समाचार

पूर्णपुष्टि, २२ साउन । जिल्ला ट्राफिक प्रहरी कार्यालय उदयपुरमा कार्यरत प्रहरी हवल्दार शम्भु थापा असार महिनाको उत्कृष्ट प्रहरी (पोलिस अफ द मन्थ) घोषित भएको छ । थापाले ट्राफिक व्यवस्थापन सँगै दुर्घटना न्युनिकरणमा अहम भुमिका खेलेको उल्लेख गर्दै २०८१ असार महिनाको उत्कृष्ट प्रहरी घोषित गरेको हो । नेपाल प्रहरीले निर्दिष्ट गरेको निति, निर्देशन एवम् संगठनको मूल्य मान्यतालाई शिरोधार गरी तोकेको जिम्मेवारी उत्कृष्ट व्यवसायी तथा नैतिक अनुशासन तरिकाले पुरा गरेको भन्दै थापालाई उत्कृष्ट प्रहरी घोषित गरिएको उल्लेख छ । २ बर्षदेखी उदयपुरमा कार्यरत थापाले दुर्घटना न्युनिकरणका लागि सरोकारवालाहरु सँग आवश्यक समन्वयको गरी जेब्रा क्रसिङ, होर्डिङ बोर्ड, सिसिटिभी, जिपिएस र डिजिटल ट्राफिक लाईट जडान जस्ता कार्यमा भुमिका खेलेका थिए । यो सँगै सवारी दुर्घटना गराई गैरकानुनी गतिविधिमा संलग्नलाई समेत थापाले नियन्त्...

पूर्णपुष्टि, साउन २२ । सप्तरीको शम्भुनाथ नगरपालिकास्थित रुपनी बजारमा सोमबार साँझदेखि मंगलबार बिहानसम्म अत्यधिक वर्षा भएको छ। जल तथा मौसम विज्ञान विभागका अनुसार एक घण्टाको अवधिमा ७० मिलिमिटर वर्षा मापन गरिएको छ। यो मात्रा सन् १९९३ मा कुलेखानीमा भएको क्लाउड बर्स्ट (आरीघोप्टे वर्षा) को ६५ मिलिमिटर भन्दा पनि बढी हो। यसैगरी, गत असारमा कञ्चनपुरको हनुमाननगरमा २४ घण्टामा भएको ४४.२ मिलिमिटर वर्षाको रेकर्डलाई पनि यसपटकको वर्षाले पछि पारेको छ। प्रमुख जिल्ला अधिकारी मेखबहादुर मंग्रातीका अनुसार अत्यधिक वर्षा भए पनि जिल्लामा कुनै उल्लेख्य क्षति भएको छैन। साना खोलानालाहरुमा बाढी आएको र कोशी नदीको बहाव सामान्य रहेको जानकारी दिइएको छ। सप्तरी प्रहरीका सूचना अधिकारी अवधेश यादवले पनि जिल्लामा वर्षाका कारण डुबान, कटान वा अन्य प्रकारको कुनै क्षति नभएको पुष्टि गरेका छन्।यसैबीच, काठमाडौंमा भने एक घण्टामा २० मिल...

पूर्णपुष्टि, साउन २२ । नेपाल विद्युत् प्राधिकरणका कार्यकारी निर्देशक कुलमान घिसिङलाई कारबाही गरे आन्दोलन गर्ने तामाङ राष्ट्रिय मुक्ति मोर्चा नेपालले चेतावनी दिएको छ। मोर्चाका केन्द्रीय अध्यक्ष डिल्लीमान तामाङ र महासचिव लिलाकुमार घलानद्वारा हस्ताक्षरित विज्ञप्तिमा उल्लेख गरिए अनुसार डेडिकेटेड र ट्रंकलाइन सुविधा लिएर प्रिमियम शुल्क नतिरेका उद्योगीहरूको बाँकी बक्यौता असुल गर्न पहल गरिरहेका घिसिङलाई कारबाही, पदमुक्त वा अन्य कुनै प्रक्रिया अगाडि बढाइए आन्दोलनमा उत्रिने जनाइएको छ। मोर्चाले घिसिङको योगदानलाई स्मरण गर्दै उनले मुलुकलाई लोडसेडिङको कहालीलाग्दो युगबाट मुक्त गराएको, विद्युत् निर्यातबाट वैदेशिक मुद्रा आर्जन गरेको र विद्युत् महसुल नतिर्ने उद्योगको झण्डै २२ अर्ब बक्यौता रकम असुलीको लागि प्रयास गरिरहेको उल्लेख गरेको छ। साथै, मोर्चाले प्राधिकरणको बक्यौता नतिरेका उद्योगीहरूले नतिरेसम्म आम ...

पूर्णपुष्टि, साउन २२ ।  जल तथा मौसम विज्ञान विभागले आगामी २४ घण्टामा देशका विभिन्न भागमा अति भारी वर्षाको पूर्वानुमान गरेको छ। मौसम पूर्वानुमान महाशाखाका अनुसार कोशी, बागमती, गण्डकी र लुम्बिनी प्रदेशका केही स्थानमा धेरै भारी वर्षाको सम्भावना रहेको छ। विशेष गरी रातको समयमा बागमती, गण्डकी, लुम्बिनी र सुदूरपश्चिम प्रदेशका एक-दुई स्थानमा अति भारी वर्षा हुने अनुमान गरिएको छ। महाशाखाले २४ घण्टामा २०० मिलिमिटरभन्दा बढी वर्षालाई अति भारी वर्षाको रूपमा परिभाषित गरेको छ। यस्तो अत्यधिक वर्षाले बाढी र पहिरोको जोखिम बढाउने भएकोले महाशाखाले सर्वसाधारणलाई सतर्क रहन अपिल गरेको छ। मनसुन न्यून चापीय रेखा नेपालको नजिक आएकाले बुधबारसम्म मनसुन सक्रिय रहने र यो समय अति जोखिमपूर्ण हुने जनाइएको छ। महाशाखाले जारी गरेको विशेष बुलेटिनमा सम्भावित प्राकृतिक प्रकोपको सामना गर्न तयार रहन समेत आग्रह गरिएको छ। नागरिकहरू...

पूर्णपुष्टि, साउन २२ ।  प्रेस सेन्टर नेपालले प्रेस काउन्सिल नेपालले गरेको आर्थिक वर्ष २०७८/७९ को पत्रपत्रिका वर्गीकरण तथा मूल्यांकनको प्रारम्भिक नतिजाप्रति गम्भीर आपत्ति जनाएको छ। प्रेस सेन्टर नेपालका महासचिव सन्तोष पौडेलले सोमबार एक विज्ञप्ति जारी गर्दै यो वर्गीकरण पूर्वाग्रही र तथ्यहीन रहेको आरोप लगाएका छन्। विज्ञप्तिमा उल्लेख भए अनुसार, विगतमा क र ख वर्गमा परेका र निरन्तर सोही मापदण्ड अनुसार प्रकाशित जनपक्षीय पत्रिकाहरूलाई छानी-छानी तल्लो वर्गमा झारिएको छ। साथै, उस्तै मापदण्ड भएका अन्य पत्रिकाहरूलाई माथिल्लो वर्गमा राखिएको दाबी गरिएको छ। प्रेस सेन्टर नेपालले यो वर्गीकरण राजनीतिक पूर्वाग्रहप्रेरित रहेको ठहर गरेको छ। विज्ञप्तिमा भनिएको छ, "साना लगानीका मिडिया र स्वरोजगारमूलक मिडियाहरूलाई टिकाउन मुख्य आधार बनेको सरकारद्वारा प्रदान गरिने लोककल्याणकारी विज्ञापनको लागि बनाइएको मापदण्ड पूरा ...

पूर्णपुष्टि, साउन २२ । उदयपुरमा अटो दुर्घटना हुँदा एक बालिकाको मृत्यु भएको छ । जिल्लाका चौदण्डीगढी नगरपालिका–८ सिद्धिपुरमा अटो दुर्घटना हुँदा खोटाङ बाराहापोखरी गाउँपालिका–५ की १३ वर्षीया साहारा मगरको मृत्यु भएको हो । इलाका प्रहरी कार्यालय बेल्टारका अनुसार आइतबार दिउँसो कोशीपारीबाट बेल्टार आउने क्रममा चौदण्डीगढी–८ बेसारेमा प्र–००२–००४ ह ४०८१ नम्बरको अटो दुर्घटना भएको थियो। घाइते बालिकालाई तत्काल उद्धार गरी न्यूरो अस्पताल विराटनगर लगिएको थियो, जहाँ उपचारको क्रममा सोमबार बिहान उनको मृत्यु भएको प्रहरीले जनाएको छ। प्रहरीका अनुसार बेसारे स्थित सानो खोल्सीमा अप्ठ्यारो बाटो देखिएपछि चालक हरिबहादुर राईले अटो रोकी बाटो हेर्न गएको बेला दुर्घटना भएको हो। ३५ वर्षीय चालक राई हाल प्रहरी नियन्त्रणमा रहेका छन्। प्रहरीले चालक विरुद्ध थप अनुसन्धान गरिरहेको जनाएको छ।...

पूर्णपुष्टि, साउन २२ । उदयपुरमा लागुऔषध सहित एक युवालाई प्रहरीले पक्राउ गरेको छ । पक्राउ पर्नेमा त्रियुगा नगरपालिका–९ बस्ने २७ बर्षीय पंकज बस्नेत रहेका छन् । कोशी प्रदेश प्रहरी कार्यालय बिराटनगरका अनुसार त्रियुगा नगरपालिका–६ लालपत्ताबाट खटिएको प्रहरी टोलीले देश २–०१–००१प २२२७ नम्वरको स्कुटर चालक बस्नेतलाई चेकजाँच गर्ने क्रममा प्रतिबन्धित ३० एम्पुल, ४४ पिस क्यापसुल सहित पक्राउ गरेको हो । पक्राउ परेका उनको सम्बन्धमा जिल्ला प्रहरी कार्यालय उदयपुरबाट आवश्यक थप अनुसन्धान भईरहेको कोशी प्रदेश प्रहरी कार्यालय बिराटनगरले जनाएको छ ।    ...

पूर्णपुष्टि, साउन २२ । उदयपुरमा विभिन्न मुद्धाका ४ जना फरार प्रतिवादीलाई प्रहरीले पक्राउ गरेको छ । पक्राउ पर्नेहरुमा त्रियुगा नगरपालिका–२ घर भई हाल वडा नं. ११ बस्ने ५६ बर्षीय धर्म उप्रेती, त्रियुगा नगरपालिका–२ घर भई हाल वडा नं. ११ बरुवाधार बस्ने २८ बर्षीय के. के. डन भन्‍ने किशोर मगर, त्रियुगा नगरपालिका–३ बस्ने मिन्टु मिश्र र त्रियुगा नंगरपालिका–२ बस्ने ३५ बर्षीया उर्मिला सहनी रहेका छन् । जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार उदयपुर जिल्ला अदालतले सार्वजनिक अपराध मुद्दामा धर्म उप्रेतीलाई रु. १,५००, किशोर मगरलाई रु. १,०००, कुटपिट मुद्दामा मिन्टु मिश्रलाई रु. ५०० र गाली बेइज्जती मुद्दामा उर्मिला सहनीलाई  रु. १२५ जरिवाना तोकिएको थियो। पक्राउ परेका उनिहरुलाई फैसला कार्यान्वयनका लागि जिल्ला अदालतमा पठाइएको प्रहरीले जनाएको छ।  ...

पूर्णपुष्टि, साउन २२ । उदयपुरमा लागुऔषध सहित २ युवकलाई प्रहरी पक्राउ गरेको छ । पक्राउ पर्नेहरूमा त्रियुगा नगरपालिका-११ का २७ वर्षीय चन्द्र बहादुर खत्री र त्रियुगा नगरपालिका-१० बोक्सेका २३ वर्षीय दिप मगर रहेका छन्। जिल्ला प्रहरी कार्यालय उदयपुरका प्रहरी नायव उपरिक्षक राजन चापागाईका अनुसार  जिप्रका बाट खटिएको टोलीले आइतबार त्रियुगा नगरपालिका वडा नं. ११ चप्पनबाट २०१ एम्पुल प्रतिबन्धित लागुऔषधसहित दुई जनालाई पक्राउ गरेको हो।  मोटरसाइकलमा लागुऔषध ल्याउँदै गरेको विशेष सूचनाको आधारमा त्रियुगा नगरपालिका-६ जलजलेमा सवारी साधन रोकी चेकजाँच गर्न खोज्दा आरोपीहरूले प्रहरी जवान दिपक राईलाई ठक्कर दिई भागेका थिए। त्यसपछि प्रहरीले पछ्याउँदै गई उनीहरूलाई चप्पनबाट पक्राउ गरिएको डिएसपी चपागाईले बताए । पक्राउ परेकाहरूबाट फेनारगन ६७, बुप्रेनोर्फिन ६७, र डाइजेपाम ६७ एम्पुल गरी कुल २०१ एम्पुल प्रतिबन्धित लागुऔषध...

पूर्णपुष्टि, साउन २२ । उदयपुरमा प्रहरीले लागुऔषधसहित दुई युवकलाई पक्राउ गरेको छ। पक्राउ पर्नेहरूमा त्रियुगा नगरपालिका वडा नं. ४ बगाहा बस्ने ३१ बर्षीय बिबेक थापा र ३२ बर्षीय किरण अधिकारी रहेका छन्। जिल्ला प्रहरी कार्यालय उदयपुरका डिएसपी राजन चापागाईका अनुसार आइतबार त्रियुगा नगरपालिका–६ लालपत्तामा सवारी साधन चेकजाँचको क्रममा उनीहरूलाई पक्राउ गरिएको हो। निजहरु सवार भएको बा ७३ प ५२१९ नम्बरको R15 मोटरसाइकललाई रोकी चेकजाँच गर्दा एयर फिल्टरमा लुकाई छिपाई राखेको ७५ एम्पुल प्रतिबन्धित लागुऔषध बरामद भएसँगै चालक थापा र पछाडी सवार अधिकारीलाई नियन्त्रणमा लिईएको डिएसपी चापागाईले बताए । बरामद भएका लागुऔषधमा फेनारगन २५, बुप्रेनोर्फिन २५ र डाइजेपाम २५ एम्पुल रहेका छन्। पक्राउ परेका उनिहरुको सम्बन्धमा आवश्यक थप अनुसन्धान भईरहेको प्रहरीले जनाएको छ।...