स्वास्थ्य

पूर्णपुष्टि, माघ १८ मोरङका दुई स्थानका फार्ममा बर्डफ्लु संक्रमण पुष्टि भएको छ । जिल्लाको ग्रामथान–१ खुनियाकट्टा र बूढिगङ्गा –५ मा बर्डफ्लू संक्रमण पुष्टि भएको पशुसेवा विभागले जनाएको छ । उक्त स्थानका किसानले पालेका कुखुराको नमूना केन्द्रीय पशुपक्षी रोग अन्वेषण प्रयोगशाला त्रिपुरेश्वरमा रियल टाइम पीसीआर विधिबाट परीक्षण गर्दा माघ १६ गते बर्डफ्लु पुष्टि भएको विभागका निमित्त महानिर्देशक लेखराज दाहालले बताउनुभयो । उहाँका अनुसार उक्त स्थानमा संक्रमण फैलन नदिन विभागले तत्काल नियन्त्रणमा लिन संघ, प्रदेश तथा स्थानीय तहका पशु सेवासँग सम्बन्धित निकायलाई परिचालन गरी रोग देखिएको क्षेत्रमा रहेका घरपालुवा पन्छी तथा रोेग सार्न सक्ने अन्य वस्तु समेत आइतबार नै नष्ट गरिएको छ । मन्त्रालयले पन्छी तथा पन्छीजन्य उत्पादनको ओसारपसार गर्दा अनिवार्य रुपमा स्थास्थ्यपरीक्षण गरी भेटेरिनरी प्रमाणपत्र लिएर मात्र गर्...

पूर्णपुष्टि, माघ १७ उदयपुरमा आज (सोमवार) ४४ जनामा एन्टिजेन्ट विधिमार्फत कोरोना परिक्षण गर्दा १८ जनामा संक्रमण पुष्टि भएको छ । जिल्लामा १२ पुरुष र ६ जना महिला गरी १८ जनामा कोरोना भाइरसको संक्रमण पुष्टि भएको हो । योसँगै जिल्लामा कोरोना संक्रमितको संख्या ६ सय ४० जना पुगेको छ । जिल्ला स्वास्थ्य कार्यालय उदयपुरका अनुसार थपिएका संक्रमितहरु लिम्चुङबुङ गाउँपालिका र स्वास्थ्य कार्यालयमा परिक्षण गरिएकोमा संक्रमण देखिएको छ । लिम्चुङबुङका २ पुरुष र ३ महिला गरी ५ जना र जिल्लामा परिक्षण भएका मध्ये ८ पुरुष र १ जना महिलाको रिपोट पोजेटिभ आएको हो । जिल्लामा कोरोना मुक्त हुनेको संख्या ३९ पुरुष र १६ महिला गरी ५५ जना रहेका छन् । स्वास्थय कार्यालयको तथ्याङक अनुसार हालसम्म जिल्लामा १ हजार १ सय ३९ जनाको एन्टिजेन्ट विधिबाट कोरोना परिक्षण गरिएकोमा ३ सय ६० पुरुष र २ सय ८० जना महिला गरी ६ सय ४० जना संक्रमित भएका ह...

पूर्णपुष्टि, माघ १६ उदयपुरमा आज (आईतवार) थप ११ जनामा कोरोना भाइरसको संक्रमण पुष्टि भएको छ । योसँगै जिल्लामा कोरोना संक्रमितको संख्या ६ सय २२ जना पुगेको छ । जिल्ला स्वास्थ्य कार्यालय उदयपुरका अनुसार ६ पुरुष र ५ महिला गरी ११ जनामा संक्रमण देखिएको हो । स्वास्थ्य कार्यालयका अनुसार आज ३६ जनाको एन्टिजेन्ट विधिमार्फत कोरोना परिक्षण गर्दा ११ जनाको रिपोट पोजेटिभ आएको हो । आज थपिएका संक्रमितहरु कटारी नगरपालिका र जिल्ला अस्पताल उदयपुरमा परिक्षण गरिएकाहरु रहेका छन् । कटारीको १ जना पुरुष र अस्पतालमा परिक्षण गरिएका ६ पुरुष र ५ महिला संक्रमित भएका हुन् । जिल्लामा २२ पुरुष र १२ महिला कोरोना मुक्त भएका छन् । हालसम्म जिल्लामा कोरोनाबाट १ जना पुरुषको मृत्यु भएको छ ।...

पूर्णपुष्टि, माघ १६ विराटनगरस्थित नोबेल शिक्षण अस्पतालका सञ्चालक एवं समाजसेवी डा.सुनिल शर्माले झापाको विर्तामोड–१० स्थित सहयोगी समाजलाई एम्बुलेन्स प्रदान गरेका छन् । डा.शर्माले नोबेल अस्पतालको तर्फबाट करिब १२ लाख मुल्य पर्ने एम्बुलेन्स निःशुल्क प्रदान गरेका हुन् । विर्तामोडमा शनिवार एक कार्यक्रमकाबीच एम्बुलेन्स हस्तान्तरण गरिएको छ । कार्यक्रममा नोबेल अस्पतालका प्रवन्धक नारायण दाहालले समाजका अध्यक्ष नविन विमलीलाई एम्बुलेन्सको चावी हस्तान्तरण गरे । चावी हस्तान्तरण गर्दै प्रवन्धक दाहालले डा.सुनिल शर्माले यसअघि गरेको घोषणा बमोजिम सहयोगी समाजलाई एम्बुलेन्स प्रदान गरिएको बताए । कार्यक्रममा प्रदेश सभा सदस्य ओम सरावगी, सहयोगी समाजका अध्यक्ष एवं नेपाली कांग्रेस झापाका सचिव विमली, विर्तामोड–१० का वडाध्यक्ष दुर्योधन गुरुङ्ग लगायतले एम्बुलेन्स प्रदान गरेर सहयोग पुर्याएको भन्दै नोबेल अस्पताल...

पूर्णपुष्टि, माघ १५ नेपालमा कुष्ठरोगीको संख्या बढ्न थालेको छ । सरकारले आफ्नो देश कुष्ठरोगि निवारणको मुलुक रहेको भ्रमका कारण नेपाली समुदयहरुमा कुष्ठरोगीहरु धमाधम देखा पर्न थालेको छ । उसोत विश्व स्वास्थ्य सङ्गठनले नेपाललाई कुष्ठरोग निवारण गरेको मुलुक भनेर घोषणा गरेको ११ वर्ष पुग्यो । तर निवारण घोषणा गरेपछि कुष्ठरोग प्रभावितको सङ्ख्या घट्नुको साटो तीव्र गति बढ्दै गएको छ । कुष्ठरोग नियन्त्रण तथा अपाङ्गता व्यवस्थापन शाखाकाअनुसार ०७७र०७८ मा मात्रै २१ सय ७३ जना नयाँ कुष्ठरोग प्रभावित बिरामी पत्ता लगाइएको हो । जसमा ६३ प्रतिशत पुरुष र ३७ प्रतिशत महिला यस रोगबाट भएका छन् । सन २०१० मा नेपाललाई डब्ल्यूएचओले कुष्ठरोग निवारण देश भनेर घोषणा गरेको थियो । प्रति १० हजारमा ०।७७ अर्थात् एकभन्दा कम रोगीको सङ्ख्या हुँदा निवारणको घोषणा गरिएको थियो । त्यस समयमा ३ हजार १ सय ४२ जना नयाँ बिरामी थपिएका थिए । ...

पूर्णपुष्टि, माघ १३ उदयपुरमा आज (बिहिवार) थप ५६ जनामा कोरोना भाइरसको संक्रमण पुष्टि भएको छ । योसंगै जिल्लामा संक्रमितको संख्या ५ सय ४ जना पुगेको हो । जिल्ला स्वास्थ्य कार्यालय उदयपुरको तथ्याङक अनुसार आज १ सय ८ जनाको एन्टिजेन्ट विधिबाट परिक्षण गरीएकोमा २९ पुरुष र २७ महिला गरी ५६ जनामा संक्रमण देखिएको छ । आज थपिएका संक्रमितहरु चौदण्डीगढी, कटारी र बेलका नगरपालिकाका साथै उदयपुरगढी गाउँपालिकाका रहेका छन् । चौदण्डीगढीमा ७ पुरुष र ६ महिला गरी १३ जना, कटारीमा ७ पुरुष र ८ महिला गरी १५ जना, बेलकामा १२ पुरुष र ९ महिला गरी २१ जना र उदयपुरगढी गाउँपालिकामा ३ पुरुष र ४ महिला गरी ७ जनामा संक्रमण पुष्टि भएको स्वास्थ्य कार्यालयको तथ्याङकमा उल्लेख गरिएको छ । जिल्लामा हाल सम्म ५ पुरुष र १ महिला गरी ६ जनाले कोरोनालाई जितेको छ । त्यस्तै, जिल्लामा कोरोनाले १ जना पुरुषको ज्यान गएको छ । जिल्लामा अहिलेसम्म ८ सय...

पूर्णपुष्टि, माघ १० उदयपुरमा ३ सय २३ जनामा कोरोना भाइरसको संक्रमण पुष्टि भएको छ । जिल्लामा ५ सय २४ जनाको एन्टीजेन्ट विधिबाट परिक्षण गर्दा २ सय १ जनाको नेगेटिभ र ३ सय २३ जनाको रिपोट पोजेटिभ आएको हो । जिल्लामा हालसम्म १ सय ३६ महिला र १ सय ८७ पुरुषमा संक्रमण देखिएको छ । त्रियुगामा ३० महिला र २७ पुरुष गरी ५७ जना, कटारी १७ महिला र २६ पुरुष गरी ४३ जना, चौदण्डीगढीमा २० महिला र १९ पुरुष गरी ३९ जना, बेलकामा ९ महिला र १४ पुरुरुष गरी २३ जना र उदयपुरगढीमा १ जना पुरुषमा संक्रमण पुष्टि भएको स्वास्थ्य कार्यालय उदयपुरले जनाएको छ । त्यसैगरी जिल्ला अस्पताल उदयपुरमा कोरोना परिक्षण गर्दा ६० जना महिला र १ सय जना पुरुष गरी १ सय ६० जना संक्रमित रहेका छन् । जिल्लामा कोरोनालाई जितेर १ महिला र २ पुरुष गरी ३ जना घर फर्किएका छन् । जिल्लामा कोरोनाले एकजना पुरुषको ज्यान गएको छ ।...

पूर्णपुष्टि, माघ १० जिल्ला स्वास्थ्य कार्यालय उदयपुरले कोरोना भाइरस विरुद्धको मोडना खोप माघ १६ गतेबाट बालबालिकालाई लगाईने सूचना जारी गरेको छ । पुष महिनामा मोडनाको पहिलो मात्रा लगाएका १२ देखि १७ वर्षउमेर समुहका बालबालिकालाई दोस्रो डोज खोप लगाउन लागिएको हो । पहिलो मात्रको खोप नलगाएका विद्यार्थीलाई समेत मोडना खोप उपलब्ध भएको स्वास्थ्य कार्यालयले जनाएको छ । अधिकांश खोप केन्द्र विद्यालयमा सञ्चालन हुने छ । आगामी दिनहरुमा विद्यालय प्रवेश गर्नका निम्ती खोप कार्ड अनिर्वाय भएकोले सवै विद्यार्थीहरुलाई खोप लगाउन स्वास्थ्य कार्यालयले आग्रह गरेको छ । त्रियुगा, चौदण्डीगढी, बेलका, रौतामाई र लिम्चुङबुङमा यही माघ १६ देखि १९ गतेसम्म खोप लगाईने स्वास्थ्य कार्यालयको तथ्याङकमा उल्लेख गरिएको छ । त्यसैगरी कटारी, ताप्ली र उदयपुरगढीमा २० गते देखि २३ गतेसम्म खोप सञ्चालन गरिने छ । दोस्रो मात्राको खोप लगाउन आउदा अ...

पूर्णपुष्टि, माघ ९ उदयपुरमा २ सय ९७ जनामा कोरोना भाइरसको संक्रमण पुष्टि भएको छ । जिल्लामा ४ सय ८३ जनाको एन्टीजेन्ट विधिबाट परिक्षण गर्दा १ सय ८६ जनाको नेगेटिभ र २ सय ९७ जनाको रिपोट पोजेटिभ आएको हो । जिल्लामा हालसम्म १ सय २२ जना महिला र १ सय ७५ पुरुषमा संक्रमण पुष्टि भएको छ । जिल्ला स्वास्थ्य कार्यालय उदयपुरको तथ्याङ अनुसार हालसम्म आठ पालिका मध्ये ४ नगरपालिका र १ गाउँपालिकामा संक्रमण देखिएको छ, भने ३ गाउँपालिका कोरोना मुक्त रहेको छ । त्रियुगा, कटारी, चौदण्डीगढी, बेलका र उदयपुरगढीमा संक्रमण भेटिएको छ, भने रौतामाई, ताप्ली र लिम्चुङबुङमा संक्रमण शुन्य रहेको छ । त्रियुगामा ३० महिला र २७ पुरुष गरी ५७ जना, कटारीमा १७ महिला र २६ पुरुष गरी ४३ जना, चौदण्डीगढीमा २० महिला र १९ पुरुष गरी ३९जन, बेलकामा ९ महिला र १४ पुरुष गरी २३ जना र उदयपुरगढीमा १ जना महिलामा संक्रमण पुष्टि भएको छ । जिल्ला स्वस्थ्य क...

पूर्णपुष्टि, माघ ७ आज बाट सार्वाजानिक स्थलमा अनिवार्य खोप कार्डको व्यवस्था लागु भएको छ । कोरोना माहामारी बढ्दै जाने क्रममा खोप हानेको हो या होईना भन्ने प्रमाणको आधार स्वरुप खोप कार्ड सार्वाजानिक स्थलमा बोक्नु पर्ने जनाईएको छ । जिल्ला प्रशासन कार्यालयहरुले सरकारी कार्यालय, होटल, रेष्टुरेन्ट, सिनेमा हल, रंगशाला, हवाईयात्रा, पार्क आदिमा जाँदा खोप कार्ड बोक्नुपर्ने जनाएको छ । खोप लगाएको कार्डको फोटो मोबाइलमा देखाए पनि हुने छ । सबै निकायहरुले खोप कार्ड हरेर मात्र आगन्तुकलाई प्रवेश गर्न दिनुपर्ने जिल्ला प्रशासन कार्यालयहरुले जारी गरेको आदेशमा उल्लेख छ ।  ...