Breaking News 1

पूर्णपुष्टि, १५ जेष्ठ । आज नेपालमा गणतन्त्रको जन्म भएको दिन । गणतन्त्रको १८ औँ बर्षको अवसरमा देशब्यापी कार्यक्रमहरु भैरहँदा उदयपुरमा पनि विबिध कार्यक्रमहरु आयोजना गरिएको छ । आयोजक गणतन्त्र दिवस २०८२ जिल्ला स्तरीय मुल समारोह समितिले जिल्लामा विभिन्न तिन दिवसीय कार्यक्रम गरी गणतन्त्र दिवस मनाएको हो । जिल्ला अस्पताल उदयपुर परिसरमा झण्डा तोलन, बृक्षा रोपन, विरामीलाई फलफुल वितरण, भगवति मन्दिर परिसरमा सरसफाई गरिएको छ । सोही कार्यक्रम अन्तरर्गत बिहिबार गाईघाट शान्तिधाममा योग कार्यक्रमको आयोजना समेत गरिएको छ । जिल्ला प्रशासन कार्यालय उदयपुर, जिल्ला समन्वय समिति उदयपुर, जिल्ला प्रहरी कार्यालय उदयपुर, शसस्त्र प्रहरी बल उदयपुर, पशुपति गण बोक्से लगायत बिभिन्न संघ संस्थाहरुको उपस्थितिमा गणतन्त्र दिवस भव्य मनाईएको छ । मुल समारोह समितिका सभापति तथा जिल्ला समन्वय समिति उदयपुरका प्रमुख गौर बहादुर विश्व...

पूर्णपुष्टि, १३ जेष्ठ । त्रियुगा नगरपालिका ११ गाईघाट निलो पुलबाट एक बृद्ध ५ दिन देखी बेपत्ता भएको छ । ताप्ली गाउँपालिका ४ ठानागाउँ घर भएका ७८ बर्षिय कुल बहादुर राई गाईघाट निलो पुल स्थित छोरी ज्वाँईको पसलबाट ९ गते शुक्रबारका दिन ८ः३० बजदेखी बेपत्ता भएको हो । ज्वाई हिमाल सिह राईका अनुसार आफु मासु किन्न गएर फर्किदा ससुरा घरमा नभएको छ । ससुरा बेपत्ता भएकै दिन निज ज्वाईले जिल्ला प्रहरी कार्यालय उदयपुरलाई खोजी कार्यमा सहयोग गरिदिन अनुरोध गरेको छ । सुस्त मनस्थितिक रहेका कुल बहादुर ६ गते गाईघाट आएका थिए । परिवारले लगतार खोजी कार्य गरिरहेको भएपनि हाल सम्म फेला परेको छैन् । सबैले खोजी कार्यमा सहयोग पुराउन परिवारले आग्रह गरेको छ । यदि कहीँ कतै फेला परेमा सम्पर्क नम्बर ९८६३७७९०५१/ ९७०३४२७०६५ मा सम्पर्क गरिदिनुहुन परिवारको आग्रह छ।...

पूर्णपुष्टि, १३ जेष्ठ । उदयपुरमा २३ औँ कृष्ण सेन इच्छुकको स्मृति दिवस मनाईएको छ । मंगलबार नेपाल पत्रकार महासंघको सभाहलमा गणतन्त्र र जनपक्षीय पत्रकारिता सम्बन्धी अन्तर सम्वाद सहित स्मृति दिवस मनाईएको हो । बरिष्ठ पत्रकार कौशल चेम्जोङको प्रमुख आथित्यमा भएको अन्तर सम्वादमा कृष्ण सेन जनपक्षिय र गणतन्त्रवादी पत्रकारको रुपमा रहेको स्मरण गरिएको छ । आजकै दिन जेष्ठ १३ गते कृष्ण सेनलाई राज्यले बेपत्ता बनाएको जनाएको छ । निष्पक्ष पत्रकारिताको क्रममा राज्यबाट बेपत्त भएको सेनको खोजी कार्यमा सरकार लाग्नु पर्ने संवादमा कुरा उठेको छ । महान सहित पत्रकार तथा साहित्यकार समेत रहनु भएको सेनलाई हरेक बर्ष प्रेस सेन्टर नेपालले बिभिन्न कार्यक्रम गरी सम्झीने गर्दछ । सोही अनुरु प्रेस सेन्टर नेपाल उदयपुरको आयोजनामा स्मृति दिवस मनाईएको हो ।...

पूर्णपुष्टि, बैशाख १३ । धरान उपमहानगरपालिकाका मेयर हर्क साम्पाङले आगामी २०८४ सालको स्थानीय तह निर्वाचनमा देशभरका सबै पालिका र निर्वाचन क्षेत्रहरूबाट उम्मेदवारी दिने महत्वाकांक्षी घोषणा गरेका छन् । मेयर साम्पाङले आफ्नो सामाजिक सञ्जाल फेसबुकमार्फत यो घोषणा गर्दै लेखेका छन्, "८४ मा हामी सबै पालिका र निर्वाचन क्षेत्रहरूबाट उम्मेद्वारी दिनेछौं । दाग नलागेका इमानदार र काम गर्न चाहनेहरू हाम्रा उम्मेद्वार बन्नेछन् ।" साम्पाङले आफ्ना उम्मेदवारहरू छनोट गर्दा बेदाग र इमानदार व्यक्तित्व, काम गर्न इच्छुक र सक्षम व्यक्ति तथा भ्रष्टाचारमा संलग्न नभएका व्यक्तिहरूलाई प्राथमिकता दिने बताएका छन् । गत मंसिर १६ गते भएको कीर्तिपुर नगरपालिकाको मेयर पदको उपनिर्वाचनमा साम्पाङले मानव अधिकार संगठनका राजमान महर्जनलाई समर्थन गरेका थिए । उक्त निर्वाचनमा नेपाली कांग्रेसका उम्मेदवार कृष्णमान डंगोल विजयी भएका थिए भने सा...

पूर्णपुष्टि, बैशाख १२ । उदयपुरको रौतामाई गाउँपालिकाले दलित सशक्तीकरण ऐन मस्यौदा तयारि सुझाव संकलन सरोकारवाला सङ्ग छलफल कार्यक्रम सम्पन्न गरेको छ । यो सङ्गै रौतामाई गाउँपालिका दलित सशक्तीकरण ऐन बनाउन तयारि गर्ने उदयपुरको तेस्रो पालिका रहेको छ । महिला, बालबालिका तथा ज्येष्ठ नागरिक शाखाको आयोजना तथा पालिका स्तरिय दलित संजालको समन्वमा उक्त कार्यक्रम संचालन गरिएको थियो । गाउँपालिका अध्यक्ष वीरेन्द्र मगरको अध्यक्षता संचालन भएको सो कार्यक्रममा ४० जना भन्दा बडिको सक्रिय सहभगिता रहेको थियो । नेपालको संविधान २०७२ को धारा २४, धारा ४० ले दिएको अधिकार सुनिश्चित गर्न दलित सशक्तीकरण ऐन आवश्यक रहेको दलित अभियानकर्मिहरुले बताएका छन । पहिलाको तुलनामा कमि आएता पनि समाजमा अझै बिभेदको गहिरो जरो गाडिएको जिकिर छलफलमा आएको छ । यस प्रस्तावित ऐन मा दलितहरुको सशक्तीकरणको निमित्त शिक्षा,स्वास्थ्य, जिबिकोपार्जन,...

पूर्णपुष्टि, बैशाख १२ । उदयपुरको गाईघाट फुटबल क्लबका प्रशिक्षक किरण कुमार कार्की साफ यु–२० महिला टिमको सहायक प्रशिक्षकमा नियुक्त भएका छन् । आईतबार नेपाल फुटबल संघ (एन्फा) का महासचिव किरण राईले सातदाबाटोस्थि एन्फा क्म्प्लेक्स आधिकारीक नियुक्ति पत्र हस्ताण्तरण गर्दै किरण कार्कीलाई सहायक प्रशिक्षमा नियुक्ति गरेका हुन् । उनिसहित मुख्य प्रशिक्षकमा यमप्रसाद गुरुङ, सहायक प्रशिक्षकमा सन्देश कुमार श्रेष्ठ, गोलकिपर प्रशिक्षकमा मीन बहादुर बस्नेत र टोली व्यवस्थापकमा इन्दु दुवाललाई नियुक्त गरिएको हो । बंगलादेशमा आगामी जुलाई ११ देखी २१ सम्म आयोजना हुने साफ यु–२० महिला च्याम्पियन सिप २०२५ को लागी मुख्य प्रशिक्षक सहित ५ जनालाई (एन्फाले) नियुक्त गरेको हो ।...

पूर्णपुष्टि, बैशाख १२ । भिजिट भिसाको आवरणमा मौलाएको मानव तस्करीको सेटिङमा नपर्दा पछिल्लो साढे तीन वर्षमा २० हजारभन्दा बढी यात्रु त्रिभुवन अन्तर्राष्ट्रिय विमानस्थलबाटै फर्काइएका छन् । यो तथ्य अख्तियार दुरुपयोग अनुसन्धान आयोगको चलिरहेको अनुसन्धानबाट खुलेको हो । चार गृहमन्त्रीको कार्यकालमा २० हजार यात्रु फिर्ता बालकृष्ण खाण, नारायणकाजी श्रेष्ठ, रवि लामिछाने र रमेश लेखकले गृह मन्त्रालयको नेतृत्व सम्हालेका बेला अन्तर्राष्ट्रिय विमानस्थलबाट 'बोर्डिङ पास' लिएर सुरुवाती सुरक्षा जाँच पार गरिसकेका २० हजार ४ सय ९६ जना यात्रु अध्यागमनबाटै फिर्ता गरिएका हुन् । यी यात्रुहरूसँग गन्तव्य मुलुक प्रवेश गर्न आवश्यक सबै कानुनी अनुमति भएको भए पनि उनीहरूलाई 'गिरोहको सेटिङ' मा नपर्दा विमानस्थलबाटै फर्काइएको अनुसन्धानबाट पुष्टि भएको छ । गृह प्रशासनका कर्मचारीसहित ट्राभल एजेन्सी, म्यानपावर कम्पनी, एयरलाइन्स ...

पूर्णपुष्टि, बैशाख ११ । उदयपुरको त्रियुगा नगरपालिका वडा नं. ४ मा जारी छैठौँ वडा अध्यक्ष कप फुटबल प्रतियोगिताको दोस्रो खेलमा आयोजक बगाहा युवा समुह फुटबल क्लब विजयी भएको छ । आईतबार बगाहाको खेल मैदानमा भएको खेलमा शिव पार्वती फुटबल क्लबको पोष्टमा आयोजक बगाहाले ६ गोल गरेको हो । बगाहाको लागी जर्सी नं. ७ का कप्तान विप्लव कटुवालले ह्याट्रिक गरे । उनले खेलको २९, ४७ र ५८ औँ मिनेटमा ह्याट्रिक पुरा गरे । त्यस्तै खेलको सुरुवाती १५ औँ मिनेटमा जर्सी नं. १० का यलएक्स स्याङ्बोले गोल गर्दै बगाहालाई आग्रता थिए भने २१ औँ मिनेटमा जर्सी नं. १४ का सनम चौधरी र ४८ औँ मिनेटमा जर्सी नं. ९ का रितेश तामाङ्गले १–१ गोल गरे । यस खेलका म्यान अफ द म्याच बगाहा युवा समुहका जर्सी नं. ७ का विप्लव कटुवाल बने । उनले नगद रु. ५ सय सहित फ्लेक्स र मेडल प्राप्त गरे । यस प्रतियोगिताको विजेताले ट्रफी, मेडर र नगद रु. २५ हजार प्...

पूर्णपुष्टि, बैशाख १२ । सवारी दुर्घटना न्यूनीकरणका लागि उदयपुरको उदयपुरगढी गाउँपालिका वडा नम्बर ७ अधेरीस्थित मदन भण्डारी राजमार्गमा थर्मप्लास्टिक लाइन जडान गरिएको छ । राजमार्गको सबैभन्दा दुर्घटनाप्रवण क्षेत्रमा पर्ने अधेरी खण्डमा उदयपुरगढी गाउँपालिकाको आर्थिक सहयोगमा प्रहरीले थर्मप्लास्टिक लाइन जडान गरेको हो । यो खण्डमा सडक ओरालो र घुम्ती मोड भएका कारण सवारी चालकहरू भ्रममा परेर दुर्घटना बढी हुने गरेको छ । ट्राफिक प्रहरी असई तिलक पौडेलका अनुसार पछिल्लो १० महिनाको अवधिमा मदन भण्डारी राजमार्गमा २५० वटा सवारी दुर्घटना भएका छन् । यी दुर्घटनामा ४३४ जना घाइते भएका छन् भने २०८१ साउनदेखि अहिलेसम्म ५७ जनाको मृत्यु भएको छ । "यो राजमार्गमा दिनहुँजसो सवारी दुर्घटना हुने गरेको छ । मुख्यतः सडक निर्माणका क्रममा धेरै ठाउँमा घुमाउरो बाटो बनाइएको र ओरालो-उकालो भएको कारण दुर्घटना बढी हुन्छ," असई पौडेलले भन...

सुनिल राई, गाईघाट । उदयपुरको त्रियुगा नगरपालिका वडा नं. ४ बगाहामा छैठौँ वडा अध्यक्ष कप फुटबल प्रतियोगिता आजदेखी सुरु भएको छ । शनिबार बगाहाको खेल मैदानमा भएको उद्घाटन खेलमा राईटोल फुटबल क्लब (राईटोल) ले टाईब्रेकरमा सनराईज फुटबल क्लब (शिवशक्ति टोल) लाई ४–३ गोलले पराजित गर्दै विजयी सुरुवात गरेको हो । खेलको ४१ औ मिनेटमा जर्सी नं. ६ का मनोज बस्नेतले गोल गर्दै सनराईजलाई आग्रता दिलाएका थिए भने खेलको अन्तिम औँ मिनेटमा जर्सी नं. ११ का अबिनव राईले राईटोलका लागी बराबरी गोल गरे । निर्धारित समयमा १–१ गोलको बराबरी भएसँगै ट्राईबेकरमा पुगेको खेलमा राईटोलका ४ खेलाडीले गोल गरे भने सनराईजका ३ खेलाडीले गोल गरे । यस खेलको म्यान अफ द म्याच राईटोलका गोल रक्षक निलम राई बने । उनलाई प्रमुख अतिथि वडा नं. ४ का वडा अध्यक्ष बद्रि बस्नेतले मेडल, फ्लेक्स र नगद हस्ताण्तरण गरेका थिए । यस प्रतियोगिताको विजेताले ट्र...