Month: ४ वर्ष अगाडि

पूर्णपुष्टि, वैशाख १२ । सुनसरीको धरान महानगरपालिका–१९ साम्पाङ चौकबाट फरार प्रतिवादीलाई प्रहरीले पक्राउ गरेको छ । सोहि स्थानका ४६ वर्षीय यज्ञ बहादुर खडकालाई प्रहरीले पक्राउ गरेको हो । लागुऔषध मुद्दामा जिल्ला अदालत सुनसरीको २०७८।०९।२३ गतेको फैसालाले २ वर्ष ९ महिना १० दिन कैद र रु.१ लाख रुपैयाँ जरीवाना तोकिएकोमा खडका फरार रहेको थिए । फरार खडकालाई १ नम्बर प्रदेशको प्रादेशिक अनुसन्धान समुह आर.आइ.टी.बाट खटिएको प्रहरी टोलीले गाँउ घरमा नै लुकिछिपि बसेको अवस्थामा फेला पारी पक्राउ गरेको हो । पक्राउ परेका खड्कालाई तोकिएको कैद भुक्तानको लागि कारागार चलान गरेको जिल्ला प्रहरी कार्यालय सुनसरीले जनाएको छ ।...

काठमाण्डौँ, बैशाख १२ जनजीविका, रोजगारी र आर्थिक एवं सामाजिक रुपान्तरणको प्रमुख आधारका रुपमा रहेको कृषि मुलुकको अर्थतन्त्रको एक प्रमुख क्षेत्र रहँदै आएको भए पनि उच्चमात्रामा आयात भएको पाइएको छ । विद्यालयमा पढाउँदा होस् या सामान्य कुराकानीमा पनि ‘नेपाल कृषिप्रधान देश हो’ का रुपमा सङ्ज्ञा दिइन्छ । नेपालको कूल गार्हस्थ उत्पादन ९जिडिपी०मा कृषि क्षेत्रको योगदान एक तिहाइभन्दा बढी रहेको तथा दुई तिहाइभन्दा बढी जनता कृषिमा आश्रित रहेको तथ्याङ्क समयसमयमा सार्वजनिक भएकै छन् । आर्थिक सर्वेक्षण २०७७÷०७८ मा कूल गार्हस्थ उत्पादनमा कृषि क्षेत्रको योगदान २५ दशमलव ८ रहने अनुमान गरिएको थियो भने चालू आवमा कृषि क्षेत्रको जिडिपीमा योगदान २७ प्रतिशत बराबर रहेको राष्ट्रिय तथ्याङ्क विभागको बिवरणले देखाएको छ । विभागका अनुसार नौ महिनाको अवधिमा प्रमुख फलफूल मात्रै रु ११ अर्ब ७० करोड ८९ लाख २६ हजार बराबरको आयात ...

काठमाडौं, वैशाख १२ । कृषि ज्ञान केन्द्र झापाले जिल्लालाई तरकारीमा आत्मनिर्भर बनाउन ३० युवालाई प्रोत्साहन गर्ने उद्देश्यले रु एक लाखका दरले अनुदान दिने भएको छ । वैदेशिक रोजगारबाट स्वदेशी फर्किएका र बेरोजगार अवस्थामा रहेका जिल्लाका १८ वर्षदेखि ५० वर्षसम्मकालाई स्वरोजगार बनाउन सो रकम अनुदान दिने भएको हो । प्रदेश नम्बर १ को सरकारले च्याउ, मह र तरकारी खेतीका लागि सो रकम कृषि ज्ञान केन्द्रलाई उपलब्ध गराएको छ । केन्द्रले जिल्लास्तरीय लाभग्राही छनोट समितिमार्फत धमाधम युवाले भरेको फार्मको आधारमा बेरोजगारको पहिचान गरी आइतबार छनोट गरेको छ । छनोटमा परेका युवालाई सो रकम प्रदान गरेर कृषिमा प्रोत्साहन गर्न लागेको ज्ञान केन्द्रका सूचना अधिकारी गणेश शिवाकोटीले जानकारी दिनुभयो । ज्ञान केन्द्रका प्रमुख सागर विष्ट अध्यक्ष रहेको समितिमा आन्तरिक कोष तथा लेखा नियन्त्रक कार्यालयका प्रमुख, जिल्ला भेटनरी अस्पाल...

पूर्णपुष्टि, वैशाख १२ गते । ६ लाख ४१ हजार नगदसहित ७ जना जुवाडेलाई प्रहरीले पक्राउ गरेको छ । आइतवार मोरङको ग्रामथान गाउँपालिका–४ कटहराबाट ७ जनालाई प्रहरीले पक्राउ गरेको हो । पक्राउ पर्नेहरू झापा, सुनसरी र मोरङका छन् । मोरङ प्रहरीका प्रवक्ता डीएसपी दीपक श्रेष्ठका अनुसार झापाको मेचीनगर नगरपालिका–६ का ५७ वर्षीय हरिसचन्द्र गिरी, दमक नगरपालिका–२ का ३६ वर्षीय निलम लिम्बू र सुनसरीको धरान उपमहानगरपालिका–६ का ४४ वर्षीय सन्तोष थापामगर, मोरङ ग्रामथान–५ का ५४ वर्षीय रूपेशकुमार तामाङ, ४७ वर्षीय सुरेशकुमार थारु, २८ वर्षीय रञ्जित साह र ग्रामथान–४ का ४७ वर्षीय सत्यनारायण राजवंशी जुवा खालबाट पक्राउ परेका हुन् । सो स्थानमा एक वर्षदेखि नियमित जुवाको खाल सञ्चालन गरिएको सूचना पाए पनि यसअघि पटक–पटक प्रयास गर्दा प्रहरी असफल भएको थियो । पक्राउ परेका विरुद्ध प्रहरीले जुवा ऐनअन्तर्गतको मुद्दा चलाउने तयारी गरेको ...

काठमाण्डौँ, बैशाख १२ संयुक्त राष्ट्रसङ्घको आह्वानमा शान्ति स्थापनार्थ कङ्गोमा तैनाथ श्री नं २५ फिल्ड गुल्म (इन्जिनियरिङ गुल्म) ले त्यहाँ १२ किलोमिटर लम्बाइको कातोतो–लिता–जिली सडकखण्ड निर्माण गरी सम्बन्धित निकायलाई हस्तान्तरण गरेको छ । गत माघ १३ गतेबाट प्रारम्भ गरेको उक्त सडक निर्माण कार्य वैशाख ७ गते सम्मान गरी कङ्गोस्थित इटुरी प्रदेशका भाइस गभर्नर पोलिस चिफ वेञ्जामिन एलोङ्गा बोनीले शुभारम्भ गर्नुभएको नेपाली सेना, सैनिक जनसम्पर्क तथा सूचना निर्देशनालयले जनाएको छ । उक्त अवसरमा सहभागी अधिकारीहरुले नेपाली शान्ति सेना गुल्मद्वारा मर्मत गरिएको लिता गाउँको फुटबल मैदानको समेत निरीक्षण गरेको थियो । द्वन्द्वग्रस्त मुलुकमा तैनाथ सेनाले आफ्नो अपरेशनको जिम्मेवारीका अलावा स्थानीय समुदाय लक्षित जनहितकारी कार्यले स्थानीय र शान्ति सैनिकबीच विश्वासको वातावरण सिर्जना भई सम्बन्ध प्रगाढ हुने नेपाली स...

काठमाण्डौँ, बैशाख १२ मध्यपुरथिमि नगरपालिका–५ कमेरोटारमा गए राति भीषण आगोलागी भएको छ । स्थानीय राजन प्रजापतिको ग्रिनवेयर स्यानिटरी गोदाममा भएको आगलागीमा मानवीय क्षति नभए पनि करोडौँको सामान जलेर नष्ट भएको छ ।मध्यराति जुद्ध बारुणयन्त्र भक्तपुर, नेपाली सेना, सशस्त्र प्रहरी र नेपाल प्रहरीको टोलीले आज बिहान मात्रै आगो नियन्त्रणमा लिएको हो । महानगरीय प्रहरी वृत्त थिमिका प्रहरी नायब उपरीक्षक हरिनन्दन चौधरीले दमकल र सुरक्षाकर्मीको सहयोगले आगो नियन्त्रणमा लिएको जानकारी दिनुभयो ।गोदामभित्र रहेको अधिकांश केमिकल, मेसिनरी सामानलगायतका सामान जलेर नष्ट भएको जानकारी दिँदै उहाँले प्रारम्भिक अनुसन्धनमा करिब रु छ करोड बराबरको क्षति भएको बताउनुभयो । क्षति भएका सामानको विवरण र क्षतिको यथार्थ विवरण भने दिउँसो मात्रै आउने उहाँले जानकारी दिनुभयो । (रासस)  ...

पूर्णपुष्टि, वैशाख १२ । गठबन्धनकाे तर्फबाट त्रियुगा - ११ वडामा नेकपा (एस) काे नगर सचिवालय सदस्य  कालिदास राई (किसन) काे वडाध्यक्ष पदमा निश्चित भएकाे छ । गठबन्धनकाे तर्फबाट निर्णय टुङ्गाे लगाउदै आज ११ नं. वडा नेकपा एसकाे भागमा परेकाे हाे । नेकपा एसले  युवा समाजसेवी तथा पार्टिका नगर सचिवालय सदस्य राईलाई टिकट दिएकाे हाे । पार्टिप्रति ईमान्दार तथा समाजसेवामा समर्पित युवा उनले आफ्नाे देश-विदेशसम्मकाे कार्य अनुभवलाई वडाबासीकाे हितमा काम गर्ने प्रतिबद्धता गरेका छन् । वडाकाे नेतृत्व गर्न पाएमा गाईघाट बजारकाे सरसफाई, बजार ब्यवस्थापनसंगै सिङ्गाे वडाकाे शिक्षा, स्वास्थ्य, युवा राेजगार, कृषि, पर्यटनमा जाेड दिने उनले बताए । साथै खेलकुद, साहित्य, मनाेरञ्जनकाे क्षेत्रमा विशिष्ट ढंगले काम गर्ने बताए । गाईघाटबजार सिङ्गाे जिल्लाकाे मुटु, कन्द्र रहेकाे र याे सिङ्गाे जिल्लाकै मानिसकाे भावनासंग जाेडिएकाेले...

काठमाडौं, वैशाख १२ गते । गोरखा भूकम्पको सातौँ स्मृति दिवस आज विविध कार्यक्रम आयोजना गरी मनाइँदैछ । विसं २०७२ वैशाख १२ गते मध्याह्न ११ः५६ बजे गोरखाको बारपाक केन्द्रबिन्दु भएर ७।६ म्याग्निच्युडको भूकम्प गएको थियो । भूकम्पले काठमाडौँ, ललितपुर, भक्तपुर, काभ्रेपलाञ्चोक, सिन्धुपाल्चोक, दोलखा, रामेछाप, नुवाकोट, धादिङ, रसुवा, गोरखा, मकवानपुर, सिन्धुली र ओखलढुङ्गा जिल्लामा बढी प्रभाव पारेको थियो । बढी प्रभाव परेका १४ जिल्लालाई सरकारले अति प्रभावित भनी घोषणा गरेको थियो । भूकम्पले करिब नौ हजार मानिसको निधन भएको थियो । अति प्रभावित १४ र कम प्रभावित १८ जिल्लामा गरी आठ लाख बढी निजी आवासमा क्षति पुगेको थियो । भूकम्पले करिब एक हजार ५०० सांस्कृतिक सम्पदामा क्षति भएको थियो । अति प्रभावित र प्रभावित जिल्लाका विद्यालय, स्वास्थ्य संस्था, सुरक्षा निकायका भवन, सडक र खानेपानी आयोजनामा भूकम्पले क्षति पुग...

पूर्णपुष्टि, वैशाख १२ । उदयपुरकाे लिम्चुङबुङ गाउपालिकाकाे अध्यक्ष उम्मेदवारमा मेजर राई (मिजास) काे टिकट निश्चित भएकाे छ । गठबनणधनकाे तर्फबाट राईकाे अध्यक्ष उम्मेद्वार निश्चित भएकाे हाे । गठबन्धनकाे हिजाेकाे जिल्ला बैठकले सबै पालिकाकाे भागबण्डा मिलाएसंगै लिम्चुङबुङ मुख्य पद नेकपा माओवादी केन्द्रकाे परेसंगै पार्टीकाे निर्णयले मेजर अध्यक्षमा निश्चित भएका हुन् । जनताबीच विकासका कारण लाेकप्रिय उनी निबर्तमान अध्यक्ष हुन् । पार्टि पद्धतीमा केही आलाेचित बनेपनि जनता र जन्मभुमिप्रतिकाे प्रतिबद्धता र लाेकप्रियताकाे कारण उनैले टिकट पाएका हुन् । उनकाे टिकटकाे विषयलाई लिएर पालिकादेखि देश विदेशसम्मबाट जनदवाव थियाे । लिम्चुङबुङ र लिम्चसङबसङबासीकाे उज्यालाे भविष्यका लागि आधारस्तम्भ खडा गरि एक कदम अघि बढिसकेका उनलाई एक पटक पालिकाकाे नेतृत्व दाेहाेर्याउन दिनु पर्ने माग र बाैद्धिक टिप्पणीहरु सामाजिक सञ्जालम...

काठमाडौं, वैशाख ११ गते । नेपाली कांग्रेसले विसं २०७४ मा भएको स्थानीय सरकारको निर्वाचनदेखि विसं २०७९ सम्मको स्थानीय तहको निर्वाचनसम्म आइपुग्दाको पाँच वर्षको अवधिको मूल्याङ्कन गरी अघि बढ्नुपर्ने जनाएको छ । कांग्रेसले यही वैशाख ३० हुने स्थानीय तहको निर्वाचनका लागि आज पार्टीको घोषणापत्र सार्वजनिक गरेको छ । ‘नेपाली कांग्रेसको सङ्कल्प’ नाम दिइएको घोषणापत्रमा राजनीति कुन ठाउँमा थियो र कसरी यहाँसम्म आइपुगेको भन्ने सम्बन्धमा कुन पार्टीले कस्तो भूमिका निर्वाह ग¥यो भन्ने वस्तुनिष्ठ विश्लेषण गर्न सकियो भने मात्र मतदानको सही निर्णय गरेर मुलुकलाई समुन्नति र विकासको बाटोमा अगाडि बढाउन सकिने उल्लेख छ । निर्वाचनमा कुनै पनि दललाई छनौट गर्ने धेरै आधार हुन्छन् तर मुख्य आधार उसले अघिल्लो निर्वाचनमा पाएको जिम्मेवारी र आफ्नो संवैधानिक दायित्वलाई कसरी पूरा ग¥यो भन्ने मूल्याङ्कन हुनुपर्छ । विसं २०७४ मा भएक...