समाचार

पूर्णपुष्टि, साउन २७ ।  म्यानचेष्टर सिटीले पेनाल्टी सुटआउटमा म्यानचेष्टर युनाइटेडलाई पराजित गर्दै कम्युनिटी शिल्डको उपाधि जितेको छ। लण्डनको वेम्बली मैदानमा भएको रोमाञ्चक खेलमा सिटीले युनाइटेडलाई ७-६ को नतिजामा हरायो। निर्धारित ९० मिनेटको खेल १-१ को बराबरीमा सकिएपछि खेल सिधै पेनाल्टी सुटआउटमा पुगेको थियो। युनाइटेडका अलेजान्द्रो गार्नाचोले ८२औं मिनेटमा गोल गर्दै टोलीलाई अग्रता दिलाएका थिए। तर खेल सकिन एक मिनेट अगाडि सिटीका बर्नार्डो शिल्भाले बराबरी गोल गरे। पेनाल्टी सुटआउटमा दुवै टोलीले सुरुवाती ५-५ पेनाल्टीमा समान ४ गोल गरेका थिए। युनाइटेडका ब्रुनो फर्नान्डेज, डिएगो डालोट, गार्नाचो र कासेमिरोले गोल गरे भने सिटीका केभिन डे ब्रुएना, एर्लिङ हालान्ड, साभियो र गोलकिपर एडरले गोल गरे। थप पेनाल्टी प्रहारमा सिटीका माथेउज नुनेज, रुबेन डियाज र मानुएल अकान्जीले गोल गरे। युनाइटेडका स्कट म्याकटोमिने र...

पूर्णपुष्टि, साउन २७ ।  गाजा क्षेत्रमा इजरायली सेनाको निरन्तर आक्रमणले थप मानवीय क्षति भएको छ। युद्धका कारण विस्थापित भएकाहरूले आश्रय लिइरहेको एक विद्यालयमा भएको आक्रमणमा कम्तिमा ९३ जनाको मृत्यु भएको संयुक्त राष्ट्रसंघको मानवअधिकार कार्यालयले जनाएको छ। संयुक्त राष्ट्रसंघका अनुसार शनिबार बिहान साढे चार बजे अल तबिन स्कुल भित्रको मस्जिदमा तीनपटकसम्म आक्रमण भएको थियो। यस आक्रमणमा महिला र बालबालिकासहित धेरै निर्दोष सर्वसाधारणको ज्यान गएको छ। गाजाको स्वास्थ्य मन्त्रालयले दिएको जानकारी अनुसार हालसम्म यस युद्धमा ३९ हजार ६९९ प्यालेस्टिनीको मृत्यु भएको छ भने ९१ हजार ७२२ जना घाइते भएका छन्। गाजाका २३ लाख जनसंख्यामध्ये ९० प्रतिशत विस्थापित भएका छन्। संयुक्त राष्ट्रसंघको मानवअधिकार कार्यालयले शरणार्थी शिविरहरुमा आक्रमण बढेको भन्दै निन्दा गरेको छ। इजरायलले एक हप्तायता स्कुलहरुमा रहेका शरणार्थी शिविरह...

पूर्णपुष्टि, साउन २७ । गायक प्रकाश तिमिल्सिनाको शनिबार राति अकस्मात निधन भएको छ। ललितपुर महानगरपालिका-१८ स्थित आदिनाथ मार्गमा रहेको आफ्नै कोठामा उनी मृत अवस्थामा फेला परेका हुन्। ललितपुर प्रहरी प्रवक्ता नरेशराज सुवेदीका अनुसार तिमिल्सिनालाई राति करिब ९ बजे बेडमा मृत अवस्थामा फेला पारिएको थियो। उनको शव पोस्टमार्टमका लागि पाटन अस्पतालमा राखिएको छ। 'नेपाली तारा' गायन प्रतियोगिताबाट चर्चामा आएका तिमिल्सिनाका धेरै गीतहरू लोकप्रिय थिए। 'प्रिय तिम्रो सिउँदोमा सिन्दूर भर्न देऊ', 'तिम्रो हातको सिन्दूर', 'जुन भन्दिन', 'नमान लाज यसरी', र 'नआए नि हुन्थ्यो' जस्ता उनका गीतहरूले श्रोताहरूको मन जितेका थिए। पारिवारिक स्रोतका अनुसार तिमिल्सिनाको अन्त्येष्टि आजै पशुपतिमा गरिनेछ। त्यस अघि उनको पार्थिव शरीरलाई श्रद्धाञ्जलीका लागि संगीत तथा नाट्य प्रज्ञाप्रतिष्ठानमा राखिने जनाइएको छ।...

पूर्णपुष्टि, साउन २६ । उदयपुरको सदरमुकाम गाईघाटमा शनिबार एक दिने स्वास्थ्य परीक्षण शिविर सम्पन्न भएको छ। 'स्वास्थ्यका लागि साइकल' नाराका साथ उदयपुर जिल्ला साइकलिङ संघको आयोजना र वशिष्ठ पोलीक्लिनिकको समन्वय तथा प्राविधिक सहयोगमा शिविर संञ्चालन गरिएको हो । शिविरमा ४० जना साइकल राइडर र १० जना प्राविधिक गरी कुल ५० जनाको सहभागिता रहेको थियो। उदयपुर जिल्ला साइकलिङ संघका अध्यक्ष माधव बानियाको अध्यक्षतामा आयोजित यस कार्यक्रममा जिल्ला अस्पताल उदयपुरका डाक्टर रन्दिप राउतले स्वास्थ्य परीक्षण सेवा प्रदान गरेका थिए। १३ वर्षदेखि ६५ वर्षसम्मका साइकल राइडरहरूले यस अवसरमा स्वास्थ्य परीक्षण गराउने मौका पाएका थिए। आयोजकहरूका अनुसार यस अभियानले साइकल चलाउने बानीलाई प्रोत्साहन गर्दै स्वस्थ जीवनशैली अपनाउन प्रेरित गरेको छ। साथै, नियमित स्वास्थ्य परीक्षणको महत्त्वबारे जनचेतना फैलाउन पनि यो कार्यक्रम सफल रहेको ...

पूर्णपुष्टि, २६ साउन । उदयपुरमा पहिलो पटक हुन लागेको उदयपुर आईडलको अडिसन यहि साउन ३० देखी हुँदैछ । आयोजक उदयपुर कलकार समाजका अनुसार साउन ३० देखी भदौ ७ सम्म उदयपुरका बिभिन्न स्थानहरुमा अडिसन हुने भएको हो । अडिसन जिल्लाको सदरमुकाम गाईघाट, कटारी, रामपुर, बेल्टार र नेपालटार गरी ५ शहरमा हुने आयोजकको भनाई छ । आयोजकका अनुसार ३० गते रामपुरको नेपाल आदिवासी जनजाति महासंघको भवनबाट अडिसन सुरु हुने छ । त्यस पश्चात क्रमश : भाद्र १ गते बेल्टारको उदयपुर डान्स स्टुडियो, भाद्र ३ गते नेपालटारको सामुदायिक भवन, भाद्र ४ गते कटारीको होटल म्याजेस्टी, र भाद्र ७ गते गाईघाटको होटल टाउन हलमा अडिसन सम्पन्न हुने छ । स्थानीय कलकारहरुलाई आईडलको रुपमा ब्राण्ड गर्दै उदयपुरे आवाजलाई व्यवसायी रुपमा अघि बढाउने उदेश्य सहित पहिलो पटक उदयपुर आईडलको आयोजना गरिएको आयोजकको भनाई छ ।...

पूर्णपुष्टि, २६ साउन । नेपाल आदिवासी जनजाति पत्रकार महासंघ (फोनिज) को २५ औं स्थापना दिवस ९रजत वर्ष० उदयपुरको उदयपुरगढी गाउँपालिकामा मनाईने भएको छ । भोलि ९आईतबार० १ नं। प्रदेश समितिद्वारा आयोजित रजत वर्ष कार्यक्रमलाई प्रदेशसभा सदस्य नारायण बुर्जा मगरले उद्घाटनगरी रजत वर्ष मनाउन लागिएको हो । रजत वर्षको अवसरमा शुभकामना आदनप्रदानसँगै उदयपुरगढीको पर्यटन प्रवद्र्धनमा टेवा पुग्नेगरी प्रचारप्रसार हुने आयोजकले जनाएको छ । कार्यक्रममा महिला पुरुषगरी दुई जना पत्रकारलाई पहिचनन पत्रकारिता पुरस्कारबाट पुरस्कृृत गरिने फोनिजका प्रदेश अध्यक्ष सन्तवीर लामाले बताए । कार्यक्रम गाउँपालिकाको सहयोग, फोनिज उदयपुर शाखाको समन्वयमा हुने कार्यक्रम सो क्षेत्रमा भने पहिलो पटक आयोजना गरिएको कार्यक्रम संयोजक तथा प्रदेश उपाध्यक्ष राजेन्द्र दुष्टले जानकारी दिए ।  ...

पूर्णपुष्टि, साउन २६ ।   हालसम्म पाँच जिल्लामा हैजा फैलिएको छ। इपिडिमियोलोजी तथा रोग नियन्त्रण महाशाखा (ईडीसीडी) का अनुसार ललितपुर, काठमाडौँ, कैलाली, प्युठान र रुपन्देहीमा गरी कुल ४७ जनामा हैजा संक्रमण पुष्टि भएको छ। संक्रमितहरूको विवरण हेर्दा ललितपुरमा सबैभन्दा बढी ३४ जना, कैलालीमा ८ जना, काठमाडौँ र प्युठानमा २-२ जना तथा रुपन्देहीमा १ जना रहेका छन्। चिकित्सकहरूले बर्खायाममा खानेपानीसँग दूषित पानी मिसिने सम्भावना बढी हुने भएकाले विशेष सावधानी अपनाउन आग्रह गरेका छन्। दूषित पानीका कारण हैजासहित अन्य पानीजन्य रोगहरू फैलिन सक्ने जोखिम रहेको उनीहरूको भनाइ छ। यस परिस्थितिमा खानेपानीको शुद्धता सुनिश्चित गर्न र व्यक्तिगत सरसफाइमा विशेष ध्यान दिन स्वास्थ्य अधिकारीहरूले जोड दिएका छन्।...

 पूर्णपुष्टि, साउन २६ । जल तथा मौसम पूर्वानुमान महाशाखाले आज देशभर वर्षाको सम्भावना रहेको जानकारी दिएको छ। मनसुनी वायुको प्रभावका कारण हाल नेपालभर आंशिकदेखि साधारणतया बदली मौसम रहेको छ। मनसुनको न्यूनचापीय रेखा अझै पनि सरदर स्थान आसपास रहेकोले यसको प्रभाव देशभर देखिने अनुमान गरिएको छ। दिउँसोको समयमा देशका विभिन्न भागहरूमा फरक-फरक मौसमी अवस्था रहने पूर्वानुमान गरिएको छ। कोशी, वाग्मती, लुम्बिनी, कर्णाली र सुदूरपश्चिम प्रदेशका केही स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ। मधेश र गण्डकी प्रदेशका केही स्थानहरूमा पनि वर्षा हुन सक्ने देखिन्छ। विशेषगरी लुम्बिनी, कर्णाली र सुदूरपश्चिम प्रदेशका थोरै स्थानहरुमा तथा कोशी, वाग्मती र गण्डकी प्रदेशका एक-दुई स्थानमा भारी वर्षाको सम्भावना रहेको महाशाखाले जनाएको छ। रातिको समयमा मौसमी गतिविधि अझै बढ्ने अनुमान छ। देशभर आंशिक...

पेरिस ओलम्पिक २०२४ को पुरुष फुटबल प्रतियोगितामा स्पेनले स्वर्ण पदक जितेको छ। शुक्रबार राति भएको फाइनलमा स्पेनले आयोजक फ्रान्सलाई अतिरिक्त समयमा ५-३ गोल अन्तरले पराजित गर्यो। यो स्पेनको सन् १९९२ पछिको पहिलो ओलम्पिक स्वर्ण हो। अतिरिक्त समयमा स्पेनका सर्जियो कमेलोले गरेका दुई गोल निर्णायक सावित भए। यो जितसँगै स्पेनले आफ्नो अन्तर्राष्ट्रिय फुटबल वर्चस्व कायम राखेको छ। स्पेनले यसअघि युरो २०२४ को उपाधि जितेको थियो भने मेन्स यू-१९ र महिला विश्वकपमा पनि विजयी भएको थियो। अन्य खेलहरूमा, महिला बक्सिङको वेल्टरवेट वर्गमा अल्जेरियाकी इमाने खलिफले स्वर्ण जितिन्। उनले चीनकी याङ लिउलाई पराजित गरिन्। खलिफ यसअघि लैंगिक योग्यताका कारण विवादमा तानिएकी थिइन्। प्रतियोगिताको १३ औं दिनको अन्त्यमा, अमेरिका र चीन दुवैले ३३-३३ स्वर्ण पदक जितेका छन्। अमेरिका ३९ रजत र ३९ कांस्य सहित कुल पदक तालिकामा शीर्ष स्थानमा छ। ...

पूर्णपुष्टि, साउन २६ । ब्राजिलको साओ पाउलो नजिक एक विमान दुर्घटना हुँदा ६१ जनाको मृत्यु भएको छ। भोपास एयरलाइन्सको एटीआर ७२-५०० विमान दक्षिणी राज्य परानाको कास्केभेलबाट साओ पाउलो सहरको ग्वारुल्होस विमानस्थलतर्फ उडिरहेको थियो। यात्राको क्रममा विमान भिन्हेडो सहरमा दुर्घटनाग्रस्त भयो। सामाजिक सञ्जालमा प्रसारित भिडियो फुटेजमा विमान अनियन्त्रित भई ठाडो रूपमा तल खसेको देखिन्छ। विमानमा ५७ यात्रु र चालक दलका चार सदस्य सवार थिए। दुर्घटनास्थल आवासीय क्षेत्रमा भए पनि जमिनमा कसैलाई गम्भीर क्षति नपुगेको अधिकारीहरूले जनाएका छन्। एउटा स्थानीय कन्डोमिनियम कम्प्लेक्समा रहेको घरमा मात्र केही क्षति पुगेको छ। ब्राजिलका राष्ट्रपति लुइज इनासियो लुला डा सिल्भाले यस दुःखद घटनाप्रति गहिरो दुःख व्यक्त गर्दै पीडित परिवारहरूप्रति समवेदना प्रकट गरेका छन्। साओ पाउलो राज्यका गभर्नर टार्सिसियो गोम्स डे फ्रेटासले तीन दिन...