आगामी प्रदेश र संघको चुनावका लागि म्यादी प्रहरीमा भर्ना खुल्यो
पूर्णपुष्टि, भदौ २६
आगामी मंसिर ४ गतेको संघ र प्रदेशको चुनावका लागि म्यादी प्रहरीमा भर्ना खुलेको छ । प्रहरी प्रधान कार्यालय नक्शालले आईतबार सूचना जारी गरी भर्ना खुलेको जानकारी दिएको हो । कार्यालयका अनुसार इच्छुकहरुले भदौ ३० गतेदेखि असोज ६ गतेसम्म दरखास्त दिन सकिने सूचनामा उल्लेख गरेको छ । दरखास्त दिनेहरु राजनीतिक दलको सदस्य नभएको, आतंककारी संगठनको सदस्य नभएको, फौजदारी अभियोगमा सजाय नपाएको, गर्भवती नभएको र आँखा माइनस २ वा प्लस २ भन्दा बढी कमजोर नभएको पनि हुनुपर्ने सूचनामा उल्लेख छ ।
म्यादी प्रहरीले प्रतिदिन ८६९ रुपैयाँको दरले ४० दिनसम्मको पारिश्रमिक पाउने छन् । उनीहरुले खाद्यान्न बापत एकमुष्ट ७ हजार २ सय रुपैयाँ, पोशाक तथा अन्य सामग्री खरिद गर्न ६ हजार रुपैयाँ ९हिमाली जिल्लामा खटिनेलाई थप १ हजार०, आउने–जाने खर्च १ हजार रूपैयाँ र ३०० रुपैयाँको दरले ४ दिनको खाजा खर्च पनि पाउने छन् ।
...
