Breaking News 3

पूर्णपुष्टि, उदयपुर, असोज ३० गते । त्रियुगा नगरापलिका ३ सनुवामा ट्याक्टरको चक्काले किच्दा चालकक घाईते भएको छ । फत्तेपुर सडकखण्डमा पश्चिमबाट पूर्व तर्फ आउँदै गरेको प्र२(०१(००१त०५८१ नंवरको खाली ट्याक्टर आफै अनियन्त्रित भई दुर्घटना हुदा चालक डा नंवर १ खैजनपुर बस्ने बर्ष अं १८ को अनिस कार्कीलाइ ट्याक्टरको बिचको दाईने पट्टिको पाङ्ग्राले किचिर घाईते बनाएको जिल्ला प्रहरी कार्यालय उदयपुरले जनाएको छ । घटनाबारे जानकारी पार्य अस्थाई प्रहरी पोष्ट बसपार्कबाट प्रहरी हहल्दार निलकण्ठ श्रेष्ठको कमाण्डमा घाईतेलाई उद्दार गरी उपचारको लागि बिराटनगर पठाईएको छ । घाईतेको तिघ्राको भागमा पिल्सिएको र अन्य बाहिरि चोट भने नदेखिएको जनाईएको छ । घाईते चालकको अबस्था गम्भीर रहेको जनाईएको छ । ट्याक्टर धनी चालककै ठुलोबुवा नाता पर्ने केशव कुमार कार्की रहेको बुझिएको छ ।  ...

पूर्णपुष्टि, उदयपुर, असोज २९ गते । जिल्ला स्तरीय लैँगिक हिंसा सम्वोधन निर्देशन समितिको दोस्रो बैठक गाईघाटको कोहवरमा सम्पन्न भएको छ । समितिका सदस्य सचिव समेत रहेको जिल्ला समन्वय समितिको आयोजनामा आईतबार दोस्रो बैठक सम्पन्न भएको हो । समितिका अध्यक्ष समेत रहेका त्रियुगा नगरपालिकाका मेयर वसन्त बस्नेत सहित समन्वय समितिका प्रमुख गौर बहादुर विश्वकर्मा, जिल्ला प्रमुख अधिकारी प्रेम प्रसाद लुईटेल, उदयपुरगढी गाउँपालिकाका अध्यक्ष मान वहादुर केप्छाकी मगर, त्रियुगा नगर उपप्रमुख महेश्वरी राई र चौदण्डीगढीकी मनिकादेवी दुलाल, जिल्ला प्रहरी प्रमुख राजन चापागाई सहित महत्वपूर्ण ब्यक्तिहरु र अन्य पालिका प्रतिनिधिहरुको उपस्थितिमा बैठक सम्पन्न भएको हो । बैठकले बिभिन्न महत्वपूर्ण ६ ओटा बुदामा निर्णय गरेको छ । बैठकको पहिलो नंम्वरमा पहिलो बैठकको समिक्षा रहेको थियो । जसमा पहिलो बैठकको निर्णयहरु कार्यन्वयन भए नभए...

पूर्णपुष्टि, उदयपुर असोज २९  । त्रियुगा नगरपालिका वडा नं ५ स्थित जनता मावि दमौटीको प्रअ राजन राउतलाई विद्यालय व्यवस्थापन समितिले जिम्मेवारीबाट हटाएको छ । कक्षा १० मा अध्यानरत छात्रा समिक्षा राईलाई झापड हानेको भन्दै अभिभावक तथा स्थानीयहरुले विरोध गरेपछि आईतबार तत्काल बैठक बसी राउतलाई प्रअको जिम्मेवारीबाट हटाईएको हो । विद्यार्थीलाई अन्य हिसावले पनि सम्झाउन सकिने र कार्वाही गर्न सकिने ठाउँ रहँदा रहँदै पनि झापड हानेर आँखा र गाला सुन्नीएको अभिभावकहरुको आरोप छ । राउत भर्खरै मात्र प्रअ बनेका थिए । कक्षामा एसईई सेन्टरको बारेमा कुरा गर्दा गर्दै शिक्षक र विद्यार्थी बीच सेन्टर काहा हुने भन्ने विषयमा कुरा हुँदै थियो । यतिकैमा शिक्षक राउतले यो पटक फरक ठाउँमा पनि सेन्टर हुने त्यस मध्ये मोतिगडामा पनि पर्न सक्ने बताएका थिए । सोही अवस्थामा समिक्षाले इस सर मोतिगडामा त हुदैन होला भनेका थिए । सोही अवस्...

पूर्णपुष्टि, उदयपुर, असोज २८ गते । आजबाट सुरु हुने नेपाली कांग्रेसको केन्द्रीय कार्यसमिति बैठकमा एजेन्डाको सहमति हुन सकेको छैन् । जेनजी आन्दोलन पश्चात नेपाली कांग्रेसले महत्वपूर्ण निर्णय र एजेन्डामा छलफल गर्नु पर्ने अवस्था छ । तर यता बैठकमा पेस गर्ने एजेन्डामा सहमति जुट्न नसक्दा जसका लागि कार्यसम्पादन समितिको बैठक बस्नेछ। महाधिवेशन मङ्सिरभित्रै हुनुपर्ने वा नसक्ने धारणाका कारण नेताहरूबीच कुरा मिल्न सकेको छैन। केन्द्रीय कार्यालयका मुख्यसचिव कृष्णप्रसाद पौडेलका अनुसार दिउसो १ बजेदेखि केन्द्रीय कार्यालय सानेपामा बैठक सुरु हुनेछ । बैठकमा पेस गर्ने एजेन्डामा थप छलफल गर्न आजै बिहान ११ बजे कार्यसम्पादन समितिको बैठक बस्ने बताइएको छ । शीर्ष नेताहरूबिच लगातार छलफल हुँदै आए पनि केन्द्रीय समिति बैठकमा पेस गर्ने एजेन्डाका विषयमा सहमति जुट्न सकिरहेको छैन । एजेन्डामै सहमति नजुटेको कारण यसअघि आइत...

पूर्णपुष्टि, उदपुर असोज २८ गते । कोशी प्रदेश सहित देशको केहि स्थानमा आज आंशिक रुपमा वदली रहने मौसम बिभागले जनाएको छ । हाल देशभर भने कुनै उल्लेखनीय मौसम प्रणालीको प्रभाव रहेको छैन। मंगलबार दिउँसो कोशी प्रदेश, गण्डकी प्रदेश र सुदूरपश्चिम प्रदेशको पहाडी भू–भागमा आंशिक बदली रही बाँकी भू–भागमा मुख्यतया सफा रहने छ। कोशी प्रदेशको पहाडी भू–भागका एक–दुई स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ। मंगलबार राति देशभर मौसम मुख्यतया सफा रहने छ।...

पूर्णपुष्टि, असोज २६ । झापामा प्रहरीले जेनजी आन्दोलनका बेला हतियार लुट्ने र हिरासतबाट फरार व्यक्तिसहित ८ जनालाई लागूऔषधसहित पक्राउ गरेको छ । शनिबार साँझ दमक नगरपालिका–३ वेलडाँगीस्थित भुटानी शरणार्थी शिविरमा प्रहरीले छापा मार्दा खैरो हिरोइनसहित उनीहरूलाई नियन्त्रणमा लिएको हो । दमक नगरपालिका–३ वेलडाँगीस्थित भुटानी शरणार्थी शिविरको सेक्टर ए ३ हट नम्बर ३५३ मा लागुऔषध बिक्री वितरण भइरहेको गोप्य सूचनाका आधारमा छापा मारेको प्रहरीले ७ ग्राम ८०० मिलिग्राम खैरो हिरोइन बरामद गरेको छ । घरको कोठा तलासी गर्दा चस्माको खोलभित्र लुकाइछिपाइ राखिएको अवस्थामा लागूऔषध फेला परेको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्रबहादुर खड्काले जानकारी दिए । प्रहरीले पक्राउ गरेकामध्ये घरधनी दमक–३ वेलडाँगी भुटानी शरणार्थी शिविरका साजन थापा, इलाम चुलाचुली–३ का दिपेश तामाङ र सनम राई, दमक–३ क...

पूर्णपुष्टि, असोज २५ । राष्ट्रपति रामचन्द्र पौडेलले आज बिहान १० बजे राष्ट्रपति कार्यालयमा जेनजीको प्रतिनिधि समूहसँग छलफल गर्दैछन् । छलफलमा प्रधानमन्त्री सुशीला कार्की पनि सहभागी हुनेछिन् । प्रारम्भमा १७ जना सहभागी हुने तय भए पनि बैठक सुरु हुनुअघि यो संख्या २२ पुगेको एक जेनजी अगुवाहरूले जानकारी दिएका छन् । बैठकमा जेनजीका विभिन्न मागहरूबारे विस्तृत छलफल हुने बताइएको छ । प्रधानमन्त्री कार्कीले जेनजीको प्रतिनिधित्व गराएर मन्त्रिपरिषद् विस्तार गर्ने तयारी गरिरहेको अवस्थामा यो छलफल महत्वपूर्ण मानिएको छ ।...

पूर्णपुष्टि, असोज २४ । बारामा टिकटक बनाउन खोलामा हामफोका एक युवक ६ दिनपछि मृतअवस्थामा फेला परेका छन् । गत असोज १९ गते टिकटक बनाउनका लागि दुधौरा खोलाको पुलबाट हामफाका प्रसौनी गाउँपालिका–२ का २१ बर्षीय विकी गोसाइँ आज मृत फेला परेका हुन् । सोही दिनदेखि बेपत्ता भएका उनी ६ दिनपछि गण्डक जाने बङ्गरी पुल नजिक मृत फेला परेको बाराका प्रहरी प्रवक्ता विजयराज पण्डितले जानकारी दिए । पुलबाट हामफालेका गोसाइँलाई सशस्त्र प्रहरी र नेपाली सेनाको गाताखोर टोलीको सहयोगमा खोजतलास गरिएको थियो ।      ...

पूर्णपुष्टि, असोज २४ । इजरायल र हमासबीच भएको युद्धविराम सम्झौतालाई इजरायली मन्त्रिपरिषद्ले स्वीकृत गरेको छ । यो निर्णयसँगै गाजा र इजरायल दुवैतर्फ खुशियाली छाएको छ । सम्झौताअनुसार इजरायली बन्धक र प्यालेस्टिनी कैदीहरूको साटासाट गरिनेछ । अमेरिकाले प्रस्तुत गरेको २० बुँदे शान्ति प्रस्तावको पहिलो चरणअन्तर्गत युद्धविराम छिट्टै प्रभावकारी हुनेछ । हमासले सोमवारदेखि नै इजरायली बन्धकहरू रिहा गर्न थाल्ने अपेक्षा गरिएको छ । गाजाका नागरिकहरू यस घटनाक्रमलाई उत्साहपूर्वक मनाइरहेका छन् । अमेरिकी राष्ट्रपति डोनल्ड ट्रम्पले बिहीवार सबै बन्धकहरू अर्को साताको सोमवार वा मंगलवारसम्ममा मुक्त गरिने बताएका थिए । युद्धविरामपछि गाजाको प्रशासन सम्हाल्न प्यालेस्टिनी प्राधिकरणले तयारी थालेको अन्तर्राष्ट्रिय समाचार संस्थाहरूले जनाएका छन् ।...

पूर्णपुष्टि, असोज २३ । उदयपुरमा विभिन्न जिल्ला कारागारबाट फरार भएका ९ जना कैदीलाई प्रहरीले पक्राउ गरेको छ । जिल्ला प्रहरी कार्यालय उदयपुरका एसपी राजन चापागाईका अनुसार जेन्जी पुस्ताद्धारा भएको आन्दोलन पश्चात फरार भएका कैदीहरुलाई भदौ र असोज महिनाको विभिन्न मितिमा पक्राउ गरिएको हो । पक्राउ पर्नेमा झुम्का कारागारबाट फरार भएका प्रविण सुन्दार÷धन बहादुर राई÷नरेश वि.क.÷योगेन्द्र राई, केन्द्रिय कारागार सुन्धाराबाट फरार ज्ञान बहादुर सार्की÷सन्त बहादुर राई, नक्खु कारागार ललितपुरबाट फरार दिले भन्ने दिलिप कार्कीसन्जिव अछामी भन्ने सन्जिव दर्जी, र जिल्ला कारागार बैतडीबाट फरार प्रेम बहादर तामाङ रहेको प्रहरीले जनाएको छ । पक्राउ परेका उनिहरु लागूऔषध, जबर्जस्ति करणी, कर्तव्य ज्यान, सवारी अंग भंग र डाका चोरी उधोग मुद्दामा कैद भुक्तान गरिरहेका थिए ।...