Breaking News 3

पूर्णपुष्टि, साउन २१ । विभिन्न महिला संघ तथा संगठनहरूले मुलुकी देवानी संहिता ऐन, २०७५ लाई संशोधन गरी बहुविवाहलाई कानूनी वैधता दिने सरकारको प्रस्ताव विरुद्ध जिल्ला प्रशासन कार्यालय उदयपुरमा ज्ञापनपत्र बुझाएका छन् । नेपाल महिला संघ जिल्ला समिति, अखिल नेपाल महिला संघ (अ.ने.म.संघ), अखिल नेपाल महिला संघ (क्रान्तिकारी), अखिल नेपाल महिला संघ (समाजवादी), जिल्ला महिला संगठन र अखिल महिला संघ क्रान्तिकारी जिल्ला समितिले बहुविवाहलाई कानूनी मान्यता दिने प्रस्तावलाई गैरजिम्मेवारपूर्ण, प्रतिगामी र महिला विरोधी भन्दै प्रमुख जिल्ला अधिकारी प्रेम प्रसाद लुईटेललाई ज्ञापन पत्र बुझाएको हो । ज्ञापनपत्र बुझ्दै प्रमुख जिल्ला अधिकारी प्रेम प्रसाद लुईटेलले प्रशासन कार्यालयमार्फत प्रधानमन्त्री कार्यालय र कानून न्याय तथा संसदीय मामिला मन्त्रालय, सिंहदरबार काठमाण्डौमा पठाइने बताउनुभयो । महिला अधिकारकर्मीहरूले...

पूर्णपुष्टि, साउन १९ । राष्ट्रिय परीक्षा बोर्डले सोमबार साँझ सार्वजनिक गरेको कक्षा १२ को परीक्षाको नतिजा अनुसार ६१.१७ प्रतिशत विद्यार्थी उत्तीर्ण भएका छन् । बोर्डका अनुसार ३८.८३ प्रतिशत विद्यार्थीको एनजी (नन ग्रेड) आएको छ । कक्षा १२ को परीक्षा गत वैशाख २१ गतेदेखि शुरू भएको थियो । यस परीक्षामा देशभरका पाँच हजार २०२ विद्यालयका विद्यार्थीहरू सहभागी भएका थिए । नियमित तर्फका विद्यार्थीहरूमध्ये एक लाख ९८ हजार ८७५ छात्र र एक लाख ९७ हजार १३ छात्रा गरी कुल तीन लाख ९५ हजार ९०८ परीक्षार्थी सहभागी भएका थिए । आंशिक तर्फका विद्यार्थीहरूको संख्या एक लाख १५ हजार ६१७ जना रहेको छ । यसरी नियमित र आंशिक दुवै तर्फका गरी कुल पाँच लाख ११ हजार ५२५ परीक्षार्थीले कक्षा १२ को परीक्षामा भाग लिएका थिए।...

पूर्णपुष्टि, साउन १९ । सरकारले वैदेशिक रोजगार ऐन २०६४ को संशोधन कार्य अन्तिम चरणमा पुर्‍याएको छ । श्रम, रोजगार तथा सामाजिक सुरक्षा मन्त्रालयले ८७ दफा रहेको यस ऐनका २३ दफामा संशोधन गर्ने तयारी गरेको हो । वैदेशिक रोजगार व्यवस्थापन महाशाखाका सहसचिव जीवलाल भुसालको संयोजकत्वमा गठित समितिले ऐन संशोधनको मस्यौदा तयार पारेको छ । हाल मन्त्रालयले यस मस्यौदाका विषयमा सरोकारवालाहरूसँग छलफल गरिरहेको छ । मुख्य विवादास्पद प्रस्ताव संशोधनको सबैभन्दा महत्त्वपूर्ण तर विवादास्पद प्रस्ताव व्यक्तिगत ठगीसँग सम्बन्धित दफा ४३ का मुद्दाको क्षेत्राधिकार परिवर्तन गर्ने विषय हो । वैदेशिक रोजगार विभागमा हाल करिब ३६ हजार मुद्दा थुप्रिएका छन् । यी मुद्दाहरूको समाधान गर्न वर्षौं लाग्ने देखिएपछि सरकारले व्यक्तिगत ठगीका मुद्दाको अनुसन्धान प्रहरीलाई र न्याय निर्णयन जिल्ला अदालतलाई गर्ने प्रस्ताव अघि बढाएको हो । हाल वैद...

पूर्णपुष्टि, साउन १९ । कोशी प्रदेशको झापा, मोरङ र धनकुटा जिल्लाबाट प्रतिवन्धित लागू–औषध सहित ५ जनालाई प्रहरीले पक्राउ गरेको छ । शनिबार बिषेश सुचनाको आधारमा विभिन्न स्थानबाट लागुऔषध सहित ५ जनालाई पक्राउ गरिएको कोशी प्रदेश प्रहरी कार्यालय बिराटनगरले जनाएको छ । कोशी प्रदेश प्रहरी कार्यालय बिराटनगरका प्रहरी प्रवक्ता (प्रहरी उपरीक्षक) दिपक पोखरेलका अनुसार इलाका प्रहरी कार्यालय शिवगञ्जबाट खटिएको प्रहरी टोलीले शिवसताक्षी नगरपालिका–५ का २९ बर्षीय राजेन्द्र कुमार ताजपुरीया र शिवसताक्षी–४ का २१ बर्षीय अजय ताजपुरियालाई ८ ग्राम ब्राउन सुगर सहित पक्राउ गरेको हो । त्यसैगरी लागू औषध नियन्त्रण ब्युरो विराटनगरको टोलीले विराटनगर–१५ स्थितबाट सुनसरी बराहक्षेत्र नगरपालिका–७ का ३२ बर्षीय मनोज बस्नेतलाई ३ ग्राम १०० मिलिग्राम ब्राउन सुगर र इलाका प्रहरी कार्यालय राजारानी धनकुटाले चौबिसे गाँउपालिका–६ का मुकेश...

पूर्णपुष्टि, १८ साउन । दिक्तेल रुपाकोट मझुवागढी नगरपालिकाका मेयर तिर्थराज भट्टराईको आन्दोलनमा लिम्चुङबुङ गाउँपालिकाले पनि ऐकबद्धता जनाएको छ । आईतबार पालिकाको अध्यक्ष मेजर कुमार राईले बिज्ञाप्ती जारी गर्दै मेयर भट्टराईको मागलाई सरकारले सम्बोधन गर्नु पर्ने भन्दै ऐकबद्धता जाहेर गरेको हो । भट्टराईले बाँदर लगायत अन्य बन्यजन्तुले कृषिमा गरेको आतंक, विश्वव्यापी जलबायुको असर, पर्यावरणीय संकट तथा वाँस, गाँजा लगायतका बनस्पती लगायत ७ बुद्धे माग सहितको अनसन सुरु गरेको थियो । उक्त माग र अनसनलाई समर्थन पालिकाले बिज्ञाप्तीनै जारी गरेर भट्टराईको उक्त कार्यलाई समर्थन गर्ने जनाएको हो । यस अघि मात्रै त्रियुगा नगरपालिकाका मेयर बसन्त कुमार वस्नेतले पनि मेयर भट्टराईको आन्दोलनलाई ऐकबद्धता जनाएको थियो ।...

पूर्णपुष्टि, १८ साउन । खोटाङको दिक्तेल रुपाकोट मजुवागढी नगरपालिकाको मेयर तिर्थराज भट्टराईको आन्दोलनमा त्रियुगा नगरपालिका गाईघाटका मेयर वसन्त वस्नेतले ऐकबद्धता जनाएको छ । स्थानीय कच्चा पदार्थ सहज रुपमा प्रयोग गर्न पाउनुपर्ने माग गर्दै मेयर भट्टराई काठमाण्डौँको माईतिघर मण्डलामा अमरन अनसन बसिरहेको छ । उनले स्थानीय स्रोत साधनको उचित उपयोग गर्न पाउन माग गर्दै साउन ११ गतेबाट अमरन अनसन सुरु गरेको हो । उनले बाँदर लगायत अन्य बन्यजन्तुले कृषिमा गरेको आतंक, विश्वव्यापी जलबायुको असर, पर्यावरणीय संकट तथा वाँस, गाँजा लगायतका बनस्पती लगायत ७ बुद्धे माग सहितको अनसन सुरु गरेको हो । उक्त माग र अनसनलाई समर्थन गर्दै मेयर वस्नेतले पनि ऐकबद्धता जनाएको हो । वस्नेतले प्रेस बिज्ञाप्तीनै जारी गरेको भट्टराईको उक्त कार्यलाई समर्थत जनाएको हो ।...

पूर्णपुष्टि, १८ साउन । उदयपुरका पत्रकार राकेश नेपापली माथीको दुर्व्यवहारलाई लिएर नेपाल पत्रकार महासंघ उदयपुर र प्रेस सेन्टर उदयपुरले आपत्ति जनाएको छ । रास्वपा त्रियुगा नगर अधिवेशनको समचार संकलन गर्न गएका नेपाली माथी ‘रास्वपाकी नेतृ सरिन तामाङले अधिवेशन स्थलमै क्यामेरा खोस्नुका साथै फोटो खिच्नसमेत अअवरोध गरेको नेपालीको भनाई छ । उक्त घटनाप्रति महासंघ र प्रेस सेन्टर उदयपुरले घोर निन्दा गरेको छ । जारी गरिएको विज्ञप्तिमा भनिएको छ, ‘सञ्चारकर्मीमाथि हुने यसप्रकारको अपमान र दुर्व्यवहारप्रति सेन्टर खेद प्रकट गर्दछ । कुनै पनि बहानामा पत्रकारलाई अपमान, दुर्व्यवहार गर्दै हतोत्साहित गर्नु र गराउनु प्रेस स्वतन्त्रतामाथिको ९खुल्ला र चुनौतीपूर्ण० प्रहार र प्रतिशोध हो भन्ने प्रेस सेन्टरको ठहर हो ।’ सेन्टरले घटनाको निष्पक्ष छानबिन गर्न र दोषीमाथि कडा कानुनी कारबाही गरी सिंगो प्रेस जगतलाई पेसाप्रति प्रत्...

पूर्णपुष्टि, १८ साउन । उदयपुरकै प्रमुख पर्यटक तथा धार्मिक स्थल रौता पोखरीमा माओवादीले श्रम तथा सरसफाई अभियान चलाएको छ । रौतामाई गाउँपालिकाको नेकपा माओवादी केन्द्र वडा नं ६ वडा कमिटिको आयोजनामा शनिवार रौता पोखरीमा श्रम तथा सरसफाई अभियान संञ्चालन गरेको हो । अभियानमा पार्टीका नेता तथा कार्यकर्ताहरु सहित स्थानीयहरुको उपस्थिति रहेको थियो । स्थानीयवासी तथा माओवादी केन्द्र उदयपुर जिल्ला पार्टी सदस्य समेत रहेका युवा नेतृत्व शुक्र राईको अगुवाईमा अभियान संञ्चालन भएको हो । उनिहरुले अभियानमा बिभिन्न तिन महत्वपूर्ण काम गरेको छ । जस अन्तर्गत रौता पोखरी नजकि नेपालको झण्डा गाडिएको छ भने बृक्षा रोपन सँगै पोखरी आसपासका फोहोरहरु सरसफाई गरिएको छ । बिषेश तया पोखरी नजिक रहेको सिडी र कंक्रिट निर्माणमा फलाएको फोहोरहरुलाई सरसफाई गरिएको छ । त्यस्तै आसपासका अनावश्यक झारपातहरुलाई व्यवस्थापन गरिएको छ । झरीका...

पूर्णपुष्टि, साउन ११ । झापाको भद्रपुर नगरपालिका–५ बाट प्रहरीले गोली प्रहार गरी लागुऔषध कारोबारमा संलग्न एक भारतीय नागरिकलाई पक्राउ गरेको छ । पक्राउ पर्नेमा भारत किसनगंज कोल्लिकोटका ३६ वर्षीय मोहमद इस्लाम रहेका छन् । कोशी प्रदेश प्रहरी कार्याल्य बिराटनगरका अनुसार शनिबार दिउँसो विशेष सूचनाको आधारमा जिल्ला प्रहरी कार्यालय झापा र लागुऔषध नियन्त्रण ब्यूरो काँकरभिट्टाबाट खटिएको संयुक्त प्रहरी टोलीले चेकजाँचको क्रममा इस्लामको साथबाट १०७ ग्राम १०० मिलिग्राम ब्राउन सुगर बरामद गरेको थियो । प्रहरीका अनुसार लागुऔषध बरामद भएपछि इस्लामलाई नियन्त्रणमा लिने क्रममा उनले प्रहरीलाई नै हातपात गरेका थिए । आत्मरक्षाका लागि प्रहरीले दुई राउन्ड गोली प्रहार गर्न बाध्य भएको जनाएको छ । इस्लामको बायाँ खुट्टाको घुँडामुनि गोली लागेको प्रहरीले जनाएको छ । गोली लागेर घाइते भएका इस्लामको प्रहरीको निगरानीमा बि.पि. कोइ...

पूर्णपुष्टि, साउन ८ । सुनसरीको देवनगंज गाउँपालिका–३ मा जग्गाको लागी छुरा प्रहार गरी बुबाको हत्या गर्ने एक व्यक्तिलाई प्रहरीले पक्राउ गरेको छ । कोशी प्रदेश प्रहरी कार्यालय बिराटनगका अनुसार बुधबार बिहान ७ बजेको समयमा जग्गाको विषयमा विवाद हुँदा स्थानिय ४० बर्षीय मोहम्मद रियाज अंसारीले आफ्नै बुबा ६० बर्षीय सबिब अंसारीलाई छुरा प्रहार गरी हत्या गरेको हो । छोराको छुरा प्रहारबाट गम्भिर घाईते भएका बुबालाई तत्काल उपचारको लागी गोल्डेन अस्पताल विराटनगर लगिएकोमा उपचारको क्रममा मृत्यु भएको प्रहरीले जनाएको छ । घटनामा संलग्न अंसारीलाई जिल्ला प्रहरी कार्यालय सुनसरीले पक्राउ गरी घटना सम्वन्धमा थप अनुसन्धान तथा आवश्यक कानूनी कारवाही गरिरहेको प्रहरीले जनाएको छ ।...