Month: ३ वर्ष अगाडि

पूर्णपुष्टि, १६ जेष्ठ । सरकारले आगामी आर्थिक बर्षको लागि उदयपुरलाई ३ अर्ब ९० करोड ७३ लाख बजेट बिनियोजन गरेको छ । जिल्लाको ४ गाउँपालिका र ४ नगरपालिका गरी झण्डै ४ अर्वको हाराहारीमा बजेट पठाएको हो । सबैभन्दा बढी त्रियुगा नगरपालिकामा १ अर्व २ करोड ५ लाख बजेट विनियोजन भएको छ भने लिम्चुङबुङमा सबैभन्दा कम २२ करोड ५४ लाख बजेट बिनियोजन भएको छ । यता नगरपालिका मध्य सभै भन्दा कम बेलका नगरपालिकामा ४८ करोड २९ लाख बजेट विनियोजन भएको छ । त्रियुगामा बजेट बढेर आएको छ भने बेलकामा बजेट घटेर आएको छ । जिल्लामा उक्त बजेट चालु तर्फ ३ अर्व २८ करोड १९ लाख र पुँजीगत प्रकृति तर्फ ६२ करोड ५४ लाख गरी ३ अर्व ९० करोड ७३ लाख बजेट विनियोजन भएको हो । नगरपालिका तर्फ २ अर्ब ५७ करोड ७३ लाख र गाउँपालिका तर्फ १ अर्ब ३३ करोड विनियोजन भएको छ । चालु आर्थिक वर्षको तुलनामा आगामी आवमा गाउँपालिका तर्फको बजेट घटेर आएको छ । गाउँप...

पूर्णपुष्टि, १६ जेष्ठ । त्रियुगा नगरपालिका वडा नं १५ रानिवासमा एक दिने निशुल्क स्वास्थ्य सिविर आयोजना गरिने जनाईएको छ । यहि शनिवारका दिन त्रियुगा नगर स्वास्थ्य शाखाको आयोजना तथा वडा नं १५ स्वास्थ्य चौकीको प्राविधिक सहयोगमा शिविर संञ्चालन हुने जनाईएको छ । सिविरमा भिडियो एक्सरे ,ईको, ईसिजि, सुगर ,प्रेसर र महिला हरुमा देखापर्ने सबै प्रकार रोगहरुको निशुल्क चेकजाँच गरिने वडाअध्यक्ष गणेश तिमिल्सीनाले जनाए । अध्यक्ष तिमिल्सीनाका अनुसार वडावासीहरुलाई स्वास्थ्यमा पहुँच पुराउने भन्दै त्रियुगा नगरशाखाले उक्त सिविर १५ नं वडामा गर्न लागेको जनाए । उनले यस सिविरमा सम्पूर्ण वडावासीहरुले उपस्थिति जनाई आफ्नो रोगबारे सचेत हुन सबैमा अनुरोध गरे । उनले यस सिविरलाई स्वास्थ्य क्षेत्रको पहुँचमा महत्वपूर्ण अवसरको रुपमा लिन वडावासीहरुलाई आग्रह समेत गरेका छन् ।...

पूर्णपुष्टि, १६ जेष्ठ । त्रियुगा नगरपालिका वडा नं १५ ले १० घर दलित परिवारलाई बाख्रा वितरण गरेको छ । आर्थिक बर्ष २०७९÷०८० को वडागत बजेट बाट वडामा रहेको दलित घर परिवारलाई बाख्रा वितरण गरिएको वडा अध्यक्ष गणेश तिमिल्सीनाले बताए । अध्यक्षका अनुसार त्रियुगा नगरपालिका १५ दलित नेटवर्कको समन्वयमा वडाले बाख्रा वितरण गरेको हो । नेटवर्कले नै छनोट गरी ल्याएका दलित परिवारलाई बाख्रा वितरण गरिएका अध्यक्ष तिमिल्सीनाले जनाए । वडामा दलित परिवारलाई आर्थिक स्तरउन्नती र आत्मानिर्भर उन्मुख गर्ने भन्दै बाख्रा वितरणको कार्यक्रम वडाले राखेका थिए । माओबच्चा गरी १५ ओटा बाख्रा वितरण गरिएको छ ।...

पूर्णपुष्टि,जेष्ठ १७ । उदयपुरका संजीव गिरीले बजाज मोटरसाईकल खरिद गर्दा १ किलो चाँदी उपहार प्राप्त गरेका छन् । गिरीले बजाज कम्पनीको १५० सिसिको पल्सर मोटरसाईकल खरिद गरेका थिए । नयाँ वर्षको अफर अन्तर्गत गिरीले १ किलो चाँदी हात पारे । उनले लक्की ड्रमार्फत चाँदी जितेका हुन्। गाईघाट स्थित बजाज कम्पनीको विक्रेता कालिका अटो लिंकबाट गत बैशाखमा गिरीले मोटरसाईकल खरिद गरेका थिए । भाग्यशाली गरीलाई बुधबार कालिका अटो लिंक प्रा.लि.का सञ्चालक सुनिल ठाकुरले उपहार स्वरुप १ किलो चाँदी हस्तान्तरण गरेका हुन् । गिरी आफुलाई उपहार परेको खबर सुन्दा सुरुमा पत्यार नलागेको तर पछि शो रुपममै आए पछि भने सुनेको खबर बास्तविकता हुदाँ खुसी भएको बताए ।...

पूर्णपुष्टि, जेष्ठ १७ । विश्व बैंकले नेपाललाई करिब १६ अर्ब रुपैयाँ (१२० मिलियन अमेरिकी डलर) सहूलियतपूर्ण ऋण दिने भएको छ भने पौने ३ अर्ब (१९.७ मिलियन अमेरिकी डलर) बराबरको अनुदान समेत उपलब्ध गराउने भएको छ । नेपाललाई १६ अर्ब सहुलियतपूर्ण ऋण अन्तर्राष्ट्रिय विकास संघबाट प्राप्त हुने छ भने विद्यालय क्षेत्र रुपान्तरण कार्यक्रम अन्तर्गत शिक्षा क्षेत्रको लागी दिन लागेको ३ अर्ब अनुदान ग्लोबल पार्टनरसीपबाट पाउने छ । शिक्षा क्षेत्रमा खर्च हुने उक्त सहायता सम्बन्धी सम्झौतामा बुधबार अर्थसचिव अर्जुनप्रसाद पोखरेल र विश्व बैंकका देशीय निर्देशक फारिस हदाद–जेर्भोसले हस्ताक्षर गरेका छन् ।...

पूर्णपुष्टि,जेष्ठ १७ । प्रधानमन्त्री पुष्पकमल दाहाल ‘प्रचण्ड’ ४ दिनको भारत भ्रमणको भारतको नयाँ दिल्लीमा पुगेका छन् । उनलाई नयाँदिल्लीको इन्दिरा गान्धी अन्तर्राष्ट्रिय विमानस्थलमा प्रधानमन्त्री प्रचण्डलाई संघीय विदेश मामिला तथा संस्कृति राज्यमन्त्री मीनाक्षी लेखीले स्वागत गरेकी छन्। नेपाल–भारत सम्बन्ध उतारचढावपूर्ण रहेको अवस्थामा प्रधानमन्त्री दाहाल भारतको भ्रमणमा निश्किएको हो । प्रचण्ड गत पुसमा तेस्रो पटक प्रधानमन्त्री भएपछि पहिलो पटक भारत भ्रमणमा गएका हुन्। दिल्लीमा रहँदा प्रधानमन्त्री प्रचण्डले बिहीबार भारतीय समकक्षी नरेन्द्र मोदीसँग हैदरावाद हाउसमा द्विपक्षीय वार्ता गर्ने छन्। द्विपक्षीय वार्तापछि दुई देशबीच केही समझदारी र सम्झौतामा हस्ताक्षर हुनेछ। दुबै प्रधानमन्त्रीले पत्रकार सम्मेलनमा सम्बोधन गर्ने कार्यक्रम पनि छ । उनी जेठ २० गते स्वदेश फर्कने छन्।...

पूर्णपुष्टि, जेष्ठ १७ । नेकपा एकिकृत समाजवादीका सम्मानित नेता तथा पूर्व प्रधानमन्त्री झलनाथ खनाल सहभागी कार्यक्रममा नारवाजी गर्ने ९ युवकलाई प्रहरीले पक्राउ गरेको छ । मंगलबार अनामनगरस्थित सामाजिक विकास समाजको हलमा आयोजित कार्यक्रममा एकजना युवाले मञ्च कब्जा गरेर राजाको पक्षमा भाषण गरेका थिए । भाषणका क्रममा उनले देशको भुभाग दलाल नेताहरुले बेचेको आरोप लगाए र राजा ल्याए राजाले ती भुभाग फिर्ता ल्याउने बताएका थिए । त्यसपछि उनीहरुले सामूहिक रुपमा नाराबाजी गरेका हुन् । कार्यक्रमको भिडियो सामाजिक सञ्जालमा सार्वजनिक भएको छ । उक्त सार्वजनिक भएको भिडियोमा आक्रोशित युवाहरुले ‘सर्प चोर देश छोड’ भन्दै नाराबाजी गरेको देखिन्छ । झलनाथ खनाल सहित नेकपा क्रान्तिकारी (माओवादी) सिपी गजुरेल र पूर्व गभर्नर डा.दिपेन्द्र क्षेत्री सहभागी कार्यक्रममा हुलदंगा र नाराबाजी गर्ने सन्तोष राजाबादीसहित ९ जनालाई पक्राउ...

पूर्णपुष्टि, १७ जेष्ठ । जनता समाजवादी पार्टी (जसपा) ले कोशी प्रदेशकी स्वास्थ्यमन्त्री निर्मला लिम्बुलाई फिर्ता बोलाएको छ । सरकारलाई दिएको समर्थन फिर्ता लिंदै मन्त्रीलाई फिर्ता बोलाइएको जसपा नेता रकम चेमजोङले जानकारी दिए । ‘यो सरकारले निकास दिएन, समस्यामात्र बल्झाउने काम गर्यो । नामकरणमा पनि समस्या ल्यायो,’ उनले भने, ‘त्यसैले यो सरकारमा बसिरहन आवश्यक छैन भन्ने निष्कर्ष निकालिएको हो ।’  ...

पूर्णपुष्टि, जेष्ठ १७ । राष्ट्रपति रामचन्द्र पौडेलले नागरिकता विधेयक प्रमाणीकरण गरेका छन् । राष्ट्रपति कार्यालयका अनुसार बुधबार बिहान राष्ट्रपती पौडेलले नागरिकता विधेयक प्रमाणीकरण गरेको हो । अघिल्लो संसदले दुई पटकसम्म पारित गरेको नागरिकता विधेयक तत्कालीन राष्ट्रपति विद्यादेवी भण्डारीले प्रमाणीकरण नगरेपछि राष्ट्रपति कार्यालयमै रोकिएको थियो । सरकारले १२ जेठमा नागरिकता विधेयक प्रमाणीकरण गर्न राष्ट्रपति पौडेललाई अनुरोध गरेको थियो । राष्ट्रपति पौडेलले तत्कालीन राष्ट्रपति विद्यादेवी भण्डारीले संविधान विपरीत ‘होल्ड’ गरेको नागरिकता विधेयक प्रमाणीकरण गरेका हुन् ।...