समाचार

पूर्णपुष्टि, चैत्र २४ । उदयपुरको त्रियुगा नगरपालिका वडा नं. १५ गुरुधाम स्थित महाबिर कटुवालको २ तले घर आगलागीबाट जलेर नष्ट भएको छ । जिल्ला प्रहरी कार्यालय उदयपुरका अनुसार आइतबार बिहान अन्दाजी २ बजे घर र घरसँगै रहेको कुखुरा फार्ममा लागेको आगो बिहान ४ बजे नियन्त्रणमा आएको थियो । जिल्ला प्रहरी कार्यालय उदयपुरका प्रहरी प्रमुख (एसपी) हरिहरनाथ योगीका अनुसार आगलागीबाट कटुवालको दुई तले घर (एक तला पक्की र माथिल्लो तला काठले बनेको टिनको छानो भएको) पूर्णरूपमा जलेर नष्ट भएको छ । घरभित्र रहेको नगद ६ लाख रुपैयाँ, ५ तोला सुन, ५ तोला चाँदी, फर्निचर, काठपात, अन्नपात, भाँडाकुँडा र लत्ताकपडा जलेर जलेर नष्ट भएको छ । साथै, कुखुरा फार्ममा रहेका अन्दाजी ५५० वटा कुखुरा पनि आगलागीमा परी मरेका छन् । प्रहरीका अनुसार यस आगलागीबाट कुल अन्दाजी ९९ लाख रुपैयाँ बराबरको क्षति भएको छ । आगलागीको कारण अझै खुल्न सकेको छैन...

पूर्णपुष्टि, २४ चैत्र । होटल तथा पर्यटन व्यवसायी संघ उदयपुरको अध्यक्षमा डेविट बस्नेत दोहोरिएका छन् । उनि दोस्रो पट संघको अध्यक्षमा चयन भएको हो । शनिवार संघको पहिलो साधारण सभा तथा अधिवेशनले बस्नेतको नेतृत्वमा २१ जना कार्यसमिति चयन गरेको हो । अधिवेशनमा १९ जना कार्य समिति बनेको र बाँकी दुई जना मनोनयन गरी जम्मा २१ जना समिति निर्माण भएको हो । यता महासचिवमा पनि इश्वरमान इश्वरमान राई दोहोरीएको छ । अध्यक्षमा बस्ने र महासविवमा राई दोहोरीदा वरिष्ठ उपाध्यक्षमा सुनिता रेग्मी, उपाध्यक्षमा प्रतापसिंह राई, सचिवमा श्रवणकुमार चौधरी, सुमन कोइराला र कोषाध्यक्षमा सुरज साह चयन भएको छ ।        ...

पूर्णपुष्टि, चैत्र २३ । धनकुटामा सम्पन्न १७ औं संस्करणको सहिद भीमनारायण गोल्डकपको उपाधि नमोबुद्ध फुटबल क्लब सप्तरीले जितेको छ । शनिबार तल्लो टुँडिखेलमा भएको फाईनल खेलमा गाईघाट फुटबल क्लबलाई पेनाल्टी सुटआउटमा ३–५ गोलले हराउँदै सप्तरीले उपाधि चुमेको हो । निर्धारित समयमा दुबै टिमले २–२ गोलको रोमाञ्चक बराबरी खेलेपछि खेल पेनाल्टी सुटआउटमा धकेलिएको थियो । दुई पटक पछि परेको स्थिति उल्टाउँदै पुनरागमन गरेको गाईघाट पेनाल्टी सुटआउटमा चुक्दा उपाधि गुमाउन पुग्यो । पेनाल्टी सुटआउटमा सप्तरीको ५ जना खेलाडीले गोल गरे भने गाईघाटको ४ जना मध्ये एक जनाको प्रहार गोल रक्षकले रोकेका थिए । यस अघि खेलको ३८ औँ मिनेटमा जर्सी नं. ९ का राज भुसालले गोल गर्दै नमोबुद्ध सप्तरीलाई आग्रता दिलाएका थिए भने गोल भएको एककै मिनेटमा जर्सी नं. ७ का आशिष राईले गोल गर्दै गाईघाटलाई खेलमा फर्काए । त्यस्तै खेलको ४३ औँ मिनेटमा जर्सी...

पूर्णपुष्टि, चैत्र २२ । उदयपुरको कटारी नगरपालिका–४ मुसहरी टोल स्थित मदन भण्डारी राजमार्गमा मोटरसाईकलले ठक्कर दिँदा साईकल यात्री एक वृद्धको मृत्यु भएको छ । जिल्ला प्रहरी कार्यालय उदयपुरको अनुसार बिहिबार दिउँसो ३ बजेर २० मिनेटको समयमा कटारीबाट सिन्धुली तर्फ जाँदै गरेको प्रदेश २–०१–००३ प ५४२२ नम्बरको मोटरसाइकलले विपरीत दिशा बाट आउँदै गरेको साईकललाई ठक्कर दिंदा सिन्धुलीको दुधौली नगरपालिका ५ घारीथुम्सी बस्ने ७१ बर्षीय अमर बहादुर सुनुवार गम्भीर घाइते भएका थिए । घाईते वृद्धलाई तत्काल कटारी अस्पताल लगिएकोमा उपचारको क्रममा चिकित्सले मृत घोषणा गरेको प्रहरीले जनाएको छ । दुर्घटनाबाट घाइते भएका मोटरसाइकल चालक कटारी नगरपालिका ६ गेरुवा बस्ने २३ बर्षीय अनन्त मगर र सोही मोटरसाईकल पछाडी सवार १ जनाको सोही अस्पतालमा प्रहरीको निगरानीमा उपचार भईरहेको छ । दुर्घटना भएको मोटरसाइकल ईलाका प्रहरी कार्यालय कटारी...

पूर्णपुष्टि, २१ चैत्र । गाईघाटमा नियमविपरित संञ्चालित बिभिन्न ६ ओटा औषधी पसल तथा फोर्मेसिलाई सचेत गराईएको छ । बिहिबार जिल्ला प्रशान कार्यालय उदयपुरको सहायक प्रमुख जिल्ला अधिकारी बिक्रम प्रसाद पाण्डे र प्रमुख प्रशासकीय अधिकृत सन्तोष भट्टराईको सक्रियतामा गरिएको अनुगमन टोलीले ६ ओटा फार्मेसि तथा औषधी पसलहरुलाई सुधारका लागि सचेत गराएको हो । १२ ओटा फोर्मेसिहरुलाई गरिएको अनुगममा ६ ओटाले नियमविपरिद संञ्चालन गरेको पाईएपछि पहिलो पटक सुधार गर्ने मौका अनुरुप सचेत गराईएको सहायक प्रमुख जिल्ला अधिकारी पाण्डेले जनाए । पाण्डेकै सक्रियतामा जिल्ला प्रशासन कार्यालय सहित जिल्ला प्रहरी कार्यालय उदयपुर, घरेलु तथा साना उद्योग कार्यालय उदयपुर, करदाता सेवा कार्यालय गाईघाट, स्वास्थ्य कार्यालय, जिल्ला अस्पताल उदयपुर, जिल्ला आयुर्वेद स्वास्थ्य केन्द्र, त्रियुगा नगरपालिका, उद्योग बाणिज्य संघ र संञ्चारकर्मीहरु स...

पूर्णपुष्टि, चैत्र २१ । त्रियुगा उद्योग वाणिज्य संघ उदयपुरले जिल्ला प्रशासन कार्यालय उदयपुरका प्रमुख जिल्ला अधिकारी (सिडियो) प्रेम प्रसाद लुईटेललाई स्वागत गरेको छ । बुधबार त्रियुगा उद्योग वाणिज्य संघ उदयपुरको कार्यालयमा स्वागत तथा परिचयात्मक कार्यक्रमको आयोजना गरी प्रमुख जिल्ला अधिकारी लुईटेललाई जिल्लामा स्वागत गरिएको हो । कार्यक्रममा बोल्दै संघका अध्यक्ष रमेश रसाईलीले उदयपुर जिल्लामा अप्रिय घटना र अपराधिक घटनाहरू कम हुने भएकोले सिडिओ लुईटेलको कार्यकाल सहज रूपमा बित्ने आशा व्यक्त गरे । उनले मदन भण्डारी राजमार्ग जोडिएको त्रियुगा नगरपालिकामा पछिल्लो समयमा चोरी र दुर्घटनाका घटनाहरू बढेको बताउँदै प्रत्येक दिन दुर्घटनाहरू भइरहेको बताए । रसाईलीले विगतमा जिल्ला प्रशासन, नगरपालिका र वाणिज्य संघको संयुक्त प्रयासमा बजारमा जडान गरिएका सिसिटिभी क्यामेराहरू हाल अनुपस्थित रहेको उल्लेख गर्दै बढ्दो अपर...

पूर्णपुष्टि, चैत्र २० । उदयपुरकी २२ वर्षीया रेविका खत्री गएको शुक्रबार काठमाडौंको जडिबुटीमा रहेको खाद्य गोदाममा काम सकेर कोटेश्वर हुँदै डेरा फर्कने क्रममा प्रहरीको गोलीबाट घाइते भइन् । राजावादी समूहको प्रदर्शनका कारण कोटेश्वरमा सिर्जना भएको हिंसात्मक परिस्थितिमा उनलाई आफ्नो शंकरमार्गको डेरामा बस्ने (ठूलोबुबाका छोरा) दाजु दिनेश खत्रीले लिन गएका थिए । दिनेश र रेविका कोठा छिर्नै लाग्दा उनीहरूलाई एकाएक गोली लाग्यो । प्रहरीले तीनकुनेमा जम्मा भएका प्रदर्शनकारी लखेट्ने क्रममा अश्रुग्यास र हवाई फायर गरिरहेको थियो । यद्यपि, उनीहरू रहेको स्थानमा त्यति बेला कुनै प्रदर्शन भइरहेको थिएन ।  गोली रेविकाको दायाँ तिघ्रामा लागेर निस्कियो जसका कारण उनी गम्भीर घाइते भइन् । दिनेशको भने खुट्टामा गोली छोएको थियो । करिब दुई घण्टा पछि एम्बुलेन्सले घाइते दुवै जनालाई निजामती कर्मचारी अस्पताल लगियो ।कोटेश्वर क्याम्...

पूर्णपुष्टि, चैत्र २० । उदयपुरमा नक्कली लिखत बनाई ठगी गरेको आरोपमा पक्राउ परेका एक युवा कारागार चलान भएका छन् । यहि चैत्र १९ गते जिल्ला अदालत उदयपुरको आदेशले सप्तरीको राजविराज नगरपालिका–३ हनुमान चौक घर भई हाल त्रियुगा नगरपालिका–११ पुरानो गाईघाटमा कोठा भाडामा बस्दै आएका ३२ वर्षीय विवेक थापा मगरलाई पुर्पक्षको लागि जिल्ला कारागार पठाएको प्रहरीले जनाएको छ । जिल्ला प्रहरी कार्यालय उदयपुर प्रहरी प्रमुख (एसपी) हरिहरनाथ योगीका अनुसार मगरले उदयपुर र खोटाङ जिल्लाका केही व्यक्तिहरुलाई मोटरसाईकल, स्कुटरको सवारी दर्ता किताब र बिमा नविकरण गरिदिने आश्वासन दिलाई नक्कली लिखत बनाई ठगी गरेको भन्ने जाहेरी परेको थियो । सोही जाहेरीको आधारमा मगरलाई फागुन २० गते पक्राउ गरी अनुसन्धान थालिएको एसपी योगिले जनाए । अनुसन्धानको क्रममा मगरले उदयपुर र खोटाङका केही व्यक्तिहरुबाट सवारी दर्ता किताब नविकरण गरिदिने भनी स...

पूर्णपुष्टि, १९ चैत्र । उदयपुरमा लैँङ्गिक हिंसा घटना व्यवस्थापनको काम कार्वाही थप प्रभावकारी बन्ने आशा गरिएको छ । लैँङ्गिक हिंसा सम्बोधनका लागि जिल्ला स्तरिय निर्देशक समितिले काम प्रभावकारी बनाउनेबारे कार्यविधि पास गरे सँगै यो अपेक्षा गरिएको हो । समितिको कामलाई प्रभावकारी ढँगले अघि बढाउन र कामलाई कुशलतापूर्वक सम्वोधन गर्न कार्यविधिको मुख्य आवश्यक रहेको बताईएको छ । सोमवार जिल्लाको सदरमुकाम गाईघाट स्थित लैंगिक हिंसा सम्बोधनका लागि जिल्ला स्तरिय निर्देशक समितिको पहिलो बैठकले उत्साहका साथ कार्यविधि पास गर्न सफल भयो । (ओसिएमसी) नेपाल उदयपुरको आयोजना तथा जिल्ला समन्वय समिति उदयपुरको सहजीकरणमा आयोजित बैठकले कार्यविधि पास बारे बिषेश छलफल र कुराकानी गरेका थिए । बैठकमा लैंगिक हिंसा रोकथाम तथा प्रतिकार्य कार्यक्रमका उपलब्धि प्रस्तुतिकरण सँगै एक द्वार संकट ब्यवस्थापन केन्द्रको स्रोत ब्यवस्थापन सम्...

पूर्णपुष्टि, १८ चैत्र । पत्रकारको हत्या र आक्रमण गर्नेमाथी कडा कानुनी कार्वाही र उचित क्षतीपूर्तिको माग सहित पत्रकार महासंघ उदयपुरले तिन दिन देखी विरोध गरिरहेको छ । बिरोधको तेस्रो दिन आज जिल्ला प्रशासन कार्यालय उदयपुरलाई ध्यानाकर्षण पत्र बुझाएको छ । आन्दोलनको नाममा पत्रकारलाई निसाना बनाएर हिंसात्मक घटना गराईएको भन्दै प्रशासन मार्फत सरकारलाई ध्यानाकर्षण पत्र बुझाईएको हो । सोमवार महासंघका अध्यक्ष बक्ति विलाश पोखरेललको पत्रकार टोलीले सहायक प्रमुख जिल्ला अधिकारी बिक्रम प्रसाद पाण्डेलाई  पत्र बुझाएको हो । महासंघले भिडियो खिच्ने क्रममा ज्यान गुमाएको एभिन्युज टेलिभिजनका पत्रकार सुरेश रजकको हत्यारालाई गहिरो अनुसन्धान गरी mौजदारी मुद्धामा कानुनी कार्वाही र उचित क्षेतिपूर्तिका माग राखेको छ यता हिमालयन टिभीको सवारी साधन फोड्ने, अन्नपूर्ण पोष्ट दैनिकको भवनमा आगो लगाउने तथा तोडफोड गर्ने, कान्तिपुर ...