समाचार

पूर्णपुष्टि, भदौ ३ । उदयपुर र सुनसरी जिल्लाको सिमानामा रहेको कोशी पुलबाट हामफालेर एक युवक बेपत्ता भएका छन्। प्रहरी चौकी चतराका प्रहरी नायव निरिक्षक प्रशु बिष्टका अनुसार दिउँसो ४ बजेर ३५ मिनेटतिर अन्दाजी २० देखि २५ वर्षका एक पुरुषले चतरा पुलबाट कोशी नदीमा हामफालेको स्थानीयले देखेका छन्। स्थानीयले देखेपछि तत्काल प्रहरीलाई खबर गरेका थिए। बिष्टका अनुसार ती युवक को ९ प ९८६५ नम्बरको स्कुटरमा आएका थिए। उनले पुलमा स्कुटर रोकेर आफ्नो मोबाइल स्कुटरमै राखेर हामफालेको बताइएको छ। घटनापछि प्रहरीले स्कुटरमा रहेको मोबाइलमा आएको मिस्ड कलको नम्बरमा सम्पर्क गरेको थियो। सम्पर्क गर्दा ती व्यक्ति धरान घर भएको र फोनमा बोल्ने व्यक्ति उनको आफन्त रहेको खुलेको प्रहरीले जनाएको छ। हालसम्म बेपत्ता युवकको पहिचान खुल्न नसकेको र उनको खोजी कार्य जारी रहेको प्रहरीले जानकारी दिएको छ।...

पूर्णपुष्टि, भदौ ३ । मोरङको कानेपोखरी गाउँपालिका–७ र उदयपुरको बेलका नगरपालिका–३ बाट सालकको खपेटासहित ५ जनालाई प्रहरीले पक्राउ गरेको छ। कोशी प्रदेश प्रहरी कार्यालय बिराटनगरका अनुसार गत शनिबार दिउँसो मोरङको बेलबारीबाट पथरीतर्फ आउँदै गरेको प्र.१–०२–०५२ प ११६७ नम्बरको मोटरसाइकललाई चेकजाँच गर्दा चालक रंगेली नगरपालिका–१ का ४५ वर्षीय गगन कुमार गच्छेदार र पछाडि सवार सप्तरी कञ्चनपुरका ३५ वर्षीय बासुदेव सरदारलाई पक्राउ गरिएको हो। उनीहरूले बोकेको झोलाभित्रबाट ८५० ग्राम सालकको खपेटा बरामद भएपछि प्रहरीले नियन्त्रणमा लिई अनुसन्धान सुरु गरेको थियो। पक्राउ परेका व्यक्तिहरूको थप अनुसन्धानका क्रममा उदयपुरको बेलका–३ रामपुर ठोक्सिलास्थित गिदेरी खोला बगरमा अन्य तीन जनालाई पनि सालकको खपेटासहित पक्राउ गरिएको छ। प्रहरीका अनुसार सोही स्थान बस्ने ४८ वर्षीय कृष्णराज मगर, बेलका नगरपालिका–६ का ५६ वर्षीय डिक बहादुर प...

पूर्णपुष्टि, भदौ ३ । उदयपुरमा लागुऔषध सहित ३ युवालाई प्रहरीले पक्राउ गरेको छ । पक्राउ पर्नेमा त्रियुगा नगरपालिका–११ का १८ बर्षीय हुमन कार्की, १८ बर्षीय सम्बीर सुयल र अमृत नेपाली रहेको कोशी प्रदेश प्रहरी कार्यालय बिराटनगरले जनाएको छ । कोशी प्रदेश प्रहरी कार्यालय बिराटनगरका अनुसार प्रहरी चौकी लालपत्ताबाट खटिएको प्रहरी टोलीले उनिहरुको साथबाट बुप्रोनोर्फिन, प्रोमेथारजिन र डाइजापाम गरी ६५ एम्पुल बरामद गरेको हो । लागुऔषध बरामद भएसँगै उनिहरुलाई नियन्त्रणमा लिएको प्रहरीले जनाएको छ । पक्राउ परेका तिनै जनाको सम्बन्धमा जिल्ला प्रहरी कार्यालय उदयपुरबाट आवश्यक थप अनुसन्धान भईरहेको प्रहरीले जनाएको छ ।...

पूर्णपुष्टि, भदौ २ । उदयपुरको कटारी नगरपालिकाले १ करोड ७६ लाख ५८ हजार रुपैयाँको अनियमितता लुकाउन विनियोजन ऐन नै हेरफेर गरेको गरेको पाईएको छ। नगर उपप्रमुख गिता खड्काका अनुसार नगर प्रमुख राजेश चन्द्र श्रेष्ठले वन रोयल्टी र खनिज तथा खानी रोयल्टीबाट प्राप्त यो रकम टिप्पणी आदेशका भरमा आफूखुशी खर्च गरेका छन्। साउन २७ गते बसेको तेह्रौं नगर सभामा यस विषयमा व्यापक विरोध भएपछि नगरपालिकाले विनियोजन ऐन, २०८० मा हेरफेर गरेको पाइएको छ। ऐनमा थपिएको नयाँ बुँदा अनुसार अनुमान गरिएको भन्दा फरक आम्दानी प्राप्त भएमा त्यसलाई योजना तथा कार्यक्रममा विनियोजन गर्ने अधिकार नगर प्रमुखलाई दिइएको छ। उपप्रमुख खड्काले यो कदम स्थानीय सरकार सञ्चालन ऐनको धारा ७३(७) विपरीत रहेको बताएकी छन्, जसमा कार्यपालिकाले सभाबाट स्वीकृत सीमा र शीर्षक बाहिर गई बजेट खर्च गर्न नपाइने व्यवस्था छ। उहाँले नगरपालिकाको वेबसाइटमा राखिएको विनियो...

पूर्णपुष्टि, भदौ २ । उदयपुरको सदरमुकाम गाईघाटमा होन्डा कम्पनीको नयाँ मोडलको मोटरसाइकल एन एक्स टु हन्ड्रेड लन्च भएको छ। आइतबार गाईघाटस्थित सगरमाथा डिपार्टमेन्टको अगाडि रा.सी. अटो मोबाइल्स कम्पनीले नयाँ मोडलमा दुईवटा एन एक्स टु हन्ड्रेड सार्वजनिक गरेको हो। सार्वजनिक गरिएको मोडलमा एउटा सिम्पल र अर्को मोडिफाई गरिएको छ । यस मोटरसाइकलमा डबल च्यानल एबीएस, बीएस ६ एफआई सिस्टम र साइड स्ट्यान्ड इन्जिन कटर जस्ता विशेषताहरू रहेका छन्। कम्पनीका प्रोपाइटर रितेश गुप्ताका अनुसार यो मोडल विशेषगरी युवा पुस्तालाई लक्षित गरी ल्याइएको हो। एन एक्स २०० को मूल्य ४ लाख ८४ हजार ९ सय रुपैयाँ तोकिएको छ। ग्राहकहरूका लागि विशेष एक्सचेन्ज अफर पनि उपलब्ध छ, जसमा एक्सचेन्ज गर्दा ग्राहकले ५ हजार रुपैयाँ थप गर्नुपर्नेछ। यसका साथै, नगद खरिदमा ४ हजार रुपैयाँको विशेष छुट दिइने व्यवस्था गरिएको छ। यो विशेष अफर भदौ २ देखि ७ गते...

पूर्णपुष्टि, भदौ २ । उदयपुरमा विङ्गर दुर्घटना हुँदा एक जनाको मृत्यु भएको छ । मृत्यु हुनेमा त्रियुगा नगरपालिका ३ मोतिगडा बस्ने बर्ष ५० की गीता कार्की रहेकी छिन् । जिल्ला प्रहरी कार्यालय उदयपुरका प्रहरी नायव उपरिक्षक राजन चापागाईले आईतबार गाईघाटबाट सिरहाको लहान जादै गरेको ना १ ज ९२७९ नम्वरको विङ्गर त्रिनपा–६ जलजले स्थित चुरियामाइ डाडाको ओरालोमा ब्रेक फल भई दुर्घटना भएको जानकारी दिए । ओरालोमा ब्रेक फेल हुँदा गाडी ३० मिटर तल झरेर दुर्घटना भएको प्रवक्ता चपागाईले बताए । दुर्घटनामा परी १९ जना यात्रु समेत घाईते भएकोउनले बताए । दुर्घटनामा परी हात भाचिएको दिपेन्द्रकुमार यादब र अन्य सामान्य घाईते भएकाहरुलाई उपचारको लागी जिल्ला अस्पताल उदयपुरमा ल्याईएको प्रहरीले जनाएको छ । विङ्गर चालक फरार रहेको र खोजिकार्य भईरहेको प्रहरीले जनाएको छ ।...

पूर्णपुष्टि, २ भदौ । नेपाल बिद्युत प्राधिकरणले ३९ औँ बार्षिकोत्सव शनिवार धुमधामका साथ मनाएको छ । यस अवसरमा नेपाल विद्युत प्राधिकरण उदयपुर शाखाले पनि बिभिन्न कार्यक्रम गरी बार्षिकोत्सव मनाएको छ । खेलकुद देखी रक्तदान सम्मको कार्यक्रम आयोजना गरी उदपुर शाखाले शनिवार भव्य रुपमा बार्षिकोत्सव मनाएको हो । नेपाल सरकारको एक मात्रै नाफामा उभो लागेको संस्था विद्युत प्राधिकरणले आफ्नो संस्थाका प्रगति र कर्मचारीहरु प्रति उच्च मनोवल बढाउँदै बार्षिकोत्सवको अवसरमा देशैभरी बिबिध कार्यक्रमहरु संञ्चालन गरेका थिए । नेपालका ६ उद्योगीहरुका कारण यतिवेला सरकार र विद्युत प्राधिकरणबीच लफडा पनि चलिनै रहेको छ । यो लफडाका कारण उद्योगीहरुको कम्जोरी हो या प्राधिकरणको भन्ने बिषयमा अनुसन्धात तथा छलफल भैरहेकै छ । तर नेपाली समाजमा सानोलाई ऐन अनि ठुलालाई चैन झैँ ब्यवहार गरेपछि साना उद्योगी र जनताहरुले बिद्युतको महसुल ति...

पूर्णपुष्टि, २ भदौ । नेपाल विद्युत प्राधिकरण ३८ औँ बर्ष पार गर्दै ३९ औँ बर्षमा टेकेको छ । यसको अबसरमा देशैभरी प्राधिकरणका कार्यालयहरु र कर्मचारीहरु उत्साहित छन् । नेपाल सरकारको एक मात्रै नाफामा पुगेको सरकारी संस्था नेपाल विद्युत प्राधिकरणले आफ्नो ३९ औँ बार्षिकोत्सवलाई उत्साहित बनाएको छ । यसै शिशिलामा उदयपुर वितरण केन्द्रले पनि बार्षिकोत्सवलाई भव्य रुपमा मनाएको छ । बार्षिकोत्सवको अवसरमा उदपुर शाखाले खेलकुद देखी स्वास्थ्य सम्मका कार्यक्रमहरुलाई अघि सारेका थिए । शाखाले बार्षिकोत्सवको अवसरमा क्यारमबोर्ड, फुटसल, म्युजिकल चियर, घैला फुटाउने र रक्तदान जस्ता महत्वपूर्ण कार्यक्रमको आयोजना गरेका थिए । यो सँगै कार्यालयले प्राधिकरणको बिषयमा कलम चलाउने दुई पत्रकारहरुलाई समेत सम्मान गरेको छ । हिमपात दैनिकका संञ्चालक बुद्धि चाम्लीङ र पूर्णपुष्टिमा कार्यरत बिक्रम राईलाई सम्मान पत्र सहित सम्म...

पूर्णपुष्टि, साउन ३१ ।  उदयपुरको कटारी नगरपालिकामा आगामी भदौ ७ गतेदेखि प्रथम हरिचन्द्र साह स्मृति कप फुटबल प्रतियोगिता हुने भएको छ। कटारी टाईगर फुटबल क्लबको आयोजनामा हुन लागेको यस प्रतियोगितामा कक्षा १० सम्मका विद्यार्थीहरूले भाग लिनेछन्। कटारी, उदयपुरगढी, त्रियुगा र दुधौलीका गरी १६ टिमले प्रतिस्पर्धा गर्ने यस प्रतियोगिताको विजेताले नगद रु. ३०,००० सहित ट्रफी, प्रमाणपत्र र मेडल प्राप्त गर्नेछ। उपविजेताले नगद रु. २०,००० सहित ट्रफी, मेडल र प्रमाणपत्र हात पार्नेछ। भदौ २२ गतेसम्म चल्ने यस प्रतियोगितामा उत्कृष्ट खेलाडी, गोलरक्षक, मिडफिल्डर, उदयमान खेलाडी र सर्वाधिक गोलकर्तालाई विशेष पुरस्कार दिइनेछ। साथै दैनिक म्यान अफ द म्याच पुरस्कार पनि रहनेछ। क्लबका अध्यक्ष दिपक राई र प्रशिक्षक रोहन जोशीले आज आयोजित पत्रकार सम्मेलनमा यस प्रतियोगिताको बारेमा जानकारी दिएका हुन्। कटारी-४ निवासी स्वर्गीय हरिचन...

पूर्णपुष्टि, साउन ३१ । उदयपुरको कटारी नगरपालिकामा १ करोड ७६ लाख ५८ हजार रुपैयाँ खर्चको विषयमा विवाद चर्किएको छ। उपमेयर गीता खड्काले बिहीबार पत्रकार सम्मेलन गरी मेयर राजेश चन्द्र श्रेष्ठले टिप्पणी आदेशको भरमा उक्त रकम मनोमानी ढंगले खर्च गरेको आरोप लगाएकी छन्। उपमेयर खड्काका अनुसार मेयर श्रेष्ठले नगरसभालाई छलेर टिप्पणी आदेशबाट खर्च गरेको रकम अनुमोदन गराउन खोजेका थिए। "हाम्रो विवाद भनेको एक करोड ७६ लाख पैसा नियमित रुपमा सिस्टमबाट चल्नुपर्ने हो, अनियमितता नहोस् र सही ठाउँमा प्रयोग होस् भन्ने हो," उपमेयर खड्काले भनिन्। उनले यो रकम संघीय सरकारबाट प्राप्त खानी तथा वन रोयल्टी बापतको राजश्व रहेको जानकारी दिइन्। साथै उनले मेयर र प्रमुख प्रशासकीय अधिकृतले गरेको पत्रकार सम्मेलनमा दिएको अभिव्यक्तिप्रति गम्भीर ध्यानाकर्षण भएको बताइन्। यसअघि बुधबार मेयर श्रेष्ठले पत्रकार सम्मेलन गरी साउन २७ मा सम्पन्न ...