राजनीति

पूर्णपुष्टि,चैत्र २५ । उपप्रधान एवम् रक्षा मन्त्री पूर्णबहादुर खड्काले गृह जिल्लामा अवस्थित सुर्खेत विमानस्थल पुगि जहाजबाट ओलर्ने वित्तिकै माटोलाई ढोगेका छन् । उपप्रधान एवम् रक्षा मन्त्री भएपछि पहिलो पटक शनिबार सुर्खेत पुगेका उनले विमानस्थलमा जहाजबाट ओलर्ने बित्तिकै माटोलाई ढोगेका हुन्। गृह जिल्लामा हुने विभिन्न कार्यक्रममा सहभागी हुन पहिलो पटक खड्का बुद्ध एयरको जहाजमार्फत सुर्खेत आइपुगेका हुन् । खड्कालाई स्थानीयहरूले स्वागत गरेका थिए । सुर्खेत विमानस्थलमा आयोजित पत्रकार सम्मेलनमा खड्काले कर्णाली र सुर्खेती जनताको शीर निहुरिने गरेर कुनै पनि कामहरु आफूबाट नहुने बताए । उनले भने मैले जिम्मेवारी सम्हाल्दा, सम्पन्न गरेर जिम्मेवारी विसाउने बेलाको भोलिपल्टदेखि कर्णालीका जनताले हाम्रो शीर निहुरिने काम गरेनन्, कर्म गरेनन्, शिर ठाडो गर्ने गरी काम ग¥यो भन्ने जस प्राप्त गर्न सकुँ,’ खड्काले भन...

पूर्णपुष्टि,चैत्र २५ । राष्ट्रिय एकता अभियानले अश्लील भिडियो सार्वजनिक भएपछि डा.सीके राउत नेतृत्वको जनमत पार्टीका सांसद अब्दुल खानलाई निलम्बन गर्न माग गरेको छ । शुक्रबार प्रतिनिधि सभाका सभामुख देवराज घिमिरेलाई ज्ञापनपत्र बुझाउँदै अभियानले उनलाई तत्काल निलम्बन गरेर अनुसन्धान अगाडि बढाउन माग गरेको हो। मानुपातिक सांसद तथा निवर्तमान खानेपानी तथा सरसफाइ मन्त्री खानको यस हर्कतले नेपालको संसदीय व्यवस्था, सङ्घीय लोकतान्त्रिक गणतन्त्र एवम् समग्र राजनीतिक प्रणालीको शिर निहुरिएको उल्लेख गर्दै अभियानले कारबाहीको माग गरेको छ । सार्वजनिक जीवन धारण गरेका व्यक्तिहरूका यस्ता अनैतिक हर्कतले समाजलाई विकृत र विसंगत बनाउन अझ बढी मलजल गर्छ भन्दै अभियानले नेता खानलाई तत्काल सांसद पदबाट निलम्बन गरी कानुनी दायरामा ल्याउन माग गरेको छ ।...

पूर्णपुष्टि,चैत्र २४ । सरकारले जनता समाजवादी पार्टी नेपालले कोशी प्रदेशमा भएको आन्दोलनमा घाइते भई उपचारको क्रममा ज्यान गुमाएको पदम लिम्बु (लाजेहाङ) लाई सहिद घोषणा गरेको छ । शुक्रबार बसेको मन्त्रिपरिषद्को बैठकले लिम्बुलाई सहित घोषणा गर्ने निर्णय गरेको हो । आन्दोलनको क्रममा ज्यान गुमाएका लिम्बुको परिवारलाई सरकरले क्षतिपूर्ति सम्मेत दिने निर्णय गरेको संस्कृति, पर्यटन तथा नागरिक उड्डयन मन्त्री सुदन किराँती जानकारी दिए । उनका अनुसार सरकारको तर्फबाट क्षतिपूर्ति कति दिने भन्न निर्णय टुङ्गो नलागेको उनले बताए । यसअघि कोशी प्रदेश सरकारले लिम्बुको परिवारलाई ३ लाख रुपैयाँ क्षतिपूर्ति दिने निर्णय गरेको थियो । गत चैत्र ५ गते विराटनगरको प्रदेशको नाम कोशी राखेको विरोध प्रदर्शनमा सहभागी लिम्बु प्रहरीको लाठी चार्जबाट घाइते भएका थिए । घाईते भएको लिम्बुलाई उपचारको क्रममा चैत्र १० गते मृत्यु भएको थियो ...

पूर्णपुष्टि,चैत्र २४ । आगामी बैशाख १० गते हुन लागिको प्रतिनिधि सभा सदस्यको उपनिर्वाचनका लागि (शुक्रवार) आज देखि आचारसंहिता लागु हुने भएको छ । आयोजका अनुसार आज देखि निर्वाचन सम्पन्न नभएको ठाउँपमा आचारसंहिता लागु हुने भएको हो । आचारसंहिता लागू भएपछि चुनावमा के गर्न पाइन्छ र के गर्न पाइन्न भन्ने विषय निक्र्योल हुन्छ । तर आचारसंहिता उल्लङघनमा देखिने गरी कारबाही नभएको भन्दै आलोचना समेत हुने गरेको छ । निर्वाचन आयोगका आयुक्त रामप्रसाद भण्डारीले उपननिर्वाचनमा आचारसंहीता उल्लंघन गर्ने कसैलाई आयोगले नछोड्ने दाबी गरेका छन् ।...

पूर्णपुष्टि,चैत्र २२ । अमेरिकाका पूर्वराष्ट्रपति डोनाल्ड ट्रम्प पक्राउ परेको छ । मंगलबार म्यानहटन अदालतमा सुनुवाइपछि उनलाई प्रहरी हिरासतमा राखिएको हो । बीबीसीका अनुसार अमेरिकामा फौजदारी अपराधको मुद्दा खेप्ने र आपराधिक आरोपको सामना गर्ने ट्रम्प अमेरिकाको पहिलो राष्ट्रपति हुन् । यद्यपि उनले आफूमाथि लागेका आरोप अस्वीकार गर्दै आएका छन् । उनले मङ्गलवार अपराह्न म्यान्ह्याटनस्थित फौजदारी अदालतमा आत्मसमर्पण गरेका थिए । दिउँसो १ बजेपछि उनी ट्रम्प टावरबाट निस्किएर अदालततिर गएका थिए । अदालतभित्र छिरिसकेपछि उनले अधिकारीहरूसमक्ष आत्मसमर्पण गरे अनि उनीविरुद्ध मुद्दा दर्ता गर्ने प्रक्रिया अघि बढेको थियो । उनी विरुद्ध ट्रम्पमाथि ३४ आरोप लागेका छन् ।...

पूर्णपुष्टि,चैत्र २१ । चितवन क्षेत्र नम्बर २ का उम्मेदवार रवि लामिछानेविरुद्ध उम्मेदवारी खारेजीको मागसहित निर्वाचन अधिकृतको कार्यालयमा उजुरी परेको छ । उम्मेदवार लामिछानेविरुद्ध युवराज पौडेल९सफल०ले चितवन क्षेत्र नम्बर २ स्थित निर्वाचन अधिकृतको कार्यालयमा उजुरी बुझाएको हो । २०७२ सालको संविधानको धारा २९१मा विदेशको आवासीय अनुमतिपत्र त्याग गरेको व्यक्तिले कम्तीमा तीन महिना अवधि व्यतित नभइ निर्वाचनमा उम्मेदवार हुन रोक लगाएको उजुरीमा उल्लेख छ । तर, रवि लामिछानेले माघ १५ गतेमात्रै जिल्ला प्रशासन कार्यालय काठमाडौँबाट नागरिकता पुनर्प्राप्ति गरेको र सो अघि उनले निस्सा बुझाएको नदेखिएकाले देखिएकाले उम्मेदवार बन्न अयोग्य रहेको जिकिर गरिएको छ। सोमबार मात्र लामिछानेले चितवन क्षेत्र नम्बर २ मा आगामी वैशाख १० गते हुने उपनिर्वाचनका लागि उम्मेदवारी दर्ता गराएका थिए ।...