Breaking News 1

पूर्णपुष्टि, भदौ १५ भोली भादौ १६ गतेबाट गाईघाटको फुटपाथमा व्यापार गर्न साना व्यापारीलाई नगरपालिकाले हटाउने भएको छ । विगत लामो समयदेखी गाईघाटको फुटपाथमा फलफुल तथा चटपटे व्यापारीले व्यापार गर्दै आएका थिए । फुटपाथ व्यापारीका कारण पैदलयात्रीले सास्ती व्यहोर्दै आएका थिए ।त्रियुगा नगरपालिका र उद्योग वाणिज्य संघ त्रियुगाले संयुक्त रुपमा पहल गरी फुटपाथ व्यापारीलाई हटाउन लागेका हुन् । फुटपाथमा व्यापार गर्ने साना व्यापारीलाई व्यापार गर्नका लागि वैकल्पिक स्थानको रुपमा विद्युत मार्गको खाली चौरमा व्यवस्थापन गर्ने योजना बनाएको छ ।...

पूर्णपुष्टि, भदौ १५ झापाको बाह्रदशी गाउँपालिका(१ का ८० बर्षीय देवि बहादुर अधिकारीको जंगली हात्तीको आक्रमणबाट मृत्यु भएको छ । हिजो बिहान १० बजे मनकामना सामुदायिक बनमा घाँस काट्न गएका अधिकारीलाई हात्तीले आक्रमण गरी घाईते बनाएको थियो । हात्तीको आक्रमणबाट घाईते भएका अधिकारीलाई उपचारको लागि धरान घोपा लैजाने क्रममा बाटोमा नै मृत्यु भएको हो ।...

पूर्णपुष्टि, भदौ १४ बोक्सेमा सोमवार बाट ओपन ७A नकआउट फुटवल प्रतियोगिता सुरु भएको छ । बोक्से स्थित खसी बजारमा दिउँसो २ बेजे खेलको उद्घाटन भएको हो । खेलको पहिलो दिन २ खेल खेलाईएको छ ।उक्त खेलमा फ्युजन क्लव बोक्से र सिसुवारी विजयी बनेका छन् । फ्युजनले राजावासलाई ७÷१ को फराकिलो अन्तरले पराजित गर्दै बिजयी बनेका छन् भने सिसुवारीले रौतामाई स्पोर्ट क्लवलाई ५÷० को अन्तरले पराजित गरेको छ ।दाजुभाई समूह दोहा कतारको आयोजनामा जारी उक्त खेलको बिजेताले २० हजार नगद सहित अन्य पुरस्कारहरु पाउने छन् भने उपविजेताले १० हजार पाउने जनाईएको छ । मंगलबारको खेलमा पनि दुई खेल खेलाईने छ । जसमध्ये ११ स्टार फुटवल क्लव र गाईघाट फुटवल क्लवले खेल्ने छ ।  ...

पूर्णपुष्टि, भदौ १३ गते । हरितालिका (तीज) व्रतको तयारी स्वरुप आज दर खाने तयारीमा नेपाली महिला छन् । दरखाने दिनसँगै चार दिने तीज पर्व आजबाट सुरु हुँदैछ । तीजको पहिलो दिन आज हिन्दु धर्मालम्वी महिलाहरुले भोलीको ब्रतका लागि दर खाने छन् । माइतीले चेलबेटीलाई बोलाई दर खुवाउने परम्परा छ । दरका रुपमा विशेषगरी दुधबाट बनेका शुद्ध परिकार खाइन्छ । जसले ब्रतका दिन आडिलो बनाउँछ । तीजको व्रत सक्नेले निराहार बस्ने भएकाले आज वर्तालुहरुले शक्ति प्राप्तिका लागि मीठा मीठा एवं आडिलो परिकार दरका रुपमा खाई मङ्गलबारको व्रतका लागि पूर्वतयारी गर्छन् । विशेषगरी माइती एवं दाजुभाईले छोरी, चेली, दिदी बहिनीलाई बोलाई दर खुवाउने गर्दछन् । दर दुई भाग रात हुँदै खाइसक्नुपर्ने शास्त्रीय विधान रहेको धर्मशास्त्रविद् एवं नेपाल पञ्चाङ्ग निर्णायक समितिका पूर्वअध्यक्ष प्रा डा रामचन्द्र गौतम बताउँछन् । महिलाहरुले वर्षदिनभर आफूला...

पूर्णपुष्टि, भदौ १२ उदयपुरमा मोटरसाईकल दुर्घटनामा परी श्रीमानको मृत्यु भएको छ भने श्रीमती घाईते भएकी छिन् । मृत्यु हुनेमा कटारी नगरपालिका–४ का २४ बर्षीय अभिषेक खड्का रहेका छन् । घाईते हुनेमा मृतककै श्रीमती २० वर्षीया संगीता खड्का रहेकी छिन् ।घुमफिरका लागि गएका श्रीमान श्रीमती इटहरीबाट कटारीतर्फ आउँँदै गर्दा दुर्घटनामा परेको हो । प्र १–००५–००१ प ७४८५ नं. को मोटरसाईकल मदन भण्डारी लोकमार्ग अन्तर्गत गाईघाट–बेलटार सडक खण्डको इकराहा खैराहामा शनिबार दुर्घटना भएको थियो । चौदण्डीगढी नगरपालिका ९ इकराहा स्थित घुम्ती मोडमा आफै अनियन्त्रित भई सडक किनारको रेलिङमा ठोक्किदा खड्काको मृत्यु भएको थियो । घाइते श्रीमतीको भने उपचारपछि डिस्चार्ज भईसकेको प्रहरीले जनाएको छ । मृतकको शव उदयपुृर जिल्ला अस्पतालमा पोष्टमार्टम गरी आफन्तको जिम्मा दिइएको छ । मृतक नेकपा माओवादी केन्द्र कटारी नगरपालिका ४ का पार्टी अध्...

पूर्णपुष्टि, भदौ ११ कटारी बाट पहाडी भेगमा चल्ने बुलेरोहरुमा यात्रा जोखिम बन्दै गएको छ । ट्राफिक प्रहरी र सवारी चालकहरुको लापर्वाहीका कारण यात्रा जोखिम बन्दै गएको हो । कटारी बाट पहाडी भेगमा चल्ले बोलेरोहरुले क्षमता भन्दा बढी यात्रुहरु हालेर जोखिम यात्रा गराईरहेको अवस्था छ । कटारीबाट रूपाटार, मयान्खु, सोरुङ छबिसे, हर्देनी , रिस्कु, बर्रे, उदयपुर गढी लगायत ठाउँमा चल्ने बोलोरेहरुमा यात्रुहरु अत्यादिक हालेर लैजाने गरेको स्थानीयहरुले जनाए । यसले कुनै पनि बेला दुर्घटना निम्त्याउने र ठुलो धनजनको क्षती हुनेमा सम्बन्धित निकायहरुले चासो नदेखाएको स्थानीयहरुको भनाई छ । मनपरी यात्रु चढाउने सिटमा बाहेक हुटमा समेत यात्रुहरु चढाएर लैजाने गरे पनि ट्राफिक प्रहरी भने अनुगमन र कार्वाहीमा मौन छ । सिट क्षमता भन्दा हुटमा र अत्यादिक चापमा यात्रुहरु चढाउन नपाईने भएता पनि त्यस भेगमा भने मनपरी छ । गाडी साहु र...

पूर्णपुष्टि, भदौ १० उदयपुरमा दुई झोलुङ्गे पुल हालै निर्माण सम्पन्न भएको छ । दुई पालिकामा निर्माण झोलुङ्गेपुलले विशेषगरी वर्षातमा ज्यान जोखिम मोलेर बाढी तर्नुपर्ने समस्या टरेको छ । स्थानीयलाई आवतजावतमा सहज तुल्याएको छ भने बालबालिकालाई विद्यालय धाउन सजिलो भएको छ ।४५ लाख ६२ लाख ५३७ रुपैँयाको लागतमा अँधेरीखोला झोलुङ्गेपुल र ६१ लाख ५५ हजार ७४३ रुपैया लागतमा पुवारेधाप झोलुङ्गेपुल निर्माण सम्पन्न भएको हो । ६२ मिटर लम्बाई र १ दशमलब ६ मिटर चौडाइको अँधेरीखोला झोलुङ्गेपुल रौतामाई गाउँपालिका–७ र ७० मिटर लम्बाई र १ दशमलब ६ मिटर चौडाईको पुवारेधाप झोलुङ्गेपुल उदयपुरगढी गाउँपालिका–७ मा निर्माण भएको हो ।दुबै पुल १ नं. प्रदेश सरकारको लगानीमा उपभोक्ता समिति मार्फत बनेको हो । दुवै पुलको उद्घाटन प्रदेश नं. १ का सांसद नारायण बुर्जा मगरले गरे ।...