Breaking News 2

पूर्णपुष्टि, पुष १२ । त्रियुगा नगरपालिका वडा नं. १० बोक्सेको आयोजना र वडा युवा समूहको सहयोगमा शुक्रबार एक वृहत सरसफाई अभियान सम्पन्न भएको छ । त्रियुगा नगरपालिकाको प्याराग्लाइडिङ स्थल रातेमाटे डाँडादेखि सेल्फी डाँडा, गणेश मन्दिर हुँदै वरुवाखोलासम्मको क्षेत्रमा सरसफाई गरिएको हो । वडा अध्यक्ष किरण पाण्डेका अनुसार सार्वजनिक वन जंगलमा फालिएको विभिन्न किसिमका फोहोरहरू सफा गर्दै अबको आउने दिनमा प्रत्येक गाउँ, टोल, बस्ती र व्यक्ति–व्यक्तिमा सरसफाई अभियान लैजाने उद्देश्यका साथ अभियान सञ्चालन गरिएको हो । उनले यस सरसफाई अभियानले स्थानीय पर्यटकीय क्षेत्रको सौन्दर्यकरण बढ्नुका साथै वातावरण संरक्षणप्रति स्थानीय जनताको चेतना अभिवृद्धि हुने बताए । साथै यस्ता सामूहिक प्रयासले समुदायमा सरसफाईप्रति जागरूकता बढाउन मद्दत पुग्ने उनले बताए । सरसफाईको क्रममा संकलन गरिएका विभिन्न किसिमका फोहोरहरु जलाएर नष्ट ...

पूर्णपुष्टि, पुष ११ । त्रियुगा नगरपालिकामा तेस्रो अन्तर माध्यमिक विद्यालय मेयर रनिङ शिल्ड तथा राष्ट्रपति रनिङ शिल्ड छनौट प्रतियोगिता आज देखि सुरु भएको छ । त्रियुगा नगरपालिका वडा नम्बर ५ देउरीस्थित जनता माध्यमिक विद्यालयको खेलकुद मैदानमा आयोजित प्रतियोगिताको पहिलो दिन तीन विधाका खेलहरू सम्पन्न भएका छन् । पहिलो दिन १५ किलोमिटर दौड, कबड्डी र भलिबल खेल सञ्चालन गरिएको थियो। पुरुषतर्फको १५ किलोमिटर दौडमा जनता माध्यमिक विद्यालय श्रीपुरका सोनम परियार प्रथम भएका छन् । जनता माध्यमिक विद्यालय दमौटीका अगम बहादुर वानिया दोस्रो र जनज्योति माध्यमिक विद्यालय चुहाडका बसन्त दनुवार तेस्रो भएका छन् । महिलातर्फको १५ किलोमिटर दौडमा प्याराडाइज अंग्रेजी बोर्डिङका चिना राईले प्रथम स्थान हासिल गरेकी छन् । बालमन्दिर माध्यमिक विद्यालयकी पवित्रा कटुवाल दोस्रो र त्रियुगा माध्यमिक विद्यालयकी यमुना परियार तेस्रो भएकी ...

पूर्णपुष्टि, पुष ११ । उदयपुरको त्रियुगा नगरपालिकामा तेस्रो त्रियुगा अन्तर माध्यामिक विद्यालय मेयर रनिङ शिल्ड तथा राष्ट्रपति रनिङ शिल्ड छनौट प्रतियोगिता आज बुधबार देखि सुरु हुने भएको छ । नगर खेलकुद विकास समितको आयोजना तथा नगर शिक्षा शाखाको समन्वय, त्रियुगा नगरपालिकाको आर्थिक सहयोगमा वडा नं. ५ देउरीस्थित जनता मा.वि. को खेलकुद ग्राउण्डमा प्रतियोगिता सुरु हुन लागेको हो । ‘स्वास्थ्यको लागी खेलकुद, राष्ट्रको लागी खेलकुद’ भन्ने मुल नारका साथ संचालन गरिएको यस प्रतियोगितमा ५ विधाका खेलहरु समावेश गरिएको छ, जसमा भलिबल (महिला–पूरुष), कबड्डी (महिला–पूरुष), एथलेटिक्स, तेक्वान्दो र कराते रहेको छ । नगरपालिका भित्रका सामुदायिक र संस्थागत गरी ४२ विद्यालयको सहभागीता रहने रनिङ शिल्ड पुष १४ गतेसम्म संचालन हुनेछ ।...

पूर्णपुष्टि, पुष १० । उदयपुर जिल्ला अस्पतालमा दक्ष जनशक्ति र स्रोतसाधनको अभावका कारण ४ बेडको आईसियु र २ बेडको भेन्टिलेटर प्रयोगविहीन अवस्थामा छन् । यसले गर्दा गम्भीर बिरामीहरू धरान र विराटनगर जान बाध्य छन् । अनौपचारिक क्षेत्र सेवा केन्द्र इन्सेकको तथ्याङ्क अनुसार कोभिड–१९ को समयमा जिल्ला अस्पतालमा प्रदेश सरकारको ७९ लाख लागतमा स्थापना गरिएको अक्सिजन प्लान्ट बिग्रेको २ वर्ष बितिसक्दा पनि मर्मत हुन सकेको छैन । बेलका नगरपालिकाको अक्सिजन प्लान्ट पनि बन्द रहेकोले अस्पतालले लहान र विराटनगरबाट प्रतिसिलिन्डर ७ सय रुपैयाँमा अक्सिजन खरिद गर्नुपरेको इन्सेकले जनाएको छ । भौगोलिक विकटताका कारण यातायात सेवा नियमित नहुँदा स्वास्थ्य सेवामा गम्भीर असर परेको अनौपचारिक क्षेत्र सेवा केन्द्र (इन्सेक) ले जनाएको छ । यसको ताजा उदाहरणको रूपमा रौतामाई गाउँपालिका–६ का ७ वर्षीय एञ्जल मगरको मृत्यु रहेको छ । गत असो...

पूर्णपुष्टि, ९ पुष । गाईघाट निवासी कालिदास राई (किसान) ले उदयपुर ब्याटमिनटन संघलाई ५ लाख रुपयाँ रकम सहयोग गरेका छन् । राईले संघका समिति कोषाध्यक्ष बादल खतिवडालाई मंगलबार बोक्से कवर्डहलमै बृहत कार्यक्रम गरी सहयोगवापदको चेक हस्तान्तरण गरेको हो । समाजसेवी राई जिल्ला ब्याडमिन्ट संघ उदयपुरका अध्यक्ष समेत हुन । उनले आफ्नो बुबा स्वर्गीय जगत राईको ८ औँ स्मृति र स्वर्गीय आमा बसन्ती राईको ६ औँ स्मृति दिवसको अवसरमा संघलाई रकम सहयोग गरेका हुन् । राई लामो समय ब्याडमिन्टन खेलमा आबद्ध हुँदै हाल ब्याडमिन्ट सँघ उदयपुरको अध्यक्ष हुन् । आफु स्वयम अधयक्ष रहेको संघलाई थप व्यवस्थीत पार्न राईको सहयोग महत्वपूर्ण रहेको भन्दै खेलाडीहरु उत्साहित र खुसी बनेको छ । राईको सहयोग सँगै कोष नै स्थापना गरी अन्य रकमहरु पनि सहयोगबापत उठ्न थालेको छ । राईले बोक्सेमा रहेको जिल्लाकै पुरानो र ठुलो कवर्डहलाई पार्केटिङ निर्माणक...

पूर्णपुष्टि, पुष ९ । उदयपुर र खोटाङ जिल्ला जोड्ने सगरमाथा राजमार्गअन्तर्गत दिक्तेल–गाईघाट सडकखण्डको सुनकोशीस्थित फोक्सिङटारमा अस्थायी बेलिब्रिज जडान कार्य सुरु भएको छ । गत असोज १२ गते आएको अविरल बर्षा सहितको बाढीले उदयपुरको रौतामाई गाउँपालिका–६ आँपटार र खोटाङको खोटेहाङ गाउँपालिका–९ लिच्कीराम्चे जोड्ने मोटरेबल पक्की पुल बगाएपछि यातायात सेवा अवरुद्ध भएको थियो । सङ्घीय सडक सुपरीवेक्षण तथा अनुगमन कार्यालय उदयपुरले फोक्सिङटारमा अस्थायी बेलिब्रिज जडान गर्न र खोल्नका लागि रु १.२९ करोड लागतमा निर्माण कम्पनीसँग सम्झौता गरेको छ । ठेकेदार कम्पनीले नदीमा पानी बढेपछि उक्त बजेटबाटै अस्थायी बेलिब्रिज खोलेर स्टोर गरी राख्नुपर्ने सम्झौतामा उल्लेख छ । सडक विभाग उदयपुरका प्रमुख इञ्जिनियर पशुपति ज्ञवालीका अनुसार निर्माण कम्पनिले पुष महिनाभित्र ५० मिटर लामो अस्थायी बेलिब्रिज जडान गरी यातायात सुचारु गर्नुपर्...

पूर्णपुष्टि, ९ पुष । त्रियुगा नगरपालिका वडा नं १५ ले पन्चबर्षिय रणनिति योजनाबाट बिकास कार्यलाई अगाडी बढाउने भएको छ । संघिय व्यवस्थाको दोस्रो कार्यकालमा दौडिरहेको उक्त वडाले पहिलो पटक आवधिक रणनिति पन्चबर्षिया योजना तयारीका साथ बिकास कार्य अघि बढाउने भएको हो । । पहिलो कार्यकालका निर बहादुर मगरको वडा नेतृत्वहरुले पूर्व योजना बिनै आफ्नो कार्यकाल सकाएका थिए । हालसालैका गणेश तिमिल्सिना नेतृत्वका वडा कमिटीले पनि आधा कार्यकाल सम्पन्न गरिसक्दा पन्चबर्षिय वडा योजना तयारीको काम सुरु गरेको हो । वडा अध्यक्ष गणेश तिमिल्सिनाका अनुसार वडाका कामहरुको कार्यन्वयन गर्ने निकायहरुलाई पन्चवर्षिय वडा योजना दस्तावेजको रुपमा तयार हुने जनाए । जनप्रतिनिधि, राजनितिक दल, टोल विकास संस्था, शिक्षक, बुद्धिजिवी, स्थानीय, अगुवा नेतृत्व सबैको उपस्थितिमा आवधिक रणनिति योजनाको तयारी संञ्चालनमा रहेको अध्यक्ष तिमिल्सिनाको...

पूर्णपुष्टि, पुष ८ । तेस्रो उदयपुर खाना परिकार मेला तथा कोशी प्रदेश स्तरिय लाखेनाच प्रतियोगितात्मक महोत्सव २०८१ आज सम्पन्न हुँदै छ । महोत्सवमा करिब १८ लाख बराबरको कारोबार भएको आयोजकले जनाएको छ । झिगु नेवा पुच उदयपुरका सचिव गोपाल श्रेष्ठका अनुसार मेलामा नेवार समुदायको एमुरी, थारु समुदायको घुँगी लगाएतको परिकार धेरै बिक्रि भएको छ । महोत्सवमा विभिन्न साकृतिक कार्यक्रमहरु गरिएको थियो, जसमा लाखेनाच, साकेला तथा मानोरञ्जनात्मक कार्यक्रमहरु गरिएको थियो । पुष १ गतेदेखि संचालन भएको खाना परिकार मेलामा हजारौँ मानिसको सहभागी रहेको थियो । आज बेलुका मनोरञ्नात्मक कार्यक्रम सहित महोत्सवको समापन गरिने भएको छ ।...

पूर्णपुष्टि, पुष ८ । गाईघाट बजारको सुरक्षा व्यवस्थापनलाई थप प्रभावकारी बनाउने उद्देश्यले स्थानीय ६ वटा बैंकहरुले जिल्ला प्रहरी कार्यालय उदयपुरलाई १४ वटा सिसिटिभी क्यामेरा हस्तान्तरण गरेका छन् । त्रियुगा नगरपालिका र जिल्ला प्रहरी कार्यालय उदयपुरसँगको सहकार्यमा गाईघाट स्थित राष्ट्रिय वाणिज्य बैंक, कृषि विकास बैंक, सानिमा बैंक, ग्लोबल आईएमई बैंक, लक्ष्मी सनराइज बैंक र सिद्धार्थ बैंकका शाखा प्रमुखहरुले यी क्यामेराहरु हस्तान्तरण गरेका हुन् । जिल्ला प्रहरी कार्यालय उदयपुरका प्रमुख प्रहरी उपरीक्षक हरिहर नाथ योगीले यस पहलले प्रहरी र समुदायबीचको सहकार्यको उत्कृष्ट उदाहरण प्रस्तुत गरेको बताए । उनले सिसिटिभी निगरानी व्यवस्थाको प्रभावकारी सञ्चालनले विशेषगरी बैंक तथा वित्तीय संस्थामा हुनसक्ने सम्भावित अपराध रोकथाममा महत्वपूर्ण सहयोग पुग्ने विश्वास व्यक्त गरे । यी क्यामेराहरु जिल्ला प्रहरी कार्यालय उ...

पूर्णपुष्टि, ७ पुष । समाजमा लागू औषध दुब्र्यसन र त्यसको नियन्त्रणलाई मध्येनजर गर्दै जिल्ला प्रहरी कार्यालय उदयपुरले विभिन्न सचेतना मुलक कार्यक्रमगर्दै आएको छ । प्रहरीले पछिल्लो छ महिनामा टोल विकास,आमासमुह, युवा समुह, विद्यालयहरुमा ७१ वटा सचेतनामुलक कार्यक्रमहरु गरेको छ । यसै क्रममाआज“ लागु औषध मुक्त समाज निर्माणमा विद्यार्थीहरुको भुमिका”विषयक बक्तृत्वकला प्रतियोगिता गरेको छ । जिल्लाप्रहरी कार्यालयको आयोजना तथा त्रियुगा नगरपालिकाको सहयोगबाट जिल्ला समन्वय समितिको हलमा भएको प्रतियोगितामा क्यानभास सेकेन्डरी बोर्डिङ स्कुलकी जेनिषा कार्की प्रथम, राष्ट्रिय मावि बगाहाका नम्रता दाहाल द्वितिय र बालमन्दिर मा.वि. बोक्सेकी मनिषा चौधरी तृतिय भइन् । उदयपुरमा पछिल्लो छ महिनामा लागुऔषध सम्बन्धी ३५ मुद्दामा ६१ जन ापक्राउ गरी कारवाही चलाइएको प्रहरीले जनाएको छ ।...