Month: ४ वर्ष अगाडि

पूर्णपुष्टि, भदौ २ खोटाङमा १३ जना जसपाका नेता तथा कार्यकर्ता माओवादी केन्द्रमा प्रवेश गरेका छन् । जसपा खोटाङका अध्यक्ष टंकबहादुर थापा सहित १३ जना नेकपा माओवादी केन्द्र प्रवेश गरेको विज्ञाप्तीमा उल्लेख छ। गत ३० साउनमा जसपा परित्यागको घोषणा गरेका उनिहरुल बुधबार नेकपा माओवादी केन्द्र प्रवेश गरेका हुन् । जसपा छाडेका उपाध्यक्ष नविनकिशोर राई, सचिव देवकुमार राई, सचिवालय सदस्य दीपकुमार तामाङ, प्रवचन राई, मनोज राई, जुलन राई लगायत माओवादी केन्द्र प्रवेश गरेका हुन् । माओवादी केन्द्र प्रवेश गर्नेमा सविन राई, किरण राई, सन्तोष तामाङ, भुवन राई, कर्ण तामाङ र मेखबहादुर तामाङ छन् । थापा लगायतका नेताको जिम्मेवारीका विषयमा भने छलफल भइरहेको छ । शसस्त्र विद्रोह, शान्तिपूर्ण आन्दोलनको नेतृत्व गर्दै वर्तमान राजनीतिक उपलव्धि, समानुपातिक समावेसी राज्यको नीति स्थापना गर्ने बैचारिक तथा सैद्धान्तिक हिसाव...

पूर्णपुष्टि, भदौ १ गते । सिंहदरबारभित्र आजबाट ग्यास सिलिण्डर लैजान रोक लगाइएको छ । खाना पकाउन बिजुलीको प्रयोगलाई प्रोत्साहन गर्ने सरकारी नीति अनुसार आजबाट सिंहदरबारभित्र ग्यास सिलिण्डर लैजान रोक लगाइएको हो । आर्थिक वर्ष २०७९÷८० को बजेटमार्फत् सरकारले बिजुली प्रयोगलाई प्रोत्साहन गर्ने र त्यसको सुरुवात सिंहदरबारभित्रबाट गर्ने जनाएको थियो । सिंहदरबारमा मन्त्रालय तथा निकायहरुका क्यान्टिनमा ग्यास सिलिण्डरको प्रयोग हुँदै आएको छ । अब त्यहाँ विद्युतीय चुलो प्रयोग हुनेछ । यसअघि उद्योग, वाणिज्य तथा आपूर्ति मन्त्रालयले सिंहदरबारभित्रका सबै मन्त्रालय तथा निकायलाई पत्राचार गर्दै आर्थिक वर्ष २०७९÷८० को बजेटको बुँदा नं. २५३ प्रभावकारी कार्यान्वयन गर्न र साउन महिनाभित्रै ग्यास सिलिन्डर विस्थापित गरीसक्न निर्देशन दिएको थियो ।...

पूर्णपुष्टि, भदौ १ गते । उदयपुरको बेलका नगरपालिकाले सप्तकोसी नदीले कटान गरेको स्थानमा तटबन्ध सुरु गरेको छ । कटान भएको झण्डै १ किलोमिटर क्षेत्रमा तटबन्धन सुरु गरिएको हो । नगरपालिकाका प्रमुख अशोक कार्कीका अनुसार केही दिनअघि मात्र बाढीले नगरको वडा नं २ ,३ र ८ का डुम्रीबोटसहितका क्षेत्रमा नदी कटानले गाउँघर असुरक्षित भएकाले नगरपालिकाले तटबन्धन निर्माण सुरु गरेको हो । सो निर्माणका लागि प्राविधिकहरुको सल्लाहअनुसार ढुङ्गा सङ्कलन र तारजाली जस्ता सामग्री जुटाउने र उपलब्ध गराउने काम भइरहेको नगरपालिकाले बताएको छ । विगतमा बोरामा बालुवा बाँधेर निर्माण गरेको तटबन्ध नदीले भत्काएकाले अब ढुङ्गाको पर्खाल र तारजाली लगाउन सुरु गरिएको नगरपालिकाकी उपप्रमुख जिरा राईले बताए । तत्काल फेरि पनि विपत्ति आउन सक्ने हुनाले नगरपालिकाको अन्य विकासको बजेट कटौती गरेर झन्डै तीन करोडभन्दा बढी रकम नगरको वडा नं १ ३ र ८ को नद...

पूर्णपुष्टि, भदौ १ गते । सरकारले आजबाट ४० माइक्रोनभन्दा पातलो प्लास्टिकको झोला उन्पादन, आयात, बिक्रिवितरण र प्रयोगमा प्रतिबन्ध लगाएको छ । वन तथा वातावरण मन्त्रालय र वन विभागले ४० माइक्रोनभन्दा पातलो प्लास्टिक प्रतिबन्ध गर्ने नियमलाई आजबाट कडाइका साथ लागु गर्ने भएको हो । यसअघि २०७२ सालको वैशाख १ गतेदेखि लागु हुनेगरी उक्त नियम बनाएको थियो । तर, त्यही महिना जनधनको ठूलो क्षति पुर्याउने गरी गएको भूकम्पको कारण कार्यान्वयन हुन सकेको थिएन । मन्त्रालयले पहिलो चरणमा झोला उत्पादन गर्ने कम्पनी अनुगमन गर्ने छ । त्यसपछि धेरै प्रयोग हुने क्षेत्रहरूमा सघन अनुगमन गर्ने र अनुगमनको क्रममा ४० माइक्रोनभन्दा पातलो प्लास्टिकको झोला बिक्री र प्रयोग गरेको भेटिए प्रहरी परिचालन गरी तत्काल कारबाही गर्ने जनाइएको छ । गत वर्ष साउन २८ मा सर्वोच्च अदालतले ४० माइक्रोनभन्दा कमका प्लास्टिक प्रतिबन्ध लगाउन अन्तरिम आदेश दिए...

पूर्णपुष्टि, भदौ १ गते । ओखलढुंगा मानेभन्ज्याङ गाउँपालिका–७ हर्कपुरमा राजस्व छली गरी ल्याउँदै गरेको कपडासहित दुई जनालाई प्रहरीले पक्राउ गरेको छ । काभ्रे पनौती नगरपालिका–२ बस्ने २७ वर्षीय अनुप दाहाल समेत दुई जना छन् । उनीहरुलाई करिब १५ लाख रुपैयाँ बराबरको विभिन्न किसिमका कपडाहरु राजस्व छली गरी ल्याउँदै गर्दा पक्राउ गरिएको प्रहरीले जनाएको छ । काठमाडौंबाट सोलुखुम्बुतर्फ जाँदै गरेको प्रदेश ३–०१–०२४ च ४५९६ नम्बरको टाटा सुमोलाई प्रहरी चौकी हर्कपुरबाट खटिएको प्रहरीले जाँच गर्दा ती कपडा भेटिएका थिए । बिल नभएको अवैध रुपमा राजश्व छली ल्याउँदै गरेको अवस्थामा उक्त सामानहरु फेला पारी सुमो चालक दाहाल सहित २ जनालाई प्रहरीले पक्राउ गरेको हो । उनीहरुलाई आवश्यक कारबाहीको लागि राजश्व अनुसन्धान कार्यालय इटहरी सुनसरी पठाइएको छ ।...

पूर्णपुष्टि, भदौ १ गते । अखिलक्रान्तिकारीले विद्यार्थीसँग अखिल (क्रान्तिकारी) भन्ने नाराका साथ ३ महिने अभियान संचालनगर्ने भएको छ । माओवादी केन्द्रको भातृ संगठन रहेको अखिलक्रान्तिकारी प्रदेश १ समितिको धरानमा बसेको बैठकले उक्तअभियान संचालन गर्नका लागि विभिन्न चार वटा कमाण्ड छुट्याएको छ । जस अनुसार उदयपुर, खोटाङ, ओखलढुंगा र सोलुखुम्बुको एउटा, सुनसरी, झापा र मोरङको दोस्रो, धनकुटा, भोजपुर, संखुवासभा र तेह्रथुमको तेस्रो तथा इलाम, पाँचथर र ताप्लेजुङको चौथो कमाण्ड निर्माण गरेको हो । उक्त कमाण्डमा प्रदेशका उपाध्यक्षहरु क्रमशःशंकर तिम्सिना, मनिषा आचार्य, योगेश भट्टराई र खेम रणपहेलीले इन्चार्जको भूमिका निर्वाह गर्ने अखिलक्रान्तिकारीले जनाएको छ । अभियानको क्रममा विद्यार्थीमाश्रम संस्कृति विकास गर्न विद्यालय, क्याम्पसका कक्षा, खेलमैदान, बगैंचा, धारा, शौचालय सरसफाइगर्ने, सीप, श्रम, उत्पादन र आम्दानी...

पूर्णपुष्टि, भदौ १ गते । स्कुल बसले किचेर बारामा एक जना विद्यार्थीको अकालमै मृत्यु भएको छ । जिल्लाको निजगढ नगरपालिका–६ पानीट्यांकीमा आज बसले किचेर स्थानीय राकेश राय यादवका २ वर्षीय छोरा आयुषको मृत्यु भएको हो । उनको घटनास्थलमानै मृत्यु भएको प्रहरीले जनाएको छ । आज बिहान सवा ९ बजे विद्यासागर इङलिस बोर्डिङ स्कुलको प्रदेश २–०३–००१ क १०३७ नम्बरको बसले चढ्दै गरेका रायलाई पछाडीको चक्काले किचेको थियो । बससहित चालकलाई नियन्त्रणमा लिई आवश्यक अनुसन्धान भैरहेको इलाका प्रहरी कार्यालय निजगढले जानकारी दिएको छ ।...

पूर्णपुष्टि, भदौ १ नेपाल प्रहरीले हत्यामा संलग्न रही फरार रहेका एक जना व्यक्तिलाई १६ बर्षपछि पक्राउ गरेको छ । दोलखा बैतेश्वर गाउँपालिका–२, टारका ३६ वर्षीय रामकुमार मगरलाई प्रहरीले पक्राउ गरेको नेपाल प्रहरीका केन्द्रीय प्रवक्ता तथा डिआईजी टेक प्रसाद राईले जानकारी दिनुभयो । मगरलाई प्रहरीले कतारबाट पक्राउ गरेको हो । उनी हत्यामा संलग्न रही लुकुछिपि कतारमा बसिरहेको अवस्थामा कतार प्रहरीले नेपाल प्रहरीलाई खबर गरेका थिए । मगर वैदेशिक रोजगारीका क्रममा कतारमा गएर लुकेर बसेको खुलेपछि इन्टरपोलमा रेड नोटिस जारी गरिएका थियो । त्यसको आधारमा उनलाई कतारले डिपोर्ट गरेको थियो । मगरले २ साउन २०६३ मा कोटेश्वरमा कुटपिट र धारिलो हतियार प्रहार गरी हत्या पश्चात फरार रहेको र अन्तर्राष्ट्रिय अपराध प्रहरी संगठन (इन्टरपोल) सँग सहकार्य गरेर प्रहरीले उनलाई पक्राउ गरेको हो ।...

पूर्णपुष्टि, साउन ३१ धरान उपमाहानगरपालिकाका मेयर हर्क साम्पाङ राई हाल काठमाण्डौँमा पुगेका छन् । मेयर साम्पाङ राई धरानका बिभिन्न बिकासका लागि सरकार सँग आवश्यक बजेटको माग गर्न काठमाण्डौँ पुगेका हन् । उनि काठमाण्डौँ गएदेखि सरकारमा रहेका बिभागीय मन्त्रीहरु सँग भेटवार्तामा व्यस्त छन् । राईले बिषेशगरी धरानमा अत्यावश्यक रहेको खानेपानीको बारेमा बजेट छुटाउन आह्वान गर्दै अर्थमन्त्री जनार्दन शर्मासँग मंगलबार भेट गरेको छ । उनले धरानमा खानेपानी ३० बर्षदेखीको समस्या रहेको जानकारी गराउँदै यसका लागि मन्त्रालयले आवश्यक बजेट छुटाउनु पर्ने माग मन्त्री शर्मा सँग राखेका हुन् । खानेपानी लगायत मानिसको जिवनमा आवश्यक कुराहरु शिक्षा र स्वास्थ्यको क्षेत्रमा पनि सरकार सँग बजेटको माग गरेको छ । उनले धरानलाई पूर्वको शैक्षिक हव र स्वास्थय क्षेत्रको ठुलो आसाको केन्द्र रहेको धरानका बिपि कोईराला हस्पिटल सुधारका लागि...

पूर्णपुष्टि, साउन ३१ उदयपुरमा लागुऔषध सहित दुई युवक पक्राउ परेका छन् । पक्राउ पर्नेमा जिल्लाको त्रियुगा नगरपालिका–११ पिजीचोक बस्ने २१ बर्षीय लक्ष्णम मलाहा र सोहि स्थानका २० बर्षीय निशान राई रहेका छन् ।सोमबार रातीको ८:३० बजेको समयमा मलाहाको घरमा लागुऔषध बिक्री बितरण भईरहेको छ भन्ने सुचनाको आधारमा जिल्ला प्रहरी कार्यालय र नगर प्रहरी कार्यालय त्रियुगाबाट खटिएको बिषेश प्रहरीको टोलीले दुबै जनालाई पक्राउ गरेको थियो । पक्राउ परेका उनिहरुको साथबाट फेनारगण ४९ एम्पुल,डाजोपाम ४८ एम्पुल र बुप्रिनोर्फिन २८ एम्पुल गरी जम्मा १२५एम्पुल र ८ थान सिरिन्ज बरामद भएको जिल्ला प्रहरी कार्यालय उदयपुरको प्रहरी निरिक्षक (डिएसपी) मोहन थापाले बताए । पक्राउ परेका दुबै जनाको जिल्ला अदालतबाट लागुऔषध मुद्दामा म्याद लिई थप अनुसन्धान भईरहेको थापाले बताए।...