Month: ६ वर्ष अगाडि

पूर्णपुष्टि, कार्तिक २३ रुपन्देही जिल्लाको तिलोत्तमा नगरपालिका–१ मा स्कुटर सिक्ने क्रममा दुर्घटना भई आईतबार सह–प्राध्यापकको मृत्यु भएको छ । लुम्बिनी ट्राफिक प्रहरीका अनुसार स्कुटर दुर्घट्नामा मृत्यु हुनेमा तिलोत्तमा नगरपालिका–१ का अन्दाजी ५० वर्षीय डा. शिव पौडेल रहेका छन् ।  नयाँ स्कुटर किनेर सिक्ने क्रममा आफ्नै घरको कम्पाउण्ड पर्खालमा ठोक्किएर गम्भीर घाइते भएका  पौडेललाई मणिग्रामस्थित क्रिमशन अस्पतालमा लैजाँदै गर्दा बाटोमै मृत्यु भएको लुम्बिनी प्रदेश ट्राफिक प्रहरी कार्यालय बुटवलले जनाएको छ ।...

पूर्णपुष्टि, कात्तिक २३  आज सनुको भाउ तोलामा ५ सय रुपैयाँ बढेको छ । पाँच सय रुपैयाँ बढेको सुनको भाउ आज तोलामा ९७ हजार ७ सय रुपैयाँ तोकिएको नेपाल सुनचाँदी व्यवसायी महासङ्घले जनाएको छ । त्यस्तै चाँदीको भाउ पनि आज तोलामा एकैदिन २० रुपैयाँ बढेर तोलाको १२ सय ७५ रुपैयाँमा कारोबार भइरहेको महासङ्घले जनाएको छ ।...

पूर्णपुष्टि, कात्तिक २३  बंगलादेशसँगको मैत्रीपूर्ण खेलका लागि ढाकामा रहेको नेपाली राष्ट्रिय फुटबल टिमले आजदेखि प्रशिक्षण सुरु गर्ने भएको छ । ढाका पुगेपछि गरिएको कोरोना परीक्षणमा सबैको रिपोर्ट नेगेटिभ आएपछि नेपाली टिमले बंगलादेशको स्वास्थ्य मन्त्रालयबाट प्रशिक्षणका लागि स्वीकृति पाएको छ । नेपालले आज शेख जमल धनमुण्डी फुटबल मैदानमा प्रशिक्षण गर्ने भएको छ । नेपाली फुटबल टिमले आज बिहान साढे १० बजेदेखि १२ बजेसम्म प्रशिक्षण गर्नेछ । यो मैत्रीपूर्ण खेलका लागि नेपालबाट २५ खेलाडीसहित ३६ जनाको टोली ढाका पुगेको छ । ढाका पुगेको तीन दिनमा नै नेपाली टिमले प्रशिक्षण सुरु गर्ने मौका पाएको हो । प्रशिक्षक बालगोपाल महर्जनको प्रशिक्षणमा रहेको नेपाली फुटबल टिमले ढाका पुगेपछि दुई दिनको आइसोलेशनमा समय बिताएको थियो । नेपाल र बंगलादेशबीचको पहिलो मैत्रीपूर्ण खेल नोभेम्बर १३ अर्थात् कात्तिक २८ तथा दोस्रो न...

पूर्णपुष्टि, कात्तिक २३  केही दिनदेखि निरन्तर तापक्रम घट्दै गएपछि चिसो बढ्दै गएको छ । आज बिहान काठमाण्डौ उपत्यकाको तापक्रम ९ डिग्री सेल्सियस मापन गरिएको छ । हिजो काठमाण्डौको न्यूनतम तापक्रम १० डिग्री सेल्सियस रहेको थियो । अस्ति शुक्रबार १०.४ डिग्री सेल्सियस मापन गरिएको मौसम पूर्वानुमान महाशाखाले जनाएको छ । राति आकाशमा बादल नलागेकाले न्यूनतम तापक्रम घटेको महाशाखाले जनाएको छ । आज प्रदेश १, वाग्मती, गण्डकी, लुम्बिनी र कर्णाली प्रदेशका पहाडी भेगको मौसम आंशिकदेखि सामान्य बदली हुने सम्भावना रहेको जनाएको छ । अरु ठाउँको मौसम भने सामान्यतया सफा नै रहने छ । तर चर्को घाम भने लाग्ने छैन । आज राति पनि देशभरको मौसम आंशिकदेखि सामान्य बद्ली रहने महाशाखाले जनाएको छ ।...

पूर्णपुष्टि, कात्तिक २३ नेपाली सेनाको रण शार्दुल गण बोक्से उदयपुरका ५ जना सेनासहित ८ जनामा कोरोना संक्रमण पुष्टि भएको छ । संक्रमित हुनेमा ३७, ३६, ३४, ३१, २४, २८, २३, ५४ वर्षिय पुरुष रहेको जिल्ला स्वास्थ्य कार्यालय उदयपुरले जनाएको छ । संक्रमितहरु मध्ये ५ जना नेपाल आर्मी हुन, एक जना देउरी प्राथमिक स्वास्थ्य चौकीका स्वास्थ्यकर्मी र दुई जना कटारी नगरपालिकाका सर्वसाधारण रहेको जनाईएको छ ।...

पूर्णपुष्टि, कात्तिक २३  नेपाल क्रिकेट संघ (क्यान)ले राष्ट्रिय क्रिकेट टिमका पुरुष र महिला खेलाडीको वर्गीकरण परिमार्जन गरेको छ । यसअघि गरेको खेलाडी वर्गीकरणको चौतर्फी विरोध भएपछि क्यानले वर्गीकरण परिमार्जन गरेको हो । नयाँ वर्गीकरण अनुसार पुरुषतर्फ २० र महिलातर्फ २२ खेलाडी सेन्ट्रल कन्ट्रयाक्टमा परेका छन् । खेलाडी वर्गीकरण छनोट समितिले तयार गरेको नयाँ वर्गीकरणलाई हिजो बसेको क्यानको भर्चुअल बैठकले पारित गरेको हो । बलर सोमपाल कामी ’ए’ श्रेणीमा परेका छन् । यसअघि उनी ’बी’ श्रेणीमा परेका थिए । त्यस्तै सी मा रहेका अविनास बोहरालाई ’बी’ मा राखिएको छ । यसअघि सेन्ट्रल कन्ट्रयाक्टमा नपरेका ललित नारायण राजवंशीलाई ’बी’ र सन्दीप जोहरालाई ’सी’ मा राखिएको छ । महिलातर्फ सरस्वती चौधरीलाई ’बी’ तथा ममता चौधरी र सुमन खतिवडालाई ’सी’ श्रेणीमा राखिएको छ । यसअघि असोज ६ गते चितवनमा बसेको क्यानको बोर्ड बैठकले...

पूर्णपुष्टि, कात्तिक २३ संयुक्त राज्य अमेरिकाको राष्ट्रपतीय चुनावमा जो बाइडेन विजयी हुनुभएको छ । योसँगै डेमोक्रेटिक पार्टीका जो बाइडेन अमेरिकाको ४६ औं राष्ट्रपतिमा निर्वाचित हुनुभएको हो । जो बाइडेनले आफ्ना निकटतम प्रतिद्वन्द्वी तथा रिपब्लिकन पार्टीका उम्मेदवार डोनाल्ड ट्रम्पलाई ५९ इलेक्टोरल मतले पछि पार्दै राष्ट्रपतीय चुनावमा जित हात परेको हो । योसँगै भारतीय मूलकी कमला हसन अमेरिकाको उपराष्ट्रपति पदमा निर्वाचित हुनुभएको छ । ह्वाइट हाउससम्म पुग्नको लागि आवश्यक २ सय ७० इलेक्टोरल भोट पार गर्दै बाइडेन विजयी बन्नुभएको अन्तराष्ट्रिय संचारमाध्यले जनाएको छ । महत्वपूर्ण मानिएको पेन्सिल्भेनिया राज्यमा जित हात पारेसँगै जो बाइडेनले २ सय ७३ इलेक्टोरल भोट प्राप्त गर्नुभएको जनाईएको छ । बाइडेनका प्रतिद्वन्द्वी ट्रम्पको भागमा भने २ सय १४ इलेक्टोरल भोट परेका छन् । राष्ट्रपति चयनका लागि अमेरिकामा नोभे...

पूर्णपुष्टि, कार्तिक २२ कलाकार, गायक, गीतकार, निर्देशक कमल दाहालको निर्देशनमा नविनतम गीत ‘धनले कसलाई पुग्छ र ।।। ’ हालै ओएसआर डिजिटल मार्फत सार्वजनिक भएको छ । हरिहर तिमल्सिनाको शब्दमा राजु सिंहले भरेकोे संगीतमा उत्कर्ष दाहालले सुमधुर आवाज भरेका छन् । दाहाल निर्देशित  ‘धनले कसलाई पुग्छ र ।।। ’ बोलको भिडियो युवापुस्तालाई स्वाभिमानी बन्न प्रेरित गर्ने खालको रहेको छ । युवापुस्तालाई सन्देश दिने भावको भिडियोले आम नेपाली संगीतप्रेमीको मन जित्ने दाबी निर्माण पक्षको रहेको छ । जीवनमा जस्तो सुकै अवस्था आए पनि आफ्नो स्वाभिमान त्याग्नु हुन्न, आखिर धनले कसलाई पो पुग्छ र भन्ने भाव बोकेको दाहालको निर्देशनमा निर्माण भएको गीतको भिडियो ‘धनले कसलाई पुग्छ र ।।। ’ सार्वजनिक भएसँगै चर्चाको शिखरमा पुगेको छ । भिडियोको पोष्ट प्रोडक्सन भने ड्रिम भिजन इन्टरनेसनल मिडिया प्रा।लि।ले गरेको छ । चर्चित निर्देशक...

पूर्णपुष्टि, कात्तिक २२ नुवाकोटको बेलकोटगढी नगरपालिकामा कार्यरत दुई जना इन्जिनियर घुस लिएको आरोपमा पक्राउ परेका छन् । घर निर्माण सम्पन्नताको प्रमाणपत्र दिने क्रममा सेवाग्राहीसँग ७५ हजार रुपैयाँ घुस लिएको अभियोगमा नगरपालिकामा कार्यरत ईन्जिनियर पर्वत पौडेल र उनलाई सहयोग पुर्याउने बेलकोटगढी नगरपालिका–८ का नारायण भट्टलाई अख्तियार दुरुपयोग अनुसन्धान आयोगले बट्टार बजारबाट पक्राउ गरेको हो । सेवाग्राहीसँग घुस लिएलगत्तै पौडेल र भट्टलाई बट्टार बजारमा रहेको एक होटलबाट पक्राउ गरिएको आयोगले जनाएको छ । सेवाग्राहीसँग रकम माग गरेको अडियो रेकर्ड, घटनास्थलमा गरिएको ‘रङ्गेहात परीक्षण’ र अख्तियारमार्फत सेवाग्राहीले दिएको ७५ हजार रुपैयाँ बरामद भएको जनाईएको छ ।...

पूर्णपुष्टि, कात्तिक २२  नेपालमा आज थप दुई हजार सात सय ५३ जनामा कोरोना पुष्टि भएको छ । योसँगै नेपालमा संक्रमितको संख्या एक लाख ९१ हजार छ सय ३६ पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा दुई हजार दुई सय छ जना कोरोना सङ्क्रमित निको भएसँगै कोरोना सङ्क्रमणमुक्त हुनेको संख्या एक लाख ५५ हजार एक सय १४ पुगेको छ । अब नेपालमा ३५ हजार चार सय ३५ जना सक्रिय सङ्क्रमित रहेका छन् । त्यस्तै गत २४ घण्टामा १७ जनाको मृत्यु भएसँगै कोरोना सङ्क्रमणबाट मृत्यु हुनेको संख्या एक हजार ८७ पुगेको छ ।...