अनावश्यक विदेश भ्रमणमा रोक, तोकियो भ्रमण टोलीको संख्या
पूर्णपुष्टि, असोज ८ । अन्तरिम सरकारले सरकारी खर्च कटौतीको नयाँ नीति अनुसार अनावश्यक विदेश भ्रमणमा पूर्ण रोक लगाएको छ । असोज ५ गते बसेको मन्त्रिपरिषद बैठकले यस्तो महत्वपूर्ण निर्णय गरेको अर्थ मन्त्रालयले जनाएको छ ।
यो निर्णयअनुसार नेपाल सरकार, प्रदेश सरकार, स्थानीय तह, संस्थान, प्रतिष्ठान र नियामक निकायहरूको खर्चमा हुने विदेश भ्रमणमा कडा नियन्त्रण लगाइएको छ । अत्यावश्यक अवस्थामा मात्र यस्तो भ्रमणलाई अनुमति दिइनेछ ।
अर्थ मन्त्रालयद्वारा जारी विज्ञप्तिअनुसार सरकारले चालु खर्च घटाउनका लागि यो कडा कदम चालेको हो । "नेपाल सरकार, प्रदेश सरकार, स्थानीय तह, संस्थान, प्रतिष्ठान र नियामक निकायको खर्चमा अत्यावश्यक अवस्थामा बाहेक विदेश भ्रमणमा रोक लगाइएको छ," विज्ञप्तिमा उल्लेख छ ।
विशेष अवस्थामा नेपाल सरकारको प्रतिनिधित्व आवश्यक भएमा सम्बन्धित नियोगबाट यस्तो काम गराउने व्यवस्था मिलाइएको छ । "नेपाल स...
