Month: ५ वर्ष अगाडि

पूर्णपुष्टि, भदौ २० ओखलढुङ्गामा करेन्ट लागेर पोलबाट लडेर एक जना युवकको ज्यान गएको छ । सिद्धिचरण नगरपालिका–४ का २१ वर्षीय निखिल फुयलको करेन्ट लागी सोलारको पोलबाट लडेर ज्यान गएको हो । आज बिहान १० बजे मानेभन्ज्याङ गाउँपालिका–७ स्थित माझी गाउँमा सोलारको पोलमा चढेर निर्माणाधिन सोलु करिडोरको तार तन्काउने क्रममा सोलारको करेन्ट लागी पोलबाट लडी फुयल घाईते भएका थिए । घाईते फुयललाई उपचारको लागि जनसेवा उदयपुर घुर्मी हेल्थ केयरमा पु¥याउन साथ ज्यान गएको प्रहरीले जनाएको छ । घटनास्थलमा प्रहरी टोली खटि गई थप अनुसन्धान भईरहेको जिल्ला प्रहरी कार्यालय ओखलढुङ्गाले जनाएको छ ।...

पूर्णपुष्टि, भदौ १८ उदयपुरमा आज (शुक्रबार) थप ६ जनामा कोरोना भाइरस संक्रमण पुष्टि भएको छ । जिल्ला स्वास्थ्य कार्यालय उदयपुरका अनुसार ४ महिला र २ पुरुष गरी ६ जनामा संक्रमण पुष्टि भएको हो । योसँगै जिल्लामा संक्रमितको संख्या ३ हजार ४४८ जना पुगेको छ । थपिएका संक्रमितहरु सवै त्रियुगा नगरपालिकाका रहेका छन् । त्रियुगा नगरपालिका वडा नं ११ का २ महिला र २ पुरुष गरी ४ जनामा संक्रमण देखिएको छ, भने त्रियुगाकै वडा नं १० र ५ का १÷१ जना  महिलामा संक्रमण पुष्टि भएको हो । स्वास्थ्य कार्यालयका अनुसार जिल्लामा १ हजार ५३२ महिला र १ हजार ७७४ गरी कुल ३ हजार ३०६ जना कोरोना मुक्त भएका छन् । जिल्ला सक्रिय संक्रमित ४७ महिला र ४३ पुरुष गरी ९० जना रहेका छन् । कोरोनाबाट जिल्लामा १६ महिला र ३६ पुरुष गरी ५२ जनाको मृत्यु भएको स्वास्थ्य कार्यालयले जनाएको छ ।...

पूर्णपुष्टि, भदौ १८ उदयपुरको सदरमुकाम गाईघाटस्थित मदन भण्डारी आँखा अस्पताल आगामी पुस महिनाबाट सञ्चालनमा आउने भएको छ । आँखा अस्पताल परिषरमा रहेको पितृस्मरण स्थलको बार्षिक उत्सवमा व्यवस्थापन पंक्षले पुस महिनाबाट सञ्चालन गर्ने जानकारी दिएको हो । नेपाल नेत्रज्योति संघ उदयपुरको मातहतमा रहेको उक्त अस्पतालको भौतिक पुर्वाधार सम्पन्न भैसकेको र अस्पताललाई चाहिने सबै उपकरण उपलब्ध भैसकेकाले उद्घाटन तयारीमा रहेको संघका सभापति तथा केन्द्रिय सदस्य भागवत राउतले जानकारी दिए । अस्पताल परिषरलाई गृनरी बनाने उदेश्यले संघको आह्वानमा आफ्ना पुर्वज पृतिको स्मरणमा त्यस क्षेत्रमा पाँच सय बढि विरुवा रोपिएको उनले बताए । आफ्ना पुर्वजको सम्मान पनि हुने र उहाँहरुको सम्झनामा केही गरे जस्तो देखिने साथै अस्पतालाई हरित बनाउन पनि मद्दत पुग्ने भएकाले अभियान सञ्चालन गरिएको उनले बताए । परिषर स्थलमा रोपिएका विरुवाको स...

पूर्णपुष्टि, भदौ १८ धनुषाको प्रादेशिक अस्पताल जनकपुरधाममा दिनदहाडै स्वास्थ्यकर्मीमाथि कुटपिट भएको छ । एक महिला स्वास्थ्यकर्मीमाथि दुर्व्यवहार गरेको भन्दै स्वास्थ्यकर्मीलाई एक अज्ञात समुहले कुटपिट गरेका छन् । प्रादेशिक अस्पतालको प्राङ्गणमा बिहीबार दिउँसो गुण्डागर्दी शैलीमा आएको एक समूहले अस्पतालमा कार्यरत अहेव देवेन्द्र ठाकुरमाथि कुटपिट गरेको हो । अहेव ठाकुरलाई ‘इमर्जेन्सी केस’ रहेको भन्दै अस्पतालको नियमित बैठक चलिरहेकै समयमा बोलाएर अस्पतालको प्राङ्गणमा सो समूहले कुटपिट गरेको थियो । अहेव ठाकुरले प्रादेशिक अस्पताल विकास समितिको बैठक चलिरहेको बेला आफूलाई एक जनाले बाहिर आउन आग्रह गरेको बताए । आफू बाहिर गएपछि उनीहरुले योजनावद्ध ढङ्गले आफूलाई कुटपिट गरेको उनको भनाइ छ । कुटपिटबाट घाइते भएका अहेव ठाकुर प्रादेशिक अस्पतालमा उपचारपछि घर फर्केको प्रहरीले जनाएको छ । चिकित्सक ठाकुरमाथि कुटपिटको...

पूर्णपुष्टि, भदौ १८ मलामीबाट फर्किएर पोखरीमा नुहाउन पस्दा बेपत्ता भएका एक जना पुरुषको शव आज फेला परेको छ । महोत्तरी वडा नंम्बर ७ मा रहेको जनता माध्यमिक विद्यालय सुन्दरपुरको पोखरीमा डुबेर बेपत्ता भएका ५० वर्षीय उपेन्द्र बैठाको शव फेला परेको हो । बैठा मलामीबाट फर्किएपछि हिजो बेलुका नुहाउने क्रममा पोखरीमा बेपत्ता भएका थिए । हिजो बेलुकादेखि नै स्थानीय र प्रहरीले उनको खोजिगरिरहेका थिए । बैठाको शवलाई मुचुल्का गरी पोस्टमार्टमका लागि जलेश्वर अस्पताल पढाइएको जिल्ला प्रहरी कार्यालय महोत्तरीले जनाएको छ ।...