Breaking News 2

पूर्णपुष्टि, असोज २७ । उदयपुरको उदयपुरगढी गाउँपालिका–७ अधेरीमा सोमबार बिहान गुडिरहेको कारमा अचानक आगलागी हुँदा गाडी पूर्णरूपमा जलेर ध्वस्त भएको छ । जिल्ला प्रहरी कार्यालय उदयपुरका बिहान ९ बजेर ५० मिनेटको समयमा इलामबाट काठमाण्डौ तर्फ जाँदै गरेको बा ९ च ८६६८ नं. को गुडिरहेको कारमा अचानक आगलागी भएको हो । कारमा चार जनाको परिवार सवार रहेका थिए । इलाम चुलाचुली गाउँपालिका वडा नम्बर ५ बस्ने ४२ वर्षीय कार चालक प्रेम कुमार सेन्चुरी, उनकी २७ वर्षीया श्रीमती अनिता सेनचुरी र १४ वर्षीय छोरा आयुष सेनचुरी सकुशल रहेको प्रहरीले जनाएको छ । तर सात वर्षीय कान्छो छोरा आरोन सेनचुरी सामान्य घाइते भएका छन् । घाइते बालकलाई उपचारका लागि जिल्ला अस्पताल उदयपुरमा ल्याइएको छ । उनको स्वास्थ्य अवस्था सामान्य रहेको प्रहरीले जनाएको छ । घटनास्थलमा अस्थायी प्रहरी पोष्ट सगमचोकबाट प्रहरी टोली खटिएर आगलागीको कारणबारे थप अन...

पूर्णपुष्टि, असोज २७ । इजरायलमा हमासको नियन्त्रणमा रहेका नेपाली युवा विपिन जोशी जीवित नरहेको इजरायली सेनाले औपचारिक रूपमा जानकारी दिएको छ । इजरायली सेना आईडीएफका एक अधिकारीले स्थानीय समयअनुसार आज बिहान साढे ७ बजे भिडियो कन्फरेन्समार्फत यो दुःखद समाचार दिएका हुन् । भिडियो कन्फरेन्समा इजरायलका लागि नेपाली राजदूत धनप्रसाद पण्डित, अमेरिकामा रहेकी विपिनकी बहिनी, नेपालमा रहेका दाजु किशोर र इजरायल प्रधानमन्त्री कार्यालयका दुई अधिकारी सहभागी थिए । राजदूत पण्डितले आईडीएफका अधिकारीले स्पष्ट रूपमा विपिन जीवित नरहेको बताएका छन् । कञ्चनपुरका विपिन जोशी अध्ययनका लागि इजरायल गएका थिए । गत वर्ष अक्टोबर ७ मा हमासले किबुत्ज क्षेत्रमा गरेको आक्रमणको क्रममा उनी बन्धक बनाइएका थिए । सोही आक्रमणमा १० जना नेपाली विद्यार्थी मारिएका थिए । सन् २०२३ नोभेम्बर १७ मा विपिन गाजाको अल शिफा अस्पतालमा देखिएका थिए । त्यसपछ...

पूर्णपुष्टि, असोज २५ ।  राष्ट्रपति रामचन्द्र पौडेलसँग छलफल गर्न जेनजी प्रतिनिधि टोली शीतल निवास पुगेको छ। केही ढिलाइपछि वार्ता शुरु भएको छ । प्रधानमन्त्री सुशीला कार्की र जेनजी प्रतिनिधिहरू पुगेपछि शीतल निवासमा छलफल सुरु गरिएको हो । बैठकमा प्रधानमन्त्री कार्कीसहित मन्त्रीहरू पनि उपस्थित छन् । सुरुमा १७ जना जेनजी प्रतिनिधि सहभागी हुने तय भएको थियो । तर, बैठकमा २० जनाभन्दा बढी सहभागी भएको एक जेनजी अगुवाले जानकारी दिएका छन् । आजको वार्तामा जेनजीले राखेका विभिन्न मागहरूबारे छलफल हुने बताइएको छ ।...

पूर्णपुष्टि, उदयपुर, असोज, २४ गते । उदयपुरको त्रियुगा नगरपालिका वडा नं ५ स्थित श्री जनता मावि दमौटीका प्रधानाध्यापकले विदार्थी कुटेको भन्दै अभिभावकहरु आक्रोसित बनेको छ । विद्यालयको (प्रअ) राजन राउतले बिहिबार विद्यालय समयमा पढाउने क्रममा कक्षा १० की छात्रा समिक्षा राईलाई कुटेको भन्दै परिवारले कार्वाहीको माग गरेका हुन् । पिडित अभिभावकले १५ बर्षिया शमिक्षाको गालामा प्रअ राउतले छापड हानेको बताए । पिडित अभिभावक सुप्रिमाया राईले छोरीको गालामा कुटेको र आँखा र गाला सुन्निएको बताईन् । विद्यार्थीले गल्ती गरेको खण्डमा अरु धेरै सजायको आधारहरु रहेपनि गालामा झापड हानेको उनको गुनासो छ । शुक्रबार परिवारले कार्वाही गर्नु पर्ने भन्दै विद्यालयमा कुरा समेत उठाएको छ । पढाउने क्रममा एसईईको सेन्टरबारे छलफल हुँदै गर्दा विद्यार्थी र (प्रअ) बीच सेन्टरको स्थानबारे कुरा हुँदै थियो । श्रीपुर सेन्टर रहँदै आएकोमा ...

पूर्णपुष्टि, असोज २४ । गत भदौ २३ र २४ गते जेनजी आन्दोलनमा भएको आगजनीले प्राविधिक शिक्षा तथा व्यावसायिक तालिम परिषद् (सीटीईभीटी) का विद्यार्थीको उत्तरपुस्तिका जलेर नष्ट भएपछि पुन:परीक्षा गरिने भएको छ । प्रहरी कार्यालयमा सुरक्षका लागि राखिएको उत्तरपुस्तिका जलेर नष्ट भएपछि पुन:४ मंसिरदेखी परिक्षा हुने सीटीईभीटीका प्रवक्ता टैलेन्द्र आचार्यले जानकारी दिए । सीटीईभीटीको डिप्लोमा, प्रमाणपत्र र प्रि–डिप्लोमा तहका १४ हजार ७०० वटा उत्तरपुस्तिका जलेको उनले बताए ।...

पूर्णपुष्टि, उदयपुर, असोज २३ काठमाण्डौँ । एमाले नेता महेश वस्नेतले जेनजी आन्दोलनलाई लक्षित गर्दे आफुलाई पक्राउ गरी देखाउनु चुनौती दिएको छ । एमाले पोलिट ब्यूरो सदस्य समेत रहेको बस्नेतले जेनजी आन्दोलनका घटनाहरूको हिसाब राखेको भन्दै आफूहरुलाई पक्राउ गरेर देखाउन चुनौती दिएका हुन् । बस्नेतले गृहमन्त्रीलाई अपराधीलाई कारबाही गर्न आग्रह गर्दै डिजीटल जेनरेसन फोर्स बनाएर उजुरी दिने योजना बताएका छन् । उनले भ्रष्टाचार छानबिन वर्तमान मन्त्री रामेश्वर खनाल र कुलमान घिसिङबाट सुरु गर्न अनुरोध गरेका छन्। उनले पञ्चायत र राजतन्त्रविरुद्ध लडेका एमालेहरू छाती फर्काएर नहिँड्ने उल्लेख गरे । ‘तिमीहरुको एक(एक हिसाब हुन्छ’ उनले भने । अपराधीलाई कारबाही गर्न उनले गृहमन्त्रीको ध्यानकर्षण गराए । एमाले भक्तपुर जिल्ला कमिटीले बिहीबार आयोजना गरेको कार्यक्रममा बोल्दै उनले सक्ने भए कारबाही गर्न गृहमन्त्रीलाई चुनौत...

पूर्णपुष्टि/उदयपुर, असोज २२ । जेनजी समुहको प्रदर्शनको क्रममा कारागारबाट फरार भएका एक कैदीले उदयपुरमा घर आएर हिजो आत्महत्या गरेका छन् । त्रियुगा नगरपालिका ८ शाहीखोला (राजाबास) का तुलबहादुर दनुवारका ३५ वर्षिया छोरा गम्भीरबहादुर दनुवारले आत्महत्या गरेको जिल्ला प्रहरी कार्यालय उदयपुरका प्रमुख एसपी राजन चापागाईले जानकारी दिनुभयो । एसपी चागाईका अनुसार दनुवारले कर्तब्य ज्यान मुद्दामा कैद सजाय भुक्तान गरिरहेका थिए । जेनजीको आन्दोलन भदौ २३ र २४ गते झुम्का कारागारबाट उनी फरार भएका थिए । फरार भएपछि घर आएका उनी घर नजिकैको सिसौको रुपमा झुण्डी मृत अवस्थामा फेला परेका थिए । सुनसरी जिल्ला अदालतले ०७७ चैत्र १३ गते कर्तब्य ज्यान मुद्दामा दोषी ठहर गरी कैद फैसला सुनाएको जनाइएको छ । २० वर्ष जन्मकैद तोकिएको थियो । आवश्यक कानूनी प्रकृयापछि उनको शब आफन्तलाई बुझाइएको प्रहरीले जनाएको छ । घटनाको बारेमा थप अनुसन्धा...

पूर्णपुष्टि/उदयपुर, असोज २१ । उदयपुरको रौतामाई गाउँपालिकामा पर्ने सुनकोशीमा एक पुरुषको शब देखा परेको छ । माछा मार्ने क्रममा स्थानीयहरुले कोशीमा एक पुरुषको शब देखेको र प्रहरीलाई खबर गरेको जिल्ला प्रहरी कार्यालय उदयपुरका प्रमुख राजन चापागाईले जानकारी दिनुभयो । उहाँका अनुसार रौतामाई गाउँपालिकाको वडा नं. ३ बिमिरे गाउँमुनी कोशीमा शब देखिएको हो । शब अप्ठेरो ठाउँमा अल्झिरहेको छ । शब देखिएको स्थान जिल्ला सदरमुकामदेखि निकै टाढा रहेकोले आज प्रहरी पुग्न सक्ने अवस्था छैन । भोली विहानै प्रहरी खटिएर जाने भएको छ । राती कोशीमा थप बाढी आएमा भने बगाउन सक्ने अबस्था छ । उक्त शब बाढी पहिरोमा परि कतैबाट बग्दै आएर त्यहाँ अल्झिएको हुनसक्ने स्थानीयको अनुमान छ ।...

पूर्णपुष्टि/उदयपुर, असोज २१ । निरन्तर वर्षाले अवरुद्ध सगरमाथा राजमार्ग, शिद्धिचरण राजमार्ग र मदनभण्डारी राजमार्ग सबै सुचारु भएका छन् । उदयपुरमा पर्ने यी सबै राजमार्गमा उदयपुर क्षेत्रमा हाल अवरोध नरहेको स्थानीय प्रशासनले जनाएको छ । अवरोधहरु हटाएसंगै राजमार्गहरु सञ्चालनमा आएको हो । गाईघाट दिक्तेल सडक आयोजनाका इन्जिनियर सुबास तिवारीका अनुसार सो राजमार्गको गाईघाट–फेक्सिन्टार सडकखण्ड अवरोध हटाएपछि सञ्चालनमा छ । फोक्सिन्टारदेखि दिक्तेलसम्मको सडक पनि आजबाट सञ्चालन हुनेछ । ठाउँठाउँमा अवरुद्ध बनेको मदनभण्डारी राजमार्ग पनि अवरोध हटाइएसंगै सञ्चालनमा रहेको छ । मदनभण्डारी राजमार्गको भिमान–बसाहा सडकखण्डसमेत हेर्दै आएको गाईघाट दिक्तेल सडक आयोजनाका इन्जिनियर सुबास तिवारीका अनुसार सो राजमार्ग सञ्चालन छ । पूर्व–पश्चिम यात्र गर्ने सबै सवारी साधन हाल सुचारु रहेको जनाइएको छ । सिद्धिचरण राजमार्ग अन्तर्गत कट...

पूर्णपुष्टि उदयपुर, असोज २१ । श्रमदान अभियानता एवम् धरान उपमहानगरपालिकाका मेयर हर्क साम्पाङ आगामी ३० गते गाईघाट आउने भएका छन् । उनी किन, के का लागि र कसरी आउदै छन् भन्ने स्पष्ट भइ सकेको छैन । तथापी उनी संगठन विस्तारको उद्देश्यले आउन लागेको हुनसक्ने अनुमान धेरैको छ । उनले केही समयअघि श्रम संस्कृती पार्टी खोलेका छन् । उनी धरानको मेयर भएपछि र श्रम अभियान अगाडि भएपछि उदयपुरको सदरमुकाम गाईघाटमा औपचारिक आगमन पहिलो पटक हो । उदयपुरमा उनको प्रशंसक र उनको अभियानमा जोडिने अभियानता छन् । उनीहरुले निकै अगाडिदेखि नै साम्पाङलाई ल्याउने प्रयत्न गरिरहेका थिए । उनीहरुको गएरातीको बैंठकले आगामी ३० गते साम्पाङलाई गाईघाट ल्याउने निधो गरेको बताइएको छ । श्रम तथा सफाइ अभियानता एवम् पत्रकार बुद्धि चामलिङले साम्पाङ गाईघाट आउने बारे फेसबुक स्टाटसमा जानकारी दिएकाछन् । “असोज ३० गते बिहिबार दिउँसो १ बजे गाइघाटमा हर्...