राजनीति

पूर्णपुष्टि, साउन १० । कोशी प्रदेशमा मन्त्रिमण्डल पुनर्गठनको तयारी भइरहेको छ। केन्द्रमा सत्ता समीकरण परिवर्तन भएसँगै प्रदेशमा पनि त्यसको प्रभाव देखिन थालेको हो। हालका माओवादी मन्त्रीहरू अझै सरकारमा कायम रहेका छन् भने कांग्रेस सरकारमा प्रवेश गर्ने तयारीमा रहेको देखिन्छ। बुधवार बसेको मन्त्रिपरिषद् बैठकमा माओवादी मन्त्रीहरूले आफ्नो भविष्यबारे चासो राखेका थिए। तर मुख्यमन्त्री हिक्मत कार्कीले उनीहरूलाई हतार नगर्न र आ–आफ्नो काममा लाग्न निर्देशन दिएका छन्। भौतिक पूर्वाधार विकास मन्त्री गणेश उप्रेतीका अनुसार ‘हामीले राजीनामाको प्रेसर बढेको छ भनेको उहाँले प्रेसरको औषधि खानुहोस् भन्नुभयो।’ मुख्यमन्त्री कार्कीले कांग्रेसलाई चार मन्त्रालय दिने तयारी गरेका छन्। तर कांग्रेस भित्रै मन्त्री छनोटमा सहमति जुट्न नसक्दा सरकारमा प्रवेश गर्न ढिलाइ भएको कांग्रेस संसदीय दलका नेता उद्धव थापाले बताए। कांग्रेस...

पूर्णपुष्टि, साउन ९ । नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल (प्रचण्ड) ले अब सरकारमा जानुभन्दा जनतामा जाने र पार्टीलाई एकतावद्ध एवं सुदृढ बनाउनेतर्फ ध्यान केन्द्रित गर्ने बताएका छन्। बुधवार पार्टी मुख्यालय पेरिसडाँडामा आयोजित नेपाल कम्युनिष्ट पार्टीका संस्थापक सदस्य नरबहादुर कर्माचार्यको ११ औं स्मृति सभालाई सम्बोधन गर्दै उनले यो कुरा बताएका हुन्। प्रचण्डले माओवादी पार्टी परिवर्तनको साथै सुशासन र समृद्धिको एजेण्डाको जननी भएको उल्लेख गर्दै जनतामा यो कुरा स्थापित गर्न आवश्यक रहेको बताए। उनले वर्तमान सत्ता गठबन्धन षड्यन्त्रमूलक, अपारदर्शी र बिचौलियाको पहलमा बनेको आरोप लगाए। पूर्व प्रधानमन्त्री प्रचण्डले आफ्नो नेतृत्वको सरकारले भ्रष्टाचारमा संलग्न दुई जनालाई गिरफ्तार गरेपछि बिचौलियाहरू तिलमिलाएको दाबी गरे। उनले सुशासन, सामाजिक न्याय र समृद्धिका लागि आफूहरूल...

पूर्णपुष्टि, साउन ९ । नेकपा एमाले लुम्बिनी संसदीय दलका नेता लीला गिरीले आफ्नो पदबाट राजीनामा दिएका छन्। गिरीले मंगलबार पार्टी अध्यक्ष केपी शर्मा ओलीलाई राजीनामा पठाएका थिए, जसलाई बुधबार सार्वजनिक गरिएको छ। गिरीले राजीनामाको कारण खुलाउँदै भने, ‘विधि र प्रक्रिया मिचिएपछि जिम्मेवारी अनुसारको पदमा बस्न उचित नलागेर राजीनामाको निर्णय गरेको हुँ।’ उनले मुख्यमन्त्री नियुक्तिमा संसदीय विधि र पद्धतिभन्दा बाहिर गएर निर्णय भएको बताए। यस घटनाले एमालेभित्र असन्तुष्टि देखिएको छ। पार्टीको कुनै कमिटी बैठकबाट निर्णय नगरी सिधै केन्द्रीय निर्देशनबाट मुख्यमन्त्री नियुक्ति गरिएको भन्ने आरोप लागेको छ। महासचिव शंकर पोखरेलले प्रदेश कमिटी अध्यक्षलाई फोन गरी उपनेता चेतनारायण आचार्यलाई मुख्यमन्त्रीका लागि सिफारिस गर्न निर्देशन दिएका थिए ।...

पूर्णपुष्टि, साउन ७ ।  प्रधानमन्त्री केपी शर्मा ओलीले नेपाल र भारतबीचको सीमा विवाद वार्ता र कूटनीतिक माध्यमबाट समाधान गरिने बताएका छन्। प्रतिनिधिसभाको सोमबारको बैठकमा सांसद दीपकबहादुर सिंहको प्रश्नको जवाफ दिँदै प्रधानमन्त्री ओलीले यो कुरा उल्लेख गरेका हुन्। प्रधानमन्त्री ओलीले सुगौली सन्धि, विभिन्न नक्सा, ऐतिहासिक तथ्य तथा प्रमाणका आधारमा सीमा समस्यालाई भारत सरकारसँग वार्ता र कूटनीतिमार्फत समाधान गर्ने सरकारको निरन्तर अडान र प्रतिबद्धता रहेको बताए। उनले लिम्पियाधुरा, कालापानी र लिपुलेक लगायत महाकाली नदी पूर्वका सबै भूभाग नेपालको भएको कुरामा सरकार दृढ र स्पष्ट रहेको जानकारी दिए। नेपाल र भारतका प्रधानमन्त्रीबीच भएका भेटवार्तामा समेत सीमासम्बन्धी विषयलाई स्थापित कूटनीतिक संयन्त्रहरूमार्फत समाधान गर्ने समझदारी भएको प्रधानमन्त्री ओलीले उल्लेख गरे। यसैगरी, हालै सम्पन्न परराष्ट्रमन्त्रीस्तर...

पूर्णपुष्टि, साउन १ । प्रधानमन्त्री केपी शर्मा ओलीले आफ्नो नेतृत्वको वर्तमान सरकारले सबै क्षेत्रमा सकारात्मक परिणाम ल्याउने प्रतिबद्धता व्यक्त गरेका छन्। मंगलबार बालुवाटारस्थित सरकारी निवासमा आयोजित एक कार्यक्रममा बोल्दै प्रधानमन्त्री ओलीले भ्रष्टाचार नियन्त्रण, विकास निर्माण, र जनतालाई राहत दिने विषयमा सरकारले ठोस काम गर्ने बताए। "नेपाली जनतामा जुन विश्वास जागेको छ, आशा र भरोसा जागेको छ, त्यसमा मेरो ध्यान गएको छ," प्रधानमन्त्री ओलीले भने। उनले कठिनाइमा परेका जनताको हित, सुशासन र विकासका लागि सरकार प्रतिबद्ध रहेको उल्लेख गर्दै सबैलाई आश्वस्त हुन आग्रह गरे। प्राकृतिक विपत्तिबाट भएको क्षतिलाई सरकारले गम्भीरतापूर्वक लिएको र आवश्यक राहत व्यवस्था मिलाउने काम अघि बढाइएको जानकारी दिँदै प्रधानमन्त्रीले नयाँ सरकार गठन भएपछि देशभर आशा र भरोसाको वातावरण सिर्जना भएको दाबी गरे। प्रधानमन्त्री ओलीले आ...

पूर्णपुष्टि, असार १ ।  केपी शर्मा ओली नेतृत्वको नयाँ सरकारले पहिलो दिनमै मन्त्रिपरिषद्लाई पूर्णता दिएको छ। प्रधानमन्त्री ओलीसहित २२ जना मन्त्रीले एकैसाथ शपथ लिएका छन्। यस मन्त्रिपरिषद्मा कांग्रेस र एमालेका साथै जसपा र लोसपा पनि सहभागी छन्। नवगठित मन्त्रिपरिषद्मा दुई उपप्रधानमन्त्री छन् - कांग्रेसका प्रकाशमान सिंह–सहरी विकास) र एमालेका विष्णु पौडेल (अर्थ)। अन्य प्रमुख मन्त्रीहरूमा कांग्रेसबाट रमेश लेखक (गृह), आरजु राणा (परराष्ट्र), प्रदीप पौडेल (स्वास्थ्य), र एमालेबाट मनवीर राई (रक्षा), पृथ्वी सुब्बा गुरुङ (सञ्चार) रहेका छन्। तर, २२ सदस्यीय मन्त्रिपरिषद्मा महिला र दलित समुदायको प्रतिनिधित्व न्यून भएको भन्दै आलोचना भइरहेको छ। केवल दुई जना महिला मन्त्री - कांग्रेसकी आरजु राणा र एमालेकी विद्या भट्टराईको नियुक्तिले समावेशिताको प्रश्न उठाएको छ। त्यसैगरी, दलित समुदायबाट कुनै प्रतिनिधित्व नभएकोल...

पूर्णपुष्टि, साउन १ । कोशी प्रदेशका मुख्यमन्त्री हिक्मतकुमार कार्की र माओवादी केन्द्र कोशी प्रदेश संसदीय दलका नेता इन्द्रबहादुर आङ्बोबीच आइतबार साँझ भएको छलफलले प्रदेश सरकारको भविष्यबारे अन्योल कायमै राखेको छ। केन्द्रमा नयाँ गठबन्धन बनेपछि प्रदेश सरकारमा माओवादी मन्त्रीहरूको भविष्यबारे चर्चा भए पनि ठोस निर्णय भएको छैन। मुख्यमन्त्री कार्कीले तत्काल माओवादी मन्त्रीहरूलाई नहटाउने इच्छा राखेको स्रोतले जनाएको छ। विगतमा गरिएको प्रतिबद्धता र संवैधानिक जटिलताका कारण मुख्यमन्त्री कार्की दुविधामा परेको बुझिएको छ। उनी संविधानको धारा १६८ (५) लाई दोस्रो पटक प्रयोग गरी मुख्यमन्त्री बनेका हुन्, जसले गर्दा अदालतबाट प्रदेश सभा विघटन हुने चिन्ता छ। केन्द्रमा एमाले र कांग्रेसबीच कोशी प्रदेशमा वर्तमान सरकारलाई निरन्तरता दिने सहमति भएको बताइएको छ। यसले गर्दा कांग्रेसलाई समेट्नुपर्ने बाध्यता मुख्यमन्त्री ...

पूर्णपुष्टि, साउन १ । नेपालमा फेरि एकपटक संविधानको चीरहरण र राजनीतिक अस्थिरताको खतरा बढेको विश्लेषकहरूले चेतावनी दिएका छन्। हालै गठित नयाँ सरकार संविधानको स्पष्ट व्यवस्थालाई उल्लंघन गरेर बनेको आरोप लागेको छ। संविधानविद् तथा राजनीतिक विश्लेषक एक जनाले भने, ‘संविधानको धारा ७६(३) अनुसार दुई वा दुईभन्दा बढी दलको समर्थनमा बनेको सरकारले विश्वासको मत लिन असफल भएमा संसदको ठूलो दलको नेतालाई प्रधानमन्त्री नियुक्त गर्नुपर्ने व्यवस्था छ। तर यसपटक त्यसो नगरी दुई ठूला दलको सम्झौताका आधारमा सरकार गठन गरिएको छ।’ उनले थपे, ‘यसअघि पनि संसद विघटन, संवैधानिक नियुक्तिमा अनियमितता जस्ता घटनाहरू भएका थिए। अहिले पनि संविधान संशोधनको नाममा समावेशिता, संघीयता, धर्मनिरपेक्षता जस्ता संवैधानिक मूल्यमाथि प्रहार हुनसक्ने आशंका छ।’ राजनीतिक विश्लेषक अर्का एक जनाले भने, ‘पटक–पटक सरकार परिवर्तन र गठबन्धन फेरबदलले राज...

पूर्णपुष्टि, असार २६ । राष्ट्रिय स्वतन्त्र पार्टी (रास्वपा) मा ठूलो उथलपुथल मच्चिएको छ। पार्टीका महामन्त्री तथा प्रवक्ता डा. मुकुल ढकाललाई सबै पदबाट हटाइएको छ। मंगलबार बसेको केन्द्रीय समितिको बैठकले ढकाललाई महामन्त्री, प्रवक्ता र केन्द्रीय सदस्य पदबाट बर्खास्त गर्दै साधारण सदस्यमा सीमित गर्ने निर्णय गरेको हो। पार्टीका कार्यवाहक प्रवक्ता मनीष झाका अनुसार ढकालमाथि पार्टी सञ्चालन गर्न अक्षम, अनुशासनहीन, अराजनीतिक र अभद्र व्यवहार गरेको आरोप लगाइएको छ। यसअघि असार १९ मा उनलाई एक साताका लागि निलम्बन गरिएको थियो। यो कारबाहीको पृष्ठभूमिमा ढकालले सभापति रवि लामिछानेलाई बुझाएको समीक्षा यात्रा प्रतिवेदन रहेको देखिन्छ। उक्त प्रतिवेदनमा पार्टी र सभापतिको कार्यशैलीप्रति कडा आलोचना गरिएको थियो। ३८ जिल्लाको भ्रमणपछि तयार पारिएको यो प्रतिवेदनमा सभापति लामिछानेको व्यवहार, पार्टी सञ्चालन र विभिन्न मुद्दाहरूम...

पूर्णपुष्टि, असार २३ । नेपालको वैदेशिक रोजगार नीतिमा ठूलो परिवर्तन हुनसक्ने संकेत देखिएको छ। श्रम, रोजगार तथा सामाजिक सुरक्षामन्त्री डोलप्रसाद अर्यालले हाल कार्यान्वयनमा रहेको ‘फ्रि भिसा–फ्रि टिकट’ नीति उल्ट्याउने प्रस्ताव गरेका छन्, जसले गम्भीर विवाद निम्त्याएको छ। राष्ट्रियसभा बैठकमा बोल्दै मन्त्री अर्यालले म्यानपावर व्यवसायीहरूलाई थप सेवा शुल्क असुल्न दिनुपर्ने तर्क अघि सारे। उनका अनुसार वर्तमान नीतिले गर्दा सरकारले कर गुमाइरहेको छ र व्यवसायीहरूले वैध रूपमा आम्दानी गर्न पाएका छैनन्। यो प्रस्तावले विभिन्न पक्षबाट तीव्र प्रतिक्रिया जन्माएको छ। श्रम अधिकारकर्मीहरूले यसले श्रमिकहरूमाथि थप आर्थिक बोझ पार्ने चेतावनी दिएका छन्। अर्कोतर्फ, म्यानपावर व्यवसायीहरूले यस प्रस्तावलाई स्वागत गरेका छन्। श्रम मन्त्रालयले यस नीतिगत परिवर्तनको गृहकार्य गरिरहेको बताइएको छ। तर हालैको सरकार परिवर्तनका ...