Breaking News 2

पूर्णपुष्टि, माघ ३ मोरङको रतुवामाई नगरपालिका–९ भौडाबाट अबैध औषधीसहित दुई जना पक्राउ परेका छन् । जिल्लाको सुनबर्शी नगरपालिका–६ का ३२ वर्षीय श्रवणकुमार ताजपुरीया रसुनबर्शी–७ का ३० वर्षीय कार्तिक चन्द दास अबैध औषधीसहित पक्राउ परेका हुन् । बिशेष सूचनाको आधारमा प्रहरी चौकी ईटहराबाट खटिएको प्रहरी टोलीले प्रदेश १–०२–०४६ प ७८६९ नम्बरको मोटरसाईकलमा सवार निजहरुलाई चेकजाँच गर्ने क्रममा उनीहरुको साथबाट अबैध औषधी ट्रामाडोल डाइड्रोक्लोराईड क्यापसुल २० हजार ट्याब्लेट बरामद गरेको हो । अबैध औषधीसहित पक्राउ परेका उनीहरुलाई थप अनुसान्धानको लागी औषधी व्यवस्था विभाग बिराटनगर पठाउने तयारी भईरहेको ईलाका प्रहरी कार्यालय सिजुवाले जनाएको छ ।...

पूर्णपुष्टि, माघ २ उदयपुरको त्रियुगा नगरपालिका–२ मोथियाहीका रामविलास चौधरीले घाँस बेचेर नियमित बचत गरिरहनु भएको छ । चौधरीले एकाविहानै गाईघाट बजारमा हरियो घाँस बेचेर दैनिक पाँचसय रुपैया बचत गर्दै आएको डेडवर्ष भयो । उहाँले घाँस बेच्न थालेको पन्ध्रवर्ष जति भइसके पनि बचतको ज्ञान भने डेडवर्ष अघिदेखि हो । गाउँकै एक सहकारी संस्थामा उहाँले नियमित बचत गर्दै आउनु भएको छ । आप्mनै छोराछोरीले बचतको ज्ञान दिएको उहाँले बताउनुभयो । “मैले घाँस बेचेर पैसा बचत गरेको एकवर्ष र आधा भयो” उहाँले भन्नुभयो –“बचत पैसाले पक्की घर बनाउने सोच छ ।” बचतले उहाँलाई काममा अझ उत्साह, विश्वास ल्याएको छ भने भविष्यप्रति ढुक्कता छ । घाँस बेचेको पैसाले उहाँलाई दैनिक पाँचसय बचत गर्न मात्र हैन खाद्यन्न तथा अन्य दैनिक उपभोग्य सामानहरु खरिद गर्न पुग्छ । छोराछोरीको पढाई, घरखर्चमा राम्ररी टेवा पुगेको छ । हरेक दिन एकाविहानै ३ः०० बजे ...

पूर्णपुष्टि, माघ २ नवलपरासीमा गस्तीमा खटिरहेको सेनालाई जंगली हात्तिले आक्रमण गर्दा ज्यान गएको छ । जंगली बन्यजन्तुकै संरक्षणमा खटिने सेनाको जंगली हात्तिलेनै ज्यान लिएको हो । चितवन राष्ट्रिय निकु ञ्जमा गस्तीमा रहेका अवस्थामा ति सेनाको ज्यान लिएको जनाईएको छ । सैनिक स्रोतका अनुसार मृत्यु हुने ब्यक्तिको नाम उल्लेख गर्न नमिल्ने समेत जनाए । चितवन राष्ट्रिय निकुञ्ज पश्चिम सेक्टर अमलटारीका अनुसार शनिबार राति कसराको ध्रुवे पोस्ट नजिकै जंगली हात्तिले ढाडमा कुल्चिँदा सेना अमलदारको मृत्यु भएको हो । रात्रि गस्तीमा निस्केको सेनाको टोलीमा रहेका खडक दल गणका एक अमलदारको मृत्यु भएको हो । कसराबाट माडी जाने बाटोतर्फ गस्तीमा रहेका बेला नजिकै रहेको जंगली हात्तीले ती अमलदारको ढाडमा टेकेको र गम्भीर घाइते भएका उनको उपचारका लागि भरततर्फ लैजाँदै गर्दा मृत्यु भएको थियो ।...

पूर्णपुष्टि, पुष ३० झापामो दमक नगरपालिका–२ हुम्से दुम्से सामुदायिक जंगल स्थितमा चेकिङको क्रममा गाँजा र चरेससहित दुई जना पक्राउ परेका छन् । ईलाम माईसेबुङ गाउँपालिका–२ का ३२ वर्षीय दिपेन्द्र राई र १९ वर्षीय नुवसन मुखिया पक्राउ परेका हुन् । आज बिहान ४ बजे प्रहरी चौकी बागखोरबाट खटिएको प्रहरी टोलीले उनीहरु सवार मे ३ प ५६६२ नम्बरको मोटरसाईकल रोकी चेकजाँच गर्दा उनीहरुको साथबाट प्रतिबन्धित लागुऔषध गाँजा १२ केजी र चरेस ६ ग्राम २६० मिलिग्राम फेला परेको थियो । लागुऔषध फेला परे पश्चात उनीहरु सवार रहेको मोटरसाईकलसहित नियन्त्रणमा लिई थप अनुसन्धान भईरहेको ईलाका प्रहरी कार्यालय दमकले जनाएको छ ।...

पूर्णपुष्टि, पुष ३० जिल्ला प्रहरी कार्यालय सुनसरीले २ थान पेस्तोल र ४ राउण्ड गोलीसहित ४ जनाको समुहलाई पक्राउ गरेको छ । पक्राउ पर्नेहरुमा हरिनगर गाउँपालिका –७ घुस्कीका २० वर्षीय सबिर मिया, ३१ वर्षीय सवरेज मिया, सोही स्थानका २५ वर्षीय सिकन्दर मलाहा र हरिनगर गाउँपालिका–६ का २३ वर्षीय फरियाद अन्सारी रहेका छन् । जिल्लाको ईनरुवा नगरपालिका क्षेत्रमा हातहतियारसहित केही ब्यक्तिहरु रहेको भन्ने गोप्य सूचनाका आधारमा जिल्ला प्रहरी कार्यालय सुनसरीबाट सादा पोशाकमा खटिएको प्रहरी टोलीले बुधवार साझ र बिहिवार बिहान गरी ४ जनालाई पक्राउ गरेको हो । सबिर मियालाई बुधवार राती सुनसरीको महेन्द्र चोकबाट पक्राउ गरिएको थियो । मियाको साथबाट प्रहरीले कटुवा पेस्तोल १ थान, गोली १ राउण्ड, र उनले प्रयोग गर्ने १ थान मोटरसाईकल सहित पक्राउ गरेको हो । यसैगरी, मियाकै बयानका आधारमा अन्य व्यक्तिहरु समेत हातहतियारसहित घुमफिर ग...

पूर्णपुष्टि, पुष २९ बाटो बनाउने क्रममा डोजरनै पुरिएपछि तीन जना मानिस बेपत्ता भएको छन् । धादिङको रुवी भ्याली गाउँपालिकाको तिप्लीङमा बाटो खन्ने क्रममा डोजर पुरिएको हो । सोही डोजरमा सवार चालकसहित तीन जना बेपत्ता भएका हुन् । जिल्ला प्रहरी कार्यालय धादिङका एसपी राकेश सिंहले आज बिहान साढे आठ बजे प्रहरीलाई पहिरोमा तीन जना पुरिएको खबर आएको र उद्धारको लागि टोली परिचालन गरिएको जानकारी दिए । चालक, सहचालक र बाटो समितिका एक जना पुरिएको प्रहरीले जनाएको छ । घटनास्थल नजिकको सेर्तुङ प्रहरी चौकी पनि चार घण्टाको पैदल दुरीमा पर्ने भएकाले विस्तृत विवरण आइनसकेको प्रहरीले जनाएको छ ।...

पूर्णपुष्टि, पुष २९ प्रदेश नं १ का सामाजिक विकास मन्त्री जयराम यादवले त्रियुगा उद्योग वाणिज्य संघ गाईघाटका नवनिर्वाचित सम्पूर्ण पदाधिकारी तथा कार्यसमितिलाई बधाई तथा शुभकामना दिएको छ । बुधबार संघको कार्यलय परिसरमै आएर मन्त्री यादवले बधाई तथा शुभकामना व्यक्त गरेको हो । यादवले नयाँ कार्यसमितिलाई सफलताको शुभकामना दिँदै सहकार्य समेत गरेर जाने बताए । उनले त्रियुगा उद्योग वाणिज्य संघका पदाधिकारीहरु तथा यस माताहतका व्यपारीहरुसँग रहेको उद्योग व्यापारहरुलाई प्रथामिकता दिँदै समन्वय गरेर जाने समेत मन्त्री जनाए । यस संघलाई प्रदेश सरकारले आवश्यकीय सहयोग समेत गर्ने र त्यसको लागि प्रपोजल लिएर प्रदेश कार्यलयमा आउन समेत अनुरोध गरे । त्यस्को लागि आफ्नो पूर्ण पहल र भूमिका समेत रहने जनाए ।...

पूर्णपुष्टि, पुष २९ प्रदेश नं १ को आदिवासी जनजाति पत्रकार माहासंघ (फोनिज) को उपाध्यक्षमा उदयपुरका दुई पत्रकार निर्वाचित भएको छ । फोनिजको ऐतिहाँसिक दोस्रो अधिवेशनमा उदयपुर बाट राजेन्द्र राई र महिला उपाध्यक्षमा अप्सरा समाल निर्वाचित भएको हो । अधिवेशन मोरङ स्थित पथरीमा २६ गते बाट सुरु भएको थियो । सोहि त्रलममा गढी खवर दैनिका प्रकाशक राजेन्द्र राई र रेडियो उदयपुरकी स्टेसन म्यानेजर अप्सरा समाल मगर उपाध्यक्षमा निर्वाचित भएको हो । अधिवेशनले सन्तवीर लामाको अध्यक्षतामा उपाध्यक्ष राजेन्द्र दुष्ट, महिला उपाध्यक्ष अप्सरा समाल, महासचिबमा सुशान रुङमाहाङ राई, सचिबमा सन्देश सुब्बा र प्रदिप चौधरी, कोषाध्यक्ष प्रेम देवान सहितको पदाधिकारी चयन गरेको छ ।...

पूर्णपुष्टि, पुष २८ उदयपुरमा दुई मोटरसाईकल एक आपसमा ठोक्किएर दुर्घटना हुदा दुई जना घाइते भएका छन् । जिल्लाको बेलका नगरपालिकास्थित रामपुर बजारमा दुर्घटना हुदा २१ वर्षीय रुपेश राई र ३१ वर्षीय लोकेन्द्र राई घाइते भएका हुन् । दुबैलाई उपचारका लागि तत्काल सुनसरीको धरानस्थित बीपी कोइराला स्वास्थ्य विज्ञान प्रतिष्ठान घोपातर्फ पठाइएको जिल्ला प्रहरी कार्यालय उदयपुरका प्रवक्ता (डीएसपी) बेदप्रसाद गौतमले जानकारी दिनुभयो । पूर्वबाट पश्चिम दिशातिर जाँदै गरेको को. १ प. ८४९ नम्बरको मोटरसाईकल र प्र.१ –०२–०४१ प १००७ नम्बरको मोटरसाईकल आपसमा ठोक्किदा दुर्घटना भएको प्रत्यक्षदर्शीहरुले बताएका छन् । १००७ नम्बरको मोटरसाईकल चालक लोकेन्द्रको टाउँको र अनुहारमा चोट लागेकाले अवस्था गम्भीर रहेको बताइएको छ । त्यस्तै अर्को मोटरसाईकल चालक रुपेशको भने खुट्टामा चोट लागेको प्रहरीले जनाएको छ । दुर्घटनामा परेको दुबै मोटर...

पूर्णपुष्टि, पुष २७ कोरोना प्रभावित क्षेत्रको आधारमा त्रियुगा नगरपालिका ग्रिन जोनमै रहेको हुनाले सामाजिक विकासको निर्णय अनुसार नगर भित्रका विद्यालयहरुलाई बन्द नगरिने जनाईएको छ । कोरोना संक्रमण बढ्दै गएपछि सरकारले मंगलबारदेखि माघ १५ गतेसम्म देशभरका विद्यालयहरु बन्द गर्ने निर्णय गरे पनि उदयपुरको त्रियुगा नगरका विद्यालयहरु भने बन्द नहुने भएको छ । यसअघि कोरोना संक्रमणको हटस्पट बनेको त्रियुगा नगरपालिकाले अहिले त्रियुगामा कोरोना संक्रमणको स्थिति नियन्त्रणमै रहेकाले विद्यालयहरु नियमितरुपमै सञ्चालनमा रहने नगर सामाजिक विकास शाखा प्रमुख मान बहादुर राईले बताउनुभयो । ‘त्रियुगा अहिले ग्रिन जोनकै अवस्थामा छ । त्यसैले अहिले नै विद्यालय बन्द गरिहाल्नुपर्ने अवस्था छैन,’ उहाँले बताउनुभयो । विद्यालय बन्द गर्ने वा सञ्चालन गर्ने निर्णय स्थानीय तहको अधिकारभित्र पर्ने भएको भन्दै राईले बताउनुभयो, ‘जुन दिन त्...