Breaking News 1

पूर्णपुष्टि, असोज २४ । नेपाल विद्युत प्राधिकरणले उदयपुर सिमेन्ट उद्योग लगायत ५० वटा ठूला उद्योगहरूलाई डेडिकेटेड र ट्रंकलाइन उपभोग बापतको बक्यौता रकम कार्तिक ८ गतेभित्र तिर्न निर्देशन दिएको छ । प्राधिकरणले बिहीबार गोरखापत्रमा सार्वजनिक सूचना जारी गर्दै यो जानकारी दिएको हो । उदयपुर सिमेन्ट उद्योगले मात्रै ४४ करोड ७४ हजार ५३३ रुपैयाँ बक्यौता तिर्न बाँकी रहेको छ । विद्युत प्राधिकरणका अनुसार २०७२ माघदेखि २०७५ बैशाखसम्म उद्योगहरूले डेडिकेटेड तथा ट्रंकलाइन मार्फत उपभोग गरेको विद्युतको शुल्क तिर्न बाँकी छ । यसअघि बक्यौता रकम नबुझाएपछि प्राधिकरणले ती उद्योगहरूको विद्युत आपूर्ति समेत काटेको थियो । पटक-पटक तिर्न आग्रह गर्दा समेत उद्योगहरूले बेवास्ता गर्दै आएका छन् । अब कानून बमोजिम कारबाही गरी रकम असुल उपर गरिने भन्दै प्राधिकरणले सार्वजनिक सूचना जारी गरेको छ ।...

पूर्णपुष्टि, असाेज २४ ।  सिलप्याक खानेपानी बोतलमा किरा भएको अर्को भिडियो हामीलाई प्राप्त भएको छ । रौता स्प्रिङ वाटर प्रा.लि. मोतिगडाले उत्पादन गरेको खानेपानीभित्र किरा भएको अर्को बोतल फेला परेको हो । एक उपभोक्ताले केही समय अघि फेला परेको यो बोतलको भिडियो हामीलाई उपलब्ध गराएको हो । उपभोक्ताको स्वास्थ्यमाथि खेलवाड प्रष्ट हुने भिडियो पूर्णपुष्टिले सार्बजनिक गरेको छ । भिडियो : https://www.youtube.com/shorts/h874ra9B_h4...

पूर्णपुष्टि, असोज २४ । उदयपुरको त्रियुगा नगरपालिका वडा नं। १४ साउनेको बाढी पिडितलाई राहत वितरण गरिएको छ । गत असार १२ गते पन्चकोशीमा आएको भिषण बाढीले आसपासका बस्तिहरु मुक्सार, बलौटे, बाजगरा, घिर्लिङ, सिम्ले, ढुङ्ग्रे सम्म मानविय क्षेति बाहेकको घर सहित ठुलो धन बालिको क्षती भएको थियो । बुधबार नगर प्रमुख, उपप्रमुख, नेपाल रेडक्रस सोसाइटी र ह्याबिटाट नेपालका प्रतिनिधिहरुको उपस्थितिमा पीडित परिवारलाई राहत सामग्री वितरण गरिएको हो । विपद् व्यवस्थापन समिति, राहत संकलन समिति, विभिन्न संघसंस्था, टोल विकास समिति र सामुदायिक वन उपभोक्ता समूहको सक्रियतामा राहत संकलन गरिएको थियो । राहत वितरण कार्यक्रममा बोल्दै वडा अध्यक्ष बाढी पीडितहरुलाई दशैं पर्वको अवसरमा सकेसम्म सहज वातावरण सिर्जना गर्न प्रयास गरिएको बताए । यस वर्षको दशैं विपद्का कारण प्रभावित भए पनि सुखद् रुपमा मनाउन सबैलाई आग्रह गरिएको छ ।...

उदयपुर, असोज २३ । बजारमा लगिएको खानेपानीको सिलप्याक जारभित्र कुखुराको प्वाँख भेटिएपछि उपभोक्ताको स्वास्थ्यमाथिको सम्बेदनशिलतालाई ख्याल गर्दै आज रिपोर्टिङमा गएका उदयपुरका दुई पत्रकारमाथि आक्रमण तथा क्यामेरा तोडफोड भएको छ । पत्रकार बिक्रम राई र सुनिल राईमाथि रौता स्पिङ वाटर प्रा.लि.का सञ्चालक पर्शुराम चौधरी लगायतले आक्रमण गरी क्यामेरा खोसेर फुटाइदिएका हुन् । पत्रकार राईद्वय पूर्णपुष्टि मिडिया र एभिन्युज टेलिभिजनको उदयपुर सम्बाददाता हुन् । कोष तथा लेखा नियन्त्रण कार्यालय उदयपुरको चमेनागृहमा लगिएको जारभित्रको पानीमा कुखुराको प्वाँख भेटिएको थियो । उक्त जार स्थानीय प्रशासनले नियन्त्रणमा लिएको छ । सो बारे सोधपुछ गर्न र कम्पनीको भिडियो खिच्न गएका पत्रकारद्वयमाथि सञ्चालक चौधरीले नखिच्न धम्कीमात्र दिएनन् क्यामेर खोसेर फुटाइ दिए । मोवाईल कब्जामा लिए र हेल्मेटले आक्रमण गरेको पत्रकार बिक्रमले बताए ।...

पूर्णपुष्टि, २३ असोज । गाईघाटको रौता पानी फ्याक्ट्रीले आफ्नो गलत लुकाउन पत्रकारमाथी हातपात गर्नुका साथै क्यामेरा तोडफोड गरेको छ । बुधबार बोक्से स्थित कोलेनिका कार्यालयमा रौता पानी फ्याक्ट्रीको शिल्ड प्याक पानी भित्र कुखुराको प्वाँख फेला परेका थिए । सोही अवस्थामा फोहोर पानी बिक्रि वितरण गरिरएको कुराको समचार संकलन गर्न गएका पूर्णपुष्टि मिडियाका बिक्रम राई र सुनिल राईमाथी लछारपछार गर्दै क्यामेरा खोसेर क्यामेरा तोडफोेड भएको थियो । उक्त फ्याक्ट्रीका संञ्चालक पर्शुराम चौधरी, र श्रमती छोरा सहितको संलग्नतामा क्यामेरा तोडफोड र मोवाईल कब्जा भएको थियो । क्यामेर फुटाएर बिक्रम राईको मोवाईल समेत फुटाउने प्रयास गरेको चौधरीले अन्तत मोवाईले भने फुटाउन पाएन । श्रीमतीले कन्ट्राल गराउँदै मोवाईले भने कब्जा गर्यो । क्यामेरा फुटाएर मोवाईल फुटाउन तयार रहेको चौधरीलाई श्रीमतीले कन्ट्रोल गर्दै मोवाईल बक्जा ग...

पूर्णपुष्टि, असोज २३ ।  प्रतिनिधि सभाको निर्वाचन भएको २० महिनामा संघीय संसदले बजेटसँग सम्बन्धित बाहेक १० वटा विधेयक पारित गरी कानून निर्माण गरेको छ । राष्ट्रपति रामचन्द्र पौडेलले मंगलबार सार्वजनिक सेवा प्रसारणसम्बन्धी विधेयक र बुधबार नेपाल विश्वविद्यालय सम्बन्धी विधेयक प्रमाणीकरण गरेसँगै यो संख्या पुगेको हो । सार्वजनिक सेवा प्रसारणसम्बन्धी विधेयकले रेडियो नेपाल र नेपाल टेलिभिजनलाई एकीकृत गरी एउटै छातामुनि ल्याउने व्यवस्था गरेको छ । यो विधेयक दर्ता भएको चार वर्षपछि कानून बनेको हो । राष्ट्रिय सभामा उत्पत्ति भएर कानूनमा बदलिएका अन्य विधेयकहरूमा अभिलेख संरक्षण पहिलो संशोधन, सुरक्षण मुद्रण, खाद्य स्वच्छता तथा गुणस्तर, अनुगमन तथा मूल्यांकन सम्बन्धी विधेयक र मुलुकी संहिता सम्बन्धी केही नेपाल ऐनलाई संशोधन गर्न बनेको विधेयक रहेका छन् । यस्तै, प्रतिनिधि सभामा उत्पत्ति भएर कानून बनेका विधेयकहरूमा ल...

पूर्णपुष्टि, असोज २३ ।  एप्पलको बहुप्रतिक्षित आइफोन १६ सिरिज आजदेखि नेपाली बजारमा बिक्री सुरु भएको छ । एक महिनाअघि अमेरिकाको क्यालिफोर्नियास्थित एप्पल पार्कमा सार्वजनिक गरिएको यो सिरिज नेपाली उपभोक्ताले पनि अब सहजै किन्न पाउने भएका हुन् । नेपालका लागि एप्पलको आधिकारिक विक्रेता जेनेरेशन नेक्स्टका निर्देशक निकिता भिमसरियाले काठमाडौंमा न्यूरोड र बबरमहलसहित पोखरा, विराटनगर, बुटवल, बिर्तामोड र बारामा रहेका अधिकृत बिक्रेताहरूबाट यी फोनहरू किन्न सकिने जानकारी दिइन् । आइफोन १६, आइफोन १६ प्लस, आइफोन १६ प्रो र आइफोन १६ प्रोम्याक्स गरी चार मोडेल रहेको यो सिरिजमा आर्टिफिसियल इन्टेलिजेन्स (एआई) को विशेष प्रयोग गरिएको छ । एप्पलका अनुसार यो एआई सिस्टमले टेक्स्ट, पिक्चर र भिडियोमा सपोर्ट गर्नेछ, जसबाट सिरी पहिलेभन्दा अझै प्रभावकारी हुने दाबी गरिएको छ । नयाँ सिरिजमा क्यामरा एक्सन कन्ट्रोलका लागि साइड प्...

पूर्णपुष्टि, असोज २३ ।  कोशी प्रदेश सरकारले गत भदौ २७ गते जारी गरेको 'सार्वजनिक खर्चको मापदण्ड र मितव्ययिता सम्बन्धी (पहिलो संशोधन) निर्देशिका २०८१' ले प्रदेशका विकासे अड्डाहरूमा खैलाबैला मच्चाएको छ । उक्त निर्देशिकाले कन्टिन्जेन्सी खर्चबापत रकम छुट्ट्याइने विगतको अभ्यासमा रोक लगाएको छ । निर्देशिकामा कुनै आयोजना वा कार्यक्रमको कार्यान्वयन गर्दा वर्कचार्ज, स्टाफ खर्च, सानातिना अन्य खर्च, कार्यालय व्यवस्थापन खर्च वा कन्टिन्जेन्सी खर्चबापत रकम छुट्ट्याइने वा खर्च गरिने छैन भन्ने उल्लेख छ । यस निर्णयपछि विकास निर्माणका काम धेरै हुने भौतिक पूर्वाधार विकास मन्त्रालय र खानेपानी, सिँचाइ तथा ऊर्जा मन्त्रालय मातहतका कार्यालयहरूमा हल्लीखल्ली भएको छ । ती कार्यालयहरूले कन्टिन्जेन्सीको नाममा हरेक आयोजनाको ४ प्रतिशत रकमबाट आयोजनाको अनुगमन, इन्धन खर्च, सूचना प्रकाशन र कर्मचारी व्यवस्थापन गर्दै आएका थिए ...

पूर्णपुष्टि, असोज २३ । कोशी प्रदेशका उप–सभामुख सिर्जना दनुवारले जिल्ला प्रहरी कार्यालय उदयपुर परिसरमा रहेको लाइब्रेरी क्याफेलाई एक थान कम्प्युटर हिजाे हस्तान्तरण गरेकी छिन् ।कोशी प्रदेश आन्तरिक मामिला तथा कानून मन्त्रालयबाट प्रदान गरिएकाे उक्त कम्प्युटर इ–बुक मार्फत अध्ययन गर्न थप सहजता होस् भन्ने उद्देश्यका साथ प्रदान गरिएको हो । जिल्ला प्रहरी कार्यालय उदयपुरका (एसपी) हरिहर नाथ योगीलाइ कम्प्युटर हस्तान्तरण गरिएको छ । कार्यक्रममा त्रियुगा नगरपालिकाका उप–प्रमुख, समाजसेवीहरूको समेत उपस्थिति रहेको थियो । कार्यक्रममा प्रउ योगीले पुस्तकालयको महत्त्वबारे प्रकास पार्दै माननीय लगायत उपस्थित सबैलाई धन्यवाद ज्ञापन गरे । त्यसैगरी, उपसभामुख दनुवारले उदयपुर प्रहरीको सेवाप्रवाहको प्रशंसा गर्दै नजिकिँदै गरेकाे चाडपर्वको शुभकामना व्यक्त गरिन् ।...

पूर्णपुष्टि, असोज २३ । जल तथा मौसम विज्ञान विभागले कोशी प्रदेशलगायत मधेस र वाग्मती प्रदेशका पूर्वी भागमा मनसुनी वायुको प्रभाव रहेको जनाएको छ । साथै गण्डकी, लुम्बिनी, कर्णाली र सुदूरपश्चिम, मधेश र वाग्मती प्रदेशका पश्चिमी भागमा पश्चिमी वायुको प्रभाव रहेको छ । विभागले आज बिहान ६:०० बजे जारी गरेको मौसम बुलेटिन अनुसार हाल कोशी प्रदेशमा आंशिकदेखि साधारणतया बदली रही बाँकी भागमा मुख्यतया मौसम सफा रहेको छ । कोशी प्रदेशका एक–दुई स्थानमा हल्का वर्षा भइरहेको छ । आज दिउँसो कोशी र मधेस प्रदेशलगायत देशका पहाडी भू–भागमा आंशिकदेखि साधारणतया बदली रही बाँकी भागमा मौसम सफा रहने छ । कोशी प्रदेशका केही तथा बाँकी प्रदेशका एक–दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको विभागले जनाएको छ । राती कोशी, मधेस, वाग्मती र गण्डकी प्रदेशका पहाडी भागमा आंशिकदेखि साधारणतया बदली रही बाँक...