ जनाको अवस्था अज्ञात रहेको समाचार सीएनएनले प्रकाशित गरेको थियो । तर अहिले टाइम्स अफ इजरायल, एपीसहित प्रमुख सञ्चारमाध्यमले जारी गरेको २२ जना जीवितको सूचीमा विपिन पनि रहेको उल्लेख गरेका छन् । शुक्रबार भएको युद्धविरामसँगै सोमबारदेखि मंगलबारसम्म बन्धक रिहा हुने अपेक्षा गरिएको छ । यस सम्झौताअन्तर्गत इजरायलले करिब दुई हजार प्यालेस्टिनी कैदी रिहा गर्ने तयारी गरेको छ । जीवित ठानिएका २२ बन्धकमध्ये जोशी फिर्ता आउने अपेक्षामा देश छ । विपिन जोशी इजरायलमा कृषिशास्त्र अध्ययनका लागि गएका थिए ...

सुनिल राई/गाईघाट, पूर्णपुष्टि, असोज २५ । त्रियुगा नगरपालिका-४ बगाहामा तेस्रो स्व. युवराज (कैलास) राई स्मृती फुटबल प्रतियोगिता आजदेखि सुरु भएको छ । शनिबार बगाहा खेल मैदानमा भएको उद्घाटन खेलमा (आरवाइसि) सिराहालाई ० गोलको विरुद्ध ९ गोल गर्दै इलाभेन स्टार फुटबल क्लब बोक्सेले उत्कृष्ट विजयी सुरुवात गरेको हो । पहिलो हाफमा १ गोल गरेको बोक्सेले दोस्रो हाफमा भने ८ गोल थपेको हो । बोक्सेका लागि जर्सी नम्बर १२ का शिशिर लेखीले ह्याट्रिक गरे । उनले खेलको १२ औँ मिनेटमा गोल गर्दै बोक्सेलाई अग्रता दिलाएका थिए भने ५५औ र ६२ औँ मिनेटमा गोल गर्दै ह्याट्रिक पुरा गरे । त्यस्तै बोक्सेका लागि जर्सी नम्बर ७ का विशाल चौधरीले २ गोल गरे भने, जर्सी नम्बर ५ का योगेश बिष्ट, जर्सी नम्बर ४ का आशिष भुजेल, जर्सी नम्बर ३० का सोईसन राई र विवेक चौधरीले १-१ गोल गरे । यस खेलको म्यान अफ दि म्याच बोक्सेका जर्सी न...

पूर्णपुष्टि, असोज २५ । राष्ट्रपति रामचन्द्र पौडेलले शनिबार आयोजना गरेको जेनजी युवाहरूसँगको छलफलमा सहभागी हुन नपाएकाहरुले विरोध जनाएका छन् । शीतल निवास अगाडि भेला भएकाहरुले जेनजी युवाहरुको वार्ता टोलीलाई सहभागी नगराएर सुदन गुरुङको टोलीलाईमात्र शितल निवासभित्र प्रवेश गर्न दिएको भन्दै नाराबाजी समेत गरेका छन् । अहिले शीतल निवास अगाडि ठूलो संख्यामा जम्मा भएका युवाहरूले आफूहरूलाई पनि छलफलमा सहभागी गराउन माग गरिरहेका छन् । प्रहरीले परिस्थिति नियन्त्रणमा लिन उनीहरूलाई सम्झाउने प्रयास गरिरहेको छ । राष्ट्रपति पौडेलले प्रधानमन्त्री सुशीला कार्कीसहित मन्त्रीहरूको उपस्थितिमा जेनजी प्रतिनिधिहरुसँग छलफल आयोजना गरेका छन् । अहिले शीतल निवासमा छलफल जारी छ ।...

पूर्णपुष्टि, असोज २५ ।  राष्ट्रपति रामचन्द्र पौडेलसँग छलफल गर्न जेनजी प्रतिनिधि टोली शीतल निवास पुगेको छ। केही ढिलाइपछि वार्ता शुरु भएको छ । प्रधानमन्त्री सुशीला कार्की र जेनजी प्रतिनिधिहरू पुगेपछि शीतल निवासमा छलफल सुरु गरिएको हो । बैठकमा प्रधानमन्त्री कार्कीसहित मन्त्रीहरू पनि उपस्थित छन् । सुरुमा १७ जना जेनजी प्रतिनिधि सहभागी हुने तय भएको थियो । तर, बैठकमा २० जनाभन्दा बढी सहभागी भएको एक जेनजी अगुवाले जानकारी दिएका छन् । आजको वार्तामा जेनजीले राखेका विभिन्न मागहरूबारे छलफल हुने बताइएको छ ।...

पूर्णपुष्टि, असोज २५ । मौसमी प्रणाली देशबाट बाहिरिएपछि तापक्रम घट्न थालेको छ । मौसम सफा रहे पनि चिसो बढ्दै गएको मौसम विज्ञान विभागले जनाएको छ । विभागका अनुसार काठमाडौंलगायत देशभरको तापक्रम निरन्तर घटिरहेको छ । यसले गर्दा बिहान र साँझको समयमा जाडो अनुभूति बढेको छ । शनिबार बिहान हुम्लाको न्यूनतम तापक्रम १।३३ डिग्री सेल्सियस मापन गरिएको छ । माथिल्लो हुम्लामा हिमपात भएपछि तापक्रममा गिरावट आएको हो । हिमपातले न्यालु सडकखण्ड अवरुद्ध भएको छ । जुम्लाको तापक्रम पनि ३.१ डिग्री सेल्सियसमा झरेको छ । काठमाडौंको आजको न्यूनतम तापक्रम १४.५ डिग्री सेल्सियस रहेको छ, जुन शुक्रबारको १५.६ डिग्री सेल्सियसभन्दा कम हो । यो अझै घट्ने अनुमान गरिएको छ । केही दिनअघि भएको उल्लेखनीय वर्षाले पूर्वी नेपालमा ठूलो क्षति पुर्‍याएको थियो । हाल मौसमी प्रणाली देशका सबै भूभागबाट बाहिरिएको छ । मौसम पूर्वानुमान महाशाखाका अनु...

पूर्णपुष्टि, असोज २५ । राष्ट्रपति रामचन्द्र पौडेलले आज बिहान १० बजे राष्ट्रपति कार्यालयमा जेनजीको प्रतिनिधि समूहसँग छलफल गर्दैछन् । छलफलमा प्रधानमन्त्री सुशीला कार्की पनि सहभागी हुनेछिन् । प्रारम्भमा १७ जना सहभागी हुने तय भए पनि बैठक सुरु हुनुअघि यो संख्या २२ पुगेको एक जेनजी अगुवाहरूले जानकारी दिएका छन् । बैठकमा जेनजीका विभिन्न मागहरूबारे विस्तृत छलफल हुने बताइएको छ । प्रधानमन्त्री कार्कीले जेनजीको प्रतिनिधित्व गराएर मन्त्रिपरिषद् विस्तार गर्ने तयारी गरिरहेको अवस्थामा यो छलफल महत्वपूर्ण मानिएको छ ।...