समाचार

पूर्णपुष्टि, साउन २२ । उदयपुरको बेलका नगरपालिका–१ आमबासी स्थितबाट ९ के.जी. लागुऔषध गाजाँ सहित एकजनालाई प्रहरीले पक्राउ गरेको छ । पक्राउ पर्नेमा बेलका–३ मोरङ्गे टोल बस्ने ३५ बर्षीय शुनिल श्रेष्ठ रहेको प्रहरीले जनाएको छ । जिल्ला प्रहरी कार्यालय उदयपुरका अनुसार बुधबार दिउँसो साढेँ १ बजेको समयमा प्रहरी बिट आम्बासीबाट चेकिङमा खटिएको प्रहरी टोलीले रामपुर ठोक्सिलाबाट सप्तरीको फत्तेपुरतर्फ जाँदै गरेको प्रदेश १–०५–००१ प ९४७८ नं. को मोटरसाईकल चेकजाँच गर्ने क्रममा चालक श्रेष्ठले झोलामा लुकाई छिपाई ल्याउदै गरेको गाजाँ बरामद गरेको हो । गाँजा बरामद भएसँगै चालक सहित सवारी नियन्त्रणमा लिएको प्रहरीले जनाएको छ । पक्राउ परेका श्रेष्ठलाई ईलाका प्रहरी कार्यालय रामपुरठोक्सिलाको हिरासतमा राखी थप अनुसन्धान भइरहेको छ प्रहरीले जनाएको छ ।...

पूर्णपुष्टि, साउन २१ । विभिन्न महिला संघ तथा संगठनहरूले मुलुकी देवानी संहिता ऐन, २०७५ लाई संशोधन गरी बहुविवाहलाई कानूनी वैधता दिने सरकारको प्रस्ताव विरुद्ध जिल्ला प्रशासन कार्यालय उदयपुरमा ज्ञापनपत्र बुझाएका छन् । नेपाल महिला संघ जिल्ला समिति, अखिल नेपाल महिला संघ (अ.ने.म.संघ), अखिल नेपाल महिला संघ (क्रान्तिकारी), अखिल नेपाल महिला संघ (समाजवादी), जिल्ला महिला संगठन र अखिल महिला संघ क्रान्तिकारी जिल्ला समितिले बहुविवाहलाई कानूनी मान्यता दिने प्रस्तावलाई गैरजिम्मेवारपूर्ण, प्रतिगामी र महिला विरोधी भन्दै प्रमुख जिल्ला अधिकारी प्रेम प्रसाद लुईटेललाई ज्ञापन पत्र बुझाएको हो । ज्ञापनपत्र बुझ्दै प्रमुख जिल्ला अधिकारी प्रेम प्रसाद लुईटेलले प्रशासन कार्यालयमार्फत प्रधानमन्त्री कार्यालय र कानून न्याय तथा संसदीय मामिला मन्त्रालय, सिंहदरबार काठमाण्डौमा पठाइने बताउनुभयो । महिला अधिकारकर्मीहरूले...

पूर्णपुष्टि, साउन २१ । उदयपुरको चौदण्डीगढी नगरपालिका–६ सुगारेमा डिजल सेवन गरेका एक वृद्धको मृत्यु भएको छ । मृत्यु हुनेमा स्थानिय ९३ वर्षीय अन्त नारायण श्रेष्ठ रहेको जिल्ला प्रहरी कार्यालय उदयपुरले जनाएको छ । जिल्ला प्रहरी कार्यालय उदयपुरका प्रहरी उपरिक्षक (एसपी) हरीहर नाथ योगीका अनुसार सोमबार साँझ साढेँ ७ बजेको समयमा आफ्नै घरमा बोतलमा राखेको डिजल अन्जानमा सेवन गरेका श्रेष्ठ घाइते भएपछि तुरुन्त नगर अस्पताल चौदण्डीगढी लगिएको थियो । सामान्य उपचारपछि थप उपचारका लागि उनलाई बिराटनगरस्थित बिराट टिचिङ अस्पतालमा स्थानान्तरण गरिएकोमा उनको उपचारको क्रममा साउन आज बिहान साढेँ ६ बजेको समयमा मृत्यु भएको प्रहरीले जनाएको छ । उक्त घटनासम्बन्धमा थप अनुसन्धान भइरहेको प्रहरीले जनाएको छ ।...

पूर्णपुष्टि, साउन १९ । राष्ट्रिय परीक्षा बोर्डले सोमबार साँझ सार्वजनिक गरेको कक्षा १२ को परीक्षाको नतिजा अनुसार ६१.१७ प्रतिशत विद्यार्थी उत्तीर्ण भएका छन् । बोर्डका अनुसार ३८.८३ प्रतिशत विद्यार्थीको एनजी (नन ग्रेड) आएको छ । कक्षा १२ को परीक्षा गत वैशाख २१ गतेदेखि शुरू भएको थियो । यस परीक्षामा देशभरका पाँच हजार २०२ विद्यालयका विद्यार्थीहरू सहभागी भएका थिए । नियमित तर्फका विद्यार्थीहरूमध्ये एक लाख ९८ हजार ८७५ छात्र र एक लाख ९७ हजार १३ छात्रा गरी कुल तीन लाख ९५ हजार ९०८ परीक्षार्थी सहभागी भएका थिए । आंशिक तर्फका विद्यार्थीहरूको संख्या एक लाख १५ हजार ६१७ जना रहेको छ । यसरी नियमित र आंशिक दुवै तर्फका गरी कुल पाँच लाख ११ हजार ५२५ परीक्षार्थीले कक्षा १२ को परीक्षामा भाग लिएका थिए।...

पूर्णपुष्टि, साउन १९ । उदयपुरका प्रमुख जिल्ला अधिकारी प्रेम प्रसाद लुईटेलले बेलका नगरपालिका आसपास सप्तकोशी नदी जोखिम क्षेत्रको स्थलगत निरिक्षण गर्नुभएको छ । केहिदिन यता बर्षा सुरु भएसँगै नदिमा पानिको बहाव बढेपछि सोमबार प्रजिअ लुईटेल नेतृत्वको टोलीले बेलकाको जोखिम क्षेत्र वडा नं. २, ३, ८ र ९ को कोशी तटिय क्षेत्रको स्थलगत निरिक्षण गरेको हो । प्रजिअ लुईटेलले जोखिम क्षेत्रको निरिक्षण गर्दै नदिको बहाब बढेर बस्तीतर्फ पस्ने खतरा देखिएमा तत्काल उद्धारका लागी सुरक्षाकर्मीहरु तयारी अवस्थामा राखिएको बताउनुभयो । विगत ७ बर्षदेखी कोशी नदीले धार परिवर्तन गरी पश्चिम तर्फ कटान गर्दै आईरहेको कारण बस्तीहरु ठुलो जोखिममा पर्ने सम्भावना रहेको भन्दै बस्ती वरिपरीका स्थानियहरुलाई सचेत रहन समेत आग्रह गरिएको छ । बेलका नगरपालिकाले सप्तकोशी नदीको पनि बस्ती तर्फ आउन नदिन विगतमा ठेक्का सम्झौता भएको नदि नियन्त्र...

पूर्णपुष्टि, साउन १९ । ट्राफिक प्रहरीले दुर्घटनाको उच्च जोखिम स्थलको रुपमा पहिचान गरी ब्ल्याक स्पर्ट नाम दिएको मदनभण्डारी राजमार्ग अन्तर्गत कटारी–गाईघाट सडकखण्डको उदयपुरगढी गाउँपालिका–७ अँधेरी–जोगिटोल (तीन किलोमिटर सडक) मा ट्रक चालकले ज्यान गुमाएको चारदिन नवित्दै आज अर्को एकजनाले ज्यान गुमाएको छ । चिसो पेयपदार्थ बोकेको मालबाहक गाडीले किचेर स्थानीय ७२ वर्षिय टंकबहादुर लामिछाने मगरको मृत्यु भएको हो । सामानसहित गाईघाटतर्फ आउदै गरेको मालवाहक गाडीले किच्दा मगरको घटनास्थलमै मृत्यु भएको हो । अर्का एकजना गम्भिर घाइते भएको जनाइएको छ । जिल्ला प्रहरी प्रमुख एसपी हरिहरनाथ योगीले घटनाको पुष्टि गर्दै विस्तृत वितवरण आउन बाँकी रहेको बताउनुभयो । यसअघि अनगिन्ति दुर्घटना हुने गरेको सो ठाउँमा साउन १५ गते प्र. १–०२–००१ ख ९२६० नम्बरको ट्रक पल्टिएर चालक ३५ वर्षिय जीवन वि.क. को मृत्यु भएको थियो ।...

पूर्णपुष्टि, साउन १९ । जिल्ला प्रशासन कार्यालय उदयपुरले चौदण्डीगढी नगरपालिका भित्र संचालित एक मेडिकल हलमा ताला लगाएको छ । सोमबार सहायक प्रमुख जिल्ला अधिकारी विक्रमप्रसाद पाण्डेको नेतृत्वको औषधी पसल तथा मेडिकलहल अनुगमन टोलीले चौदण्डीगढी–४ बसाहामा मापदण्ड विपरीत महेन्द्र मण्डलद्वारा सञ्चालित बीज मेडिकल हलमा ताला लगाएको हो । सहायक प्रमुख जिल्ला अधिकारी पाण्डेका अनुसार अवैधानिक रूपमा मापदण्ड विपरीत सञ्चालित बीज मेडिकल हलमा ताला लगाईएको छ । त्यस्तै अनुगमन टोलीले दर्ता प्रमाणपत्र नभएको भन्दै पाथिभरा डेन्टल क्लिनिक, शुभम डेन्टल प्रा.ली., दिव्यान्स फार्मेसीलाई जरिवाना समेत गरेको छ । अनुगमनको क्रममा भेटिएको म्याद सकिएको औषधिहरु अनुगमन टोलीले बरामद गरेको छ । धेरै मेडिकलहरु मापदण्ड विपरीत सञ्चालन रहेको गुनासो आउन थालेपछि जिल्ला प्रशासनको नेतृत्वमा अनुगमन थालिएको हो । अनुगमन टोलीले चौदण्डीगढी नग...

पूर्णपुष्टि, साउन १९ । सरकारले वैदेशिक रोजगार ऐन २०६४ को संशोधन कार्य अन्तिम चरणमा पुर्‍याएको छ । श्रम, रोजगार तथा सामाजिक सुरक्षा मन्त्रालयले ८७ दफा रहेको यस ऐनका २३ दफामा संशोधन गर्ने तयारी गरेको हो । वैदेशिक रोजगार व्यवस्थापन महाशाखाका सहसचिव जीवलाल भुसालको संयोजकत्वमा गठित समितिले ऐन संशोधनको मस्यौदा तयार पारेको छ । हाल मन्त्रालयले यस मस्यौदाका विषयमा सरोकारवालाहरूसँग छलफल गरिरहेको छ । मुख्य विवादास्पद प्रस्ताव संशोधनको सबैभन्दा महत्त्वपूर्ण तर विवादास्पद प्रस्ताव व्यक्तिगत ठगीसँग सम्बन्धित दफा ४३ का मुद्दाको क्षेत्राधिकार परिवर्तन गर्ने विषय हो । वैदेशिक रोजगार विभागमा हाल करिब ३६ हजार मुद्दा थुप्रिएका छन् । यी मुद्दाहरूको समाधान गर्न वर्षौं लाग्ने देखिएपछि सरकारले व्यक्तिगत ठगीका मुद्दाको अनुसन्धान प्रहरीलाई र न्याय निर्णयन जिल्ला अदालतलाई गर्ने प्रस्ताव अघि बढाएको हो । हाल वैद...

पूर्णपुष्टि, साउन १९ । कोशी प्रदेशको झापा, मोरङ र धनकुटा जिल्लाबाट प्रतिवन्धित लागू–औषध सहित ५ जनालाई प्रहरीले पक्राउ गरेको छ । शनिबार बिषेश सुचनाको आधारमा विभिन्न स्थानबाट लागुऔषध सहित ५ जनालाई पक्राउ गरिएको कोशी प्रदेश प्रहरी कार्यालय बिराटनगरले जनाएको छ । कोशी प्रदेश प्रहरी कार्यालय बिराटनगरका प्रहरी प्रवक्ता (प्रहरी उपरीक्षक) दिपक पोखरेलका अनुसार इलाका प्रहरी कार्यालय शिवगञ्जबाट खटिएको प्रहरी टोलीले शिवसताक्षी नगरपालिका–५ का २९ बर्षीय राजेन्द्र कुमार ताजपुरीया र शिवसताक्षी–४ का २१ बर्षीय अजय ताजपुरियालाई ८ ग्राम ब्राउन सुगर सहित पक्राउ गरेको हो । त्यसैगरी लागू औषध नियन्त्रण ब्युरो विराटनगरको टोलीले विराटनगर–१५ स्थितबाट सुनसरी बराहक्षेत्र नगरपालिका–७ का ३२ बर्षीय मनोज बस्नेतलाई ३ ग्राम १०० मिलिग्राम ब्राउन सुगर र इलाका प्रहरी कार्यालय राजारानी धनकुटाले चौबिसे गाँउपालिका–६ का मुकेश...